انا بستويه مينونه بالشك

[sea_lover]

خواتي الله بخليكم ردو عليه بسرعه الاني محتاجه احد ايسمعني انامتزوجه من 12 سنه المهم وايد عانيت انا وزوجي في الحياه زوجي كان انسان طيب ومدين وماعنده بالخرابيط المهم يوم ربيت علي ولدي زوجي نام في غرفه مع ولدي الكبير عشان انا كنت في فتره نفاس وعقب ماخلصت النفاس اكتشفت انه زوجي متعرف علي وحده بالتلفون ويتكلم معاها وماتتصورون حجم الالم الي انا حصلته المهم هو وعدني انه مايكرر الغلطه بس انا عقب هاي السنين ماقدره انسي هي قالت كل كلمه اتكلموا فيها وطبعا هي مب محترمه احينه مرت علي هاي السالفه 5 سنوات وانا زلت افكر في كلامها واتالم احس حالتي النفسيه تعبانه شو اسوي اخاف باي وقت ايكرر الخيانه وانا مااتحمل

 

[umswafy]

أختي الغاليه
انت بالي اتسوينه الحين من شك ووساوس والتفكير بتكرار الخيانه
قاعده اتدمرين نفسج واتعبينها وبالتالي مابتقدرين اتكونين ايجابيه بافعالج مع نفسج ومع ريلج
يعني دوري علسبب الي خلاه يفكر بالخيانه
وبعدين حاولي تجذبي ريلج لج بحيث مايقدر يستغني عنج
صيري مثل الهوا بالنسبه له
بعدين كل ماتييج وساوس وشكوك استعيذي بالله
من الشيطان الرجيم واستغفري ربج وتمي استغفري
اتركي تلفونه والتدوير بسيارته وبمخابي الكندوره
كوني قويه وبنفس الوقت أنثى
اتعرفي على نمط شخصيه ريلج حتى تعرفي كيف تتعاملي معاه بالطريقه الصح
هذا الي عندي
عسى ربي يفرجها عليج آمين

 

[sea_lover]

اشكرك وايد علي الرد هو قالي نزوه وهو اسبوعين كلمها وعقب حس بغلطته وتركها بس انهدمت الثقه الي بينا

 

[ريمانوفا]

عزيزتي سي لوفر
الم يمر على الموضوع خمس سنين اليست كافيه لتقنعك بصدق زوجك اليست كافيه لاثبات حبه لك اليست كافيه وقانعه لك بتوبته.....................
الله رب العباد يقبل توبة العبد العاصي الزاني القاتل اذا تاب توبة نصوحا...............
اختي عند صلاتك ادعي ربك واسأليه ان يزيح عن صدرك هذه الوساوس فهي من الشيطان
اللهم اجمعني بزوجي على الموده والحب والحنان وزوج سي لوفر وازواج المسلمات عامه
نصيحه الى كل امرأه:
وقت النفاس لاتهجري زوجك جنسيا وعاطفيا...........عوضيه الجنس بالهمس واللمس وعانقيه وقبليه فليس هذا بمنهي عنه واسمعيه كلمات عذبه حتى لا يلجأ للحرام.........ولا تتركي مظهرك اشعث وهندامك غير مرتب بل تزيني ببساطه وعادلي المعادله الصعبه فمن غير المعقول ان لا تلمسي زينه طوال 40 يوما .........ليبحث حينها عن انثى فقدها داخل المنزل...................هل سمعتي..........اذن طبقي