بالله ايش الحل هو الي ألغى اتفاقنا ؟؟

[سما المدينه]

السلام عليكم ورحمة الله وبركاته

تحياتي لكل المتواجدين في هذه المملكه الرائعه

اتمنى منكم توجيهي واستشيركم في موضوعي

أنا ليه 3 سنوات وشهر متزوجه وعندي طفل عمره سنتين

المهم زوجي حق سفريات مع الشباب وانا هذا الشيء ما حبيته فيه من يوم متزوجنا

المهم سافر 3 مرات ورجع ومشيتها السفرتين الاولى سوريا ومصر كنت يا حامل يا نفاس لكن السفرة الثالثة مصر كمان كان عمر ولدي 6 شهور المهم جاء من اخر سفره وعارف انو انا زعلانه وما ارد على اتصالاته
المهم لما رجع اعتذر وقالي ما عاد اسافر مع الشباب خلاص كفايه انا شبعت من قبل ما اتزوج وانا اسافر معهم خلاص الحين ما عاد اسافر الا معاك
طبعا انا فرحت بهالكلام مرررررررررررره والصيف الي فات روحنا انا وزوجي اندونيسيا وكان شهر العسل في ماليزيا

المهم هالصيف قالي بسافر مع الشباب وقلت طيب وين اتفاقنا وكلامك ليه انو خلاص ما عاد تسافر لوحدك قال انا طفشان ولاتخافين من الي بروح معه هذا صديقي من يوم كنت صغير وجيرانا زمان وهو رجال مثلي ويعرف حدوده ورزين وعاقل
انا اتمشكلت معاه وقلت انا مو صغيره تضحك علي بكلمتين

وقلت له إذا سافرت ورجعت لا تسأل عني واعتبر انو الي بيننا انكسر ومنتهى

قالي اذا عقلك صغير فكري كذا براحتك مو عاجبك خليك ببيت اهلك كبرت المشكله وكلمه منى وكلمتين منه
اخر مره كلمته بهداوه وقلت انا بروح عند بيت اهلى واخليك فالبيت تروق وتفكر وتوزن الامور صح ولا تغلط وتهدم حياتنا قالي بتحطي حياتنا بكفه وسفري بكفه
قلت له ايوه لانو احنا اتفقنا وإنت إتجرأتو خربت كل شيء بتغيير كلامك

قالي انا مفكر وخلاص وكلمت الرجال واتفقت معهم وبسافر ان شاء الله عجبك . مو عاجبك براحتك خربي بيتك وروحي عند اهلك ....

طبعا زوجي انا واثقه فيه والحمدلله والحمدلله عايشين مبسوطين ومو مقصرين على بعض بشيء صح عصبي بس قلبه طيب ويرجع يراضيني

ايش الحل يا جماعة الخير ابي المشوره

انا قاهرني بأنو متمسك بالسفره وانا الحين لي يومين عند اهلى
بدل ما يقضي الاجازه معاي يروح مع الشباب
ويقولي انا اذا رجعت اسافر انا وانتي ... قلت انا ما عاد اصدق كلام منك بعد كذا لانو انت اناني وما تفكر الا بنفسك وكذبت علي


المهم انا زعلانه ومقهوره

وهو زعلان من تصرفي


قولولي الحق مع مين وانا لي حقبالي سويته وقلت له


ايش رايكم ؟؟؟؟؟؟؟؟؟؟؟؟؟؟؟؟؟​

 

[apple red]

عزيزتي الله يفرج همك .. بس انا اقول حطي عقلك في راسك لا تخربي بيتك دام انت واثقه فيه والحمد الله خليه يسافر لانه صعبه اعطى الرجال كلمه عشان الاحراج.. الصيفيه الثانيه حاولي انت تسبقي اصحابه في السفره .. شوفي قلبي حطي في الشنطه مصحف صغير وكمان لمن تودعي قوليله استودعتك الله وهو يسمع ... ولمن يروح لا تخليه اتصلي عليه وحنيني قلبه عشان يرجع بسرعه .. وكم يوم صوري ولدك واكتبي في الرساله بابا وحشتنا .. زي كذا لا تخليه يرتاح
الله يوفقك

 

[الحلووه]

الله يعينك اختي..
المصيبه ليست محصوره في السفر وتركك بدون سفر
المصيبه مع من سيسافر..؟؟؟
لانه مستحييييل يروحون لشي لايرضاه دين ولايحكمه العقل وهو يتفرج عليهم..
اكيد بيروح معاهم,,
اما اذا كنتي عارفه مع مين بيسافر وواثقه بزوجك فأنصحك نصيحه أخويه محبه
ارجعي لزوجك ولاتهدمي حياتك بسبب سخيف وأتفاق لم ينفذ..
واحمدي ربك ألف وبوسي كفك وجه وقفا بيسفرك اذا رجع
ناس مايأملوون بسفر نهاااااااائي
وانا أولهم إلا اذا سافرت مع أهله.....
تعجيييييز بمعنى الكلمه

الله يهديك اختي وينور بصيرتك ويهديك للي فيه خيير لك ولزوجك ولحياااتك

 

[فجرالامل]

عزيزتي انا زيك نفس المشكله الحين زوجي في اوروبا من دوله لدوله وهو كان مواعدني بهالسفره من سنه وفي الاخير تخيلي سافر مع ابوه واخوانه وتركني وليته يتصل او يرسل انا اللي اتصل وانا اللي ارسل رسايل شوق مع انه رايح وهو عارف اني زعلانه وشايف دموعي اربع اربع وهو مبسوط .........زشوفي اذا زوجك راعي سفريات ماراح تقدري تغيريه ابدواذا انتي تبين تحافظين على حياتك تحملي هذا هو الحل انا وش سويت بكيت اكتئبت وهو هناك مبسوووووط بعدين قررت اني افكر في نفسي واهتم بنفسي واطنشه وبالفعل ارتحت وهو ماراح يتغير لان الرجل اناني ولايحب الانفسه

 

[الحلووه]

وحبيت اقولك حركه حلووه مثلك..
حطي بشنطته رساله حلوه ومعطره فيها الاسلووب الجمييل وانك تنتظرينه على أحر من الجمر
وعبريله بأسلووب مشووووق بأنك بتشتاقين له وتشتاقين لضحكاته وبسمة شفاته ومن هالكلام الحلوو
اللي يخليه يفكر فييك طول وهو مسافر

 

[مايصحش هالحتسي]

معك حق تزعلي ،،، هماه قالك مارايح اسافر مع الشباب شحقة يخلف بكلامه

لاتخلينه يروح

 

[نضوج أنثى]

عادي ياقلبي أغلب الرجال يسافرون أعطي زوجك مساحة حريه حتى زوجي يسافر ويقول متعة السفر مع الزوجه تختلف عن الأصدقاء وأول مره قالي بسافر صارت هووشه وقال بروح برضاك أو غصباً عليك وانا امشي بشوري مو مره اللي تمشيني لما قرب موعد السفر انا جيت وقلت له مو قصدي امنعك بس انت توحشني شلون انام بدونك قولي شلون تغفى عيوني وانت بعيد عني من يهتم فيك من يغطيك ولا أنا واثقه فيك وأدري مو أي بنت تستهويك واذا فكرت تفكر في بنت من ديرتك محتشمه تخاف الله وكلها فيني وادري انك ماتشوف غيري بس فكرة إنك تبعد عني ازعجتني صدقيني لما سافر هو بروحه حس بالفرق والاهتمام وشوي شوي صار يعتذر من اخوياه بس احيانا يقولي عشان لا يقولون مرته تحكمه او خايف منها صدقيني خف كثير بالسفر وادعي له انه الله يبعد عن الحرام ارجعي بيتك ولا تكبرين السالفه وكبري عقلك صدقيني زوجك راح ولا جا مرده لك ولحضنك ولبيته وعياله والله يسخره لك يارب

 

[جوهرة آل عبدالله]

الاخوات ماقصرو

بس الباقي عليك تتاكدي
اذا سفره فيه ثقه

او سفره لحاجة ثانية لاقدر الله 000

 

[وميض من القلب]

حبيبتي البنات ما قصروا بس فيه شي انتي فرضتيه ولا زم تنفذيه وهو ذهابك لاهلك يعني لا تتنازلي وتكسرين كلمتك وترجعين من نفسك تصيرين قدامه ضعيفه وكلمتك مهزوزه وبتجراء عليك كل مره !
اهو ان شاء الله بيرجع لك ويتعذر مادامك قلتي انه عصبي بس قلبه طيب ويرجع يراضيني بس انتي توكلي على الله ولا تتجاهلين مكالماته ردي بس بدلع وعتاب وقولي له انا لو مااحبك ما طلبت منك تجلس او تاخذني معك ولا تعبت قلبي بالتفكير فيك وطنشتك بس انت مافهمتني وانا اثق فيك وعادي تروح بس ايش اسوي صرت اشتاق لك كثير ولا اصبر عنك ويتعبني التفكير فيك ان ما تتخيل وشلون اتخيل شكلك واحس بدفاك وريحتك ومن هذا الكلام الي يذوب الرجال ويحسسه انه مرغوب؟؟؟؟؟؟؟؟؟؟؟؟؟؟
وقبل كل شي توكلي على الله واستعيني به

 

[سما المدينه]

الله يعطيكم العافية خواتي

والله يفرج هموكم
والله يبعدالهم عن قلوبكم ويسعدكم

تحياتي لكم حبيباتي



يمكن انا توني جايه عند بيت اهلي مالي يومين فالسالفه مولعه

اقرى الردود بس مقهوره والله يابنات نفسيتي مره تعبانه حتى ولدي صرت اصارخ عليه واضربه ما عاد اتحمل شيء

اقوله القاها منك والا من ابوك

صح هو ماله ذنب لاني مررررررررررره تعبانه

صرت بعد ماازعله احضنه واعقد ابكي بس انا ما ابي ازود السالفه صرت اكتم بقلبي علشان أمي كمان ما تتأثر هي مو ناقصه .


الله يفرجها يارب

وشكرا لكم استحملتوا مشكلتي وكثر كلامي بس انا ما اقدر افضفض لحد غير انتو وصاحبتي الي دلتني على هذا الموقع الرائع

فمأن الله

 

[رجاي الله]

حبيبتي زين سويتي نكدي عليه وخلي الموضووع كبييير عشان يكره السفر ولو فكر مره ثانيه يدري ان فيها خرااب بيته قولي له كل شي يهون عندب الا انك تسافر بدوني وقولي له لومااانت رايح تسوي شي غلط كان سافرت معي انا لكن انت عارف ليش تبي تروح بروحك ومعليش كبرريها وازعلي عشان مايكررها

الله يسخره لك

 

[حب عذري]

هدي هدي اعصابك ترى انت التعبانه الرجل مايفرق معه راح يروح ويبسط نفسه وبعديت يفتكرك نت داومي على الاستغفار والصلاه في اخر الليل والدعاء له واستودعيه الله عن الحرام وحاولى تغيري جو في بيت اهلك اعتبريها فتره راحه واسترخاء ...حتى هو لو اتصل وشافك كذا يمكن يغير رايه ......حاسه فيك لانى تعذبت من السفر .....واذا حب يجي يعتذر لاتردينه اقبليه لكن بثقل والبنات اعطوك افكار تكون فيها ثقيله ....وولدك ماله ذنب بالعكس افرغى عليه الحنان والحب خليك قريبه منه اكثر وان شاء الله قلبك طيب والله لما زوجي سافر كنت في قمة انهياري لكن اجلس مع اولادي سبحان الله احس براحه عجيبه عجيبه الى يومك هذا مانى عارفه ليه سبحان الله ...................وكلى امرك لله وصدقينى ماراح يخيب ظنك فيه ....

 

[NANDOOOOS]

زين سويتي لاني لوكنت مكانك مااااااااااراح ارضى بسفره مع الشباب لانه شئ معروف والسفر من هذا النوع مشكوك فيه لاتقولين اثق في زوجي معليش حبيبتي خذي الحذر مو محتاج يسافر مع الشباب بيته واهله اولى انو يسافر معهم خليكي عند كلمتك ولاتتراجعين الله يصبرك ويهدي بالك بس صدقيني لو تنازلتي هالمرة راح يكررها مرااااات
وعليك بسهام الليل فأنها لاتخطئ والله يوفقك

 

[حبيبتي بنووتتي]

اسمعي حبيبتي
اول شي المراة ما تخرج من بيتها لان لها في البيت مثل الرجل وفكرة الخروج خاطئة
ثانيا حاولي اتحلين الموضوع بشكل مختلف اذا اصريتي عليه راح يقولون اصحابه انك فرضتي رايك عليه وهو على هذا الاساس ما يقدر يتراجع
بيني له انك في البيت وماحد معاك واهلك مشغولين حاولي تبيني له انك ماتستغني عنه وان طفلك يحتاج له
والله يعينك

 

[عذبتني]

انتي لو بس قلتي له وانا كمااان طفشااانه لمن قالك انا طفشان ابي اسافر !!!!!!!!!! روووووحي معااه رجلك على رجله وش الموانع ؟؟


بعدين خلي عنك الثقه الزايده

طيب انسان طفشان بيروح يستانس ليش ماياخذك معه !!!!1

مو وعدك يسافر معك !!

ليش مايخليها سفره وحده معك وانتهينا !!!

ليش وحده معك وحده مع الشباب الا اذا قدر الشباب زي قدر زوجته !!


مابي احرضك على زوجك

بس انا طلقت الثقه في الرجل

لأني انغبنت من زوجي !!

 

[سما المدينه]

تسلمون خواتي على تفاعلكم مع مشكلتي

مدري والله رأسي بنفجر :tears:


عزيزتي عذبتيني

قلت له هالكلام وتكلمت معااااااااه كثبر جيته من كل النواحي

قالي السفره مع الاصحاب غير ومعكي غير معهم حلوه ومعاكي احلى :shiny:

يقولي زي ما تخرجين مكان تتجمعين فيه انتي وصحباتك لها جوها :icon30:

وخرجتنا انا وانتي لها جوها الخاص :in_love:


والله على قولة مفرح ( بمسلسل مناحي ) معرفشيش هههههههههه:nosweat:


الله يفرجها إن شاء الله :sadwalk:​

 

[سما المدينه]

المشكلة انو يرسلي مسج وقولي لا تعاندين وارجعي بيتك بقي عن السفر شهر

انا قلت له الشغله مو عناد لا تقلبها علي :schmoll:


انت عارف الموضوع

الحل بيدك ارجع اوعدني انو ما في سفر ثاني لوحدك

بس قالي ما فيه حل غير الي قلته لكي

متى ما جات سفره مرتبه مع الشباب بروح


قلت له اجل انت ماتبي تحلها عاجبتك العيشه كذا

انت ما تفكر غير بنفسك

انت ما تفكر بالي سويته لك:sadwalk:


ومدري أختي تقولي إذا قرب مود السفر وخلاص بيروح ارسليله مسج

قولي له انت سافر بالسلامه ولما تجي بيننا كلام

لا تخلينه يروح وهو يأس منك كذا غلط:no:


مدري بس الله يفرجها



آآآآآآآآآآآآآآآآآآآآآآآآآآآآآآآآه بس :icon28:​

 

[سما المدينه]

يؤؤؤؤ وين الناس :icon1366:



شكلي طفشتكم :blushing:


آآآآآآآآآآآآآآآه بس :crazy:



الله المستعان​

 

[حرب الأحساس]

الله يسد نفسه عن السفربدونك ابو طبيع مايسيب طبعه
ولو لزم ماباليد حيلة

 

[penksh]

ااااااااااااااه ه ه ه ه بس الله يعيننا على هالرياييل