اول مره اطلبكم يابلقيسيات... لاتخيبوني

[**توووفي**]

السلام عليكم ورحمه الله وبركاته
هده معاناة صديقتي اللي طلبت مني اكتبها لكم لعلها تلاقي حل
الله يفرج عنكم:: تقــــــــول::::::

>>>أنا متزوجة من سنتين تقريبا من انسان ملتزم عمره 24وكان قد اخبرني
في أيام الملكه ان التزامه قبل الزواج بسنه يعني مو أصله ملتزم ولكن بعد
الزواج بدأ يتغير فمن أول الزواج ظهر عليه التقصير في الصلاة بسبب النوم
وكمان اثر على دوامه اللي انفصل منه جلست شهر ونص على هالحاله حتى
طفح بي الكيل ورحت لأهلي على اساس اني ماراح ارجع له
لكن هو انصدم وجلس يرضيني ويعطيني وعود انه راح يتغير ويكون أحسن قبلت
ورجعت له ورجع لشغله وصلاته ولكن مده تقريبا شهر وبعدين رجع لحالته الأولى
وزعلت عليه واستمريت ثلاث مرات ازعل وارجع لكنه يرجع أردى من أول وكمان
اخلاقه تكون زفت يرمي علي كلام بايخ هو الحين دخل اربع شركات وخرج منها
بسبب انه مايتحمل الشغل شهر ويتركه
المشكله الحين جالس لي بدون شغل وانصدمت من تغيره المفاجيء مره
انقلب 180درجه
صاير كل وقته على الكمبيوتر يسمع اغاني صلاة في المسجد مافيه يجمع الصلوات
مع بعض حتى لو كان قايم ولما انصحه يقول لي خلي عنك الغلو والتشدد
لاويسب ابوي كمان على تربيته لي على الدين واكتشفت انه يطالع صور اباحيه
والمصيبه طايح له بموقع فيه العاب يلعب مع بنات ويسولف معهم العبي ياعيوني _ياعسل _ياعمري تخيلوا قدامي
ولما اتخاصم معاه ياخي راعي شعور زوجتك ازا مايهمك الدين يقولي انا رجال
وعادي مو صدق انا امزح
ومن كم يوم جالس يقول لي انا احس اني استعجلت بالالتزام احس اني تندمت وللعلم
هو ملتزم لما شاف اخوه اللي اكبر منه يعني احسه مو عن قناعه بس تقليد انا
انصدمت منه واحس قلبي يغلي من القهر .........
شخصيته شمالي وعصبي بالمره وعندي بنت...
وبصراحه افكر اروح لأهلي هل معي حق...مع العلم انه كان اول الزواج يحسدوني
الناس على حبه لي الواضح حتى عند أهله بس ما ادري وش هالتغير..
انا كلمت امه قبل كم يوم وقالت لي لو تروحي ما ألومك
قلت خليني استشيركم..........
والله ييسر لي الخير......
لا تنسوني من دعواتكم.....

 

[اميرة بقلبي]

مع العلم انه كان اول الزواج يحسدوني
الناس على حبه لي الواضح حتى عند أهله بس ما ادري وش هالتغير..
انا كلمت امه قبل كم يوم وقالت لي لو تروحي ما ألومك

حبيبتي الله ايعينك على مابلاك

بس هو خدعك من البدايه لما قالك انه ملتزم واضح جدا ان زوجك صغير بالسن ويحتاج لشخص اقوى منك لردعة

دامك كلمتي امه وقالت مالومك يعني ماعندهم استعداد حتى يتدخلو باللي بينكم


بس قبل لا تتصرفي يمكن عين احيانا الناس يحسدون على ابسط الاشياء

كل يوم اقري سورة البقرة في الليل على الاقل لمده 7 ايام فبيتك وحصني نفسك وحصني زوجك بعد حتى من غير مايحس

هذا بالنسبه للجزء الاخير بعدين اكثر من الدعااااء له اخر الليل ان الله يهديه انتي ماتسعي الا انه يكون ملتزم بس على الاقل يحافظ على الصلوات باوقاتها مع الجماعه لان الصلاة تنهى عن الفحشاء والمنكر

اما الاشياء الباقيه شوي شوي لازم تتعلمي تبعديه عنها هنا في المنتدى في اكثر من قصص عن الشمالي وكيف ممكن نلفتين انتباهه وتخليه هو يدورك وقتها بيبعد عن الي يسوي من غير ماتكوني ضغطي عليه ولا حسستيه انك تنصحيه الرجال مايحب زوجته توجه له نصيحه مباشرة لان هالشي يحسسه انها افضل منه وطبعا ما يعجبه الاسلوب بس بطرق غير مباشرة حاولي تخليه يصلي الصلاه بوقتها من نفسه بدون ماتجرحيه او تحرجيه


وبرضو ارجع اقلك كثري من الدعاااااااااء له والاستغفار فيه الكثير من الفائده لكي وله

والله يسر ليكي امرك يارب

 

[alreeeem]

لا حول ولا قوة الا بالله العلي العظيم الله يعين صديقتك على بلواها وهذ الشخص واضح انه مازال مراهق وغير كفؤ لتحمل مسؤلية زواج وابناء ,,,,,,اول شىء خليها تستخدم مانع للحمل حتى ماتزيد المسؤليه على نفسها وثانيا ياليت تكلم احديتدخل من الاهل يكلمه ويعقله وخا صه اخوه الملتزم لانه يمكن بيتاثر فيه وان شاء الله يتعدل ,,,هي لا تدخل معاه في مشادات بس تحاول تدخل عليه من مدخل انها تحسسه برجولته وتشجعه على اي شغله بس اهم شيء انها ما تعايره ولا تقلل من قيمته وتحنن قلبه على بنته وانه يامن مستقبلها ,,,,,,,ماعليه سامحيني يااختي على النصيحه المتواضعه,,,,,,,,والله يهدي كل الازواج ويصلح بيوت المسلمين,,,,,,,,آآمين

 

[زياره]

هادي حالة كتير من الشباب << يلتزم ويرجع ليش؟ < لأنو مو ب اقتناع ف تسير هفا

الله يهدينا و يثبتنا يارب

أختي حياتها اختيارها,, هيا اللي تختار , الواضح من افعاله انه ما يحترمها للأسف..

المفروض يخجل من نفسه, مو عيني عينك قدامها!!!!!!!! خليه يستحي على دمه ..وجع!

أختي.. نصيحتي لها ف لتستخير.. و الله ينورلها طريقها يارب.

 

[coffee]

السلام عليكم:اختي العزيزه نصيحه لوجه الله ابدا ابدا لا تستعجلين اولا هو ما خدعك من البدايه لا لكنه ظن ان الالتزام شيء بسيط وهو لم يصبر عليه فكوني معه وشدي من ازره بطريقه غير مباشره يا اختي ثم فعلا انا مع الاخوات ان تاخذي مانع حمل في الوقت الحالي اكثري الدعاء والصدقه بل والحي بالدعاء فزوجك بذرته خير لكنه يتخبط هنا وهناك يريد من يهديه فعلا كلمي اخوه الكبير فيبدو واضحا ان له تاثير عليه انصحيه ولكن بطريقه غير مباشره فالرجال لا يحبون النصيحه بطريقه مباشره والله يا اختي اخذت زوجي لا يصلي ابدا والحمدلله الان لا اقول انه ملتزم ميه بالميه لكن كثيير افضل من قبل وحج 3مرات والحمدلله ولازلت اجاهد معه هو زوجي وابو اولادي لابد ان اقف معه حتى نكون سويا بالجنه انشالله فليس ذنبه ان لم يكن من يرشده للصلاه والتربيه الدينيه...في صغره ...والصلاه هي من تنهى عن الفحشاء والمنكر اذا اتقنها وواظب عليها سيترك كل شيء حرام استمري بالدعاء ولا تستعجلي وتتركي بيت زوجك ...هذا راي الخاص وانت ادرى بوضعك ووضع اهلك.

 

[نور كندا]

مشكلة بعض الرجال التشدد والتعصب بدون تفكير ومع الوقت يحس بالملل من الدين ويرغب فى قلب كل الموازين ويحس انه يريد ان يفعل كل ماكان ممنوع منه من قبل وبوجود الانترنت كل الحرام متوفر وسهل وموجود نصيحتى لمثل هزا الرجل تركه بعض الوقت حتى يمل وساعتها سيرجع لوحده وهى فترة زمنيه وسيعود لربه ودينه عندما يشبع من هالامور يلى كانت طول عمره عيب وحرام

 

[aaasss111]

الله يعينك ويصبرك أختي الغاليه و عليك بكثرة الأستغفار والدعاء ولا تستعجلين في أتخاذ أي قرار إلا بعد تفكير واستشاره والله يسخره لك عزيزتي

 

[عاشقة الشوكولا]

السلام عليكم غاليتي من استشارتي الشخصية اولآ من كلامك انشاء اللة مو راعي شراب ولا راعي انشاء سهر لنصف اليل يسمع اغاني وقصر في التزامة هذي نشوة داخلية لاتنسين اخذتية صغير لازم تتحملين هذي اشياء بسيطة ما شفتي الآعضم ادعيلة واحرصي على صلاة الضحى مثل شرب الموية لاتنقطع عنة صدقيني راح تشوفين الفرق بأذن اللة ,,,,,,,,,,,,,,,,,,,,,,ودعواتي لك انشاء اللة تقبلي تحياتي