ام زوجي الجنوبي معها مفتاح بيتي

[صدف الوادي]

السلام عليكم ورحمه الله وبركاته

اول شي احمد ربي اني عرفت هذا المنتدى الي تعلمت واستفدت منه كثير ...وغير البنات الي هنا احس كاننا اخوات ..


يابنات زوجي جنوبي شرقي

ماشاء الله ملتزم وقلبه طيب ويحبني واحبه وعايشن بسعاده الا تدخلات امه الي تخليني انسى كل ايجابياته وانقهر ..



بيتي قريب من بيت اهله امه تاخذ اخبار من زوجي عن اشيا ء تخصنا مشوار قرار جديد اي شي بس ماتاخذ منه التفاصيل وتكلمني تدور الباقي .. عاد اذا عندنا مشوار تلبس عبايتها وتركب معنا حتى لو اني رايحه مراجعه تقول مثلا ابي السوق مره وحده دامكم طالعين واذا بودي بنتي الدكتور تروح معنا تقول انتم ماتعرفون تتكلمون مع الدكتور ....

من تزوجت ومفتاح بيتي معها تقول عشان اذا رحتوا مشوار وابي اغراض وماعندي احد يجيب اخذ من بيتكم عاد هذا الكلام مقتنع فيه زوجي ويقول انا اعطيت امي المفتاح عشان هذا السبب ..

مع العلم عندها عيال ثانين ومتزوجين وكلهم قريب منها بس ماتحب تطلب منهم الا نادرا بحجه انها تحب زوجي واكثر واحد يلبي طلباتها >>> يعني اذا عرفت ان ولدي بار فيه اكرفه كرف الحمار عشان يكره البر .. استغفرالله والله شي يقهر..

طيب تخيلوا مره بنتي كان عندها عمليه ونمت معها بالمستشفى وجات هي معنا ونمنا انا وعمتي على سرير حق نفر وانا حامل وتعبااااانه ....

انا دايم اجاملها واجامل زوجي وماكنت ابين اني متضايقه ..

وبعد عرفت هذا المنتدى استفدت منه اشياء كثير وعرفت كيف اخذ مفتاح بيتي منها

انا هذي الفتره عند اهلي وقبل كم يوم رحت مع اخويه لبيتي ومريتها قلت اني ابي مفتاح البيت قالت غريبه زوجك مو فيه قلت لا دقيت عليه مارد وفعلا هذا الي صار واخذت المفتاح ونظفت بيتي وشلت المفتاح الي اخذته منها واخذت مفتاحي الي زوجي من قبل اعطانياه ..



هههه وللحين محد سالني ليش مارجعتي المفتاح يمكن فهمت اني متضايقه من تدخلاتها او انها عندها نسخه ثانيه وعاشره ههههههه..




الحين بنتي عندها موعد عند الدكتور وزوجي البارح قال لها انا رايحين اليوم انا ماكنت عارفه بس كلمته العصر ابي اغراض قال اليوم ماشين لموعد البنت وصارت سالفه واتفقنا ناجل الموعد الاسبوع الجاي ...

كلمتني ام زوجي بعد المغرب تقول هاه بتروحون قلت لا ماحنا رايحين قالت يعني بتخلونه بكره قلت لا ليه هو قالك قالت ايه البارح قالي بكره بودي البنت ... انا ماقلتلها انا اجلناه الاسبوع الجاي قلت بعدين بنروح محنا رايحين اليوم ..


يعني ماعطيتها اجابه واضحه عشان تحس انها تدخلت بشي مايخصها هذا اذا ماهي ناويه تروح معنا ..



المهم زوجي كلمني يسال عن سالفه جاوبته بعدين قلت انته مقرر انا نمشي اليوم من البارح قال لا
قلت امك تقول
قال انا ماقلت لاحد
قلت عادي حتى لو قلتلها من البارح بس انا ماعلمنتي الا اليوم لما كلمتك
ليه الي بيجهز البنت والاغراض انا ولا امك >>> لانه المستشفى الي تراجع فيه بنتي بمدينه ثانيه
قلت امك كلمتني تبي باقي التفاصيل كالعاده
هو انصدم من كلامي وزعل
وقلت انا ماقلت لها عن باقي التفاصيل بس روح انته قولها اننا اجلناه الاسبوع الجاي وعلمها سبب التاجيل خلاص قال طيب
انقهرررررت قلت مع سلامه وسكرت ..

الحين احس اني هاجمته بالكلام هذا التصرف صح ولا غلط


وانصحوني كيف اوقف عمتي عن تدخلاتها بحياتنا ..

هو يلبي لي كل طلباتي الا التمشيات والعمره دايم يقول ان شاء الله بعدين ويوعدني بس مايوفي بوعده ..

احس يخاف اذا وداني فضلني على امه
يعني يبي يعدل بيننا كاننا طباين ...

الام لها حقوقها والزوجه لها حقوقها
ليش يدخلها بحياتنا هل هذا بر او من حقوق الام ..

......

الله يسعدكم ارشدوني بذات الاستشاريات والخبيرات والعمدات ...
:32::32: واحلى الاخوات

​

....

 

[الـخزآمى]

الله يعينك عليها
اقرأي في موضوع الجنوبي وان شاء الله بتلقين مفتاح زوجك
مو مفتاح بيتك ههههههههههههههههههه​

 

[صدف الوادي]

الخزامى
هههههههههههههه لا انا ابيها كلها

 

[it's me**]

السلام عليكم ورحمة الله وبركاته
اول شي سلامتها لبنتك
وتاني شي لا تنقهري لان رجال الجنوبي شمالي هيك لما بفكرو بحبو يدخلو امهم بالموضوع ولو كان اتفه الاشياء المهم تكون امو ورابط سرو على بالو وعلى سمعك طبعا,, بس انتي كوني شاطره ودايما احكيلو عنها كلام حلو وكيف بتحبك( ولو حتى ما بتحبك بس بتعاملك حلو ) يعني خليه يشوف اديش بتفكري فيها وهو على طول بطمن وطبعا ببدأ ينزل عن كتف امو مع الوقت (( وانا هيك سويت بس الامر بدو صبر)))
وعلى حسب نمط زوجك متل نمط زوجي فبحب اساعدك واريحك بالنسبة للسفر ما يقدر يطلع مشوار ازا ما معو المال المطلوب او حتى اشي يكفيه لتاني يوم,, لانو هالنوع بحب يفكر لبكرا اديش معو وكيف راح يدبر حالو بعدين... يعني كل شي بحسابو ,.....
وهاد الي عندي اتمنى اني ساعدتك ولو بجزء صغير *))))) وسوري على الاطاله *_*

 

[تشكرات]

حبيبتي الله يفرج همك يارب
ياعيوني الام عزيزه وغاليه سواء للشمالي والا الجنوبي
أهم شئ زوجك أعرفي نمطه ومفتاحه على قول أختنا
الخزامى ههههههه ...
وزوجك ماشاء الله عليه يحبك وشايف خاطرك ..فلا تحرجيه
بكلام أمه وتدخلاتها ....أكسبي زوجك ..وهو بدوره يحميك
خلّيه ( يعطيها التفاصيل وكل التقارير اليوميه ..لاتهتمي كثير
لكن أنتي خلّيكي ( حريصه ولاتعطي كل خصوصياتك لها ..
تجي من ولدها مو منك ....وشوي ..شوي ..راح تمل منك .
....................................................................................

 

[جناح فراشة]

والله حسيت إنها طيبة ونيتها سليمة ..

أوكي يمكن إنتي منزعجة وتبغي خصوصية وهذا من حقك .. بس هي قلبها أبيض ..

 

[الى الله امضي]

الله يهديها

مو معقول لدرجة انها تنومت معك انتي وبنتك والله شر البلية ما يضحك

حاولوا تشغلونها بشئ قريب من البيت مثلا دورات تحفيظ قران او تسوي جمعات مع صديقاتها

على شان تطلع وتغير جو وفي نفس الوقت تنشغل عنكم واحتسبي الاجر في معاملتها بالطيب

 

[عذبة المعاني]

اعرفي نمطها يمكن تفهميها ههههههههههههههه

وبعدين اعتبريها مثل امك وارحميها والله ان تلقين التوفيق

 

[DiamondRose]

انا اقول تحمليها ولا تبيني لها انك متضايقة ,, عشان ما تعاندك وتكثر من تدخلها

بس اهم شي زوجك اذا كسبتيه هو اللي رح يدور على راحتك ويعرف كيف يخفف من تدخل امه ,, لكن لا تطلبين انت الشي هذا بشكل مباشر عشان ما يزعل ,, لانها امه ومستحيل يرضى تقولين عنها شي
بالعكس امدحيها دائما وقولي يا بختي ان عمتي تحبني وتعتبرني وحدة من بناتها ,, صدقيني هذا الكلام يخليه يحبك اكثر ويكون مقتنع بنفسه ان امه احيانا تزودها بدون ما انت تقولين شي

تبين تطلعين تتمشين معاه : قوليله اش رايك نحط البنت عند عمتي ونطلع انا وانت نتعشى برا مثلا ,, بهذه الطريقة ما رح تقدر تقول بجي معاكم لان البنت عندها ,, في نفس الوقت قولي انا ما امن على بنتي الا معاها عشان هو يقتنع اكثر


بالنسبة لمفتاح البيت عادي ,, مو مشكلة انا اتخيل لو امي تطلب مفتاح بيت اخوي يكون معاها رح يكون من حقها لانه بيت ولدها ,, اهم شي قفلي غرفتك دائما بالمفتاح عشان ما تشوف خصوصياتك

والله يسخر لك زوجك ​

 

[صدف الوادي]

مشكورين يابنات ع نصايحكم بس والله انا تحملتها سنتين وجاملتها وكنت امدحها عنده ​

بس ماشفت منها غير الزياده صارت تدخل بكل شي ​

وهو صار يشاورها بكل ​

وصار يشوفني ماافهم ولا شي ​

مثلا مره دخلت عليه اروش بنتي وجات دخلت يدها بالمويه وسكتت ماقالت شي ​

ولما جاها ببيتها قالتله اني اروش البنت بمويه بارده ​

جاني زوجي يقول امي تقول انك تروشينها بمويه بااارده ​

يعني انا مااعرف لبنتي
خايفه على بنتي مني ايش هذا التفكير ...​

ومواقف كثيره حتى لما يكون عندنا عزيمه يسالها ايش يجيب عشا وقد ايش ​

يعني انا مالي دور ابد ..​

 

[صدف الوادي]

هي مسكينه عندها مشاكل وعندها طبينه بس ساكته عن حقوقها وتقول بصبر

واحس بطلع الي فيها فيه انا

طيب ايش ذنبي اعيش بمشاكل عشان تبرد حرتها من زوجها وطبينتها فيه

يعني بدال ماتطالب بحقوقها من زوجها وتحل مشاكلها تتدخل بحياتي عشان يصير بدل المشكله مشكلتين هي وزوجها وولدها وزوجته

يعني انا وولدها بنكون ضحيه مشاكلها هي وزوجها وتتامر وتطلع قوتها علينا


هي قلبها طيب بس فاهمه الحياة غلط .. الله يعين ​

 

[حايل بعد حيي]

الله يعينك بس يااختي اصبري هذي ام زوجك

 

[حلوووووووم]

خير انشالله معها المفتاح وين عايشين انشالله لاحول ولاقوة الا بالله
والله ثم والله ثم والله ماترضاها على بناتها
طيب انتي ليش ماتحاولين تتكلمين معاها وقولي لها سالتك بالله ياعمه ترضينها على بناتك؟؟؟؟؟
هذا رايي مع خالص دعواتي الصادقه بان الله يشغلها في نفسها وتفك عنك شوي

 

[صدف الوادي]

خلاص الحين صارت مشكله بيني انا وزوجي

وقلت له انا مااتحمل انه امك تدخل بكل شي ..

انا قررت انه خلاص ببقى عند اهلي الين تنحل المشكله بالطلاق او انسحاب امه من خصوصياتنا ..

اعرف بتقولون لا تستعجلين بس احنا لا لنا ثلاث سنين وماني قادره اتحمل تصرفات امه اجل كيف بعد كم سنه مااتخيل نفسي دايم بمشاكل وزعل وقهر وانا باول شبابي لا وبعد عشره سنين لما يبان عليه التعب والهم يروح يتزوج ..

اجل نفترق من الحين مو اصبر اصبر اصبر وفي النهايه اعصابي تتعب على غير فايده ..
بالذات انه مافي امل نبعد عن بيت اهله لانه ظروفنا الماديه ماتسمح وحتى لو نقدر مستحيل زوجي يبعد عن امه لانها هي الي تدير حياته كلها ..

ودايم بقول يااارب تكتب لي الي فيه خير ....​

 

[فراولة الشتاء]

للرفع

 

[الاموره!]

اللة يعينك مافية احد مرتاح

 

[ميوسه]

عزيزتي

حاولي تلمي الموضوع والمشكله


انتي بينتي فكرتك لزوجك وهو راح يحققها بس لاتعانديه


يحتاج وقت بس بدون مشاكل

ربي يفرج همك وهموم الجميع

 

[ساحرة العيوون]

فيه كلام لميسرة ابحثي عنه

الفرق بين حب الزوجة وبر الام

وخلي زوجك يسمعه يتأثر الجنوبي

ربي يوفقك وتفتكون من هاللزقة

بلعكس تصرفك مو غلط اصلا لو غيرك سوى مشاكل من بداية حياته ماسكت زيك

ربي يسعدك ويسخره لك قولي امين

 

[امل العسيري]

من خلال طرحك للموضوع تبين لي انك لا تواجهين مشكله حقيقة

اسمحي لي اختي الكريمة ان اقول بان الخلل والخطاء منك انتي وليس من ام زوجك

انتي تشعريب بالغيرة من ام زوجك وهذا يحتاج منك الى توقف وتدبر منك بحيث تتخيلين نفسك مكان تلك الام

لم اجد هناك ما يدعوا الى القلق من تدخل الام فتدخلها محاوله منها بكل برأئه الاطمنان على حالة ابتك او بمعنى اصح حفيدتها

لو ان ام زوجك تريد لك الشر كان لما اخذتي المفتاح منها اتصلت على زوجك وحرضته عليك وقارت زوجتك فعلت وتركت وابغى منك تضربها ضرب الحمار

ولكنها سكتت وانتي فكري في نفسك هل وجدتيها يوم من الايام تحرض زوجك عليك

لو كنت مكانك يا ختي الكريمة لقبلت يديها وقدميها لانه ربت زوجي فاحسنت تربيته

هل تعلمين يا اختي بانك في نعمه لا يعلم بها الا الله لسبب ان زوجك ملتزم

هل تعلمين ان الله لو كتب لك الزوج بشخص غير ملتزم فسوف تعانين من الويل والثبور

بسبب خيانته لك وتضييع حقوقك

اختي مدام ان الله قد انعم عليك بالزوج الصالح وامه طيبه معك فلما لا يكونون هو السمن وانتي العسل

 

[ندى محمد سالم]

والله يختي صعبه انك تتحملي هادا كله انتي لساتك بشبابك وتقعدي تنقهري نهاية قهرك حتمرضي ووجهك بيتعب الوحده تتزوج ليش عشان ترتاح ولاعشان تجي أم الزوج تفحسها قهر سلامات اغلا ماعندك راحت بالك ونفسيتك ونتي اتزوجتي واحد ماتزوجتي زوجك وأمه بصراحه لازم حد للموضوع وقفوها عند حدها ادا ماتستحي هي انتي لاتستحي طالما الحق يقول انو هي مالها دخل بحياتك خليك مع حقك ولاتتنازلي وتجاملي علا حساب نفسك وراحتك