انا في هم مايعلم فيه الا ربي

[جوجو حلاكم]

السلام عليكم

اخواتي مالي غيركم اشكي له مشكلتي وابا منكم حل

صار بيني وبين زوجي مشكله وهو الغلطان وحطني في بيت اهلي لي اسبوع والمشكله الغلط منه ومو عارفه شو اسوي المشكله للحين مادق ولاسأل وانا مادقيت مو هو الغلطان

ساعدوني المشكله تأزمت جد

قبل كم اسبوع اعاني معاه والحين فقدته ياناس ساعدوني والله يوفقكم ويحقق لكم كل ماتتمنون

 

[جوجو حلاكم]

الله يخليكم نخيتكم لاتخيبوني ساعدوني تعبت حيل

 

[جود الحزن11]

عزيزتي استهدي بالله

وممكن تطرحين المشكله بالضبط عشان نفهمك اكثر

وانشاء الله تلقين حل


كذا احنا مو عارفين وين الغلط ومين السبب


اهم شي ريحي نفسك وكل مشكله لها حل

 

[دلـ الورد ـع]

يااختي بارك الله فيك لاتنسين ان فيه مفرج الهموم الله سبحانه عليك بقيام الليل والدعاء واستغفري كثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثثير

 

[جوجو حلاكم]

زوجي صارله قبل المشكله اسبوعين ينام النهار كله يصحى في الليل ويطلع قبل يطلع ياخذني حق اهلي ويتركني تخيلوا كيف ارجع ادق عليه مايرد ويخليني لحد الليل من اليوم الثاني وانا مادري عنه سواها اسبوعين المهم ذاك اليوم كان مطنشني يوم كامل كان مسافر ادق عليه مايرد انا مو عارفه اذا هو وصل او رجع مايرد المهم تركني لحد الليل تخيلوا تقريبا 26ساعه وانا انتظر بعدها رد علي ببرود وكأن شي ماصار قال انا جايع بتعشى وامر اخذج سكرت الخط من القهر المهم هو ماقال شي دق علي بعد ساعه وطلعت رجعنا البيت وكنت ابجي ومو طايقته ناقشته في الموضوع قام يتأسف ويحلف مايكررها المهم قررت ارقد لاني ماعاد اتحمل رقدنا بعد صلاة الفجر رجع قال ابيج تسوين لي قهوه وانا نايمه وكنت تعبانه حدي فقلت اوكي شوي وبصحى بدري على وقتها قال اوكي نامي انا بسويها طلع وماشفته الا في الليل مايرد علي طول اليوم ومدري وين راح بعد مارجع بجيت من قلب شو هالحاله مايستوي كل يوم جي قال انتي ماسويتي لي قهوه شو ابي فيج وانتي ماتطيعيني ياناس شو اسوي المهم يلسنا نتناقش قال انا مالي خلقج لبسي عبايتج بوديج بيت اهلج رفضت قال مو بكيفج لبسيها لبست وقطني ومن يومها ماشفته ولاسمعت صوته شو الحل

المشكله اهو الغلطان انا يوم يحاجيني يبا قهوه ماكنت مركزه تعرفون لما الواحد يكون نايم ومو نايم
شو اسوي ساعدوني الله يخليكم

 

[جوجو حلاكم]

هاي مشكلتي ساعدوني

 

[جوجو حلاكم]

انتظركم ياخواتي

 

[سنكرس]

أختي
ماالسبب الذي يجعله ينام خارج البيت ؟
لأن الوضع كما وصفت غير طبيعي ، وهل لاحظت عليه تغير في الفترة الأخيرة ؟
رجل يجلس بالساعات والليالي خارج بيته وضعه يدعو للتساؤل
ترى ماذا يفعل خارج البيت ومع من ؟
لاأريد أن أوسوس بك ولكن عليك أن تكوني يقضة وتبحثي عن السبب لأن ذلك انعكس على علاقته بك وببيته .
أسأل الله لك السعادة وأن يهدي لك زوجك ويرده إليك رداً جميلاً .

 

[شمس لاتغيب]

مصيره يتندم ويرجع لاتخافي؟؟؟؟؟؟؟؟ اهم شي لاتتنازلين او تكلمينه حتى لاياخذهاعاده ويرميكي كل شوي بيت اهلك!!!

 

[bandares]

الله يفرجها عليكي
عليك بالاستغفار وعسا الله يهدي النفوس

 

[مشاااارق]

عزيزتي .... زوجك بيسوي شئ غلط والله أعلم ومايبغاكِ تكشفينه ...

مو معقولة يوديكِ عند أهلك عشان ماسويتي له قهوة...هذا عذر بس عشان يتخلص منك فترة معينة ويسوي اللي يبغاه ....

وانا متأكدة إنه لما يسوي اللي براسه راح يرجع يقول لك أرجعي البيت ....

حالياً جمديه ..ولاتغلطين عليه بأي كلمة حتى قدام أهلك....

لكن لما يجي يبغى ياخذك...خليكِ قوية ...وناقشيه وقولي له مو معقول توديني بيت اهلي عشان سبب تافه...وبيني إستياءك من الموضوع ...لأنك لو سكتِ راح يتمادى وفي كل مرة بيدور على سبب عشان يوديكِ عند أهلك...

الرجل لما يحس بالخطر على حياته الزوجية ممكن يتعدل حاله .... لكن أهم شئ لاتغلطين...خليكِ فوق مستوى الشبهات...


​

 

[قلبي رقيق]

معليش وبدوون زعل مني لاني باقولك الصراحه انتي تخيلي تكونين مكانه
انت الي غلطااانه بدون زعل اتفقنا ههههههه
حبيبتي زوجك يوم يوم ما ينام ليش ما جلستي معه شفتي وش الي مضايقه ليش تنامين وتخلينه
؟؟؟؟

 

[hanoOoy]

عطيه وقت يبعد شوي ويهدا

وانتي بعد لاتلصقين فيه كذا بجد ترا بيكررها دايمن لما يشووفك تحاصريه بالاتصالات والسوال

اصبري شوي المسالة لسا ماصار لها الا اسبوع حاولي تهدي وهو يهدا بعدها بيدق هو من نفسه بس انصحك لاتحاولي تكلمينه هالفترة حتى ماتضغطين عليه ويعاندك اصبري واستغفري كثير ومالك ان شالله ان ربي يجمعكم سوا دام انكم تحبون بعض

 

[قلايد الخيل]

شكل الرجال شايف لة شوفة اتمنى من كل قلبي يكون توقعي خطا

كثري استغفار بكل الاوقات وتصدقى لوبشى بسيط واستودعية اللة

وخليك ثقيلة لاتكلمينة واستودعية اللة وبيرجع ان شاء اللة

 

[%لحظة شروق%]

الله يعينك على زوجك....
لكن أختي الحياه ليست دائما صافية بين الزوجين لابد من حدوث مشاكل,,,ويمكن حياتكم في بدايتها مافهمتية او يحب يوديك عند أهلك لما يطلع,لان زوجي فية الطبع الشين هذا ,,,لو يروح مع ربعة يقول بوديك عند أهلك وطولي عندهم او اسهري أذا كان العيال ماعندهم مدرسة ,وكان في بداية حياتي يضايقني واحس إنه بيتخلص مني اوفية شئ مضايقة مني ......لكن بعدين عرفت طبعة وصرت ارفض اروح لاهلي كثير وماأطول عندهم,,,,,,
واوصيك أختي بالصلاة الليل والدعاء..........

 

[جود الحزن11]

انا من رأيي,,مادام المشكلة من اسبوع,,ومدة مو قصيره
الافضل خلي احد من اخوانك يدخل بالموضوع
وان زعل من تدخلهم,,قوليله اهلي لاحظوا ان فيه مشكله لانك تاركني اسبوع

القهوة مو سبب كافي يطلعك من البيت
يمكن هو متضايق منك من فتره وهالسبب فاض به ومعد قدر يتحمل

الزوج اذا شاف الوحده ماوراها اهلها,,يتمادى اكثر ولعد يخاف من احد
بس مو معناه كل مشكلة تصير,,تشكين اهلك!!


في الاخير,,انتي اللي تعرفين طبع زوجك اكثر
شوفي الحل الامثل

واكثري من الدعاء والاستغفار

الله يهدي سركم ويوفقكم لما يحبه ويرضاه

 

[جوجو حلاكم]

يابنات زوجي صارله اسبوعين مو طبيعي متغير مع العلم انو مالي الا سنه متزوجه بس مو عارفه ايش الشي اللي غيره صدقوني صاير زي الكبريت مايتحمل على طول يزعل شو اسوي تتوقعون فيه شي مخليه يتغير وربي مقهوره بعدين اخاف اتركه ماادق عليه يزعل اكثر ويصير شي مو حلو صدقوني مو عارفه ايش اسوي وربي يعلم قد ايش ضايق صدري ومتضايقه

 

[قلبي رقيق]

طيب خلي احد من اهلك يساله عن المشكله
انتي راجعي كل تصرفاتك الي كنتي تتصرفينها معه
الرجل مثل الطفل لازم تعاملينه على قده
واستبعدي ان في احد في حياته... لا توسوسين فكري زين

 

[natalie]

ماعتقد انج مسويه شي غلط و اهو مو لاقي عليج شي عشان يوديج بيت اهلج و احس كل حركاته هذي عشان تزعلين و تروحين بيت اهلج شوفي شعنده , , , انا ما ودي اضايقج بس انتي ما سويتي شي ابد و حتى لو انتي مسويه شي يصايق ليش ما يتكلم مو يقولج اسف و ما اعيدها , , , حقريه على ما يشبع و يستوعب انج بايعه راح يرد و اذا رد لا تردين بسهوله لأ وقفيه عند حده و مو على كيفه ليش مو متحمل المسؤوليه عباله ليلحين عزوبي كان ما تزوج من الاساس ولا يأذي بنت الناس معاه بس طولي بالج و صلي و ادعي ربج و استغفري و الله يكون في عونج

 

[حنين احمد]

لا حول ولا قوة الا بالله العلي العظيم