مشاعر مجروحة
New member
- إنضم
- 16 سبتمبر 2010
- المشاركات
- 106
كيفكو صديقاتي الغاليين محتاجة تسمعوني كتير وبعتذرلكو لو للأسف اللي اسمعهولكو هيضايقكو لأنه للأسف حكايتي مؤلمة لي جدا لكن سامحوني محتاجة اسمعكو مش هطول عليكو
انا من اكتر من سنة ونص وانا سايبة بيتي مع ولادي وعايشة مع امي ليه سيبت البيت ده لوحده موضوع لأنه حصل خلاف بيني وبين والدة جوزي وللأسف هو ظلمني وربي عالم انا أد ايه اتحملت ام جوزي ومش بس امه لا انا لي بشهادتهم هم وهو قبلهم لي افضال على اهله كلهم اخته ولدت قيصري وانا اللي خدمتها في بيتي ووالدته عايشة معانا من لما اتجوزت ولا حسيت انه لي اي خصوصية في بيتي لكن كنت اقول معلش كأنها امي وهو برده هيقدرلي تعبي وتحملي ومش هيفرط في لكن كنت واهمة وفقت عليه بيطردني من البيت لأنه امه مش عايزاني وفعلا مشيت واخدت الولاد وحاول ارجع لكن كان طلبي انه اعيش لوحدي ووالدته لو عايزة تفضل في بيتي انا قابلة بس يوفلي انا وولاده مكان تاني مناسب وللأسف طول الوقت ده وهو مصر يرفض برغم هم عندهم اماكن افضل من بيتي ووالدته ممكن تقعد فيها او يوفرلي البديل لكن هو كان بيضغط علي علشان ارجع اعيش مع مامته تاني لكن انا كنت وصلت لآخري واصريت انه انا معنديش اي مانع اخدم مامته بعنيه زي ما كنت بعمل طول 12 سنة لكن من غير ما نقيم في بيت واحد وده لأنها اهانتني اهانة كبيرة جدا المهم بعد السنة ونص جه اخوه لظروف خاصة بيه قرر يحل المشكلة بإنه يشتري شقة قريبة من بيتي لمامته وتعيش مع بناته وجوزي بيعرض الموضوع بيشترط اعتذر لمامته وانه يقفل حجرتها اللي كانت عايشة فيها لحد ما يوضب الشقة الجديدة وانه محدش من اهلي يزورني وتليفون البيت يخليه استقبال بس كل ده علشان مامته تسافر مع اخوه لحد ما يوضب الشقة الجديدة وقبلت وانا منهارة نفسيا قبلت بس علشان اهم حاجة انه ولادي هيرجعو بيتهم حتى لو التمن هاجي على نفسي تاني بعد ما قبلت اخوه تعب ودخل المستشفى وانا فضلت جنبه ولأني حبيت افوقه وخفت عليه قلتله يراجع نفسه ممكن يكون تعب اخوه رسالة من ربنا ميهملهاش لأنه بيظلم اخد الكلام انه شماتة مني ومن وقتها ولا اتصل انا اتصلت بزوجة اخوه واطمنت انه خرج وبقى كويس لكن هو حاولت اتصل عليه مردش علي بعتله رسالة انه مش عايز يرد علي مردش على الرسالة من وقتها متصلتش بيه تفتكرو كده اكمل برده والا ابطل اضحك على نفسي واعرف انه حالة ميئوس منها على فكرة مشكلته انه ادام اخوه معدوم الشخصية مش ضعيف لا معدوم الشخصية واخوه شخصية غريبة جدا بيمتلكه وجوزي مش فاهم وبيفسر امتلاك اخوه اللي بيعمله لمصلحته الشخصية لأنه هو متولي كل حياته هنا وهو مسافر ولا بيشغل باله بأي شيء وشايل كمان والدته آسفة طولت عليكو مستنية اسمع رأيكو بحبكو في الله
انا من اكتر من سنة ونص وانا سايبة بيتي مع ولادي وعايشة مع امي ليه سيبت البيت ده لوحده موضوع لأنه حصل خلاف بيني وبين والدة جوزي وللأسف هو ظلمني وربي عالم انا أد ايه اتحملت ام جوزي ومش بس امه لا انا لي بشهادتهم هم وهو قبلهم لي افضال على اهله كلهم اخته ولدت قيصري وانا اللي خدمتها في بيتي ووالدته عايشة معانا من لما اتجوزت ولا حسيت انه لي اي خصوصية في بيتي لكن كنت اقول معلش كأنها امي وهو برده هيقدرلي تعبي وتحملي ومش هيفرط في لكن كنت واهمة وفقت عليه بيطردني من البيت لأنه امه مش عايزاني وفعلا مشيت واخدت الولاد وحاول ارجع لكن كان طلبي انه اعيش لوحدي ووالدته لو عايزة تفضل في بيتي انا قابلة بس يوفلي انا وولاده مكان تاني مناسب وللأسف طول الوقت ده وهو مصر يرفض برغم هم عندهم اماكن افضل من بيتي ووالدته ممكن تقعد فيها او يوفرلي البديل لكن هو كان بيضغط علي علشان ارجع اعيش مع مامته تاني لكن انا كنت وصلت لآخري واصريت انه انا معنديش اي مانع اخدم مامته بعنيه زي ما كنت بعمل طول 12 سنة لكن من غير ما نقيم في بيت واحد وده لأنها اهانتني اهانة كبيرة جدا المهم بعد السنة ونص جه اخوه لظروف خاصة بيه قرر يحل المشكلة بإنه يشتري شقة قريبة من بيتي لمامته وتعيش مع بناته وجوزي بيعرض الموضوع بيشترط اعتذر لمامته وانه يقفل حجرتها اللي كانت عايشة فيها لحد ما يوضب الشقة الجديدة وانه محدش من اهلي يزورني وتليفون البيت يخليه استقبال بس كل ده علشان مامته تسافر مع اخوه لحد ما يوضب الشقة الجديدة وقبلت وانا منهارة نفسيا قبلت بس علشان اهم حاجة انه ولادي هيرجعو بيتهم حتى لو التمن هاجي على نفسي تاني بعد ما قبلت اخوه تعب ودخل المستشفى وانا فضلت جنبه ولأني حبيت افوقه وخفت عليه قلتله يراجع نفسه ممكن يكون تعب اخوه رسالة من ربنا ميهملهاش لأنه بيظلم اخد الكلام انه شماتة مني ومن وقتها ولا اتصل انا اتصلت بزوجة اخوه واطمنت انه خرج وبقى كويس لكن هو حاولت اتصل عليه مردش علي بعتله رسالة انه مش عايز يرد علي مردش على الرسالة من وقتها متصلتش بيه تفتكرو كده اكمل برده والا ابطل اضحك على نفسي واعرف انه حالة ميئوس منها على فكرة مشكلته انه ادام اخوه معدوم الشخصية مش ضعيف لا معدوم الشخصية واخوه شخصية غريبة جدا بيمتلكه وجوزي مش فاهم وبيفسر امتلاك اخوه اللي بيعمله لمصلحته الشخصية لأنه هو متولي كل حياته هنا وهو مسافر ولا بيشغل باله بأي شيء وشايل كمان والدته آسفة طولت عليكو مستنية اسمع رأيكو بحبكو في الله