ام زوجي

[قلبي ابيض]

شلون اتعامل مع ام زوجى هي من النوع اللى وايد تز عل من اشياء تا هفة ودايم تتحكم فى عيالى وانا ما زعل لانى اقول هى تحبهم ومع \لك اجي القيها زعلانة وما تكلمني ياليت تقلون لي شلون اتصرف معها وزجى مسافر وانا قاعدة عن اهلى 4 ايام وباقى الايام اروح عندهم فهي تزعل ليش تروحين تقعدين عند اهلج

 

[الوفيرا]

قوليلها إنج بتروحين بيتكم لنج مشتاقة لأهللج وهذي فرصة لأن زوجج مسافر,واضح جدا إنها تحبج وايد وحبها مثل الاطفال,,لاتزعلين واستخدميه لمصلحتج,,وروحي بيتكم وكلميها عادي واستهبلي على زعلها كأنها جدام عينج مو زعلانه,لأنج خلاص وضحتي وجهة نضرج ومافي كلام زيادة, ولاتخلينها تحس إن اسلوب الزعل دايما ينجح
بعض الكلام اتجاهليه بابتسامة وبس,,,تراها تحبج ومتعلقه فيج وايد,,,

 

[ehsass]

طنشي يا قلبي وبردي على اعصابك

هذه نصيحتي لك

 

[سنديان]

باين ان خالتك تحبك والعيال وتغار عليك من اهلك .طيبي خاطرها وان شاءالله لاحقه على اهلك

 

[غربة]

حبيبتي ام زوجك تتدلع شوي هي اتحبكم لكن بعد هالعمر تبي اهتمام

وتبي الكل يهتم فيها والكل حواليها

حببتي انتي سوي نفسج ما تدرين انها زعلانه يعني اشرحي لها الاسباب

وبعدين تكلمي واضحكي عادي وكنك ما تدرين انها زعلانه

بتم زعلانه شوي بعدين بتزهق

وعلى كل زعله سوي جذيه

ودلعيها شوي اذا تقدرين واذا ما قدرتي خلاص

لا تقصرين معاها واذا زعلت بوسي راسها و

وقعدي سولفي وكج كا تدرين انها زعلانه

 

[bent abooy]

قوليلها انج ترتاحين ويا اهلج واتحبين اسولفين ويا خواتج بس لا تحاولين تقطعينها كلميها بالتيلفون كل يوم اذا تقدرين وسلمي عليها

 

[العنـــا]

ما اريد احبطج لكن انا احس ان الحموااااااات وخصوصا اذا في احد يشركهن ويعبي لهن راسهن بناتها ولا صديقاتها

فأنت بطلبك لرضاها تطلبين المستحـــــــــــــــــيل

لكن يمكن ام زوجك تحبك مثل ما يقولون البنات انتي حاولي واجعلي نيتج طلب الاجر من الله والله سبحانه وتعالى انشاء الله ما بيخب ظنك

الله يوفقج

 

[أنيقة]

سايريها وكوني طيبة وكريمه معاها.. لكن ابدا لا تسمحيلها تتحكم فيج او في عيالج..
انتي حالج ارحم من غيرج.. شو تقولين عن اللي عمتها اكبر منافقة.. قدامها بوجه ووراها بألف وجه!!
اهم شي مثل ماقلت لج.. لا تسمحيلها تتحكم فيج.. مدام زوجج راضي تروحي بيت اهلج خلال سفره روحي..
وحاولي تراضينها بهدية.. ترى العمات يوم تعطينهم هدايا خلاص يسكتون..​

 

[قلبي ابيض]

اشكر كل من رد علي بس هى ليش تسوى معاى انا بالدات هشكل مع انى ما قصر فى حقها انا من النوع العصبي والجدى وماا حب المشاكل انا ادرى انها ز علانة وقعدت كم يوم وما كلمتها قلت لين تر تاح نفستيها شوي بعدين با كلمها بس اليوم شلون اتعامل معها اروح اسلم عليها عادي واجلس وادا كنت قاعدة وشافتني قامت ماتبي تقعد معاى شطريقة ساسوي له ادا صار هالموقف انا شوي قينى كبريا

 

[الوفيرا]

عزيزتي هذا كله حب في حب ,بس كل إنسان يعبر بطريقة غريبة,لا تخسرينها بسبب الكبرياء لأن هذا مو مكانه الصحيح,هي ما اهانتك حتى تحطي الكبرياء في الموضوع,ولو رحتيلها وقامت وتركتج خليج عادي وابتسمي ومتى ما جا وقت الروحة سلمي وروحي عادي,خليها تحس بتأنيب الضمير بس حذار تاخذين موقف وتحس فيج بعدين بتنشحن سلبي اتجاهك..
ولا تشتكين عند زوجك الموضوع مايستاهل

 

[حبيبت رشيد1]

الله يكون في عونك فهميها وقوليلها انتي لك حق واهلي لهم حق وقومي وضحكي معها واحضنيها وداعبيها

 

[ربي ارحمنا]

باين ان خالتك تحبك ,,, والله غيرها يقولون لاتجون ولا يبغون حريم عيالهم........
لكن قولي لها ان امك تحتاجك وتبغاك ولاتزعلين ..........
الله يوفقك.....

 

[ريم الغزلان]

مرحبا


يا عمري والله ما تستآهلين ,,




بس طنش تعش ,, شو تسوين


قولي لها ان هييل اهلج ,, شرات ما تسيرين لها لازم تسيرين لاهلج ,,




ربي يسعد ايامج ويصبرج

 

[مجروحه و أكابر]

عزيزتي أم زوجك باين عليها حنونه

زعلها تحكمها كل هالأمور داخلها أنسانه حنونه حيل

يعني مع شوية وقت وطولة بال منك راح تكتشفين بنفسك أنها ماهو قصدها تتحكم فيك وبعيالك

وبعدين خليها تتدخل فيهم هي جدتهم ولو قلتي شي راح تزعل أكيد لو شافتك ساكته راح تخف شوي

لأنها تخاف من أنك من النوعيه زوجات الأولاد اللي يكرهون أم الزوج وتحرش ولدها على أمه ومن هالقبيل

بحنانك وأحساسك عليها بالعطف مثل ماتعطفين على أولادك راح تكسبينها


لو بلغ مابلغ منها هذا أم زوجك هذي جدة أولادك لاتكبرين الموضوع وتخلين يوصل لتدخل زوجك

وزعل ماله أول وتالي أعرفي الطريق لقلبها حاولي تحبين اللي تحبه ولاتبين لها أن ولدها

حتى بأدق التفاصيل لاروحات ولاجيات ولاطلعنا ولامشانا ولاحتى صرف علينا ولاشي

لان كل هالأمور بتغيضها وربي يجمعكم بخير​

 

[ملكة الرووح]

ام زوجك باين حنونة ولا كان ارتاحت منكم وما صدقت بالفكة منك امزح--ياقلبي انت سايسيها شوى وقولي لها انك محتاجة تغير جو واهلك محتاجين لك وبصراحة مالة داعي تبيني لها موقفك ليش رايحة بس العجايز يجون بالكلمة الطيبةاكسبيها ولا تنفريها منك الله يحقق امالك