انا غرقااانه نقذوووني دخلوااا الموضوع وساااعدوني

[معاندة الحزن]

السلام عليكم انا بكتب لكم مشكلة اختي والله يوفق اللي تساعدها او حتى تدعي لها بظهر الغيب وهي نمطها جنوبيه شرقيه واللي حاجزها نمطه جنوبي غربي

" انا بنت عمري 36 سنه لما كنت صغيره تقدملي ولد خالي لكني رفضته كنت خايفه وكارهه الزواج ولا افهم شي بامور الزواج

ومن كان عمري 17سنه وانا عايشه ببيت اختي الكبيره لاني متعلقه فيها حييييل وظليت ساكنه هناك لحد الان وعشت كاني خادمه ببيت اختي انا اللي اطبخ واغسل وانظف وانا اللي ربيت عيالها من لما كانوا صغار لحد ماكبروا ولا رجعت بيت اهلي ماتهون علي العِشره وياها ومااقدر اترك بيتها ..
نسيت اعيش حياتي وما انتبهت لهالشي الا لما كبرت وشفت خواتي واخواني كلهم تزوجوا وجابوا عيال وعاشوا حياتهم وحتى عيال اختي اللي انا ربيتهم في منهم تزوجوا وجابوا عيال وانا حياتي واقفه
وحتى شخصيتي انلغت واختي هي اللي تتحكم فيني

وقبل سنه تقدم لي ولد خالي مرة ثانيه عقب كل هالسنيــن وهو تزوج وجاب عيال لكنه قال لابوي انه للحين متمسك فيني ويحبني وانا كنت موافقه وابي اتزوجه لكن اختي الكبيره الله يسامحها اقنعتني اغير رايي وكانت دايما تحطمني وتخوفني من الزواج واني بعش في تعاسه وهي قصدها ماتبي تفرط بخدامه ومن مصلحتها اظل خادمه لها ومااعيش سعادتي فخلتني اشرط عليه سكن خاص في مدينة ثانيه رغم اننا عارفين ان وضع المادي على قده وما يقدر يفتح بيتين

وانا شرطت هالشرط وماادري عبالي تبي مصلحتي !! لكن ولد خالي رفض الشرط وقال مايخالف نفس البيت لكن لها باب لحالها

وبعد فترة ندمت لاني رفضته , واهلي والناس نصحوني اوافق واعيش حياتي وخصوصا انه للحين شاريني ومتمسك فيني فاتصلت عليه وخبرته اني موافقه وراضيه اعيش مع زوجته في بيت واحد وهو فرح بهالشي وخبرني انه بيتقدملي عن قريب
لكنه ماتقدم وضليت اتواصل معاه سنة كامله على اساس انه بيتزوجني قريب ودايما انا اللي اتصل ولما اسأله انت ليش ماتتصل فيني يجيب لي اعذار وبعدين قاللي الصراحه انه مايبي يسويلي مشاكل مع اهلي وقالي انتي الله يهداك اللي رفضتي ولا كان احنا الحين متزوجين وعندنا عيال وان وده يتقدم لي لكنه ضيّع فلوس المهر وبرمضان اللي مضى قاللي انه رح يبيع سيارته عشان يوفر لي المهر و يتقدم لي في شوال وحتى لما شاف امي قال لها انه رح يتقدم لي في شوال لكنه ماجا يتقدم لي ويماطل للحين ماباع السياره !
والحين صار لي قريب الشهر مااكلمه


ارجووووكم ساااعدوني والقوا لي حل ابيه يتحمس من جديد عشان نتزوج ومايماطل وابي خطوات سريعه تساعدني عشان يقرب اكثر ويتقدملي وهو انسان طيب وحنون وهادي والكل يمدح بشخصيته وهو احسن واحد في خوانه

والله اني عايشه حياتي مثل الخدامه في بيت اختي الكبيره تهينني وتعتبرني خادمه عندها وابي اعيش حياتي مثل كل هالبنات لكنها مو مخلتني لحد الحين ماتبيني اتزوج وضااايق صدري حيل ماصدقت على الله ينفتح باب الفرج بعدين يتسكر !!
خلاص ابي اتزوج واشوف حياتي واربي عيالي وابقااه يتقدملي عن قرييييب
ارجووووكم داخله على الله ثم عليكم عشان تساعدوني حتى القى حل
واذا حليتوا مشكلتي بدعيلكم جعل الله يجعل لكل امورك فرجا ومخرجا يااارب
واجركم على الله

 

[معاندة الحزن]

up
up
up

 

[سعاد٣٣]

تكلمينه وانتي ماتزوجتي ؟؟؟
هذا اللي طيحك من عينه
وكيف تبين التوفيق
شوفي يوم انتي عافه نفسك بغاك وشراك بعد سنين وبعد ماجاب عيال
اللحل تقوى الله وتتركينه
لانه من يتقي الله يجعل له مخرجا
قولي له انا تبت سواء خطبتني اولا مايهمني خلي عندك عزة نفس
بس قولي انا اخاف الله ومااكلم احد ما كتبت كتابي عليه

 

[حناني متعبني]

الله يوفقك ويفرج عنك وييسر امرك يارب

 

[حسافه ماتفاهمنا]

لاتكلمينه ولا تسألين عنه ........
الله يكتب لك اللي فيه خير
عليك بالدعاء الله يسهل لك امورك كلها
بتوفق اختي

 

[الصداقه]

الله يريح قلبك يارب ويشرح صدرك اكثري الاستغفار وقراءه البقره وادعي وتشووووفي

 

[معاندة الحزن]

مشكورااات حبايبي على دعواتكم
وحبيت اوضح شغله اختي سعاد33 هو ولد خالي وابن عمتي بنفس الوقت واللي يده بالثلج مو مثل اللي ايده بالنار وترا كلامنا مع بعض مو حب وغرام مثل المراهقات بالعكس هو ناوي يتزوجني وللحين ماغير رايه وحتى امي قالها انه يبي يتزوجني لكن مشكلته المادة وهو مو شاد حيله وانا ابيه يتحمس عشان يتقدم لي بسرعه
حبيباااتي الله يفرج عنكم سااااااعدوني

 

[خيوط النور]

أنامعها في كل كلمة قالتها أي رجال حتى لوكان أقرب الأقربين مايحترم المرأة اللي تبادر وتكلمه فكيف إذا بتكو ن زوجته وأم لعياله أختي استخيري وادعي الله أن كان فيه خير يسخره لك وأن كان فيه شر يصرفه عنك

 

[معاندة الحزن]

مشكورات على ردودكم ياخواتي والله يعطيكم على قد نياتكم والله مارح انساكم من دعواتي مثل مادعيتولي
وانا كنت اكلمه لان خواتي كانوا يشجعوني بدافع انه رح يتقدملي عن قريب

 

[الوردوالياسمن]

الله يفرج همك

 

[معاندة الحزن]

الله يسمع منك اختي الورد والياسمين
والله يفرج همك يارب

 

[سر السعاده@]

انا انصحك ان ماتكلمينة وتحاولين تحبي ذاتك لان اذا كانت شخصيتك ضعيفه ماراح تحسي بسعادة وحاولي تشغلي نفسك خوذي دورات او كملي دراستك وبعدين اذا كان امك لها بيت اتركي بيت اختك واجلسي عند امك واخدمي امك لك اجر اكبر وليه تعيشين خدامه عند اختك وبعدين قوي علاقتك مع الله وقومي الليل وصومي اثنين وخميس ودعي الله وانتي واثقه بلأجابه وان الله يرزقك بشاب تعيشين اجمل الايام لان انا ما انصحك تزوجين رجل معه زوجه واطفال الزواج من شاب افظل ومع الدعاء راح يتحقق كل شيئ بأن الله

 

[نوني الدلوعه]

الله يوفق ويهدي اختك عليك بدعاء وانشاء الله يجيك والله يسعدك يارب ويحقق لك امنياتك,,,,,

 

[نيلوفر عبق]

الله يفرج همك​

 

[الراايقه]

حبيبتي لا تكلمينه ولا حاجه

أتعصين الله وتأملين بالتوفيق

حبيتي لايجوز محادثة الرجل الأجنبي حتى ولو كان مو غزل

ولو كان الرجال شاريك بيتقدم لك

ولاتخلينه يغير نضرته لك

ويقول اللي كلمتني بتكلم غيري

وهو صادق لو قال كذا..

غاليتي عليك بالدعاء والتوبه توبة صادقة عن مافعلت من ذنب واوله محادثتك لرجل غريب

فرج الله همك ويسر أمرك وكتب لك الخير حيث كان..
​

 

[هلا الرياض]

انصحك نصيحه لا تكلمينه طنشي حتى لو دق وصدقينى اذا ما زال معزم بيجيب فلوس لو من تحت الارض والله يوفقك يارب

 

[وفاءأمينة]

حبيبتي الله يسعدك و يهنيك، الثقل إثقلي عليه و طنشيه و إن كان شاريك ما راح يتحمل و راح يبادر و يعجل بقربك حبيبتي الزواج قسمة و نصيب و اللي كاتبه الله بنشوفه بس قوي ثقتك بنفسك و أخذي قراراتك بنفسك ما تسمحي لأحد يقرر حياتك و مستقبلك إستخيري صلي و ادعي ربي

 

[وفاءأمينة]

حبيبتي الله يسعدك و يهنيك، الثقل إثقلي عليه و طنشيه و إن كان شاريك ما راح يتحمل و راح يبادر و يعجل بقربك حبيبتي الزواج قسمة و نصيب و اللي كاتبه الله بنشوفه بس قوي ثقتك بنفسك و أخذي قراراتك بنفسك ما تسمحي لأحد يقرر حياتك و مستقبلك إستخيري صلي و ادعي ربي و

 

[مجنونة تميز]

ياحياتي كلام سعاد33 عين العقل الله يوفقها ويسعدها اعملي به ستجدين الفرج عاجلا

 

[فراشه الامل]

الله يكتب لك مافيه خير​