امي الحبيبه .. سامحيني

[sاموووت فيهs]

السلام عليكم
مادري وين احط موضوعي هذا لاني اول مره اكتب شي مضايقني
السالفه ان امي الغاليه زعلانه مني انا واختي اليوم لان اختي جاتها اليوم وقالت ابي انام عندكم اليوم لكن الساعه 10 جاء زوجها واخذها لانه ماراح للاستلام قامت امي زعلت وقالت اصلا انتو ماتبون تقعدون عندي منتوا زي فلانه اللي هي اختي ساكنه جنبها ما بينها الا شارعين وعندها ولد يوديها المهم اني انا بذات ماني مقصره معها في الجيه دايما اجيب عشاء واروح عندها واخذها معي لكن هاذي الايام زوجي مشغول بالدوام وماهو فاضي وقلتلها هذا الكلام اننا بحكم ازواجنا وماعندنا سواق اواولاد مو كبار يودونا محل مانبي وبكيت في التلفون وقلت انا خلاص ماعاد تبيني خلي فلانه تنفعك وقفلت مع انه غلط تصرفي لكن اناتنرفزت انها ماقدرت انا رجالنا بالغصب يودونا وانا بذات اجيها 3او2 في الاسبوعمع اني عندي واجباتي في البيت وعيالي وطلباتهم طول الوقت
والله احترت اكلم ابوي اواخويه اللي ساكن معهم بالبيت واخليهم يوضحولها
لا تقولون هذي امك هاذي اغلي من روحي وعيالي واحبها موووت الله يطول بعمرها
انتظر ردودكم تعطر صفحتي

 

[ليمونة فوشية]

السلام عليكم .
اختي الحبيبه الام اذا تقدمت في السن وتزوجزا بناتها تصير حساسه اكثر وتحس بالوحده بعد اكثر من اول ...
حاولي تروحين لها وراح تسامحك صدقيني وهي من حبها لكم تبيكم عندها على طول ..
اتمنى لك كل التوفيق ..

 

[عسكريمه...]

حرام عليك وش هالكلام اللي تقولينه لامك

انا مستحيل ومهما سبتني امي وصارخت علي لا يمكن اني اعاتبها بس اقولها سمي يمه والسمع والطاعه ولها اللي يرضيها

مدري شلون سكرتي الخط بوجها والله ماني متخيله احد يسويها بامه

اتصلي عليها الحين وراضيها ومن بكره ان شاالله سويلك طبق حلا او صلحي عشا ببيتك وخذي بزارينك واتصلي على اخوك يجيبك مافيها شي حتى لو زوجك مشغول استأذني منه الدنيا ماهي طايره اذا صار مشغول

الله يصلحك بس ترى الكلمه الطيبه لها مفعولها وتقدرين اذا انشغلتي تعتذرين بكلام حلو اكيد بتقدر وضعك بس من شوقها ولهفتها عليكم تعاتبكم

 

[مقدامة]

احنا للأسف لما نزعل نعصب ونسيء التصرف مع والدينا
الله يهدينا
الحل استغفري ربك وتوبي إليه وألحي على الله بالدعاء وأدعي لوالدتك واعتذري
لأمك وتوددي لأمك بالكلام ألطيب وألأم قلبها كبير وحنون
وانصحك تتقبلي كلام أمك وعتابها ولا تتنتظري الشكر منها
والصبر على ذلك هو من البر فاحتسبي
أكرر تحملي العتاب واللوم فهذا من غلاكم
واعتذري دائما بلطف
تصدقين؟! كأني أنصح نفسي
أدعي لي ان الله يحنن قلبي على والديني وييسر لي برهما ​

 

[sاموووت فيهs]

ليمونه فوشيه ...تسلمين على الردفعلا هي سارت حساسه
عسكريمه........ انا ماسكرت الخط انا من كثر مابكيت ما عرفت وش اقول لكن قلتلها مع السلامه لان مستحيل اسكر الخط لاني قلت هي اغلي من روحي وانا عارفه وش عقوق الوالدين زين
اما بخصوص اخوي اذا طلبناه يقعد يقول وين ابو فلان ويمنيها علي ويتافف يعني زوجي ابركلي حتى امي عارفه هاشي وزوجي يحبونه اهلي مره احسن من اولادها.....على العموم بسوي اللي قلتوه من بكره

 

[sاموووت فيهs]

يعطيكي العافيه (مقدامه)

 

[يارب اغفر لي]

اختي والله ان نفس حالتك بالضبط
ساكنه قريب امي لو غبت عنها يومين تفقدني وتزعل على
بس من يوم اروح لها اسلم عليها استسمح منها
وشى اسوي هذا امي مالي غيرها00باب للجنه

 

[sاموووت فيهs]

والله انك صادقه يا رب اغفرلي
اللهم اعيننا على برهم احياء او اموات امييييييين

 

[حسب الجو]

الله يخليها لكم ويطول بعمرها ياااااااااااااااااااااااارب

بس لازم تراضينها

 

[الجواااان]

الله يخليهم لنا يارب ولايحرمنا منهم بس معليش ياقلبي اتحملي هذي امك جنتك ونارك ولاتلومينهم يطفشون بوحدتهم في البيت الله يطول باعمارهم ويمتعهم بطاعته ويخليهم لنا يارب

 

[شمووع الامل]

سبحان الله .. اختي بارك الله لك والله اعرف ناس بعكس امك تماما .. اذا زارتهم بنتهم يطردوها من البيت ويعيروها باللقمه اللي تاكلها هي واولادها وهي مسكينه على قد حالها وكل مره تزورهم يعيروها بفلانه وعلانه... الله المستعان

 

[رقيق الإحساس]

اتصلي عليها وقولي لها

أمي الحبيبه سامحييييييييييييييييييييييييييييني

ترى ما اقدر ع زعلك ثاااااااااااااانية وأموت فبعدك

ولانها امك بتسامحك في نفس اللحظة وبتعاتبك في نفس الثانية

وترى ما يعتب عليك إلا الي يحبك >>>>>> ما ادري صح المثل
ههههه​

 

[ياربي انصرني]

اسأل الله العظيم ان يطيل في عمر امك على طاعته امييييين

ولكن اعتب عليك ياختي على تصرفك معها المفروض تتحملين كل كلمه قالتها هي عبرت لك عن حالة الضيق اللي تشعربه

ربما انها وصلتها لك بطريقه معينه على حسب فهمها وهذي حال جميع الامهات ----يبون بناتهم حولهم وبس

المفروض انك تحملتيها -----الان ياختي عليك انك تروحين تراضينها وتقبلين يديها وراسها ورجليها وتعتذرين منها وتقولين لها انشاء الله اني مااترك وابحاول اني اجيك طيبي خاطرها بكلمتين


الامهات يبغون الكلام الطيب واللين ------ونصيحه لك ولكل وحده تقرأ ردي الزموا امهاتكم ولاتضيقون صدورهم بشئ وتحملي منها كل مايجيكم تدرون ليه لانها اذا ماتت والله تندمون انكم قصرتوا في حقها


انا اقولها لكم الان امك ثم امك ثم امك لوماتت تتمنين تشوفينها لو بالحلم زتتمنين تطلع من القبر لوخمس دقايق علشان تضمينها لصدرك000

والله ان غياب الام ظلام في ظلام -----------اللهم ارحم لامي واغفرلها وجميع موتى المسلمين

 

[sاموووت فيهs]

الجوااان....شموع الامل......رقيق الاحساس.يارب انصرني
تسلمون علي ردودكم والله انكم صادقون بكل كلمه الام ماتعوض ولايعوض عنها شي
الله يحفظ امهاتنا ويرحم امك يارب انصرني ويجمعك معها في جنات النعيم

 

[غدير الكويت]

الله يخليها لكم حاولي تزورينها كل يومين مره اذا مو كل يوم
ياااريت أمي ترجع لنا ونشوفها الله يرحمها برحمته الواسعه

 

[قلب مكلوم]

الله يخليلك امك ان شاء الله

ياااااليت اهلي يدقوون و يسألوون علي :surrender:

انتي في نعمه اختي حاااولي انك ترضين امك بأي طريقة

اذا رحت بيت اهلي يزعلون على اعيالي و ما يعطونهم وجه

ولو اقطع نفسي اسبوع اسبوعين محدن يتنزل و يسأل عني ..

لو يسألون عني اكيد بفرح و بطير اها الدنيااا من زود الفرحة ..​

 

[الاماسة]

الله يخليلنا امهاتنا ويطووووووول في اعمارهم يااااااارب 000

 

[ام مصعب]

ياحلو امهاتنا فديتهم

 

[sاموووت فيهs]

ابشرررررررركم امي رضيت عليه رحت عندها اليوم وسويت قهوه وحلى وجاب زوجي عشاء وابسطت الله لايحرمني منها
اشكر كل من رد عليه ويجعله في موازين حسناتكم ويحفظلكم والديكم ويعينكم على برهم امين

 

[أكـليل الــورد]

باأختي هذا اللى سويتيه خطأ فادح أذا الله سبحانه وتعالى

أمرنا أن لانقول لهما آف تقومين أنت وتقفلين السماعة في

وجها أستغفر الله العظيم من فعلتك هذة والله من قرأ ت

موضوعك وأنا قلبي يعورني وفيه زي النار اللى والعه:icon28:

هداك الله أستغفري وروحي لها وحبي رأسها واستسمحي منها

وفهميها بأدب وأسلوب عن ضروف زوجك وأتصلي عليها كل يوم أو

في اليوم كذا مرة علشان تحس أنكم قريبين منها وأحسني

اليها ياأختي قبل ماتفقدينها وبعدين ما ينفع الندم هذي

حمامة الدا وعلى قول المثل( اللى ماله كبير يشترى له

كبير)0:blow: ​