بأي حال عدت ياعيد

[غاليه]

السلام عليكم اخواتي الحبيبات


وكل سنه وانتم بخير وصحه وسلامه


كيف عيدكم هذي السنه

هذا العيد بالنسبه لي أسوأ عيد يمر علي لاني لليوم ماخرجت من بيتي ولا شفت احد

اهلي جوا وعايدوني بس

وزوجي ماشفته لي قريب الشهر
وقبل شوي اخذالعيال وسافروا يومين وانا لوحدي في البيت ودمعتي على خدي


حسبي الله ونعم الوكيل على كل وحده حرمتني من فرحة العيد
حتى صلاة العيد مالقيت احد يوديني
زوجي هارب من البيت ومايبي يواجهني
وانا ماني عارفه متى ابدأ معه في الموضوع


انا ماي غيركم وحبيت افضفض شوي
السموحه منكم

 

[هدهد]

غاليه...احنا نعيد معك ...وللا نسيتينا ؟؟؟؟؟؟؟؟؟؟؟؟؟؟؟؟؟
كل سنه وانتي طيبه وكل عيالك بخير وصحه وعافيه .....

عزيزتي ...مش كل الناس تفرح في العيد ..ناس في السجون ..وناس في المستشفيات ...وناس جا العيد وحبيايبهم في القبور ..اهم شي الصحه ....لما يكون الله راضي عنا لا نبالي بالدنيا ....
العيد في القلب ...وشي طيب ان اهلك زاروك ...واهم شي ان العيال ينبسوطوا ...اهم شي ...

ومره ثانيه ...من العايدين​

 

[وهاجة]

الله يجبر قلبك وينصر ويجعل ايامك الجاية كلها اعياد

 

[غاليه]

هدهد
كل سنه وانتي طيبه
ياعمري تسلمين على كلامك الحلو وفعلا اهم شي عيالي هم راس مالي في الحياه
وانتم اعتبركم خواتي ويشهد الله على هذا


وهاجه
كل عام وانتي بخير
ومشكووووووووووووووره على دعائك ياعسل

 

[قلب حر]

..غالية الغالية ...
ادعو الله ان يكون ما تشعرين به من الم ..رافعا لدرجتك في الجنة ... حتى تدخليها وتقولي لم ار في حياتي سوءا قط ..وتنسي كل هذه الالام ...
..و يقر عينك باولادك ..
اميييييييييييييييييييييييين
وكل عام وانت الى الله اقرب .. وباجره وخيره احظى ... وبفرجه اسعد ..

 

[غاليه]

قلب حر

آمين يارب
ومشكوره على دعوتك الحلوه
وكل عام وانتي بخير

 

[الدكتورة نبضة قلب]

معاليه يالغاليه
طيب ليش يالسه في البيت وعيالج مو فيه

روحي بيت اهلج
جابلي الناس
سولفي واستانسي

حابسه روحج في العيد ليش؟؟!!

الغاليه نصيحه

لا تتريين حد يسعدج
انتي اسعدي نفسج

زوجج راح وسافر ويا عياله واستانس وياهم
ويدري انج بتيلسين في البيت ودموعج على خدج

انتي اعكسي السيناريو
اطلعي وزوري
وتونسي

 

[غاليه]

نبضة قلب

الله يسعدك وين ماكنتي

وفعلا انا ماراح انتظر احد يسعدني

واليوم ناويه اروح عند اختي وماابي افكر كثير

 

[هدهد]

نبضة قلب

الله يسعدك وين ماكنتي

وفعلا انا ماراح انتظر احد يسعدني​

واليوم ناويه اروح عند اختي وماابي افكر كثير​

اسعدني هذا القرار!
​

 

[الدكتورة نبضة قلب]

ممتاز يا غلوووويه ممتاز

صدقيني كلنا تمر علينا هالحاله

انا مثلا عندج

زوجي مسافر

العيد مر علي مرور الكرام

اليوم الكل طلع اللي مع صديقته ابوي اختي مع خطيبها
امها زاروها صديقاتها

انا واخوي الصغير قاعدين بدون شغله

قلتله يالله قوم خلنلطع

رحنا اشتريت له العاب
ورحت اشتريتلي اغرا احتاجها
تعشينا ورجعنا البيت

انا رفهت عن نفسي وتحسنت نفستي

هههه

 

[some1]

الله يهدّي بالك وبالي ..

رضينا بالهم .. والهم طفششششش منّا ..

<< يااااااااااااااااااااا رب .. رحمتك >>

مثل ما نصحتك الأخت ،،
لا تتوقعي من أحد أي شيء ،،
اذا ما حبيّتي نفسك لا تتوقعي الأخرين يحبوك ،،
كوني قوية ،،
لا تقفي على الأطلال ،،
شو يعني رجل ؟
ما دام صحتك جيدة وأولادك وحبايبك بخير ،،
شو عليك من زوجك ،،
الظاهر انه أناني ،،
على العموم ،،
كل عام وانت بألف خير وصحة وعافية حبيبتي،،
تذكري دوما" بأن يجب أن تكوني قوية ،،
​