انا سعوديه واحب سوري

[لولو و]

تاريخ الميلاد ؟
1413
مكان الميلاد ؟
السعوديه
الحاله " مخطوبه – مطلقه – عازبه " ؟
عازبه
الدرجه العلميه ؟
ثانويه
درجة الإلتزام بالدين ؟
بسيطه
هل انتي مداومه على الصلاة في وقتها ؟
احيانا
المستوى المادي للأسره ؟
متوسط
الترتيب بين افراد الأسره ؟
9
عدد الأخوه والأخوات ؟
8
علاقة الوالدين ببعضهم ؟
الوالد متوفي
والعلاقه اغلبها مشاكل
علاقة صاحبة المشكله ببقية الأسره ؟
عاديه
هل يوجد زوج ام و زوجة اب ؟
لا
علاقتك مع زملاء المدرسه / العمل ؟
جيده
هل تعاني من امراض عضويه او نفسيه ؟
لا
الحاله النفسيـه حاليا ً عند كتابة الإستشاره ؟
حيرااانه وتعبانه جدا
مدة المشكله منذ بدايتها حتى الآن ؟
شهر ونص
نقاط ضعفك ؟
النقد عدم الثقه
نقاط قــوتك ؟
التفائل





انا بنت سعوديه عمري 18 تعرفت على شاب سوري بالقيمزر حبيته من كل قلبي وهو حبني بجنون واللحين يطلب مني الزواج ومستعد يسوي اي شئ وجهز لنا بيت لكن انا خايفه من رفض اهلي له مع انه انا وهو من نفس القبيله بس تختلف الجنسيات لانه قبيلتنا كبيره ومتفرعه بكذا دوله وهو يقول لو اهلي رفضوا نهرب ونتزوج بسوريا ووعدني انه بس نتزوج نرجع لاهلي وانا معززه مكرمه محد يمس لي شعره انا متحاااااره كثيرررر وخااايفه انا متأكده من صدقه وحاسه انه اهلي ماراح يقبلوه ومابي اخسرهم واخرب على اخواتي وماابي اخسره هو لانه هو يطلب الزواج يبينا نستقر بعلاقه حلال وحنا مطمئنين تعبت حيييييييل اتمنى القى المشوره عندكم

 

[بنوتة الكويت]

انتبهي اهلك عزوتك ترى الحب يطير ويروح اما اهلك باقين مايرمونك لواش ماصار

لكن هو بهفوه يمكن يقولك مع السلامه او وقتها لابتكسبين لازوج ولا اهل

وصدقيني الرجل اذ شاف اهل الزوجه موواقفين بصفها بيعمل فيها الهوايل.........

 

[غرام انسانه]

لاحبيبتي انتبهي والله من هالحركه
ترا ماحد بيكون عندك ولابيكون سند لك غير اهلك
والله ترا الرجال مالهم امان احيانا
الحين الي من نفس اصلنا ومن جنسنا ومن بيييتنا ورجالنا الي يقربون لنا بعضهم ماسلمو منهم
شلون هالمره اجنبي واهلك موموافقين بكرا لاسمح الله اخذتيه غصب عن اهلك ورحتي معاه
صارت مشكله كبيره بينكم واهاااتك وذلك وقتها وش راح تسوين.بترجعين لأهلك الي عصيتيهم عشانه؟؟
لاتقولين يحبني بيحبك كم شهر شهر شهرين ثلاثه وبعدين...؟
لالالا ترا والله طريقك هذا بيضيعك ....

انتي استخيري والله يوفقك ويسعدك ...

 

[المها **]

اهلك وبرد الحب اللي بينكم تتمنين ترجعين لاهلك حبيوانا مع الاخت بنوته الكويت مابينفعك الا اهلك ولو تزوجتيه واغضبتي بتي فكري بعقلك مو بقلبك

 

[رحيق11]

اوه كنك على الشات كلامهم كثير واغلبه ضحك ولعب انصحك ماتتزوجي بهالطريقة

 

[*ليتك تحس فيني*]

لاحقه وانا اختكـ على الغثى
توكـ صغيره على العرس
اهتمي بدراسكـ وبنفسكـ
بعدين تعالي يقولكـ اذا رفضوا اهلكـ يزوجونك بيهرب فيكـ ويتزوجكـ
وييييييييييييييييييييييييييييييين حنى فيه انتي بديره ابو متعب تراكـ
تحسبينكـ بتطلعين بكل سهوله او على قولته((ابهرب فيكـ))
فــــــــــــــــــكري زين وخلي عنكـ الخرابيط تراوه قبل يلعب عليكـ لعبن على عشر قبلكـ
وين عقلكـ اسالك بالله وين خوفكـ من الله قاعده تخونين ابوكـ واهلكـ مع واحد غريب
فكري زين وانا اختكـ بالعواقب بعدين والله لويخبيكـ تحت مراتب السياره اللي بيهربك فيها ان يطلعونك
لايهك عليك بس وانا اختكـ هذولاء هم الذئاب البشريه
ولا تزعلين علي وانا اختكـ واذا غلطت بشي انا اسفه مقدما

 

[NicE-GirL]

هذا خبال مو حب ؟؟؟؟؟؟؟؟


وببعدين زواجك من شخصية ثانية فيه مشاكل بالنسبة لأطفالك ؟؟


بكرى انتي لا تفكرين ليومك فكري لبكرة وببببس ..



الله يعينك وبعدين كل ولا الاهل تراهم عزوة

عزوة عزوة ,,

 

[دلوعه ممنوعه]

شلون زواج تخيلي هربتي وماتزوجك سوا فيك شئ مو زين وين تروحين بعدها؟؟؟

حتى لو حسيتي بصدقه ولو حلف لك على القران بعد تضيعين نفسك عشان شئ زي كذا انتبهي بس
واتركي هالطريق تراه متعبببببببب


الله يستر لايضيعك وفكريفي اهلك اللي مهما جاء منهم يبقون يحبونك اكثر من عيونهم

 

[دلوعه ممنوعه]

تخيلي بنتك حبت لها هندي وهربت معاه بحجة انه راح يتزوجها وهي عارفه انك مارا تقبلين فيه موعن شئ او عن عيب لالالالا
بس تعرفين انه مو مناسب لها

وهربت فجأه دخلتي البيت وغرفتها ماحصلتيها بيوقف قلبك ؟؟؟؟؟

وهل راح بررين لها موقفها او تعذرينها على مشاعر تحس فيها اي حرمه فالعالم ؟؟

خليه يتقدم لاهلك رسمي عشان تعرفين صدقه

لاتتهورين وتجيبين له اعذار

مكن مع الاقناع يوافقون

 

[دلوعه ممنوعه]

الله يصرف عنك هاللي قريت يارب

 

[$حاكمة بلقيس$]

خلصو السعودييييييييييين ...
بالله من عقلك تتكلمين احسها خرافه انا سعوديه واتزوووج اجنبي ماهي راكبه فكرررررررررررررررررري زين الحب هفواااات ... الله يهديك

 

[الوردهـ الخجوله]

لاحقه وانا اختكـ على الغثى
توكـ صغيره على العرس
اهتمي بدراسكـ وبنفسكـ
بعدين تعالي يقولكـ اذا رفضوا اهلكـ يزوجونك بيهرب فيكـ ويتزوجكـ
وييييييييييييييييييييييييييييييين حنى فيه انتي بديره ابو متعب تراكـ
تحسبينكـ بتطلعين بكل سهوله او على قولته((ابهرب فيكـ))
فــــــــــــــــــكري زين وخلي عنكـ الخرابيط تراوه قبل يلعب عليكـ لعبن على عشر قبلكـ
وين عقلكـ اسالك بالله وين خوفكـ من الله قاعده تخونين ابوكـ واهلكـ مع واحد غريب
فكري زين وانا اختكـ بالعواقب بعدين والله لويخبيكـ تحت مراتب السياره اللي بيهربك فيها ان يطلعونك
لايهك عليك بس وانا اختكـ هذولاء هم الذئاب البشريه
ولا تزعلين علي وانا اختكـ واذا غلطت بشي انا اسفه مقدما

كلام عين العقل
وتبغين الصدق توك صعنونه على الزواج وغثى ومشاكل الزواج
وسعي صدرك وانتبهي لدراستك وفكري باالارتباط اذا نضج عقلك حبيبتي
وبعدين وش هاالخرابيط قال اهرب فيك ههههه الله يهديك بس شكله
متأثر باالمسلسلات وجاي يطبقها عليكي
ملاحظه:
مافيه شي يتعوض عن الأهل
انتي وضميرك
عقلك برأسك وتعرفي خلاصك
تمنياتي لكي باالتوفيق

 

[اقسى من الحرمان]

حبيبتي لولو
صراحه ما اقدر افيدك بشي!لانو ماعندي خبره بكذا
واذا هو يحبك صحيح كان ما قال تهربي من بيت اهلك !!
ليش ابوك رباك وتعب عليك واخر شي تسوين كذا وسمعته توصل الارض
اسمحيلي: ما ادري احس انه كذاب يحبك بس عنطريق القيمزر

الله يوفقك حبيبتي ويكتب لك الخييير

 

[جراءةامل]

والله ياخوفتي ماتسمعين الكلام
انت في سكرة الحب والظاهر ماراح تحسين الا اذا فاتك الفوت وقتها ماينفع الصوت
العني الشيطان وخليك عاقله افضلك
ولاتندمتي طول عمرك هيه فترة غفله وان شاء الله تعقلين ويرجع لك عقلك

 

[جنى-111]

الله يهديك وشلون تاخذين واحد عن طريق النت وبكره كل حياتك شك واهو راح يشك وتبدا المشاكل غير ان اهلك ماراح يرضوووووووووووووو

 

[يارب اغفر لي]

انتبهي اختي واحذري
وخليكي مع اهلك وعزوتك ولا تسمعين لكلامه
ولاتنسي قصة وحدة سعوديه تزوجت سوري واهلها كانوا رافضين
وعاشت بسوريه وخلفت منه اولاد وفي النهايه طردها وتزوج عليها
صار لاعندها بيت ولاتقدر تررروح لاهلها لانها عايشه في سوريا
واخوانها مهددينها 00انتبهي وان شاء الله ربي يرزقك زوج صالح
احسن منه

 

[جوهره الامارات]

سوري يعني اهلج مستحيل يوافقون

باختصار عاداتهم غير وتقاليدهم غير وكل شي غير مجتمع غير مجتمعج

يعني عيال السعوديه بكثرهم ما عجبوج ونقزتي لواحد سوري الله يهديج

 

[Butterfly~]

لو كان من نفس القبيلة ومسلم مافيها شي
ليه كل هالخوف؟؟
النبي قال لا فرق بين عربي واعجمي .. بليز لا حد يفرق
خلاص حبيبتي اقطعي علاقتك فيه وقوليله يتقدم وربنا يقدم الي فيه الخير.
بس هروب انصحك لا تتهوري بعدك صغيره وهالشي يمكن يريحك في البداية بس صدقيني
الي مافيه خير لهله مافيه خير لنفسه..تضيعين وتضيعين اهلك معك..فكري عدل​

 

[أنثى ~]

لا حبيبتي

لا تتركين اهلك عشان اي رجال في العالم
ولله هو بكلمه وحده منه تحرمين عليه ولا ترجعين له , لكن الاهــل عزوه وبالذات الاب الله يخلينا اهلينا
/
وبعدين ياقلبي انا حاسه فيك بسس ولله العظيم زواجك من اجنبي فيه كثير مشاكل في جوزات , وجنسيات . وسفارااات
وهذا غير تكاليف السفر , وحصول اطفالك ع الجنسيه , وغير العادات والتقاليد
بسسس هذا كله لا تفكير فيه الحين , اسمعيني قولي له كلمه وحده ,,, تبيني تعال اخطبني من ابوي
وبعدين اذا اهلك رفضوا .. , يكون هوا سوا اللي عليه ,,, واياك ثم اياك ثم اياك تفكيرين تهربين معه وش هالكلام
ذكرتيني بالافلام المصريه خخخ الله يصلح حالك يارب

 

[قهرني زماني]

مسكينة عايشة الحلم الوردي
:11:
لا تكوني فاكرة نفسك بطلة في مسلسل :e088:
ياريت الزمن يرجع ما كنت تزوجت
البنات ما قصرو و كلامهم يكفي
أنت المفروض تهتمين :e094: و بس
بعدك:12: على الزواج
​