انا في حيرة؟؟

[~صمت~]

السلامـ عليكمـ
صباح الخيرات....


انا عضوة جديده عالمنتدى ومحتاجة لكمـ ابيكم تنصحووني






اهل زوجي بالمره طيبين ويحبوني وناس مافيهم الحركات المعتاده والمعروفه انها تصدر من اهل الزوج

وزوجي طيب ويموت فيني




اهله..احس ماعندهم اي مشكلة ان زوجي يصرف كل راتبه لهم

باع سيارته لانها كانت خربانه واشترى سيارة ثانيه اقساط ..وكنا مخططين انه بالمبلغ اللي راح يجي من السيارة بندفع مقدم لقسط السيارة اللي شراها
ولكن فجأة جاءت امه تطلب منه فلوس السيارة لاعطائه ابوه لانه محتاج وعليه ديون

وبالفعل اعطاهم الفلوس

والحين البنك يطالب زوجي ب300 الف ريال
اخذها لابوها قبل مايتزوجني بسنين لان الاب مايستطيع ان ياخذ سلفيه
المشكله والقهر انهم يبونه هو اللي يسدد

وامه تقول انت ماتفكر الا بنفسك ابوك اللي زوجك ومايقصر معاك
مع العلم ان المعونه اللي جاتله من الناس اخذها ابوه
واصلا مهري والزواج ماكلف ذاك الشي انا اقل من ناس كثير
وهو ولده الوحيد والباقي بنات

القهر

اني جالسه بغرفه غير مكتمله لان فيه ظروف لزوجي

وانا جالسه عند اهله الى الحين باقي ماقد استقرينا لوحدنا وانا من شهر العسل عندهم بحجه الحاله الماديه راعيته بهالشي

لكن اهم الحين ينتظرونه يسدد

مارايكم هل اسكت او اتكلم بهذا الشي لزوجي



هل من الحق والعدل اللي يصير


انا احلم ببيت صغير نشتري ونكون مستقبلنا من البدايه واهم يبونا نسدد ديونهم

واهم ينبسطون صح ابوه عنده ديووون بس اهو اللي يجيبها لنفسه

ارجوكم ساعدوني وجهوني انا تعبت

مالي الا3 اشهر من الزواج واحس اصبت بخيبه امل وتحطيم

وماابي اتكلم واحسس زوجي اني ابخل على اهله بمساعتدهم اوياخذ فكره انهم هم طيبين واني انا شريره




ارشدوني

 

[زهرة الأندلس]

حاولي تلمحين لزوجك انه يضبط أموره المالية ويفهم والده يتعاون معاه ويقلل من ضغطه عليه واذا حسيتيه متقبل كلامك ناقشيه في موضوع صرفه اللامحدود لأهله بس بطريقة دبلوماسية ما يحس انك تمنعيه يصرف ع أهله
الله يساعدك

 

[مضيعه زوجها]

حبيبتي ما الومك على احساسك والله قهر لاكن اصبري واحتسبي واعرفي الي ما فيه خير لاهله ما فيه خير لك ولازم تكوني عون له وقولي له بهدوء الله يعينك حبيبي وهدي الامور وبعدين رح يبدى يشكيلك وياخذ رايك في وقتها قولي هذا ابوك ولازم توقف معه لا كن مالك ما دام انت المسؤل عن كل شي لازم انت تحكم الامور وترتب الوضع وتفهمهم انه اذا ما هدو شوي رح تضطر تتركهم علشان بس يهدي ابوك وقوليله طبعا تهديد مو جد وعليك انتي بالدعاء ان الله يفرج على زوجك وعليكم بقراءة سورة الواقعه فلن تصبكم فاقه باذن الله
الله يفرج همك ويسر امرك

 

[دلع قلبه]

الله يرزقكم من حيث لاتحتسبون..
يااختي اللي مافيه خير لأهله مافيه خير لغيرهم
توك مالك 3 اشهر واهل زوجك حسب كلامك ناس طيبين اكسبيهم ولاتفرطين فيهم وفي زوجك عشان الماده!!!
وش بينفعك البيت واهل زوجك يكرهونك وممكن ياثرون على زوجك تجاهك!!
دامهم طيبين لاتخسرينهم وتخسرينه بالعكس شجعيه واحتسبي الاجر وذكريه يحتسب اجر برهم عشان ربي يفتحها عليكم
ويرزقكم اولاد يبرونكم ابني لمستقبلكم بالعمل الصالح اللي ربك ماراح يضيعه
وممكن تحسنين وضعك المادي اذا تقدرين تشتغلين او حتى تجمعين مصروفك وتستثمرين وابواب الاستثمار كثيره
والمشاريع اكثر وممكن تدخلين في مشاريع مع اهل زوجك طبخ مثلا او اشغال يدويه او تصاميم او كوافير او او او حسب قدرتكم ووضعكم..
اقرئي القصة الثانيه في هذا الموضوع بتمعن وبتستفيدين كثير بإذن الله
http://www.niswh.com/vb/showthread.php?t=188838
التخطيط لمستقبل شي حلو لكن مايكون لى حساب خسارات اكبر!!
قال الله تعالى :
"فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً"​

 

[روز..]

انصحك لا تقولي لزوجك ليه تصرف ع اهلك بلعكس شجعيه وبعدين هو عنده لسان وعقل لويبي يتكلم كان تكلم من زمان بس صدقيني ان ابوه مو مقصر معاه يمكن زمان قد ساعدته في امور ماليه مستحيل اب مايصرف ع ولده

 

[بسمه مجروحه]

لسى بدري عليكي التفكير..بهاالاشياء...
والبيت الملك..ان شاء الله تتسدد ديونكم..وديونا..ونشتري بيت...
الله يوسعها على كل محتاااااااج