بدأت الاجازة .. ومعاها تبدأ مشاكل اهل الزوج .. شوروا علي بليييز

[حزن الماضي]

السلام عليكم ..

عندي مشكلة مادري صغيرة وانا كبرتها او انها كبيرة وانا احاول اصغرها ...

المشكله انه اهل زوجي خطبوا وحدة لاخوه يعني بتصير سلفتي .. وناس اقاربي كانوا راح يخطبونها لكن ماكانت من نصيبهم اخذوها اهل زوجي ..

بعد فتره ناس قالوا لاقاربي زين انكم ما اخذتوها تراهم عايلة مو زينه وامها راعيت مشاكل وانا وصلني الخبر لكن سكت .. بصراحة علاقتي في اهل زوجي رسمية .. وهم حاطين في بالهم الحسد والغيرة وهالكلام .. انا قلت اكيد انهم سالوا وعجبتهم البنت واهلها وبكيفهم ..

طبعا هم عرفوا انه اقاربي خطبوها .. وكانوا فرحانين وحاسين بالنصر كانها معركة ..
بعد ما اخو زوجي عقد على البنت يعني ملكة صار بينهم مشاكل وانتهى كل شي وطلقها ..

وجالسين يحاولون يخلوني الشماعة اللي بيعلقون عليها هالخطا .. وليش ما نبهتينا .. وليش ما قلتي لنا ..
طبعا انا وصلني هالكلام .. وانا بعيدة بس بسافر عندهم هالاجازة ..
وانا من غير مشاكل ما ارتاح من حركات الحريم تعرفون لما الوحدة ما يكون لها خصوصية حركات ودق بالكلام من تحت لتحت ويحاولون يقلبون زوجي ...
انا عجبني زوجي انه ما اعتبر لكلامهم وقال هذا زواج وحنا اهل الولد المفروض تسالون زين عن كل شي .. انتم قصرتم في السؤال ..

لكن اخاف من حركات الحريم لاني ولله جدا طيبه ومشكلتي العصبيه ما اعرف من تحت لتحت اللي في قلبي يبان في وجهي حتى لو سكت ..
وهما بصراحة قويات .. القوي الله ..
صح زوجي ما ايدهم في هالموضوع بس انا شايلة هم حركات ثانية لاني والله شميت ريحة انتقام في كلامهم ومن بعد السالفة متغيرين علي ..

المهم ابي التصرف السليم معاهم .. وكيف اعرف محاولاتهم لتسميم افكار زوجي ..

وانا ماصدقت تنصلح حياتي مع زوجي .. مع اني لحد الان ودي اعرف نمطه وعجزت تعبت .. احسه ياخذ من كل الانماط او اني ماعرفت للاختبار زين ..

انا والله طيبه وما ابي المشاكل وما تكلمت معاهم في سالفة البنت خفت يقولون غيرة او حسد لان عندهم عقده اسمها الحسد لو تزكم وحدة فيهم قالوا والله عين ما صلت على النبي ..

وفيه شي ثاني مهم جدا جدا .. كيف اقنع زوجي يستأجر لي شقة جنبهم يصيرون قريبين نصيف معاهم وفي نفس الوقت كل واحد يعيش براحته بس نتجمع من وقت للثاني ..

واللي بتساعدني في البوصله الله يكتب لها السعادة في الدارين ..

انتظر ردودكم .. واعذروني اذا تاخرت في الرد ...

 

[هواجسهـ]

الله يعينك بس هذا الل اقدر اقوله واذا تكلمووو عن البنت قولي الله يحبكم وخيره ان شاء الله لولدكم بزوجه طيبه


ومايحتاج تقنعين زوجك قولي ودي نكون بالنوم سوا اخذ لنا شقه ننام فيها انا وانت ولما نصحى ونفطر سوا نطلع لهم ومن هاكلام اللي تحسين ياثر ونقطعة ضعف ع زوجك

 

[حلاتي بسمتي]

اولا انتي مالك دخل بالموضوع لان هم الي اختاروا لولدهم وما استشاروك عشان يزعلون منك
ولو قابلتيهم قوليلهم انا مالي دخل فيكم هذا انتم اخترتوها والمفروض تسئلوا عنها قبل تخطوبوها>خلك قويه )وسالفت البيت صارحي زوجك وقوليله ابيك تستاجر بيت عشان مشاكل اهلك
والله يوفقك يارب

 

[LaRosy.net]

أنت ياقلبي ما تدخلتي في الزواج عشان يكون لك دخل بالطلاق
وسوا سمعتي ان البنت فيها.... مالك دخل ما سالوك او شاورك
قولي انا م عرف عن البنت شي
والزواج قسه ونصيب والله يخلف عليه عليها
وبالنسبه للشقه ضروري وقولي لازم لاني مجهزتلك مفاجات كثيره وودي بشي من الخصوصيه

 

[زوجه رائد]

اضبطي اعصابك قد ماتقدرين وخليهم ترا الحقران يقطع المصران
وشي معروف عند كل البلقسيات مرت الولد دايم ماهي محبوبه حتى لو كانت من العائله

 

[نوود موود]

اذا جابوا لك طاري او عتب اسأليهم هل شاورتوني ؟
ثم البنت الله يستر عليها مالها نصيب بولدكم ولا لأحد يد بالموضوع
بالنسبه للأنماط خذي ورقه وقلم واقري الصفه الموجوده بزوجك و حسب لون الصفه اكتبي النمط وبالنهايه شوفي اكثر الانماط تكرار وبتكون هي صفته
وهذا الرابط
http://www.niswh.com/vb/showthread.php?t=279293