برنامــــــج يومـــــــك كيـــــــــف تقضينـــــــه

[مرت الأيام]

صباح الخيررررر



شلونكم بنات انتم مثلي قاعدين مبكر ولا سهرانين

ترى السهر ما يمدحونه:shiny:

يلااااا الحين

كل وحده تدخل تقول جم عدد ساعات نومها

وشنو جدولها اليومي

تروح نادي ولا زيارات للأهل ولا تجابل المطبخ



خلنا نستفيد من برامج الحلوات​

 

[نونه الحنونة]

أول لمن كنت في الثنوي .. قبل سنة .. كنت أناام 6 سااعات ليــــن كثرت ..

أماا الحين ما أرتااح لو أناام 12 سااعة .. لأني عندي بنت الله يهديهاا كل خمس دقايق تجلس من نومهاا ..

يعني نومي مقطع .. مررررررررررة .. الله يعين ..

و بالنسبة للجدول فهو زفت و لله الحمد .. أبـــــــــــــد ما فيه نظاام ..

مشكووووورة حبوبة على المووع الحلـــــــــــو ..

إذاا عندكم حل في جدولــــــــــة الحيااة .. أناا ماا عندي مانع أتعلم .. و منكم نستفيــــــــــــد

 

[مرت الأيام]

اختي نونه الحنونه..الزواج والبيبي كله يغير من نظامنا الله يعين

أقولج نظامي..الملخبط :bigsmile:

نومي 8 ساعات بالليل أم نومه الظهر ما أعرفها
أقعد الساعه 9 ..افتح الشبابيك والابواب يا فتاح يا عليم
أروح المطبخ وأشوف خدامتي قاعده قبلي تنظف وتعدل
أتفطر..طبعا عيالي وزوجي نايمين بس كله مدوختهم يلا يلا قعدوا
زوجي يقول حرام عليج الحين عطله خل ينامون ، اقول لا..يلا قعدوا
أروح آخذ دوش وألبس ملابس الصباح معروفه ..

بعد ما نتغدى ..نسولف شوي
وعيالي ينشغلون بألعابهم يرد زوجي ينام>> يا حبه للنوم
طبعا انا أستغل فترة الظهيره باللعب رياضه رايحه جايه كاني شويش من هناك؟؟؟؟:bigsmile:
ومرات ألعب كره مع عيالي هم علبالهم ألعب معاهم مستانسين وأنا قصدي
يكون عندي لياقه أكثرررر.

الساعه 4 يقعد زوجي يشرب شاي ويخرج من البيت وين ما أدري
برنامجي للطلعه مرتين بالأسبوع ، نروح منتزهات أو مطاعم أو سوق على حسب
طبعا مو مع زوجي لا بس أنا وعيالي ومرات أروح مع أختي وعيالها

اما اذا قعدت في البيت..أفتح النت وأقرأ 10 دقايق وأمل بسرعه أروح اشغل نفسي
بأي شي في البيت أرتب أو أساعد الخدامه أو أشوف القنوات على الطاير
بعدين أرد للنت ، طبعا زوجي يرد للبيت المغرب
يفتح مجلس للرجااااااال يقول واششششش ولا كلمه
عيالي يتابعون سبيستون ...
أشغل القرآن سورة البقره في غرفة النوم وأعطرها
أروح أتحمم وأبدل وأعدل وأبخر البيت كله

الصراحه أتمنى يكون عندي هوايه ملل..
اذا وحده من البنات تنغذنا وتقول لنا برنامجها
يساعدنا شوي ...شلون نقتل وقت الفراااااااغ​

 

[مرت الأيام]

:icon31:

 

[ألم الأمل]

انام 12 بالليل واصحى اربع الفجر واصلي الفجر واصحي زوجي يصلي .....
زوجي يرد ينام وانا اسوي قهوتي وفطور واجلس اتقهوى
واذا جت الساعه 6 ونصف اصحي زوجي ياخذ له فنجال قهوه ونفطر سوا
بعدين نطلع انا انزل في تحفيظ القران وهو يروح الدوام وارد من التحفيظ الساعه 11 وربع وأبدأ اسوي غداي واغسل الملابس واكنس بيتي وامسح الارضيه واغسل الحمامات واكوي وابخر البيت واقعد على النت لحد مايجي زوجي وبعدين نتغدى ويأذن الظهر وبعدين يطلع زوجي عنده شغل يجي الساعه 9 بالليل بعدين انام العصر او اقعد على النت لحد المغرب واذا اذن اصلي واسوي حلى واذا اذن العشاء اصلي واسوي قهوه وعشاء وانتظر زوجي واذا جاء تقهوينا وتعشينا واقعد على النت شوي بعدين ننام وهكذا ..........
وبصراحه نظامي عاجبني لان قبل نظامي حوسه والحين نظمت غصب اتمنى اني افدتكم

 

[جوري22]

اعجبني نظامك يا أمل الألم ما شاء الله عليك احسك منظمة ما شاء الله تبارك الله

أنا نظامي ملخبط بحكم دوام زوجي يعني مرات يجي الظهر مرات يجي المغرب يعني

احيانا اصلح بس عشاء ومرات بس غدا بالنسبه للنوم مرات انام 1 ومرات 2 ومرات انام 3

وأصحى 7 عشان الدار وأرجع 12 يكون زوجي بدوامه فصلي الظهر ادخل النت او ارتب

البيت واغسل ملابس وأحياناًانام الظهر ....




​

 

[ابنائي دنيتي]

مرحبا للجميع انا نظامي ...اصحى الفجر و اصحي زوجي للصلاة بعدين اجهز القهوة و الفطور و اصحى الاولاد للمدرسة و نفطر و بعد ما يطلعو اقوم بشغل البيت من مسح و ترتيب غرف غسل دوراة المياة اعزكم الله و مع هذي الاشغال اليومية يوم اغسل ملابس و يوم اكوي وهكذا ..وانام ساعه او ساعتين واصحى اجهز الغدا و نتغدى الساعة1 و اجلس مع اولادي.. العصر ادخل المطبخ اسوي حلا.. المغرب قهوة... و انام 11 او 12 و مرتاحة بنظامي الحمد لله ....النت مالي وقت معين

 

[مرت الأيام]

ألم الأمل

جوري22

ابنائي دنيتي

مشكورين خواتي على اضافاتكم الحلوه

وانتظر بعد برامج حلوه منكم نستفيد منه


على فكره خواتي انا نفسي ومناي أشتغل في البيت
بس وجود الخدامه صار عائق...كل شي تنظفه ما خلت شي لي

أذكر مره سافرت خدامتي وكنا طالبين وحده غيرها وتأخرت كنت كل يوم
أشتغل في البيت حسيت اني قتلت وقت الفراغ ودفنته بعد
حتى حسيت بنشاط غريب بس لما جت الخدامه الثانيه تحسفت قلت
ليش اشتغل وعندي خدامه الحين احط حرتي بالرياضه والله احس ان الخدم شر لابد منه
لان بيتي ما يخلى من المناسبات الاجتماعيه وعزومات فاضطر على وجود الخدم
الله يعين...<<<اليوم حيل أفضفض ما ادري شعندي:bigsmile:​

 

[مرت الأيام]

يلا بنات منتظرين مشاركاتكم...:icon31:

 

[حفيدة النوري]

بسم الله

حياكم بنات اخباركم ان شاء الله خير

اما انا نظامي غير

اصحى الساعه 8 ونصف واصحي عيالي معي

اتقهوى وافطر انا وعيالي

بعدين ازيت شعري وشعر بنتي ثم ادهن جسمي

لانه لازم تكوني مستغله وقتك كله

ازوح اشغل الغساله

اذا فيه كوي من غسيل امس اكوي مافيه

على طول دورات المياه اعزكم الله

طبعا كل يوم امسك غرفه من الغرف وانظف تنظيف عميق

خلصت اكنس ثم امسح على اذان الظهر اقوم اتروش واروش عيالي ثم اصلي

ثم اجلس على النت لين يجي وقت تجهيز الغداى

نتغدى وننام قبل العصر ساعه ثم اقوم اسوي قهوتي ونقهوى نجلس نسولف

بعد صلاة المغرب اقعد على النت شوي اواخيط لانها هوايتي وعشقي

ثم اسوي العشاءبعد صلاة العشاء نتعشى ونتسامر بعدها ننام بدري مانطول

وسلامتكم

اذكرو الله علي العين حق

 

[*نوار قطر*]

انا الله يسلمكم ..
من اسبوعين والحين انا في الثالث زوجي اجاااااازه..
جدولي هوووو((اقوووم ع الساعه 9ونص واجهز الفطوووور حق زوووجي ويتفطر ونقعد مع بعض نسوووولف ونستمتع بوووقتنا ..لين الغدا طبعا" مب انا الي اسوي الغدا الغدا اينه من بيت اهل زوووجي لان احنا في ملحق معااهم ..واجهز الغدا ع الطاااوله ونتغدا زوووجي يروووح يرقد اشووووي وانا اقعد ع النت ,,
والعصــــــر اسووويله شاااااي فطااير او بسكوووت او سندويشاات خفيفه اووو كيكه او فوواكه ..
وعقب صلاة المغرب اروووح اقعد مع ام زوووجي وخواااته ,,واذا بطع اطلع بعد العشاااا عشااان يكون في وقت اقعد معاااهم ..

وبس ..
اما اذا زوجي عنده دوواام ,, دواام زوجي شووي غريب ..
يومين صبح ,,ويومين ليلل شفتااات يعني .
اذا هوو في الدواام الصبح <<انا اقعد الساعه 10 وارووح اقعد مع خااالتي لين اذان الظهر ايي ملحقي واصلي وبعدين ارجع لهم واتغدى واجي اقعد في بيتي لين زوجي اييي عق المغرب اجهز له العشـــى واكشخ له ..


اما اذا ليل اقووم بعد الصبح واقعد واجهز يكوون زوجي راااقد لين 1 الظهر لان قبلها يكون سهرااان ..اجهز له الغدا ويتغدا يقعد شووووي معاااي ويرووح الدوااام ويرجع ثااني يوم الصبح ..ههههههههههه

سووري ع الاطااالع ..بس اا اياامي مب كلهاا نفس الشي ,,رووتين يعني لااااااااا كل اسبووع شكل ..

يسلموووووو ع الموووضووع

 

[مرت الأيام]

حفيدة النوري

*نوار قطر*


ماشاء الله تبارك الرحمن..على نظامكم
والله يوفقكم

 

[مرت الأيام]

يلا بنات....
نبي مشاركات أكثر


وياليت اللي يسهرون لــ الصبح

يقولون شلون نظامهم بالنهاار

وشلون السهر حلو ولا لااااا

خلونا نستفيد من أفكار بعض:blush-anim-cl:​

 

[ريمان 50]

انا بصراحه توني في البدايه اقوم الساعه ست واجهز بنتي للمدرسه والساعه سبع انام
واقوم ثمان افطر وافطر بناتي واسوي رياضيه شوي وارتب واغسل الملابس واسوي الغدا وبعدين نتغدى وااذاكر لبنتي وارتب المطبخ والبيت واذا اذن المغرب اسوي عشا بنتي وانظف البيت واجهز العشا واقعد عند التلفزيون لين الساعه عشر بعدين اروح انام