اه ياقلبي من يواسي قلبي المجروح

[دموع الشوق2]

بسم الله الرحمن الرحيم

اكتب لكم وانا ابكي تعبانه ومحتاجتكم من يواسيني من

وربي اني تعبانه ماني قادره انام من اللي شفته

اليوم وللمره الثانيه اشوف اثار مص على شفة ضرتي

من يتحمل اللي شفته من يصبر صبري من ردوا علي

اللي قاهرني اني مو ناقصني شي غير اني ما انجبت

اه بس اه والله ماني قادره اكمل
​

 

[سلفرادو]

الله يعينك على هالمشاعر الكريهه والله يصبرك
مالك الا الدغاء

 

[دموع الشوق2]

مشكوره اختي الله يجزاك خير

والله انةرووحي تعبانه

والله اني ادعي على نفسي بالموت

 

[ام فيصل@]

حبيبتي مايصيييييييير تدعيييييييين على نفسج الدنيا ماتسوى
الله يصبرج ان شاء الله

 

[نحمدة ونشكره]

يا اختي اصلا انتي ليش تشوفين ضرتج لا تشوفيها ولا تختلطي فيها بعدين حاولي تسيطرينن عى نفسج شوي يعني انتي ماقدرتي تحملي هذا امتحان من رب العالمين وماتعرفين بكرا شو يصير
وهاي ضرتك اذا شفتي الاثار انجنيتي شو يصير لو تحمل حاولي تقولين كلما شعرتي بلغيرة او الغضب قدر الله وماشاء فعل والله انها تخفف من حزنك كثيييير

الله يقويكي

 

[سمراء بلادي]

ربي يهون عليج ويبرد على قلبج ومع كلام اختي نحمده ونشكره واحمدي ربك انه كلشي بالحلال وقدام عيونك مو احسن مما تظلين حايرة وين راح وين اجة وربي ادعوه ان يرزقج بالذرية الصالحة وما ذلك على الله بعزيز

 

[ام عمر*]

حبيبتي دموع الشوق والله حرام عليكي الي تسويه بحالك
يا عمري ربنا ابتلاك اصبري وتحملي ولا تقهري حالك وصدقيني انه ربنا مارح ينساكي
لا تخلي ضرتك تحسسك بالنقص يمكن هي تطلب منه وقت العلاقه يسوي هيك عشان تشوفي الاثر وتنقهري خليكي قد حالك وطنشيها الله يهديها

 

[S.smsm]

نفسك اغلى ماعندك
لا تهمليها ولا تسوي شي ياثر عليك مرره
كل شي يضايقك اقطعيه من جذوره وابعديه عنك
طنشي الي مطنشك وعيشي حياتك
الحياه تجي للي يعطيها عرض اكتافه​

 

[طعم الشهد]

حبيبتي

كيف وضعكم هي معك بالبيت...؟

اذا معك بالبيت الفترة اللي يجي يومها او اختل فيها

روحي غرفتك ولاتطلعي منها لحد مايجي يومك واذا مرت بجنبك او شيء

شفتي الحشرة كيف نستحقرها ولا كأنك تشوفيها

لأنها لو عندها ذرة احساس خجلت من نفسها وعلى الاقل حطت روج

بس اكيد انها متعمدة تغيضك

واذا هي في مكان غير بيتك بس تجي

لاتعطيها وجه ولاتدخليها بيتك بعد

وان شاء الله ربي بيكتب لك الذرية الصالحة

قولي آمين

 

[عيون عزيز]

المفروض ما تشوفينها كلش ....

 

[نونا حياتي]

الله يفرج همك بس نصيحه لا تشوفي ضرتك أريح لك والله


واذا زعلتي او شي حطي في بالك انها حلاله مو شي بالحرام يعني شي اهون من شي


أنا والله زوجي أشوفه يطلع مع حريم بس لسه ماصر بينهم شي وربي انياقوله أزوك بالحلال ولا كذا

كل ما طلع ماتدري عنه على الاقل انتي تدريو ين هو فيه هوني على نفسك ياقلبي


وانبسطي وابعدي اي شي يزعلك اذا شوفتك لها تزعلك لا تشوفيها إلا قليييييل اذا مررره لازم يعني

 

[النجمة الامعة]

دموع الشوق انا عارفة مهما واسيناكي انا والبنات موحاسين بالنار الي في قلبك بس اول شي عليك بالدعاء والاستغفاااار راح ترتاحين وصدقيني هذي تتعمد تضايقك وتشعل نار الغيرة وهذا ياثر عليكي مع علاقتكي بزوجك ويصير مشاكل بينكم في المستقبل بس لازم تكوني قوية وماتاثر عليكي وحاولي لاتحسسي زوجك عشان لاتعرف انك غايرة منها وانتي حاولي تكسبين زوجك بمعاملتكي معاه وكمان احسن لاتشوفينها والله يقويك يارب وطمنينا عليكي

 

[نداء الامل]

الله يعينك ويصبرك لانه ما هو شئ سهل وعليك بالدعاء والاستغفار

 

[ايمي الدلوعـــه]

حاسه فيك يادموع الشوق وربي حاسه فيك

بس ياعمري حاولي تكيفين نفسك على هالوضع

لانك بتتعبين كثير ان استمريتي كذا

 

[~أغلى الغاليات~]

اختي انا شفت كل مواضيعج ..حبيبتي انتي ليش حاطه في بالج زوجج وضرتج ..وكل مواضيعج عنهم ..حبيبتي زوجج تزوج لانه يبغي اطفال والحين عنده انتي ليش مخليه حياتج كلها تتعلق فيهم خلاص ثلاث سنين من تزوج ..عيشي حياتج ..ليش ما تفكرين بهدف ثاني لحياتج دام الله ما انعم عليج بالاطفال يمكن الله يبغيج تكونين ناجحه في شي اخر وتنشغلين في شي اخر غير الزوج والعيال والضره..اختي الحياه اكبر من هالاشياء ..ركزي على نفسج وابعدي عن ضرتج ..واذا على البقع الله لا يهينج اقرصي نفسج قرصتين وبينطبع على رقبتج نفس البقع اللي عندها ..اختي الله ما اخلقج بس لزوج انتي انسانه لج حياتج ولج كيسانج ولج شخصيتج ..ان كنت جامعيه كملي دراستج وان كنتي ثانويه اخذي الباكلريوس واشتغلي ..عندج هوايه نميها وابدعي فيها ..اهتمي بنفسج وجمالج وصحتج ..اهتمي بحالتج النفسيه ..في دوارت وااايد حلوه ممكن تدخلينها ..تفيدج في حياتج الزوجيه وفي الحياه العامه ,..فن الاتكيت ..البدي لانجوج ..البرمجه العصبيه ..انشغلي وابعدي عن اجواي التكهرب اللي انتي عايشتها ..اطلعي من هالقوقعه ..والله ييسر امورج ..

 

[شيخة المعازيم]

حبيبتي الضرة تقهر ومعروف ذا الشيء
انتي بس هدي نفسك واحتسبي الاجر
حبيبتي شغلي عقلك وقلبم بامور ثانيه
اخري نفسش من الدايره هذي الحين عقلم بيوسوس لك امور كثيرة
لا ...ابتعدي عن هالجو كله
حاولي تغيري مكانش وبعدين انتي ليش الضرة عندش
ليش ما يحطها زوجك في مكان بروحها
حبيبتي اهتمي بنفسش وما عليش منها ​

 

[رازيا]

اسمعي مني اطلبي منه يسكنها بعيد عنك ويحترم مشاعرك وما تشوفيها ولا تشوفك وانت الثانية انشغلي عنه الحياة مو بس زوج ورجل
وين هواياتك
وين صديقاتك
وين اهلك
وين مهاراتك
وين دراستك
وين تطوير شخصيتك
اطلعي وغيري جو واعزمي صديقاتك برة وتعلمي دورات المهم انشغلي عنه

 

[تولين50]

الله يعينك على مابلاك وحاولي تشغلي نفسك بشي نافع عشان تقدري تتغلبي على الألم اللي بداخلك وترى الشيطان حريص إنه ياخد بيدك إلين تخسري فانتبهي وارتقي بالإنسانه المنسيه اللي جواك

 

[نوواهل]

يمكن هي شااافطه علبه وتغيضك هههههههه اسحبي وكوني واثقه قدااامها ولاتستضعفين وانتي سوووي علامه في زوجك

 

[يعشقني للثمالة]

حبيبتي لاتشغلين مخك فيها

وحاولي ماتشوفيها ابد ولاتجيبي سيرتها

وشي بالحلال قدامك أفضل من الحرام من وراك

هذا زمن الخيانات واحمدي ربك زوجك ماراح لذاك الطريق

اشغلي نفسك بنفسك وأحبي نفسك ودليليها وحبي زوجك وكأنك انتي الوحيدة بحياته >>اكيد صعبه لكن اوحي لنفسك وقويها

و طنش تعش تنتعش

نصيحه مني كثرة التفكير >> تتعب وتكبر الانسان لااااااااتفكري

خليكي ريلاااااااااااااااااااكس وايزي ((وعيشي لنفسك ولبيتك وزوجك))
ووقت الفراغ مارسي هواياتك واشغلي نفسك بأي شي مفيد


ربي يوفقك ويبرد على قلبك

ادعي (( اللهم انزع غيرت ضرتي من قلبي ))