انا بفقد زوجي من ايدي

[امة الله 27]

السلام عليكم ورحمة الله

اخوات الكريمات انا بشهري الاول من الحمل

جاني بوحم كله توتر وعصبية

وطفش زوجي مني وتعب واعترف لي ان هذا اصابه بالاحباط وانو ما فيه يتحمل اكثر

شنو اسوي تهت واختلطت الامور علي ودي الحق حالي قبل لا يدور راحته بمكان ثاني:4:

رجاء ساعدوني باقتراحاتكن الله ينوركن

 

[انتظار السعد]

الله يفرج همك .... ياختي اضغطي على نفسك اشوي ... بينيله انه هذا من الحمل وانها فتره وتعدي والله يعينك والله ان نضغط على انفسنا ونتحمل الصعب كله علشان كله ما يلقون لهم مدخل علينا..ونصيحه من اخت لختها اللحين تروحين تصلين لك ركعتين وتدعين فيها والله ان بترتحين راحه واكثري من الاستغفر فهو يفرج الهم ...

 

[مايستاهل نظرتي]

خلي امه او اخته الكبيره تفهمه مايصدقون الا من امهاتهم وخواتهم اللي ياخذون ارائهم

 

[شموخ وحيدة]

اختي حاولي اذا شفتيه تهدين نفسك وتقولي فتره وتخلص اهم شي وضحي له انها فتره بسيطه وتخلص وقولي له اذا يحبك يستحملك شوي وبعدين اذا حملك بخير سوي له حفله رمنسيه بحبها واجد ودلعيه واهتمي فيه الله يسعدك

 

[امة الله 27]

ما بيفكروا بتعب الحرمة همهم بس حالهم
هذا اللي بيتعبني

 

[رازيا]

اعملي نظام في حياتك وترتيب لكل الامور المهمة
اولا نفسك اهتمي فيها فترة الحمل
ثانيا زوجك اعطيه حقه في الفراش على الاقل مرة في الاسبوع
ثالثا بيتك يكون نظيف على طول او جيبي شغالة بالساعة او من عند اهلك تساعدك
حاولي اتثقفي وزيدي قراءة عن فترة الحمل وكيف تتعاملي بكل هدوء هذي الفترة علشان تمر بسلام وامان باقل الخسائر
رابعا حطي كتيبات او كتب صغيرة عن معاناة الحامل وفترة الوحم تكون صعبة على الحامل ولازم الزوج يتحمل وبعد الشهر الرابع تخف هذي الاعراض
او انتي وانتي جالسة افتحي النت واقرئي في منتديات الحوامل افتحي عليه واقرئي له عن فترة الوحام ولازم الزوج يساعد زوجته ويتحمل

 

[وحيده في دنياي]

ما بيفكروا بتعب الحرمة همهم بس حالهم
هذا اللي بيتعبني

.............

 

[امة الله 27]

مشكوووورة اختي رازيا على هالتوجيهات يا طيبة

 

[حياتي بوجودك]

انا راي مثل راي الاخت رازيا

 

[امة الله 27]

شكرا اخواتي الفاضلات

 

[قطرة في بحر]

هذا حال أكثرنا لما نحمل
لازم أحد يفهمه ويتحملك شوي لين تعدي فترة الوحم الوحم يكون فيه الشهور الثلاثة أو الأربعة الأولى تقريباً
ويكون شديد في الحمل الأول فقط

ولو كثرة المشاكل بينكم بسبب الوحم روحي لأهلك لين ما تنتهي الفترة

أنا حاسة فيك لأني أول حمل حملته كنت مثلك متوترة وقرفانه من كل شي بسبب الوحم وفوق هذا كله مشاكل مع الزوج لأنه كان لسه عريس وما هو فاهم الوضع لين ما رحت للدكتورة عشان الكشف وشافت ضغطي مرتفع مررررره وحكيت لها وضعي ونادت زوجي وفهمته وطلبت منه يتحمل هذه الفترة عشان صحتي وصحة الجنين

 

[الاميــره]

الله يفرج همك يااااااارب
،،،،
بس اغلب الرجال يتضايقون وحتى لما نكلمهم انه هذا وحم وكل الحريم كذا لازم تتاقلم وتقدر
يقول وانا وش ذنبي انحرم ،،،ويقول دلع <<<<بصراحه نادر اللي يقدر
ادعي ربك انه يخفف عنك ويسخر زوجك لك

 

[مطرية]

عزيزتى انتى أضغطى على حالك وهدى من عصبيتك ورتب اامور بيتك وزوجك

ومن ناحية ثانيه خلى زوجك يقرا ويعرف ويتثقف عن امور الحمل والوحامـ

ويعرف انو هذه حاله موقته ويروح لحالها

وهالطفل الكمـ أثنيناتكمـ لازمـ هو هم يشارك ويتحمل شويه من توابع ومظاعفات الحمل

 

[انوا رة الرياض]

مع البنات 0000000

 

[DeEmo0o]

الله يعينك اختي ويهون عليك وييسر امووورك يااارب ..

تقبلي مروري ودمتم بخير،،،​

 

[امة الله 27]

تنهييييييييييييييييييييدة ياااا اخواتي مشكووورات والله وكلامكم صح مية بالمية

بس مع مين

على كل حال ربنا يهديه

اللي بيخوفني ويقهرني انه بيحرق لي دمي بكل برودة

ولا مهتم بصحتي ولا صحة الجنين

حسبي الله ونعم الوكيل

 

[احمر خدوود]

قولي له فتره وتعدي ان شااء الله

وحااولي تذغطي ع نفسك واهتمي فيه

الله يكون في عوونك

 

[امة الله 27]

شكرا حبيبتي احمر خدود على مرورك وتعاطفك يا طيبة

 

[-موج-]

قوليله الحمل مررررض ...مو شئ هين..قوليله شيل كيس طماطه وابقى شايله ولا تهده حتى وانت نايم شنو يصير بحالك؟؟!!!!!...

 

[ادور حلول]

الله يتمم عليك بالخير ويقومك بالسلامه وشده وتزول