انامرررررره مقهوره

[حبيبي K]

انا مقهوره منه قوة وحسه نفسي اني كبيره وشينه مدري ليش اقول انا خلاص راحت علي الحين عمري 31 سنه مافيه احد يبيني وحسه في خيبه وقهر حسه انهاخذني لحم ورماني عظم والله ودي اموت ورتاح هوالي كسبان اخذ وحده صغيره 23 وستغني عني وطلقني ولا كني شي في حياته

 

[لونة الصغيرة]

حياتي الله يعينك ويفرج كربتك والله حسيت بقهرك

 

[نونه الشيطونه]

حبيبتي انتي توك شباب وصغيره عيشي حياتك وانسيه بكره ربي انشاالله يعوضك باللي احسن منه
واللي باعك بيعيه

 

[بسرق قلبك ^_*]

الله يعووضك باللي افضل منه ولا تخلي الشيطااان ييـأسك الله كرريم ومايخلي عباده

 

[همم شامخة]

لماذا تحزنين على انسان لم يهتم بك وتزوج هل الحياة هي الزواج هل هي متوقفة على الزواج حبيبتي انسيه هي صفحة وانتهت بحلوها ومرها لا تنظري للوراء ونصيحة لا تتبعي اخباره الان انتبهي لنفسك اهتمي بها اشغلي وقتك بما يفيد تعلمي كل ما هو جديد اصلحي ما بينك وبين الله ولا تقنطي الحياة ماهي الا ايام وتنتهي فعيشيها بالطريقة الصحيحة في طاعة الله

 

[ذبحني هواااه]

الله اكبر ياانا انصدمت يعني بالاخير طلقك,,انا قريت كم مره مواضيعك ووالله اني من جد انصدمت ,مااقول الا الله يصبرك ويعينك ويربط على قلبك ,وانتي لا كبيره ولا شي بالعكس صغيره والحياه قدامك اسأل الله ان يسخر لك ابن الحلال اللي يسر بالك

 

[الخط الفاصل]

استعيني بالصبر والصلاة

 

[همـــس الروووح]

غيري صورة التوقيع عشان ربي يبارك فيك خليه توقيع بدون نساء

بعض الذنوب تكتسبينها وانتي في غفله وماتدرين من وين جاتك يالغاليه

ربي يبارك فيك وبعدين 30 مررررره صغيره كل البنات الحين يتزوجون 26 وطالع

ربي يسر امرك

 

[احترت في امري]

الله يربط على قلبك
بعدين توك صغيره اعرف لك وحده ما شاءالله تبارك الله تزوجت وهي عندها ولد وعمرها
41 سنه وماشيه حياتها الله يوفقها يارب صبرت وربي عوضها خير
نصيحتي يالغاليه اهتمي بنفسك اكثر وبغذاءك

 

[وهم79]

هو الخسران موب انتي ورح يندم وانتي عيشي حياتك باقي لاول العمر والي بعمرك باقي ما تزوجوا لا تقولي كذا

 

[كلي فدا عيونك،،]

حبيبتي لاتتظايقين وتحزنين
ماتدرين يمكن خيره لك
والله يفرج همك**

 

[ميمو*]

لاتحزني ولاتيأسي وارضي بقضاء الله وقدره
الله يفرج همك واكثري من الاستغفار
لاتفكري فيه ابدا
​

 

[الزوجه الاولى]

حبيبتي ليش اليأس هذا قلت أيمان الي أنتي تسوينه في نفسج هوا الي أمكبرج خلاص الي باعج بيعيه ونسيه وتأكدي أنه ربي ماكتب عليج شي اله في خير كثير لج وان شاء الله راح تشوفينه بالايام الجايه بس نصيحه قوي أيمانج بالله الجئي اليه لا تشكين لاحد غير الله انتي بدينج وبثقتج بالله ان ما أصابج لم يكن ليخطأك راح تحسين بسعاده ونشراح الصدر نصيحه من أخت مجروحه مثلج وحاسه فيج تمسكي بحبل الله والله راح يغنيج عن الكل

 

[الفواااحه]

يا اختي انسيه واشغلي نفسك سجلي في تحفيظ خذي دورات طوري نفسك وانتي باقي في اول عمرك والدنيا ما توقفت من اجل إنسان وفكري دائما ان الدنيا ما تصفى لاحد فكل انسان في مصائب ومحن وهذا حال الدنيا لو ضحكتنا يوم بكتنا سنين بس ما نقول إلا الحمدلله والله يصبرنا ودائما ادعي ربنا لاتجعل الدنيا أكبر همنا و اللهم اشغلنا بما خلقنا من اجله ولاتشغلنا بما خلقته من اجلنا وخليك صبووووره
وربي معاك يا اختي ​

 

[سوسو15]

خلي ايمانك بالله قوي
والله ما يختار للعبد الا كل خير
الحمد الله على كل حال

 

[دمعتي ماركه]

تطلقتي والله احس اني انصدمت
لا اني دايم اقراء مواضيعك وماتوقعتك
انها توصل لطلاق لااني احس انك انسانه صابره
الله يكون في عونك بس من باعك بيعيه

 

[thel]

احم منو قال ان 31 كبيره؟؟؟
عمري 31 ووالله والله والله أني عمري ما فكرت أني كبيره وخلاص راحت علي
ليش تروح عليك ماما؟؟
هذا هو سن الانوثه الطاغيه والجمال والدلال اللي على اصوله
وجمال ليش تقولين عن نفسك شينه؟؟؟
قموره شويه صبغه على قصه حلوه على تقشير على اشتراك بنادي
واهتام بالصحه ترى تقلب اللي ما تنقلب
سوي مانيكير بيديكير
اختاري ألوان مانيكير جديده
وتعالي قولي لي لسا تحسين نفسك شينه والا لا؟؟؟
تزوج وحده عمرها 23 الله يهني سعيد بسعيده
والله يعينه يربيها خصوصا لو كان باخر الثلاثينات
وانتي قموره نصيبك وبتاخذيه بس بالتفاؤل والثقه بالنفس
وحتى هذاك الوقت
عادي خوذي راحتك تعلمي تعيشي لنفسك
وتثقفي نفسك
ترى الرجال مو كل شي بالدنيا
وانسي هو ايش يسوي والا ايش يعمل

 

[نضوج أنثى]

هذا ابتلاء من رب العالمين اصبري واحتسبي وربنا يرزقك باللي أحسن منه إن شاءالله مو نهاية العالم الطلاق وبعدين في بنات تتزوج وهي بالثلاثين الحين مو مطلقه بالعكس انتي على فكره بيكون لك حظ اكبر لأنه المطلقات مرغوبات الحين بشكل كبير وتوك بعز شبابك هذي احلى مرحله للأنثى عيشي وانسي الماضي وربي يعوضك بابن الحلال اللي يخاف الله فيك ويسعدك ويهنيك ويطلب رضاك

 

[sweet meemo0o]

انتي توك في بداية عمرك لاتتحطمين خليك قويه واثبتي له ان العمر ماله دخل وحاولي ماتتصرفين تصرفات اكبر من عمرك الزوج يبيله سياسه خاصه وعلى فكره انا بنت مو متزوجه واتمنى تفيدك نصيحتي وبالتوفيق

 

[محبة الابتسام]

حبيبتي اذا قعدت تقارنين بين حياتك الحالية وحياته مع الثانية في الوقت الحاضر راح تتعب نفسيته وكمان اذا حاولتي تدورين اخباره راح تعيشين في تعاسه لانه راح يستحوذ على تفكيرك ومشاعرك وراح تصيري سلبية خلاص انسييييييييه للابد وسامحيه واطلبي العوض من الله مو مهم اذا كنت كبيرة والي اخذها صغيرة المهم انك تعيشي مرتاحة وعايشة حياتك بالطول والعرض والي تمرين فيه طبيعي اغلب المطلقات يكرون بنفس حالتك بس بعد فترة اذا طبقت كلامي وكلام البنات وتعلقتي بالله راح تعدي هذي الايام الكئيبه زي الهوى وراح تنسين