انا الي كان الماء حول الجنين معدومة ولدت والجنين توفى بس ..

[صدى صمتي]

السلام عليكم ورحمة الله وبركاته ..
الحمد لله انا ولدت بالسلامة في الثامن يوم الخميس الفجر بس الجنين توفى شخصته الدكتورة بمتلازمة بوتر وتكيس في الكليتين .. والله اخذ امانته ..

سؤالي لكم اني بعد الولادة مانزلت مني المشيمة ونزلتها الدكتورة يدويا .. بعدين قالت بتروح العمليات وبتسوي لي سونار عشان تتأكد مافي شي .. وبعدين ماسوت لي وهذا الي خايفة منه.. احس بتعب والام مثل الدورة والدم ماينزل كثير كميته قليلة .. هل تتوقعون في جزء من المشيمة ما طلع ؟؟ احدعنده فكرة عن الموضوع ؟؟ وبالنسبة للآلام هل هي طبيعية وشأقدر اسوي عشان اقللها...

تحياتي لكن **

 

[ام جومانا]

الافضل انك تسوي سونارعلشان تتاكدي ان رحمك نظيف هذي نصيحتي لاني كنت مثلك ولدت وجلس الدم شهرين ماطهرت وسويت سونارطلع بقايامن المشيمةووجلست سنتين ماحملت نصيحةروحي اكشفي

 

[دموع البعد]

الله يعوضك خير

 

[زهرة البوادي2006]

الله يعوضك غاليتي
ضروري تسوي سونار للتأكدي من نزول المشيمة لان وحده من قرايبنا ولدة وبعد كم سنة جاتها الام واكتشفو فيها ورم في الرحم بسبب عدم نظافة الرحم من بقايا المشيمة ​

 

[تيماء الشرق]

شافع يارب

الله يعوضك خير

المهم انتي سوي سونار اواشربي حليب ساخن مع سمن عداني تراه ينظف كل الي في الرحم خاصه المشيمه تنزل على طوول من السمن



​

 

[قشوووطه]

يارب يشفع لك يوم القيامه
ويعوضك خير

 

[حيرني آمرگ]

حبيبتي عسئ ربي يعوضك ياااارب
ويكون لك شفيع يوم القيامه
اشربي اشياء دافيه وضروري تسوين سونار والله يرفع عنك ياااارب

 

[الطرف الطموح]

الحمد لله على سلامتك قلبي وربي يعوضك بس تاكدي بالسونار من خلو الرحم افضل لك