انا ضيفه جديده جبيبت منتداكم,, وحبيت تساعدو:4:ني في مشكلتي..

[الم العشق]

:4:انا ابغا منكم حل لهذي المشكله الي انا بعاني منها من شهر تقريبا...
انا كنت احب واحد من فتره وبعد كدا صار واتقدم لي لبيت اهلي وافقو اهلي وصارت شوفه لكن الا الان لم يحصل عقد قران.. على اساس انو تصير ملكتنا بعد اسبوع من الشوفه بس صارت ظروف من ناحية اهلي واجبرتنا انو نطولها وكل يوم يكلم اهلي عن موعد القران بس اهلي بيقولو اصبر ومرت سنه واهلي على هذا الحال وانا الا الان ماعرف ليش اهلي بيطولو فيها مشكلتي انو طول الفتره واحنا مع بعض كان قريب مني ويهتم قيني لما طفش من كثر مايكلم اهلي واهلي نفس الرد فجاه حسيت بتغير من ناحيته سالته كثير وفاتحتو ف الموضوع بس كان ردو انو هوا مااتغير ..بس ماصار زي اول مرا اتغير وخايفه كيف يكون لو ملكنا اذا هو من دحين بيتغير...تعبت من كتر مااكلمو واالقى فايده من كلامو.. بعد ماكان كل دقيقه معايا حسيت انو بيبعد وبيتغير كل يوم كان يكلمني والحين ممكن يغيب يومين مايكلمني وانا تعبت نفسيا... وبيجني شك انو ممكن يكون فيه احد شاغله عني,,,وانا مابدي الشك يدخل بينتتا بس هوا اجبرني... ايش اسوي انا صرت اطنشه كتيرر بس حسيت انو علاقتنا بارده ومره مليت من حالي؟

 

[الخط الفاصل]

الفتور والملل اللي أصاب علاقتكم شي طبيعي جدا
وبعدين يا حبيبة ما يجوز التواص بهذه الطريقة اللي انتوا فيها..أنصحك تتجمبي التواصل معه ومن ترك شيئا لله عوضه الله خيرا منه
وأهلك لهم أسبابهم في تأخير العقد..اسأليهم وأكيد إنت عارفة مو مغقول ما تدرين.

 

[رازيا]

عزيزتي انتي محتاجة جلسة عاجلة من اخوكي الكبير او عمك او خالك المهم اي احد يمون على ابوكي ويستعجل في موضوع الزواج لانه التاخير مو في صالحك وبعدين هو اصري على انه يكون حازم وشديد شوي اقصد خليه ياخذ موعد من اهلك ويجيب اهله او اعمامه او اخواله ويروح عند ابوكي ويحددوا يوم تكتبوا كتابكم ما يجوز تتكلمي مع خطيبك بدون ما يكون عاقد عليكي ولا يجوز انك تطلعي معاه