انا في قمة الاحراج بطرح مشكلتي اللي هي ....

[صبا الزمان]

السلام عليكم ورحمة الله وبركاته...

باختصار ومن غير مقدمات ماتم عندي خدامة بالبيت اكثر وحده استمرت عندي سنة واقل شي شهر والسبببببببببببببببببببببببب؟؟؟
زوووووووووووووووووجي

لاتقولون ماتهتمين بنفسج او او او او
انا عمري 28 سنه وزوجي 63 سنة عندي منه طفلين الحمدلله مهتمه بنفسي وفيه وبالبيت وهو بنفسه يعترف ودايما يقولي بس مدمن خيانات
يسافر يخون قلت الله بيهديه بس الخدامات بعد ؟؟؟
انا تعبت قبل ماكنت اعرف بس وحده قالتلي وشفت بعيني يتحرش فيها بس مو عارفه يصير اتصال كامل او بس تحرش
بكل الحالات اسمه تحرش
اقولكم كنت استغرب ليه خداماتي مايتمون وساعات يسون مشكله معاي ويبون يسافرون وبحسابهم بعد تخيلو يعني الخدامه عندها فلوس من وين هالفلوس اكيد من ابو الشباب !!!!
ولاتقولون الخدامات صغار جبت بالعشرينات وبالثلاثينات واخر وحده عمرها خمسييييييييييييين سنه وبعد ماسلمت منه وجربت من اندونسيا ومن الفلبين ومن اثيوبيا وحتى الهند والنتيجه نفسها
انا عارفه انها مشكله تفشل لانه زوجي مريض نفسي الحلال قدامه وعلى شهادة الكل جمال واصل ودلال
بليز لو مافيه حل ادعولي انه الله يهديه ويسخره لي
والحين بطلب خدامة جديده لان محتاجه بيتي كبير وعندي طفلين ولابد حد يساعدني الله المستعان
سامحوني عالاطاله بس لاني مقهورةةةةةةةةةةةة

 

[الزهرة الصالحة]

بسم الله الرحمن الرحيم
حبيبتي الله يربط على قلبك ويهدي زوجم اللهم آمين ويحفظ فرجه ويتوب عليه اللهم آمين
أنصحك ماتجيبين خدامة أبداً , أختي زوجك مثل ماقلتي عنده الحلال بس يخون مثل ماقلتي والله أعلم والعياذ بالله لا تجيبين الفتنة لبيته وانتي عارفة انه ممكن يأذي الخدامة المسكينة حرام هذي اختك في الله
في خدامات أعوذ بالله يبون هالشي ويدورونه ويحبونه بس في لاء يخافون الله وينزعجون ويمكن لا قدر الله تضره او تضركم انتوا ومايسوا عليكم
تحملي شغل البيت وقسمي وقتك صدقيني تقدرين

 

[زوجه مغتربه]

انتي عارفه مشكله زوجك وتبغين حل الحل واضح لا تجيبين خدامات وحاولي تقسمين شغلك وتقدرين واذا مرة ما قدرتي جيبي بالساعه ويكون وقت زوجك مو فيه مثلا في الصباح اذا كان بالدوام

 

[حياتي معك]

مو حل انها ماتجيب شغاله
بيتها كبير يعني تتعب عشان زوجها مايروح للحرام

جيبي شغاله بس لاتخلينها دائما عندك يعني بالوقت اللي ماتكونين فيه بالبيت وديها عند احد اهلك
ووقت النوم كمان

 

[معلمة متألمة]

اعرف وحده نفس حالتج واردى بعد الله يفرج عليج... يارب عاجلا غير اجل بهدايته وصلاحه...

ادعي بعد كل فرض ربي اني استودعتك زوجي وذريتي وقلبه وعقله وجميع جوارحه لايمن لاتضيع ودائعه... ادعي بعد كل فرض هالدعاااء وانتي متأكده ان ربي بيحفظه عن كل مايغضبه سبحانه... وحده نفس مشكلتج وتعدل زوجها وسالناها وقالت لنا ان السبب هو هالدعاء... كانت تدعي بيقين.... ترى عباداتنا بدون يقين ماراح نستفيد منها لو عشنا طول عمرنا عليها ..... اهم شي اليقين ....

الزمي الدعااااء والزمي قرب الرب جل و علا وربي يحفظه لج من كل شر...

ربي معاااج يااااارب وطمنينا عليج...

 

[صبا الزمان]

جزاكم الله الف خير الزوجه الصالحه وزوجه مغتربه
سويت قبل كذا جبت خدامة بالساعه الصباح وتلروح قبل لايجي شهرين وكنت مرتاحه لكن هو صار يتأفأف اغراضي وملابسي ومادري شو انها مش مكويه كويس او مو مغسوله كلها يعني حركات بس عشان نجيب وحده تكون معانا طول الوقت وصار يقول الولد محتاج وحده عشان لنا اسافر تساعدني ومن هالسوالف وجبت وماكملو شهرين ورجعو للمكتب مايبون يكملون

 

[ذهبيةة]

الحل انك تجيبي خدامات بالساعة مثل ما قالت زوجة مغتربة

 

[صبا الزمان]

معلمة متالمة باخذ ببنصيحتج وعسى الله يفرجها ويهديه وجد الخدم شر لابد منه

 

[صبا الزمان]

مثل ماقلتي حياتي معك بحطها بيت اهلي بس اطلع بس وقت النوم صعبه والله المستعان
صراحه وايد فرحت بردودكم عسى مانحرم منكم ريحتوني

 

[مس جالكسي]

يعني تدري انه يتحرش بالخدامااات وتبين تجيبي وحدة بعد؟؟؟؟ استأجري بالساعة ودبري امرك كلهم طفلين ..في خدامااات يدورون صااحب البيت ومو بس كده في منهم يسووون أسحااااار والعياذ بالله عشان يسيطروا أكثر على رجل البيت ....نصيحة لوجه الله لاتجيبييين كيف تغمضلك عين وانتي تدري باللي رح يصير في بيتك ..الباب اللي يجيك منه الريح سده واستريح

 

[رقم1]

يسم الله الرحمن الرحيم
السلام عليكم
انا قريت موضوعج 3 مرات بس عسب اتأكد من العمر ( 63 ) يعني صدق مايستحي ولا يخيل ياهيييي بليه
هذا اكبر منك مرتين بعد هذ سواياه
لي فيه هذا الطبع مايودره ( بو طبيع مايوز عن طبعه حتى لو قصيت صبعه ) مثل اماراتي قديم .
بعد الدعاء واللجوء لله ، انت تبغيلك خطه تدبرينها ( ان كيدكن عظيم )
زين هو يدري انك تعرفين عنه ؟
غالبا لي يدورون الحرام مع الخدم ، يمارسونه من الخلف لأنه زوجنه ماتبي الحرام
ماشاء الله عليج زين انك صابره واكيد ربي ييفرجها عليج
انا حاسه فيج ، انت محتاجه لخدامه .
بلا باخواتي كل وحده تحط لنا خطه جهنميه تخليه يهتدي ويودر عماليله السوده
:9:​

 

[ورود جورية]

عمره 63 سنه وانتي بعمر حفيدته وباقي تزوغ عينه ويدور الحرام هذا متى بيعقل ويتوب الله المستعان والله يهديه والمفروض يخاف الله هذا شايب مو مراهق الواحد بهالعمر همه يحسن اعماله ويكثر من الطاعات قبل الله لاياخذ امانته مو يطارد ورى الشغالات وسفرات وخيانه

الله يكون بعونك ومالك الا تتحملي وتجيبي وحده بالساعه تشتغل وتروح واستودعيه عن الله

 

[زوجه مغتربه]

 ما عليك منه وارجع واقولك جيبي بالساعه  وقولي  له انا حسيت بالراحه كذا اكثر  حسيت بالخصوصيه  في بيتي  يعني كل ما فتح السالفه  جيبي له عذر انك مرتاحه  وقولي الولد انا اهتم فيه واذا على كي ملابسه مو عاجبه قولي انا بكويها لك واكويها مرة وبعدين خلي الشغاله واذا سالك قولي انا كويتها احب اهتم بملابسك بنفسي ومن هالكلام لكن لا تجيبين شغاله الا وقت هو خارج البيت

 

[معلمة متألمة]

حبايبي لا تزودونها عليها ترى هذا ابتلاء .... الله يعافيها يارب ويفرج همها ..... خليه يشوووف انتي دوم مع ربج ترى هالمنظر يأثر بالزوج..... وادعي له بالهدايه ....

ادعي له بالهدايه..... والزمي الدعاء والله ان اثره عجيب والاستغفااار..

انزين انا جربت شي مع طليقي .... قبل يوم كنت بذمته ... كانت فتره مر فيها يبصبص فترة ماتغيرت اوضاعنا للاسوأ وكانت وحده من زميلاتي ماتشوف اي رجال غريب لا بالجريده ولا بالتلفزيون ولا باي مكان وكنا نستغرب منها وقالت لي .. عشان ربي يحفظ بصر زوجي لازم انا احفظ بصري... واستغربت .... من كلامها وقالت لي والله لو تجربين بتشوفين هالشي.. وجربته و جربته وحده بعد من زميلاتنا وقالت لنا ربي يحجب بصر زوجي غصب عنه لو انه بروحه او انا معاه... وانا بعد جربته مع زوجي و والله يابنات اني اتكلم من واقع تجربتي..... حتى التلفزيون ما قمت اشوف الا القنوات الدينيه اللي فيها اهل الدين ولو جات برامجشبابيه ما احط عليها احط ع المجد للقرآن وربي كان يحفظه مع ان اوضاعنا كانت سيئة جدااا بس سبحان الله بالفعل ربي خير حافظ وربي مايضيع معاه اي شي...

لج دعوات بالغيب... وعد.... الله يصلحه لج ويسخره لج تسخير العبيد للملوووك يارب....

معلمة

 

[احلى سمايل]

لا حول ولا قوة إلا بالله
الله لايبلانا
لاتجيبي شغالة دائمة يعني جيبي آجار
لأنه مايجوز تجيبيها مادام وجودها يجر أثم عظيم

 

[m2008]

عمره 63 او تقصدين 36 مش معقول شيبه يسوي سواياه

 

[أم جهاد*]

لله يفرج همك

أنا مع الأخوات في إنك تجيبي وحده بالساعات وياليت تكون وقت عمله وتروح قبل لا يرجع وتكون بشعة ودفشه وبمواصفات معينة

ايش رايك تجيبي وحده وبعد فترة قولي له انك عرضتيها على طبيبة عشان تتأكدي منها واكتشفتي انه فيها مرض جنسي معدي بس ما يأثر فينا

يأثر فقط في اللي يتصل بيها

دوري في النت عن أمراض جنسية معدية

بس قبل كده لازم تعرضيه على طبيب نفسي يمكن فيه شي فعلا

 

[همس 1408]

انا مع اختي معلمه من كان مع الله ماخاااب

 

[غاضة البصر]

ااخاتي الكريمة ذا انتي محترمة وشريفة ولا تفعلي مثله أو تخوني

لأنه كما يقال ( كما تدين تدان )

فأنصحك بالطلاق منه ووالله اني غالبا احاول ان اوفق بين الازواج واطالب منهم التحمل والصبر

لكن في حالتك الوضع مختلف خصوصا اذا كنتي متأكدة رأي العين لا وساوس شياطين

لأن ما ورد في كلامك ونحن لانملك الا الظاهر وماوصلنا فزوجك متمرس على الحرام مدمن فيه

ومافيه اقبح من ( شيخ زاني ) < شيخ =ى كبير السن

زوجك لا حسوفة فيه وتركه لله اولى لأنه قد ينقل لك امراض

ووالله انه حراام ان تكون مرأة شريفة مع كلب خائن
وكذلك العكس رجل شريف مع عاهرة خائنة عليها لعنة الله

الخبيثون للخبيثات لذا دعيه يبحث عن خبيثة مثله

 

[القد المياس]

الله يفرج همك.