اه من هالزوج

[Zoozy]

السلام عليكم ورحمة الله وبركاته

أرجو من الاستاذة الفاضلة / ناعمة الهاشمي .. نصحي وتوجيهي..​

واتمنى ايضا اللي لها راي سديد توجهني وتاخذ بيدي

احس اني بدنيا تايهه ماادري وش اسوي بنفسي

راح ابدا مشكلتي امكن تشوفونها صغيره بس بالنسبه لي كبييييييييره

انا عمري 23 سنه متزوجة من شخص 33 سنه لنا ثلاث سنين متزوجين

تزوجت صغيره وكان لي اغلاط في تنظيم البيت والمطبخ والطبخ ومع الايام تعلمت الكثير

محد يدخل بيتي الا وهو راضي نقلنا دولة اجنبيه للدراسه

زادت معرفتي بالطبخ والحلويات ماراح اقول صرت طباخه بس انسانه تبيض الوجه في العزايم ولازم من الغلطات بين مدة ومدة لحكم دراستي

زوجي من بداية الزواج لسااااااانه طويل ومحد يقنعه انه هو غلط ومايسمعني ابد
يكفي هز وحطم شخصيتي من قبل وكنت ابكي وامشي حياتي واقول لازم ارضيه واكون الزوجه المطيعه الحين صااااار متغير علي مافي شي عاجبه لسانه كل سب ولعن وشتم ودق بالكلام ويهتم بالبنات اللي يدرسوا معه كثير ويمدح فيهم قدامي زعلت او مازعلت بالطقاق عنده

يقول انتي دللللللللوعه صرت اكره هالكلمه وربي ماحس اني دلوعه بالعكس كل شي اسويه

صار يقارني بالكل اخواته واهله وقرايبي وجاراتي هنا بالغربه يقول انتي 1 من الميه بالنسبه لهم

انا ابي ابكي ابي ادافع عن نفسي مقدرت دموعي تحجرت بعيني

اليوم كان في حفل وحضرنا وصلحت معي اكل والبنات اللي معوا بالكلاس كمان نفس الشي جابوا

واحنا هناك اسمع العيال يقولوا لزوجي زوجتك طبخها حلو وطنش وطول الوقت بالسياره يمدح اكل البنات ويقول اصلا واضح انهم متعلمات المطبخ وبذات فلانه اكلها لذيذ

انا سكت وقلت فلان سمعته يناديك وتكلم عن ايش قال قال يقول الاكل حقك حلو وقالها بدون نفس

مرررررررره انقهرت ليه يسوي فيني كذا

كرههههته وكرهت اسلوبه انا ماعمري غلطت عليه ودايم رومنسيه معه واتعامل معه انو الصديق والاب والزوج ودايم يكون يقول انا توفقت باختيارك لاني احس بوناسه معك

بس الان يقول انا غلطت اني اخذتك ليتني اخذت اللي كانت قدامي وفيها كل المواصفات اللي ابيها قصده بنت خاله لانها تبيه كانت وهو انغر وهالسالفه دايم تنعاد انو فلانه تحبه

ادري كلامي كثير بس وصلت بقرار انا بنزل السعوديه وناويه طلاق او يتعدل طفشت من الاهانات ونكران الجمييييييييل

لو يدخل البيت وانا مرتبته ومعطرته وانا نظيفه مايعلق ولاحتى كلمه تسلم يدك

يدخل يوم ويشوف زاويه حوسه قاااال عمرك متنظفين انتي شي يرفع الضغط وصلت للانهيار مع هالزوج

 

[Zoozy]

سبحان الله وبحمده

 

[خاله سوسو]

أختي الحبيبة هووني على نفسسك ..

فالرجال يحملون هذه الصفة جميعاا .. ولو طلبتي الطلاق على هذا الامر تحديدا سأقول لك أن الطلاق ليس حلا للمشكله .. لان الحل بيدك .. صدقيني بيدك .. اهتمي بجميع الجوانب النظافية والشكليه لك ولمنزلك
ولا تنتظري منه ابداء الرأي .. ولا تسأليه ان كان اعجبك هذا او ذاك .. اترركيه في البيت في الجاامعه المهم هنااا هو نظرتك لنفسسك .. ثقتك بنفسسك .. استعيديها ليست كلمة الحب او الإطراء هي التي ستجعل منك أمرأة سعيدة .. الزواج صعب و ويحتاج له صبرر عميق وطوويل وايضا ثقه ..
وثقي علاقتك بالله و صدقيني مع الله لا تصير امورك خيراً ..
وصدقيني ان احترمتي نفسك وطبخك سينعكس ذلك إيجابيا في حياتك .. لاننا نحن من نستطيع ان نجعل غيرنا يحترمنا من نظرتنا لأنفسنا ..
لا ترردي على زوجك أبدا .. وقولي بأدب انا اثق جدا في طبخي وفي شكلي وانا متأكده انني افضل إمرأة في الوجود .. لا تردي بسب ولعن وتقولي انك تفتقدين الحب .. ترفعي عن كل ما يجعل الحياة الزوجية حلبة مصارعه وقابليه بكل قوة وثقه واحترام ..

اتمنى لك التووفيق ..

اتمنى ان تدعين الله لي بالذرية الصالحة المعافاة .. ​

 

[يالوردي]

اجلسي معه جلسه مصارحه وقوليله انت وش مايعجبك فيني عشان اعدله ويمكن فيه شي مضايقه واقري عن نمطه وتعاملي معه انشاء الله يتحسن لاتتسرعين بالطلاق

 

[Zoozy]

الله يرزقك بالذرية الصالحه يارب

بس انا والله واثقه من نفسي ولو افتح فمي واقول انا واثقه يهزئني زياده

ماارد عليه ابد بس قبل امس جلس يسب فيني قلت اطلع للمطاعم قال احط رجلي في وجهك روحي وغصبن عنك تسوين لي غداء
وانا سويت قبلها غدا ومسكه وكبه على الارض وعلى فكرة الاكل اللي رماه الباقي طلبه عشاء في الليل واليوم الثاني واكل من قلبه يعني الاكل مافيه شي والله لو الاكل فيه شي انا نفسي مااكلت وانحرجت وتاسفت بس واثقه مافيه شي

 

[Zoozy]

نمطه شمالي شرقي

هذا اللي احسه مع في مواصفات مو فيه من هالنمط

حاولت بكل الطرق ليييه اساله تعبت اعدل واعدل وهو مايعجبه شي ولاتغير معي

وللعلم رفع الصوت واللعن مو بس في امور البيت لا لو يصير شي تافهه قال انتي حمارة ويرجع يلعن ويسب يعني شي في دمه طولة اللسان

حتى من قبل يطول لسانه ويهزئني قدام اهله وسلفتي لدرجة اخته مره قالت ظلمناك لمن زوجناك اخونا وكنت اقول لا انا اتعامل معه زين اثقف نفسي باامور كثير

 

[ماني من ناس]

نفذي كلمه بلحرف
متعرفين طبخين قولي صحيح
ياليتي ماخذ افلانه نعم صح اتوقع راح تنفعك اكثر مني نعم (بقلبك انها تادبه)
الزاويه حوسه ثاني يوم اخلي البيت حوسه عاادي
مو مشكله
ليه دورين رضاه حبي نفسك قبل متحبينه ورضي نفسك انتي واذا انتي قايمه بواجبه وعارفه انك مقصرتي
خلاص لا تحرقين نفسك علشان ناس تنسي العشره
انا عندي لا يمدح بس لايغلط
رجاء للحد يلغي تعليقي​

 

[Zoozy]

الله يعين يااااارب
ومشكورين

 

[روابي ابها]

الله يعينك.والله صراحه مالومك لو فكرتي بالطلاق اذا كان فعلا بذا لأسلوب وذالتعامل لكن قبل تسوين اي شي عليك بالإستخاره وبعدها ربي بيكتب لك اللي فيه خير لك.

 

[pink star]

الله يعينك أختي بصراحة شيء يقهر ألفاظة وإهاناته ماأدري وش أقول لك
لكن تصرفاته هذه من اول ماتزوجتوا او بعد الغربة؟؟؟
الله يسخره لك ويقر عينك به يارب

 

[تبوله لذيذه]

الله يهديه ان شاء الله ليش جيه .. أسمعي حبيبتي خلي عنج واهتمي بنفسج وادي واجباته وحقوقه بدون ماتنتظرين منه كلمة شكر أنتي اللحين فغربه
أتقربي لله أكثر داومي على سورة البقره وكثر الاستغفار والصلاة عالنبي علية أفضل الصلاة والسلام
الله يسر أموركم مع بعض

 

[لؤلؤه نادره]

الله يعينك
ويسخر لك زوجك
ويصرف عينه عن غيرك
اكثري من الاستغفار

 

[مشتاقتلي]

مرحباً حبيبتي ان مع خاله سوسو كلامها صح 100/ زوجك ماقاعد يشوف فيك البنت اللي تحب نفسها جالس يلاحض انك
تدتورين رضاه بكل شيً وهذا اللي محوم كبده اسفه علي هاالكلمة
بس انتي بيدك اللحل
حاولي تدرسين لغه إيه لغه[تجديدين في نفسك يصير عندك هدف وانا متأكده انه يبي يعارض بالبدايه
بس اصريً
واذا جلس يمدح بفلانه وعلانهً لا تبينينً انك زعلانه بالعكس اضحكي ضحكه علي جنب واذا قال وش فيك قولي لا عادي واضحكي والله ينقر
ولا تسالينه عن رأيه ابدددد حاولي تودين لجارتكً اكل واذا قال ليه قولي عاجبتهاً ها الطبخه واشتهيتها لها
وخليك واثقه من نفسسسسسسسسسسسسسسسك هذا اهم شي اعملي اللي عليك والله الله بالدعاء والاستغفار

 

[خاله سوسو]

عزيزتي اقرأي عن الشمالي الشررقي .. في المنتدى موااضيع شاامله ..

نصيحه مني لك الشمالي الشرقي يحب المرأه القووية المثقفه الحكيمه .. ابدا ابدا لا تطرين سالفة الطلاق الا اذا تقفلت معك الابواب رغما ان ليس هناك صعب على الله .. اطلبي الله التوفيق والتسخير
وصدقيني اعيدها عليك الثقه بالنفس سلااح .. ​

 

[Zoozy]

شكرا لكم وحده وحده شاركتني برايها
انا بالعكس مااحس اني لاصقه فيه انا ادرس لغه الان وهو كمان يدرس فمانتقابل اللا الظهر... مدري وش اسوي او كيف اعرف اذا كنت محومه كبده جد!!
شخصيتي صح ضعيفه ماكنت كذا بس مع اسلوبه احيان اجلس بالمطبخ ارجف
بس على كذا لمن يكون راضي يستشيرني ويحكيني بشغلات انا اقول سو كذا ولاتسوي كذا

انا جيتكم من جانب واحد من شخصيته هو اللي مضايقني فيه
بس اذا راضي يدلعني دلع ويعطيني اللي ابي ويقولي كلام احس انه طفل قدامي

واللي تسالني هو كذا من بداية الزواج ولا لا ؟ اقول لها ايه كان كذا وقد جاء مره كنت حامل وتخاصمنا
جلست اسبوعين بعدها وسقطت ربي مقدر كل شي

وسبق قلت لامه وامه كلمته وجلس يمدح فيني اني احس بنت بالوجود بس كنت معصب شوي
وكنت اشوف بداية الزواج انا كنت الخبط باامور المطبخ فااشوف نفسي غلطانه

بس الان لا والف لا انا واثقه بس احس خلاص ماخذ تصور صورة وحده انو انا مهما اسوي ابقى مثل ماانا

يعني علقت بباله صورتي اول بس والله اول كنت لمن ادخل المطبخ حتى تقطيع البصل يجي يطالع فيك كنت احس بربكه واني مراقبه اوقف من الخوف انا طبعي اذا خفت اوقف كل شي معد اقدر اكمل

ادري دخلت بكلام كثير بس وربي من الضيقه

ربي انت اعلم بحالي فارحم ضعفي ولاتكلني الى نفسي طرفة عين