انا متضايقة

[عروسة قمر]

السلام عليكم ورحمه الله وبركاته

انا عروس قريب ال 26 سنو ةخطيبي عمره 21 بس مادري ليش افكر انفصل مع ان عرسي

قرب نغزات الناس واايد والكل ينظر لى نظرة خذيت مراهق وانتي عجوز والله وااايد متضايقة

حتى اهلي الى اقنعوني فيه طبعا بعد ما صليت استخاره اليوم اخوي يبي يخطب فقالت له امي

عندك احد معين قال عادي على ذوقج قالت في العائلة كلهم اكبر منك وانا ما ابي ازوجك

وحده اكبر منك..

على فكرة الى خطبني يعرف فرق العمر بس هو عادي ما تضايق بس ما دري ليش انا الى وايد

متحسسه من الموضوع مع ان شكله هو اكبر منى


والله افكر جذ انفصل

 

[nas]

السلام عليكم انا أقول اذا صلاتي الاستخارة خلاص انت استخارتي ربك وان كان لك نصيب فية بتاخذينة ما عليك الا الدعاء وادعي ان الله يسخره لك وعليك بالاستغفار فانه يزيل الهم ويرزقك من حيث لتعلمين وفوائد الاستغفار كثيرة واتركي كلام الناس عنك والله يوفقك ويسعدك وانسي الانفصال

 

[Me&Him]

عزيزتى عروسة قمر ...

خليك واتقة من نفسك , والمهم تحبيه ويحبك مو مهم الناس ,, "لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ" .. الرسول تزوج اصغر منه فما المشكلة ..

توكلى على الله .. وان شاء الله كل شى يكون تمام

 

[فلفلة]

بتنفصلين عشان نغزات الناس؟
ولا عشان انج ما انتي واثقة من نفسج؟؟
حددي لو سمحتي ؟

اذا بتضلين غير واثقة وحالتج حالة انفصلي احسن ، ولا تعيشين بنفسية زي الزفت
ولكني اقولج
هذا خيارج
كوني انتي
كوني انثى
كوني وااااااااااااااااااااااااااااااااااااااااااااااااثقة
واثق الخطوة يمشي ملكا
شوفي الصبوحة شو مسوية بعمرها؟؟
وانت تقولي لي ان 26 سنة حاسة انج عجوز؟؟
اذا انتي حاسة جذي ترى الرجال بيحس بنفس الشي

وعلى موقف امج
المعتاد اجتماعيا الرجل ياخذ اصغر منه
ما فيها شي

وانتي خذيتي اصغر منج ، طلعتي على عرف المجتمع لا هو عيب ولا هو حرام
بس امج ما هي ملزومة تخطب لاخوج اكبر منه عشانج اكبر من ريلج ....

حبوبة كوني واثقة
كوني راضية
كوني قانعة
والله ييسر لك

 

[نجد33]

حبيبتي استخيري اولاً واخيرا واذا ربي كاتب فهذا قسمه ونصيب لكم

ماعليك من نغزات الناس وكثر الحكي (من راقب الناس مات هماً) الناس وشو يرضيهم؟ مايرضيهم شي

وطالما انتي وياها تبون بعض سيري في الامر

على فكره كثير الان بالثلاثين ويتزوجون اكبر منهم بالاربعين

خليني اقولك مثل وحي واقعي:

اختي متنومه بالمستشفى وجنبها بالغرفه وحده عمرها 26 سنه وعندها 7 أطفال

وزوجها متزوج وحده عمرها

44 سنه وتمام التمام

 

[يليانى]

يااختي الموضوع جدا عادي خلي ايمانك بالله قوي و الله ورسوله شرعو الزواج مابين الشاب والبنت مااحطو شروط عمريه بينهم قدوتنا الرسول تزوج من خديجه وهو عمره25 وخديجه عمرها 45 وتزوج من عائشه وهي 9 سنوات وهو اعتقد عمره كان 45 سنه وزي ماقالت الاستاذه ناعمه بما ان زوجك اصغر منك بسن فهو بيصير الاكبر لانه رجل مو بعمره واذا انتي اكبر منه بالعمر راح تفضلين الصغيره الدلوعه كونك انثى مو بعمرك واهم شي الرضا والسعاده الزوجيه بين الطرفين مو مهم العمر وانا اشوف انك تستخيرين وتقريرين بس ماتحطين العمر عقده وتكونين واثقه وماعليكي ومن نظرية الناس لان نظريتهم خطأ والنظريه اللي واضحتلك اياها هي الصح وانتي عاد بقناعتك والله يوفقك

 

[منتهى الغلا]

عزيزتي /

راح أكون صريحة جدا معاك,,,اذا انتي من الآن كذا مضطربة ومش واثقة من اختيارك كيف حتواجهين المجتمع بعدين؟؟

انتي ماراح تسمعين نغزات وبس ،، راح تواجهين نظراااات نساء في الأسواق ،، وشوفي انتي بديتي تسمعين

تعليقات جارحة من أقرب الناس والدتك-حتى لو ماتقصد-

أنا ما أشجعك على الانفصال بس أبي منك تكونين وااااثقة جدا من اختيارك ورغبتك عشان تقدرين تواجهين

الظروف المستقبلية لأن الزواج عموما مسؤولية صعبة مع شريك الحياة اذا كان حبيبا فما بالك وانت تقدمين على

حياتك القادمة بشخصية مرتبكة واختيار مهزوز؟؟؟؟؟

صلي الاستخارة مائة مرة واعقليها و توكلي ان كان قبولا او رفضا ولا تندمي بعد ذلك

أجمل أمنياتي لك بأن يحقق الله كل ماتصبو اليه روحك الجميلة .. مع أصدق الدعوات

 

[احساس الدنيا]

الله يبعد عنك كلام الناس ما ينتهي ..
لا الفقير عايش ولا الغني مبسوط من كلام الناس ...
خليكي واقة برب العالمين ...
واتمسكي برائك

 

[*أميرة الورد*]

حبيبتي اذا الرجال مقتنع فيك وخاطبك وهو عارف كم عمرك قوليلي وين المشكله اذا مشكلتك الناس الناس ماهمهم الا الكلام ولو بنمشي على كلامهم ونغزاتهم مالراح نعيش حبيبتي لاتنسين شي مهم
ان ارضى الناس غايه لاتدرك مهما حاولتي ترضيهم مارح تقدرين
بعدين الرسول تزوج من خديجه رضي الله عنها وكان عمره25 وهي 45 ماقل اكبر مني
ولو فكرنا وقلنا ليش ارسول اخذ وحده اكبر منها كل هذا عشان يبين لنا انه يجوز ان الصغير يتزوج بوحده اكبر منه
اتمنى انك ماتتخذي قرار تندمين عليه بعدين
تقبلي مروري وأنشألله اكون افدتك

 

[قلبي فراوله]

اهم شي حبيبتي صلى استخاره
والخيره فيما اختاره الله وبعدها صيري واثقه من نفسك اهم شي