انامحتاجه للنصيحه

[حائلية]

:sadwalk:انا ياخواتي عندي مشكلة وهي ان زوجي كان مسكنا في شقة فوق اهاله وكانت غرفتين وصالة ومطبخ ودورة مياه وحدة تتخيلن دورة مياه لنا ولشغالة وكلنا مع بعض وفي يوم قالو نبي نبني الارض حقت ابوه وقلت جانا الفرج لكن يافرحه ماتمت طلعوا كلن اخوانه يبون يسكنون في هاالارض قال كل واحد من اخوانه مشارك ب150000ريال والباقي يبي يساعدهم ابوهم اي جدنا في البنا المهم طلعت نظام دبلوكس وصار نصيبي غرفتين ومجلس ومقلط ومجلس للرجال مع دورتين مياه وحوش صغير مع العلم ان عندي اربع اطفال وين يكونون وين احط الولد اذا كبر وذا جاني احد من زميلاتي وين اجلسه والله العظيم اني طول اليوم ابكي وانا متوترة انا احامل نفسي اللي انا فيه ولو اني من البداية زعلت ورحت لاهلي من بداية الحياة يوم اشوف الشقة الصغيرة اللي عند اهله كان ماحصلي هذا الامر لكن اللي مربطني وظيفتي واهلي ماهم عندي لكن افيدني وش اسوي مع العلم اي هبيت فيه وصرخت وقلت له هذا جزاء الانتظار لكن ماهو حاس بالمشكلة ولا بضوق المكان هل ماعندي قرار ولا انا جبانة يجزاء الله ولديكن الجنة لاتهملني ردن علي باي شيء :sadwalk::sadwalk:

 

[ice creeem]

حاولي يبنيها ثلاث طوابق ومجلس الرجال يخلونه واحد مشترك لكل الاخوان اذا هم بارض وحده خليها انك شفتي هذا التصميم عند وحده من صديقاتك وعجبك مره عطيه الفكره وخليه يحس انها منه هو بدون امر التنفيذ

 

[حائلية]

المشكله انهم الاخوان الاربعه يبون يسكنون فيها يعني حنا في الدور الارضي والثاني جنبنا واثنين لهم شقتين فوق وشكوره يااختي على المرور

 

[ice creeem]

ممكن يعيدون التخطيط اذا الارض كبيره تنبنى اربع فلل ثلاث ادوار الارضي صالة استقبال ومطبخ والثاني والثالث كل واحد غرفتين وحمامين والمجلس واحد

 

[براءه طفوله]

اذا انتو في الدور الارضي مالكم الا انكم تبنون ملاحق خارجيه يعني تحطونها بدال الحوش
وتكون هي للضيافه
والله يعينك

 

[رولالان]

استفيدي دامك بالارضي ووسعي وزيدي كم غرفه قد ماتقدرين فكري فيه زين وبتطلع الحلو حنا ماشفناه عشان نقول

لك كيف تضيفين


وبعدين يا اختي احمدي ربك غيرك مالقى مكان ينام به وكثير من البنات ببيوت اهل ازواجهم وحمولتهم

احمدي ربك هذا انتي طلعتي لبيت اوسع من الاول وان شاء الله يجي يوم وتطلعين باحلى منه او توسعينه زي ماتبين

بس قولي الحمدلله وربي نعمه من ربي البيت الملك ما احد يلاقيه الايام ذي

 

[ياربي انصرني]

رددي هذا الدعـــــــــــــــــــــاء اللهم انزلني المنزل المبارك وانت خير المنزلين---واصبري ان الله مع الصابرين

اهم شئ تكون حياتك مستقره ومع الايام ربي بيفرجها وكلي ربك واسئليه الخيره000

 

[دموع الليـل]

قولي الحمد لله رب العالمين

فيه حريم ساكنين في ملحق في بيت اهل الزوج مكون من غرفه وحمام


اومستاجرين شقه تاخذ منهم جزء كبير من الراتب يعني فلوسهم رايحه في اجار