انا تعبت ارجوكم ساعدوني

[ام جمانه11]

انا متزوجه واو لطفلين تزوجت قبل 4سنوات من شخص مشهور خطبني ورفضته وبعد سنه خطبني مره ثانيه ووافقت وياليتني ماوافقت المشاكل بدت من اول شهر بعد الملجه يعني قبل العرس لسانه واااااااااايد طويل ويصارخ ويعصب لاتفه سبب ويغار علي لاني احب اتعدل وانا مامدح نفسي بس انا جمالي مبهر وكل من يشوفني يمدحني وطبعا كنت وايد دلوعه عند هلي وهم يوم جو خطبوني قالو ولدنا يحب المره الي تكشخ وماقالو لي عنه انه انسان غيور على اتفه شي وانه بيمنعني من المكياج والتعدل الا حق بيت هله العلل المهم تعبت من المشاكل معاه وكلمت امي عن الطلاق بس رفضت مع اني للحين ماكنت متزوجه وتزوجته وحملت على طول من اول شهر وبدت المشاكل امه تشيشه وهو بروحه مشحون علي ولا راعى اني حامل والله انه كان يمنعني من الطلعه ويهاوشني ومايخليني ازور اي حد من اهلنا الا بيت ابوي واذا زرتهم وحطيت مكياج يسبني سب وينزلني عندهم وانا اصيح وهذا غير اني صدته يكلم وحده بعد العرس باسبوعين وانكر قالي هذي وحده معجبه وانا صرفتها سكت وسويت نفسي مصدقه وانا بموت من القهر وطبعا من اول ما عرف اني حامل ماقرب مني لي ماولدت وحتى بعد الولاده لي صار عمر البيبي 4شهور بس مايقري مني الا فالشهر مره وشقولكم عن الكلام الي يقوله لي لين يسبني يا بنت ال.... ويسبنيي بكلام ماينقال الا لوحده جايه من بيت دعاره ودايما يقول انتي جبتي لي الهم والغم من يوم ماتزوجتج حتى عقب ماحملت وجبت البيبي الثاني قلت يمكن يستعدل بس مافي فايده كل يوم يسبني اكثر واكثر واذازعلت ورحت بيت ابوي يخيسني ومايجي ياخذني حتى لو شهر وانا الي ارجع مذلوله وصرت اذا اتهاوش معاه استحمل المذله واقعد بس عشان اليهال بس والله مايبيبن فعينه واخر الايام زاد السب والكلام الخايس الي يقوله وصار يطردني من البيت على اتفه شي لي قبل اسبوع تهاوشت معاه وقالي اطلعي برع بيتي وانتي نسيتي انتي شنو كنتي قبل ماخذج يال.......و.....امج وخواتج وبعد قبل لايسكر طردني مره ثانيه وانا ماقدرت استحمل وخذت اليهال ورحت بيت ابوي وانا هني من اسبوع حتى مافكر يسال عن عياله الي قاهرني لنه توه جاي من الحج ويسوي نفسه متدين ومايقرب مني فالفراش كلش كلش الا مره كل شهرين هذا بعد ولادتي فالبيبي الثاني ارجوكم ساعدوني ابي نصايحكم والله نفسيتي تعبانه اتطلق والا شسوي هو عمره مااهتم فيني وانا لو اسجل الكلام الي يقوله واوديه المحكمه وارفع عليه قضية قذف لان الكلام الي يقوله يوصل لدرجة القذف اكيد بكسب القضيه بس انا مابي الفضايح عشان عيالي وبس

 

[ام هبوبه]

واله ويش اقول طلعي منه الخنت وسويله فضايح وماتسكتي عن حقش ؤماطلبيش طلاق وقوليله يصرف على عياله احنا كدة نرضا بي المذلة حتى يطلعو فوق رسنا

 

[قرمش قراميش]

ام جمانه

الله يكون في عونج ريلج انسان هب طبيعي يمكن ماثر عليه وضعه وكونه انسان مشهور فهالشي صابه بالغرور وصار يعامل الناس على انهم اقل منه ولا يحشم ولا يقدر منهم المفروض انتي اقرب الناس له استهدي بالله واذكري ربج حاولي تتقربين منه عطيه فرصه بس حاولي تكسبيه بصفج غيري اسلوبج معاه حاولي تقنعيه تظهري بيت بروحج يكون لج وله اهتمي اكثر فيه تقربي منه يمكن يمر في ظروف اكيد انتي مالج ذنب فيها بس هو من النوع الي يطلع الي بخاطره بس يوم يصارخ ويسب وكل انسان له اسلوبه وانا ما اقولج ارضي بلي يقوله لا ابد والمفروض يحترم هلج ومهما كان ما يطريهم باي شي فكري قبل عن تطلبي الطلاق هالكلمه سهله بس عواقبها كبييييييييييييره مهما كنت جميله وجذابه فهالشي ما قدر يلفت انتباه ريلج ويخليه يعتدل عن تصرفاته يمكن يكون كلامي قاسي عليج بس حاولي تغيري انتي من نفسج علشان تقدري تغيريه خليج واثقه من نفسج الحرمه مهما ضعفت صدقيني فيها نقاط قوه بس استغليها صح وفي وقتها المناسب لا تحطي في خاطرج ولا تتنازلي عن حقوقج بس حاولي تاخذيها برضاه هب غصب عنه والله يريح قلبج

تحياتي لج​

 

[ضياء القمر]

اتقولين راح الحج ؟؟؟؟

الله يهدية ان شاء الله!!!!!!!!!!!!!!!!

 

[مرجانة]

حبيبتي هوني عليكي شوي في شي مو كامل بالقصة يعني شو يللي يخلي زوجك يسب ويعصب إنتي لازم تعرفي سبب مزاجه السيئ وأكيد إذا حاولتي تتماشي مع طلباته وتسمعيه يمكن يتغيرجربي كل الطرق للإصلاح قبل طلب الطلاق حتى ماتندمي لأنو عندك ولدين والله يسر أمرك ويسخرلك زوجك

 

[ام جمانه11]

انا في بيت بروحي ومب ساكنه مع هله وما اشتغل بس قدمت على كذا وظيفه والله يسااعدني لاني تخرجت من سنه انا حاولت معاه بكل الطرق وقدمت كل انواع التنازلات ومافي فايده وترى هو يعصب على اتفه شي حتى لو مثلا كنت اتغشمر معاه يقوم الدنيا ولا يقعدها واحس بالقهر لما يسبني انا وهلي ويوصفنا بابشع الصفات ولاحتى ضميره يانبه واذا اراضيه واساله ليش تسوي جذي يقولي انتي تستاهلين مع اني والله ماغلط عليه ويقولي لازم انتي تجين غصب تراضيني وتبوسين راسي بعد والله بموت من القهر واليهال كاسرين خاطري مايسال عنهم كلش:sad_1:

 

[awatef]

الأخت ام جمانه
بصرحه ولعت من القهر على تصرفااات زوجك
بس من رااايي واكيد راي الكثير
هذا ماينفع معه الا انك تقطعين اي اتصال معه وتنسينه لفتره ولا كأنه موجود لو كلم لا ترديييييييييييييييييين وان جاء قولي لأهلك مااابي اشوفه خليه يحس ان ماله اهميه
وصدقيني اذا سويتي كذا راح يموت من القهر على الي سواه فيك
ولعل وعسى يتغير معك
والله يكتب لك الخير يارب
وعليك بألحاح الدعاء وكثرة الأستغفاااااار
ومالك الا العافيه

 

[حبة باتشي]

الله يكون في عونج حبيبتي.. يمكن انتي عاطتنه ويه وايد.. خلي موقفج قوي و قوليله في حدود ما اسمحلك تتخطاها.. منو انته عشان تكلمني بهذي الطريقه.. وقوليله انته يوم اتزوجيتني بكيفي وافقت عليك وانا ترا إذا ماتباني ما بموت من دونك.. والعيال عيالك وملزوم فيهم.. ولا تحسسينه انه محد في الدنيا مثله ترا اللي خلقه خلق غيره..
والله يهديكم..

 

[ام جمانه11]

انا الحين زعلانه وقاعده فبيت ابوي من اسبوع ولا اتصل ولا عبرني ولااظنه بيتصل لاني اعرف طبعه اناني ونسيت اقولكم انا عمري خمسه وعشرين وهو ثمانيه وثلاثين يعني بيننا 13سنه :no:

 

[ام جمانه11]

اشكر كل الي ردو علي رفعتو من معنوياتي اخيرا لقيت حد يحس فيني:tears:

 

[مرجانة]

خليكي على موقفك لا تتصلي فيه ولا تتنازلي
وشوفي شو آخرتها معاه
الله يسهل أمرك يارب

 

[ام جمانه11]

مشكوره حياتي مرجانه صج فيج الخير :in_love::icon30::bye1:

 

[ام جمانه11]

بنات انا للحين في بيت ابوي صار لي 20 يوم ولا امس امه اتصلت تقول حق الخدامه قولي حق مدام اني بزوج ولدي وحده حلوه اه يالقهر صج بموت والله نفسيتي تعبانه حتى ما جا يشوف عياله:icon28: