انا واخواتي وامي دايم في مشاكل ارجوكم عطوني حلول

[قوت 2000]

السلام عليكم

والله ماادري من وين ابدا وفي مين ابدا اخواتي ولا امي ولا انا ولا ابوي

انا قصتي طوييييييييييييله وحزينه وبختصرها في صفحه وحده

لي اختين متزوجات وانا الثالثه واعمارنا بين 25 و31 سنه اخواتي الثنتين دايم مع بعض في كل شي

وينقلون الحكي لبعض واي شىء يصير في البيت يصغرونه ويكبرونه واذ اتكلمت مع وحده فيهم تنقل

كل الحكي لاختي الثانيه واختي الكبيره فيهم هي اكبر وحده في البيت وعصبيه ودايم البيت مشاكل

بسببها تعصب وتصارخ وتدعي على الكل وتشوش وتفتن تبي الكل في صفها حتى لو هي غلطانه

هي عندها 4 عيال ولي اخوان واخوات ماتزوجو ودايم تبيهم في صفها ضدي او ضد امي

وامي اللي هي امي تنقل الكلام بينا وتصير مشاكل بسبب الكلام يعني لما تصير مشكله بسبب اختي

الكبيره انا اعصب واتكلم عليها وامي تروح تاخذ كلامي كله وتنقله لاختي واختي تتصل علي تسب وتشتم

والسبب مين امي الله يهديها حتى امي تعصب منها وتتنكد بسببها ومع ذلك اذا تراضو راحت قالت لها

كل حاجه في حياتي انا وزوجي وعيالي وزعلي من زوجي بالعربي احنا عائله مشتته بسبب اللسان

في ايام العيد رحت اسلم على خالتي من سنين مارحنا لهم بسبب مشاكل ونميمه وغيبه وغيره الله يكفينا الشر
اختي الكبيره العصبيه زعلت يوم رحت اسلم على خالتي تقول ليش تروحين لها وهي سبب طلاقك وهي

لاني مطلقه وكلام يروح وكلام يجي من خالتي وامي وام زوجي وتطلقت والسبب مين بالضبط ماني

عارفه وهالكلام من خمس سنوات والحين انا متزوجه وعندي بنت وولد ربي يحفضهم لي ونسيت

سالفة طلاقي ورحت اسلم على خالتي لله واهديتها هديه لانها كبيره بغيتها تفرح بالهديه

بس اختي عصبت وتقول ليش تزورينهم وليش تتعشين عندهم هم فيهم وفيهم انا والله متنكده

وزوجي اخواته ماشاءالله مع بعض دايم ويموتون في بعض واحيانا يقولي انتو ليش ماتكلمون بعض

دايم ليش ماتزورون بعض انتو غير اخواتي والله استحيت من زوجي واجيب له تصريفات من هنا ومن هنا صعبه اقول لزوجي مشاكلنا

والله كل مارحت لاهلي واستانست ارجع متنكده يعلقون على تصرفاتي امي تنتقدني ينقلون الكلام بين بعض

والله دايم مشاكل انا مالي الا اهلي بس مليت من المشاكل اذا جلست في بيتي بيقول زوجي ليش

مازرتي اهلك زاذا رحت لهم تنكدت والله ماادري ايش الحل انا اغلط بس شوي وارجع

مهما كان ااخواتي بس اختي الكبيره ماتنسى وتجلس شهور على مشكله وحده وكل ماشافتني تسب

وتشتم وتكبر المشكله وتتدخل امي واخواتي وصراخ وهواش اذا سكت وقلت لها تعوذي من الشيطان

ماتسكت وتسبني وتصارخ علي الين ابكي من القهر وتجلس تدعي علي دايم

والله تعبت ابي اخواتي ابي امي ابي نصير سمن على عسل بس ااااااااااااه تكفون ساعدوني

 

[بحر الحنين]

الله يعينك ممكن عشان انتم فاضيين يعني ماعندكم اشغال
تشغلكم عن بعض
وعن نقل الكلام وانا من رايي روحي لهلك وسط السبوع يعني اذا مافي
خواتك
وبعد فترة تجمعو بتشتاقون لبعض او لما تجتمعون سوو كيك وحلا وتقهوو او اطلعو الحوش واشوو دجاج او ذرة
لنكم يمكن من الفضاوة تسوون كذا
ولا تطولون عند اهلك يعني ساعة ساعتين تكفي احنى كنا انا وخواتي كذا
لاكن الحين لالالالالالالالالا تغيرنا وايد

 

[قوت 2000]

ياليت اروح ومايصي شيء حتى وسط الاسبوع اذا رحت فيه اخواتي اللي ماتزوجو وامي

اي كلمه اقولها بسم الله علينا تخيلو اخر مره امس اهلي طالعين شاليهات وانا اتصلت على اخوي ابي رقم الشاليهات

ابي اخذ شاليه على حسابي واروح لهم والله مامر نصف يوم الا اتصلت اختي الكبيره شبت فيني

وش تبين برقم الشاليهات وليش تجين انا مانبيكوانتي وانتي اتصلت الساعه 4 الفجر تخيلو

 

[بحر الحنين]

الله يهديها غريبة ليش هي كذا
كلمي امك وخواتك عن نقل الكلام والثم الي ياخذة صاحبة
قلتلك كنا احنا وخواتي كذا
وبعدين سار لما يتنقل كلام نتصل على الي نقلت ليش تقولين انا قصدت
الفضفضة وبعدين خلاص كل وحدة مسكت كلامها

 

[تيماااااج]

خليكي حليمه وخليكي افضل منهم ولاتردي عليهم اذا عصبوا عليكي وحاولي تذكريهم بالخير في وجههم او في قفاهم تجنبا للمشاكل الله يهديكم

 

[طفلة شقية]

خليكي متحدثة بشكل عام لا تجيبي طاري لا فلان ولا علان ولا زرتي من ولا رحتي لمن

وزوجك خليكي دوبلوماسية معاه وخوات زوجك لو سألوك ليش ماتتزاورن قولي بلى نتزاور بس انا مشاغلي كثيرة الله يغفر لي مقصرة معاهم لا تقطعي اهلك بس خليك كاتمة معاهم لا ياخذون منك لا حق ولا باطل

وضعج مشابه لوضع وحدة مررررة قريبة لي وهذا اللي تسويه حبت تزورهم تكون رسميه معاهم غلطوا عليها بالكلام او سبوها سكتت واعطتهم الأذن الطرشة


خلك سياسية الله يهديهم ويوفقج يارب

 

[أم ألودي]

عيوني الحل تبدأي بنفسك ومهما يصير لا تتكلمي إلا بالطيب عنهم في السر والعلن وقللي زياراتك وزين ما سويتي مع خالتك عجبتيني مرة , حبيبتي كلنا خطاؤون وخير الخطائين التوابين

 

[Nno style]

الله يكون يعونك ياقلبي
خليك احسن منهم ولاتطولين لما تزورينهم ولاتجيبي طاري احد عندهم
بس قولي وش لونك وش اخباركم طيبين افتحي اي مواضيع بالدنيا تكلمو عن خلطات عن قصص عن ادعيه
شيئ ينفعكم
الله يهدي سركم

 

[راعية دين]

الله يعينج يا أاختي الغالية بس هذا إبتلائج في الدنيا قولي الحمد الله أحسن ماتبتلين في صحج وإلا ريلج وألا عيالج مافي حد في الدنيا ما يبتلي والله كل حد يبتلي في هالدنيا ولا تكثرين زياراتج عندهم شو بتسوين وإدعيلهم الله يهديهم وإذا سألووج قولي لأمج تعبت من مشاكلكم وإذا سألج ريلج قولي والله أحبك ماأروم أسير عنك دووم أتونس عندكم وقوم أمي مشغوولين وأستحي أثجل عليهم أنا وعيالي والله يهديه إنشالله ؟؟
إدعيلي الله يخليج بيتي يطلع وأفتك من بيت عمتي قوووولو أمين لا تنسونس؟؟؟؟

 

[أحاسيس منسية]

أقضل شي أختي أن تقللين زياراتك لأهلك و كلامك مع خواتك...و كلامك تخليه عااام و إذا أمكن عن أمور تاافهة مثل الطبخ , الغسيل أي شيء من أمور الحياة الروتينية و خلي حياتك الشخصية مبهمة بالنسبة لهم..و إذا سمعت منهم اي انتقاد دربي نفسك على انك تتجاهليه.. ترى طريقة التعامل مع الأقارب بالذات تحتاج لصبر عجييب و طولة بال و برود أعصااب...
و الله يصبرك لأنه وضع مو سهل

 

[قوت 2000]

الله يعيني بس اليوم صارت مشكله بينا وبالمكالمات ومكالمه وحده من اختي قعدت الدنيا وقامت

والله جالسه تصارخ وتهاوش الصباح الساعه 7 وانا احاول اهديها اخرتها ماهدت ولا لانت سكرت السماعه بوجهها

انقهرت والله

 

[قوت 2000]

وينكم

 

[راعية دين]

هلا حبيبتي وياج بس هذا طبع أهلج شو بتسوين

 

[خالد فرحان]

انا مثل مشكلتك اذا دخلت البيت يسكتون واذا تكلمت ما يفكني من للسانهم احد امي واخواتي بعض الاجيان احس انيى عدو
تكفون ابي حلللللللللللل

 

[الحياه وقفات]

الله يعينك صراحه كل شئ يهون الا المشاكل مع الاهل مشكلتكم صعبه اولا مافيه احترام ولا تقدير المفروض الكل يحترم نفسه ولايغلط ع الاخر انتي حل مشكلتك انك تمسكي لسانك ولاتتكلمي ابدا حتى لو غلط عليك احد لاتردي عليه وطنشي واتحمليهم لوجه الله لانهم اهلك واذا عندك كلام لاحد لاتقوليه من وراه بل قولي الكلام في وجهه صراحه افضل اما الكلام من وراه مابيجيب الا الكراهيه صراحه هذا الزمن عجيب حتى الاهل بداؤ يتغيرو ع بعض الله يعينك....... وامك كمان لها دور كبير في المشكله لان الام هي اللي تجمع وهي اللي تفرق اسلوب امك اسلوب تفريق ماينفع اي احد من ابنائها يقول لها كلام تروح تنقله للثاني المفروض امك ماتنقل الا الكلام الطيب اما الغير مناسب فالمفروض انها ماتوصله وتوجه ابنائها للصواب وكمان فيه امهات تفضل بعض الابناء على البعض الاخر ...اما اختك المسلطنه هذه المفروض تحقريها ولا تكلميها ولاتردي عليها اذا غلطت ياليت تقولي لي عن شخصيتها علشان نوجهك لطريقة التعامل معها.......تمنياتي لك بالتوفيق والصلح الدائم مع من حولك

 

[lamo]

سورة البقره اختي تطير الشياطين اول شئ

وبعدين ذكريهم بالغيبه انها تاكل الحسنات وذكريهم بصلة الرحم لامك وخواتك

حلو انك حسيتي فيهم وفي غلطهم حاولي تدخلين واحد ناصح من العايله

ويبي مصلحتكم والله يعينكم