بسرعة جاوبوني بليييييييييييييييييييييييز

[جوري]

من كثر المعلومات اللي قريتها فقدت التركيز:blushing:
جاوبوني اذا تقدرون وبالأخص القلب الكبير والاستاذة ناعمة وباقي الحضور الكريم اثق بأن الله سخركم لي
1- الزوجة تنتظر زوجها اذا كان طالع ولا تنام قبله اذا كانت موظفة واهو يسهر الى 2 في البيت عادةً عند التلفزيون؟​

2- هل تستطيع الزوجة طلب مصروفها ومصروف اليهال من زوجها يومياً او اسبوعياً اوشهرياً ؟
اذا كان مو منظم يعطي بس اذا طلبتي والمشكلة اللي اشوفه مهم لي ولأولادي بنظره اسراف ومو مهم اما هواياته ووناسته مو اسراف​

3- شلون اخلي ريلي يوافق على طلباتي بسرعة ؟ وبنفس الوقت ما احب اكون مادية يكسر خاطري ما احب اكلف عليه​

4- شرايكم باللي تطبخ لزوجها يومياً بعد الدوام سنعة ولا مينونة؟​

5- احب السينما
والمطاعم
والتسوق
والأفراح
واليمعات
وأحس ان ريلي يتعب اذا سويت واحد من الأشياء اللي احبها قبل كان يمنعني الحين زاد الحب فصار يوافق بشروط ابيه يوصل لمرحلة يقول روحي استمتعي بوقتج يعني بحب اكثر
شلووووووووووووون؟​

:in_love:
جاوبوني .. من كثر ما احب ريلي اضحي وايد بالأشياء اللي احبها
ما أحب نفسي لتراكمات في طفولتي وتربيتي وآنا صغيرة الحمد لله آنا الحين احسن وايد من قبل لو كنتو تعرفوني اول ما تزوجت جان سويتوا كل الدورات والتطبيقات علي
كنت احسب الحياة فلم مصري احبه ويحبني وبعدين طلع فلم هندي كله مطر وبرق ورعد:dunno:​

 

[سما الجنة]

القسم الاخير من كلامك ينطبق علي بالكامل .... بغيت ابكي وانا اقرأ مر علي شريط حياتي

وكل الي قلتيه انا اسويه ودللت زوجي كثير اول الزواج وهو لا يحترم ولا يقدر حتى جدام الناس يهيني ويصرخ علي

الى ان يوم سويت ثورة في حياتي ........انقلب الحمل الى ذئب وكشرت عن انيابي

وبعد نصايح الاستاذه ناعمة صرت احافظ على حقوقي واحب زوجي اكثر لاني عرفت اشلون اتعامل معاه

اختي بالنسبة لك يعتمد على نوعية زوجك

ومشكلة المصروف مشكلة ازليه ولا عارفين ننظمه لانهم ما يرضون
الي تطبخ لزواجه بالعكس هذا شيء زين .... اجل مين يطبخ له ؟؟!!!!

وإذا على الطلعة والوناسة والمطعم اذا كانوا مو على طول يعني في اوقات مناسبة لك وله اكيد ما راح يرفض اذا كان شيء متكر وعلى طول اكيدماراح يوافق... وبعدين اذا كنتي نفسك تبين تطلعين بحركة دلع وغنج قولي له حبيبي انا زهقانه وتعبانه نفسي اطلع وةاغير جو معاك اذا تبين الطلعه معاه او مع صديقاتك

لاني لاحظت انك تقولين ان زوجك يبقى في البيت ويهر في البيت

لاحظي اختي ان هذي شيء كبير ويدل على انه يحبك ويحب يبقى في البيت معاك ويسهر جنبك لو انه مو مرتاح كان ما ضل في البيت ...

ربي يوفقك ويسعدك باين عليك زوجه طيبة وتتفانا في إسعاد زوجها

 

[جوري]

مشكووووووووووورة وايد رفعتي من معنوياتي بكلامج

 

[قلب حر]

حبيبتي جوري ..في حياتك الكثير من الايجابيات ..وفهمت من كلامك انك توصلت لها ..ماشاء الله .. لذا تابعي المحاولة ..وستنجحين باذن الله ...وما يحتاجه ابنائك اطلبيه بكل ثقة ولا تتنازلي ..وبامكانك اقناعه .. ربما تحتاجين ذلك في كل مرة ....اعانك الله ..وهذا المشكلة اكثرنا يعاني منها .اعاننا الله ..ولا تقولين مابغى اكون مادية ..لانك لست كذلك ..وانت تعرفين حالتك زوجك المادية ..اذا كنت تطلبين بحدودها فلا يهمك شيء ...
هذا ما اردت ان اقوله لك ... وفقك الله واسعدك

 

[AmouR]

تعجبني المراة الي اتعرف عيوبها و تحاول اتعديلها و طور من نفسها و تكون ايجابية بالنسبة لي هذة المراة الذكية ........................... برافو عليج جوري و استمري حبيبتي

 

[جوري]

للقلب الحر ..مشكوووووووورة وايد اعدتي الثقة لنفسي بكلامج الله لايحرمني منكم

 

[جوري]

مشكورة دبدوبة الانسان يحتاج للناس للتشجيع والتوجيه ..

 

[الجمال المستحيل]

الله يعيننا على حياتنا لا تيا سين ابدا اطلبي احتياجاتك واحتياجات ابنك بكل ثقة وتفاهمي في رغباتك مع زوجك وحاولي الاستمتاع معه في السهر والتنزه والله يوفقنا جميعا

 

[*عبير القلوب*]

- الزوجة تنتظر زوجها اذا كان طالع ولا تنام قبله اذا كانت موظفة واهو يسهر الى 2 في البيت عادةً عند التلفزيون؟
من وجهة نظري تنام وبسابع نومه وتعرف ان زوجها مايهتم بذا الشيء

2- هل تستطيع الزوجة طلب مصروفها ومصروف اليهال من زوجها يومياً او اسبوعياً اوشهرياً ؟
بس قلتي انا موظفه وليش تطلب مصروفها ممكن تطلب مصروف لليهال وبس
اذا كان مو منظم يعطي بس اذا طلبتي والمشكلة اللي اشوفه مهم لي ولأولادي بنظره اسراف ومو مهم اما هواياته ووناسته مو اسراف


3- شلون اخلي ريلي يوافق على طلباتي بسرعة ؟ وبنفس الوقت ما احب اكون مادية يكسر خاطري ما احب اكلف عليه
بس انتي موظفه ان طلبتي منه شيء ذا انانيه وتكليف له


4- شرايكم باللي تطبخ لزوجها يومياً بعد الدوام سنعة ولا مينونة؟ لا مينونه خخخخخخخ لاوالله سنعه وزينه وحبوبه وعلى الزوج يمسك فيها بسنونه


5- احب السينما
اموت فيهااا
والمطاعم
واووو وش خليتي
والتسوق
من روادهاا
والأفراح
ماتهمني
واليمعات
عادي مب مشكله
وأحس ان ريلي يتعب اذا سويت واحد من الأشياء اللي احبها قبل كان يمنعني الحين زاد الحب فصار يوافق بشروط ابيه يوصل لمرحلة يقول روحي استمتعي بوقتج يعني بحب اكثر
شلووووووووووووون؟
ريحي زوجك تلاقينه قطه وطفل بين يديك
على فكره اسئلتك سهله مب صعبه خخخخخخخخ​

 

[nar_W_ma]

قول للزمان ارجع

مرحبا اختي

والله ذكرتيني بنفسي باشياء كثيررررررررررره

اولها السهر لين ثلاث الفجر واربع استنى سي السيد يجي علشان ننوم

واخرها لين جيت بطلع لاهلي والا معزومه مع صديقاتي يووووووووه مشوار لين اقوله ومشوار لين يوافق
والا اذا بغيت شي للبنات من جد ابلع ريقي كم مره علشاني عارفه الموال اللي بينقالي
لكن الحين تغير الوضع كثيرررررررررررر:icon31:
اذا بتسهر بسلامتك تراني بنوووووم عندي قومه بدري
اصلا هم الرجال مايهمهم الدوام مثل الحريم دوامهم على كيفهم ومدرائهم على كيفهم الله يخلف عليناااااااا

وذا بطلع
تراني معزومه اليوم عند خالتي والا عند وحده من صديقاتي بحط عيالي عند اهلي وبروح متى الوقت اللي يناسبك علشان تودينااا:blow:
معاد اشاور اقوله برووووح اول مره استغرب ثاني مره ثالث مره صار الامر عادي من جد نصيحه وحده من صديقاتي قالت لاتشاورين حطيه كامر واقع في كل شي حتى في قصة شعرك

واذا ابغى شي للبنات تراني ابغى السوق اليوم اذا فاضي البنات محتاجين اغراض
طيب اصبري لين اخر الشهر علشان الراتب معليش ماابي شي ثقيل
واذا طلعت صار قدام االامر الواقع طبعا الامر هذا مايصير الا مره كل كم شهر
مع انه يكون فيه موال بس معليش صرت اطنش ماازعل زي اووووووول :busted_red: :harhar1:

ويله راح تتعلمين تاخذين حقك بس اهم شي بدون تسلط ولا ظلم
والرجال مايدلع كثيرررررر صدقيني يشوف نفسه ولاعاد تقدرين عليه دلعيه وسط علشان يفرح بالدلع
وعندنا مثل في نجد يقول ( انفضيه نفض الردا وكان فيه نصيب ماغدا) اتمنى تكونو فهمتو المثل بس لاتنفضونه قووووووه بعدين يطيرررر :bleh:


نار وماء

 

[حنين الارض]

مجرد مناقشتك للموضوع اختي تعني بانك وصلتي من الوعي الكافي كي تناقشي مشاكلك وعيوبها ولكن فعلا ارا من الايجابيات الكثير في حياتك ولله الحمد ولكن حاولي التقرب اكثر لزوجك اعني التقرب من شخصيته مشاكله همومه واعبائه وتعبه حاولي دائما ان تكوني الام الحنون له كي تكسبي وده وتجعلي منه شخصا مرنا في التعامل معكي

لكي حبي وتقديري

 

[جوري]

اشكركم

اشكر تفاعكلكم معاي كلما اتعب افتح واقرا كلامكم اللي يثلج الصدر

 

[ام فزاع]

اول شي مشكلتج بسيطة وايد وبيدج حلها...اول شي اكيد بينكم تلفون واهو خارج البيت طبعا لازم المره تنطر زوجها لكن اذا تعانين صعوبة القومة الصبح قوليلة بكل هدوء انت تتأخر بطلعتك وانا وزارى دوام وانت عارف قعدتي صعبه وايد..وعلى المصروف انا وحده مثلج ما اطلب منه لو شي بسيط لكن اهو يحط من نفسه اخذ لكن انا اطلب استحي وماعرف اطلب..واشلون يلبي طلباتج انتي وذكائج شوفي انا عنيده اذا قتله بطلع ومارضى اطنشه وجني ما اشوفه وازعل واحقر وابجي لكن شفت هالشى مانفع غيرت طريقتي ماقمت احن ولا اعاند ولمن اطلب منه شي ختى لو بخاطري ومارضى كنت اسكت لكن بدون زعل صج اضايق بس اخش بقلبي واسولف واضحك معاه مره مرتين والحمدالله الثالثه انفعت كل ما اطلب منه شي يقولي روحي...الطبخ لازم لان يرد تعبان هلكان كافي الشمس تهد الحيل موشرط انتي اطبخين لازم تغيير طلبي مطعم لكن الاكل ضروري..ومنو مايحب المطاعم والسهرات والسينما انا ريلي مايخليني اطلع مع بنات اما اهو يوديني كل مكان اما ازواراتي مع اهلي او اهله فأنا متواضبه عليها ترفيه عن النفس اشويه .. وشكرا

 

[ام فزاع]

اول شي مشكلتج بسيطة وايد وبيدج حلها...اول شي اكيد بينكم تلفون واهو خارج البيت طبعا لازم المره تنطر زوجها لكن اذا تعانين صعوبة القومة الصبح قوليلة بكل هدوء انت تتأخر بطلعتك وانا وزارى دوام وانت عارف قعدتي صعبه وايد..وعلى المصروف انا وحده مثلج ما اطلب منه لو شي بسيط لكن اهو يحط من نفسه اخذ لكن انا اطلب استحي وماعرف اطلب..واشلون يلبي طلباتج انتي وذكائج شوفي انا عنيده اذا قتله بطلع ومارضى اطنشه وجني ما اشوفه وازعل واحقر وابجي لكن شفت هالشى مانفع غيرت طريقتي ماقمت احن ولا اعاند ولمن اطلب منه شي ختى لو بخاطري ومارضى كنت اسكت لكن بدون زعل صج اضايق بس اخش بقلبي واسولف واضحك معاه مره مرتين والحمدالله الثالثه انفعت كل ما اطلب منه شي يقولي روحي...الطبخ لازم لان يرد تعبان هلكان كافي الشمس تهد الحيل موشرط انتي اطبخين لازم تغيير طلبي مطعم لكن الاكل ضروري..ومنو مايحب المطاعم والسهرات والسينما انا ريلي مايخليني اطلع مع بنات اما اهو يوديني كل مكان اما ازواراتي مع اهلي او اهله فأنا متواضبه عليها ترفيه عن النفس اشويه .. وشكرا

:icon30: