بشكارتي الجديده وصلت ..لكن..

[حمامة نودي نودي]

السلام عليكم يا ملكاتي و اميراتي العزيزات..
شورو علي الله يخليكم
البشكاره الجديده توها واصله و انا قمت فتشت شنطتها من وراها و لقيت.. حبوب لونهم ابيض و اسود و مسحوق بودره لونه اصفر
مادري شاسوي
انا رديتهم مكانهم في شنطتها ..بس ابا اشلهم عنها شاسوي
شقايل اسألها عنهم
خبروني جزاكم الله الف خير
عندي بعد بشكارتي الجديمه موجوده و بتسافر عقب 3 اسابيع

هل اسال بشكارتي الجديمه عن هالحبوب و البودره؟ او اني اخذهم عن البشكاره اليديده بدون ما تحس..بتتحرى عمرها ضيعتهم
و شي بعد افلام مال كيمرا وياها.. خبروني... شاسوي؟؟؟؟؟؟؟؟

 

[اهات الصمت]

شو تسوين ؟؟

حبيبتي شو تترين؟؟
تتريينها تشربكم البودره ولا شو يعني
اخذيهم منها جدام عيونها

واجههيا اذا ما طاعت تعترف قوليلها بعطيه للشرطه
وشوفيها كيف بتموت من الخوف

بس انتبهي من انتقامها
ما تدرين شو وراها


قوليلها ان عيبج اهلا وسهلا وان ما عيبج الطياره اللي يابتج تردج

بسسسسسسسسسسسسسسرعه اتصرفي لا تمين ساكته

 

[عضو سابق]

ام تامي حبيبتي

سوي شي واحد بس..

ادخلي عليها الغرفه وقوليلها انا كل بشاره اتييني لازم اشوف اغراضها نظيفه ولا لأ

لاني احب النظافه وايد..

قوليها اتركيني وسيري نظفي.. وانا بشوف نظافتج.. وبحكم عليها..

بعد ما تظهر.. طلعي الحبوب والافلام

وسأليها .. يمكن تظلمينها بعد..

وبعد هذا قوليلها لا تستخدمين اي دوا .. واذا بغيتي اي شي اطلبيه مني وانا بعطيج اياه

بكل برود ولطف منج.. اونه بحس نيه..

وخذي الدواء اللصديليه وسأليه عن دواعي استعمال هالحبوب والبودره..

وحفظج ربي

 

[ألوان]

..

انا كانت عندي بشكاره وشفت عنها حبوب بيضه صغيره وسألتها

قالت لي: إنها حبوب للمعده..

وأنا طبعا ما قصرت لفيت الصيدليات كلها اللي عرف نوعية الحبوب والي ما عرفها ..

وآخر شي عرفت انها حبوب منع الحمل..خاصة رحت للمكتب وكانت المسؤولة فالمكتب

من نفس جنسيتها وقرت النشره اللي على الحبوب وقالت لي انها حبوب منع الحمل..


توقعي شو تبى بهالحبوب وهي يايه تشتغل؟؟؟؟!!!!!!

والبودره ما تدرين شو تطلع ؟؟

تلاحقي على عمرج وخذيها للشرطه خل يفحصونها ويعرفون شو هاي المواد
((يمكن تكون مخدرات)) >>>الله لا قال..

 

[غنااااتي...]

هلا...انا صار معايه نفس الموضوع و تجاهلة....قلت حرام ...لين يأ يوم وسألتها عنه قلت أنه دو ى المهم خرطت عليه وااايد ..لين وايد استوت لي مشاكل وضيقه ..خلاف كنت ادور اغراضي ضايعه وشفت البودرة في كيس شفاف نتبه انه مربوط بعقد حركته بعدين شفت اوراق داخل الكيس بس من هاك اليوم حياتي اتغيرت واااااااااااااايد اسبب هو انه اتحرك من مكانه..طبعا بعد ما سألت المطوع....لاتتجاهلين الموضوع...ابدا...

 

[نسائيات]

افلام الكيميرا شيلينهم وقول لها يوم بتروحين بعطيج لهم
بخصوص الحيوب والبودره شيلينهم بدون ما تسح وارميهم