انا متوتره مرره وخايفه من كل شي!!

[أوراق منثوره]

السلام عليكم
بنات الله يحفظكم من كل شر
مشكلتي ان زوجي خاني قبل بس انحلت المشكله وكنت قبل كاتبه عن خيانته وابي الحل
والحمدلله تيسرت الامور وزانت ..
بس المشكله الجديده ان زوجي عنه صديق يكلمه على الماسنجر للمعلوميه انا مغتربه وصديق زوجي مغترب
لكنه في دوله ثانيه
المهم انا بعد خيانة زوجي صرت اراقب محادثاته من غير مايعرف لاني خليت سجل المحادثات مخفي
صديقه اللي يحادثه ماتزوج ودائما يرسل لزوجي رسايل قلة ادب وتعال حادث هذي على الشات ومدري ايش
وقاعد يعزمه يجي عنده يقوله انواع الوناسه والبنات يجننون في مدينتي ومدري ايش وتعال نفلها هناك
وزوجي يقول لا مادامه كذا السالفه بجي ان شاء الله انت حمستني بقوه المهم انا حامل الحين وخايفه اني اذا رجعت عشان ولادتي يروح لخويه مدري وش اسوي يعني صاحبه رفيق سوء يعرف انه متزوج ليش
يقوله كذا
وعلى فكره خواتي انا ماكملت السنه من زواجي
وبعد خيانة زوجي لي واجهته وقالي اني خلاص ماراح اعيد هالشغله مره ثانيه وبخلي كل شي واضح قدامك ماراح اخفي عنك اي شي
انا بعد ماقريت المحادثه قلت لزوجي يعني اني اسولف قلت لاتسافر ابدا الا وانا مع قالي اكيد ومدري ايش
المهم بعدين قال بعد ايام الا بروح لصديقي هناك خير تجين معي قلت وانا استهبل عادي اروح معك واجلس معكم
بنات الهم طاقني مدري وش اسوي قاعده افكر اقول لبوي عنه عن كل شي صار واخليه كلام بين رجال
اعده افكر اني اواجهه واقوله عن محادثته واقوله اني خلاص ماابي اعيش معك وانا اخاف من تصرفاتك
وللمعلوميه يابنات يوم واجهته بخيانته قلت له بعد ماتصالحنا قلت له شوف ان اكتشفت في يوم من الايام انك تخوني وربي ماراح اتفاهم معك على طول اعرف انه الطلاق خلاص لانك لو سويت هالشغاله بعرف انك ماحطيت لي قيمه حتى لو كان بيننا عيال صدقني بطلق منك
ما اعرف كيف اتصرف معه الصراحه بنات ابي مشورتكم وان كان كلامي مو واضح فهذا لاني اكتب وانا ابكي
وجزاكم الله الف خير ​

 

[بريئه]

الله يعينك أختي والله ما أدري وش أقولك لكن إن شاء الله الاخوات في المنتدى راح يساعدونك..الله يصلح حالك ويصخر لك زوجك..​

 

[قصيده حب]

الله يعينك انا والله نفس القصه خاني مره وسامحته ورد كررها ثلاث مرات بس انا مشكلتي يقولي كل ماتزعليني بسويها هذول الراياجيل مهما تسوين لهم ماهم راضيين الله يكون بعوووووووووووووونا

 

[ام المختار]

غلط لما يخونك تسامحية بدون ما تاخذين حقك منه وتجبرية بأسلوبك انه ما يكرر هالشئ مرة ثانية ويحسب لك ألف حساب لازم تفهمية انه مثل ما هو يتجنن اذا خنتيه انتي بعد عند مشاعر وأحاسيس وهالشئ يقهرك ويؤذي مشاعرك والله يسخره لك ويهديه

 

[اخت فهد]

الله يعينك من جد ويفرجها عليك

صعبه من وجهه نظري تهددينه بابوك يمكن تكبر اكثر واكثر

بعدين هذا كله كلام ماطبق الخيانه ولا كلم من وراك
هذا صديق سوء حاولي تبعدين زوجك عنه كيف ماادري

لو تجين من باب التلميح عن اللي يكرر الخيانه

يمكن يفهمها
واذا هو فعلا يقدرك ويقدر عش الزوجيه مو متقدم اي خطوه

 

[سامية الروح]

عزيزتي ، كيف عالجتي خيانة زوجك الأولى ؟

وأما إخبار والدك ،، لا أجدها في صالحك ( حاليا ) لأنك لم تعالجي المشكلة من الداخل .

وما أنصحك به الآن أن تستغلي طاقة زوجك العاطفية وتفريغها

بين أحضانك ولك أنت فقط :cupidarrow:.


إغدقي عليه مزيدا من الحنان مزيدا من الكلام المعسول والمديح :icon26: وتفنني بكل مايثيره جنسيا ويشبعه ويطفئ لهيبه :in_love:.

هناك الكثير من الدورات ، مجلة الجنس الحلال و مواضييع المنتدى التي لاتنتهي في الابداع والابتكار لكل ماهو مفيد ..

شاركي وأقرأي للتعلمي وتتقني فن الجذب وأي جذب :msn-wink: .

وقبل كــــــــــــل ذلك انصحك بصلاة الوتر فلها شأن عضيم ،، ادعي الواحد الأحد وتضرعي وألحي ولن تندمي ،،

وأكثري من قول (( اللهم لك الحمد يامنان ياذو الجلال والإكرام ،، اصرف زوجي عن كل

فسق وحرام واهده سبل الرشاد وصلي اللهم على محمد وعلى آله وصحبه وسلم ))

وفقك الله وسخر لك زوجك وصرفه عن كل مايغضبه ..

 

[أحلى فراشه]

الله يعينك ويفرج همك يااااااااااااااااااارب

 

[قمر ومهري همر]

الله يساعدك اختي بس الساكت عن حقه حقه ماكول انتي لازم تدافعين عن زوجك وعن مملكتك لا ن المساله مو مساله خيانه وبس المساله مساله ايدز تعرفين ايش معنى ايدز يعني هلاك موت يعني لاسمح الله راح يجيب لك المرض الله لا يقوله وممكن ياثر حتى على الجنين اذا فيه علاقات محرمه واجهيه قوليله انا مو مرتاحه حق صاحبك احسه راعي سوالف وذا تحبني وتبيني لا تروح له تركه واصري على ذالك وعفسي الدنيا ترى راح تتعبين في البدايه بس راح تجنين ثمار تعبك بزوج صالح مستقيم يحبك ويموت فيك ويشوف الدنيا -----اوراق منثوره ------- وبس

 

[m2008]

الاخوات ما قصروا

 

[قلبي كبير]

حبيبتي الأخوات ما قصرو وخاصة سامية الروح الله يحفظها أنا بأقول لك شيء بس لا تزعلين مني
أغلب الحريم بشكل عام يوم تقرب ولادتها تروح لأهلها أو لأهله يعني تسوي له جو بعض الرجال يشيل هم زوجته و مولوده الجديد ويقعد يداريهم ويوفر طلباتهم وما يعتمد على أحد يعني يشغل نفسه بعائلته وبعض الرجال الاتكالي بالذات يلقاها فرصة يرفه فيها نفسه و يعتمد 100 % على أهل زوجته ويقوم عاد الفاضي ويعمل قاضي كيف ينبسط وكيف يستمتع ولا تنسين بما أنها فترة اربعين يعني محروم من الجنس وبما أن زوجته عند أهلها يعني كمان محروم من الجنس و لله أعرف واحد من اللا مبالاة سافر يتمشى وأخو زوجته هو اللي ختن المولود و أبوها اللي ذبح للضيوف طيب ايش الحل ؟؟؟؟؟؟
لازم ما تخلي له فرصة كيييف أنا أنصحك ما ترجعين لأهلك أولدي عنده وفي بيتك و خليه هو اللي يقوم فيكم
و الزوجة اذا ولدت تحتاج أحد يهتم بأكلها وبنظافة المكان اللي هي فيه و لا تروحين لأهلك الا معاه و سافري معه يعني لا توفرين جو لزوجك تخلينه يفكر بغيرك و بما انك معاه يعني ماراح ينحرم من الجنس السطحي والدلع واذا على النت أنا عندي لك فكرة احذفي برنامج الماسنجر أو احذفي ايميل صديقه كله صدقيني ما يلقى فرصة ولا وقت يقعد على الماسنجر نصيحة بما انه اول مولود عوديه انه يقوم فيك و خليه يتحمل عياله