انتو معايا او ضدي

[tune]

بسم الله الرحمن الرحيم
بصراحه هادخل في الموضوع على طول بيت الزوجيه سواء شقه او فيلا ان شاءالله غرفه مين المفروض يفرشها اهل العريس او العروسه نفسها انا ما اقصد من ناحيه المصاريف اقصد من ناحيه تنقيه العفش مو هى الي بتسكن في البيت وتصحى وتنام وتجلس فيه طووووووووول الوقت
انا تقربيا معظم اهلى ممكن نقول الاغلبيه العروسه تخرج مع العريس يا مع اخوها او امها وتنقي
طيب واللي اهل زوجها هما اللي يفرشو وبالذات ت لو طلع مووووووو على ذوقها مره ايش تسوي تقعد في شقه مو عجبتها :33:
ياريت اشوف ايش رايكم في الموضوع لانو موضوع مره مهم وحساس بالذات ليا

 

[ام سعود2010]

حبيبتي اذواق الناس تختلف ممكن اللي يعجب اهل الزوج ما يعجب العروس
وانا من رايي ان العروس تختار الاثاث اللي يعجبها لانه بيتها ومملكتها الخاصه وراح تقضي فيه 80%
من وقتها علشان كذا لازم تجلس بي مكان مريحها ومعجبها
اذا الاهل مو راضين تطلع العروس مع زوجها ممكن تروح وتختار وتخبر زوجها مكان الشي اللي اعجبها
او ياجل العريس موضوع فرش البيت لما بعد حفلة الزواج ويطلعو يختارو الاثاث براحتهم
ويجلسو بي فندق لحد ما يجهز بيتهم الحلول كثيره
بس اهم شي العروس ختار اثاث بيتها

 

[tune]

شكرا ياام سعود على كلامك اللي صحيح 100%100

 

[الأمل الحقيقي]

انا اشوف ان العروسة هي اللي تختار اثاث بيتها انا اختارت الاثاث علشان كذا عاجبني ولي 4 سنوات ما فكرت اغيره

 

[رغم]

صباحو بصراحه أنا أأيد أم سعود بس أنا أخته راحت معه وأختارت الأثاث ورفض يعلمني يقول بسويها مفاجئه بصراحه أنا كاره الشقه مع أن ذوقهم حلو بس كنت حاطه ببالي شي وشفت شي ثاني فأنصدمت إذاماتقدرين تروحين خليه يروح لمحلات الأثاث ويصور الي بيشتريه ويرسله لك وسائط أعتقدمافي أسهل من هالحل وثانكس تقبلي مروري

 

[tune]

الامل الحقيقي شكرا على ردك صراحه موضوع العفش ممكن يتغير لكن الاصعب تغير سيراميك مو عاجبك حمام مزفت الله يكرمك واذا كان في جبس او ديكور ايش الوحده تسوي ؟؟؟؟؟؟؟

 

[tune]

رغم نفس الشي صار معايا ما اقول ذوقهم مو حلو بس مو ذوقي انا لعلمك انا اكره بيتي والشي دا مره مضايقني احب اجي بيت اهلي عشان اقعد في غرفتي اللي انا مختارتها معظم بيت اهلي انا منقيتو

 

[ذروه غنج]

حسب العادات والتقاليد السايده في مجتمعكم

ومبروك مقدما​

 

[tune]

ههههههههههههه انا متزوجه ليا 9 سنين الله يبارك فيك رغم انها متاخره

 

[$دمعه غلا$]

والله حبيبتي اكيد انالي المفروض تختار العروس لانه مملكتها اصلا اذا كان الاثاث مو حلو بياثر علي نفسيتها لكن ماخلي الا ثاث مشكله اكيد اانك لازم تغيرينه بس انتي في البدايه ركزي علي زوجك والحياه معاه وبعدين ناقشى معاه مشكلة الاثاث وموفقه حبيبتي

 

[tune]

دمعه غلا فعلا موضوع الشقه والعفش جدا ما اعرف ايش اقلك بس ماثر على نفسيتي مره استحي اعزم احد عندي اشيل هم ممكن الشقه تكون حلوه بس مو عجبتني هدا وانا غيرت فيها كتير تعالي شوفي اول ما تزوجت واه ه ه ه ه

 

[كرآميش]

بالتوفيق ياقلبي الله يكتب لك السعاده دوم
​

 

[حناااان الكون]

يعتمد ع السكن هل في شقة أجار وإلا بيت أو فيلا ملك ؟؟

لو أجار لا تشدين مع زوجك وخلي الأمور تجري بالراحه لا تنسي بداية زواج وانتي ادرى بتكاليف الزواجات هذا الوقت تكسر ظهر الرجال كسر ممكن هو يكون حاط ميزانيه معينه للاثاثا لا تضغطين عليه وخلي ببالك حتى لو هو اختار الاثاث لبيتك تقبليه لانه بيتك بيكون فيك تضيفين بعض اللمسات اللي تعطي جمال للمكان وراحة

لكن لو كان السكن ملك لا افضل ان الزوجة هي اللي تختاره لان الملك اثاثه راح يعمر فترة اطول بعكس اثاث الشقة فترة بسيطة وبعدها تغيرينه

لا تشدين بامور بسيطه لاحقه ع الشد​

 

[tune]

كراميش الله يسعدك يارب شكرا على الدعوه الحلوه

 

[قطرة في بحر]

أحلى شي أن العروس تختار
لكن لو كانت عادات مجتمعك اللي أنت فيه أنه أهل العريس اللي يختاروا ممكن تلمحي لعريسك أنك ترغبي بالإختيار بنفسك لو وافقوا الحمد لله ماوافقوا الله يعينك بس لا تخليها مشكلة أرضي بنصيبك

عن نفسي بمجتمعنا المفروض أهل العريس هم اللي يختاروا بس كلمت زوجي ايام الملكة بأني ارغب بالإختيار بنفسي ووافق وكنت كل شي أنا أختاره وأعطيه عنوان المحل عشان يتفق معاهم ويشتريه والحمد لله كان البيت مثل ما أتمنى

 

[tune]

اختي حنان الكون انتي هنا جيتي للموضوع الحساس اول شي الشقه تقربيا ملك لانها في بيت اهلو وما بيدفع ايجار طيب وليا 9 سنين يقلي اصبري يمكن نخرج لبيت ملك اقله طيب انت ما بتدفع ايجار على الاقل صلح في البيت الحمد بعد جهد جهيد غير الحمامات الرهيبه بس والباقي ما اتغير هههههههههههههه قسم بالله اكره الشقه كره العمى
1-شكليا
2-موقعها بعيده عن البلد
3-ساكنه مع اهل زوجي وانتين من سالايفي :33:
وترا شقق سالايفي مره حلوه وفخمه انا حتى شقه اهل زوجي انا اوحش واعفن شقه بالعماره الحمد لله غلى كل حال

 

[tune]

قطره في بحر انا متزوجه ليا 9 سنين ​

 

[tune]

ماشاء الله تبارك الله كل اللي اعرفهم يحبو بيتهم وما يرتاحو الافي الا انا !!!!!!!!اذا رحت عند اهلي اشيل هم الساعه اللي ارجع فيها البيت واول ما ادخل الشقه احس اني متضايقه كارهه الشقه حاولت اقلم نفسي مو قادره نفسيتي مره تعبانه من الموضوع

 

[محبة مكة]

ما في مشكلة مين يختار البيت ما دام انه هو الي يفرش اهتبريه طاعة لزوجك
المهم الحياة الزوجية كيف بتكون

 

[محبة مكة]

ما في مشكلة مين يختار البيت ما دام انه هو الي يفرش اهتبريه طاعة لزوجك
المهم الحياة الزوجية كيف بتكون

اعتبريه