امسااااااكـ فظيييييييع!!!!!!!!!!!!!

[Dreams girl]

تكفون ياحريم ساعدوني عندي بنتي عمرها 3 سنوات فيها امساك مرررره شديد جربت لها اشياء كثيره مانفع لها عطيتا تمر مع زبده ورشاد ومافاد فيها وجربت لها شعير ومافي نتيجه مرضيه ....
ووديتها للدكتور الزامل بالرياض وعطاني شراب بس شفت منه نتيجه ...حالتها والله تقطع القلب تقعد تصيح والله يكرمكم يطلع شي بسيط وعلى فكره تعيي تشرب العصير عنيييده وهي كمان نحيففه مرررره بطنها لاصق بظهرها ارشدوني تعبت معاها اللي عندها طريقه للعلاج تخبرني الله يعافيكم

 

[أم حميدة]

عطيها ماء كثير في اليوم الواحد ، وكذلك خليها تأكل برتقال كل يوم ، وشوفي
وردي علي هل جربت هذا ؟؟؟؟؟؟؟؟
إذا مانفع ردي أقول لك .

 

[ام محموود]

لازم تشرب سوائل والياف
وتاكل برتقال وابتعدي عن الشاي والتفاح والكاكاو
وقبل كل شيء اعملي لها فحص للغده الدرقيه
اعطيها زيت زيتون علي الريق

 

[Dreams girl]

مشكوره ام حميده وام محمود بس بقولك البرتقال بينفعها بشي بسيط بيومها بس واعطيها ماء
وهي الحين اعطيها حليبها بالرضاعه واحط معاه زيت زيتون تقريبا من ثلاث الى مرتين باليوم يعني اهون شوي بس يرجعلها مرات يصير قوي مرهالله يكرمك يعني مرات ومرات ....
ومشكورين ماقصرتوا حبيباتي اذا فيه حل يفيدها على طول وما يرجعلها ياليت ...!!!!

 

[فراوليه]

ولدي الله يحفظه من جبته وهو راعي امساك حتى بالأسبوع ما يسويها

وافضل حل اانج تعطينها حليب ثقيل او عصيرات طازجه اهم شي

فواكهه واهم شي والمفيد خضروات

واذا استعصى الأمر فيه طريقه شعبيه اسويها له بس لا تكررينها على طول بعدين ما تسويها الا بهطريقه
وهي
تاخذيت عود اذان وتبللينه بزيت زيتون وتدخليته شوي في فتحة الشرج
ودمتم

 

[السيدة حسناء]

الله يشفيها يارب ويخليها لك ..
انا سمعت ان الكيوي مرررره حلو كملين للبطن جربيه معاها يمكن يفيدها

 

[ام جنيني]

هلا اختي انا ولدي من جبته مثل بنتك الحين عمره بسم الله عليه سنتين
اذا جا يوسخ الله يكرمك كنه بيولد اخر مره من اول يوم للعيد الى خامس يوم يبي يسوي شي ماقدر حتى يقطع شعره وثوبه وصار يستفرغ ولاياكل اصلا هو ماياكل من زمان بس زاد مع الأمساك ويوم جا خامس العيد تعبت انا منه اخر شي وديته لأربع مستشفيات واخذو اشعه قالو سليم بس بطنه فاضي قلت عطوه حقنه قالو مضره طالما بطنه فاضي
قلت عطوه على مسؤوليتي المهم عطوه الساعه12 وقالت انتظري الين يتبرز انتظرت الين الساعه2 واخر شي شي بسيط وحتى كل اللي في استراحة النساء انجنوا منه يقولوا كنه بيولد مو يتبرز وكل وحده تعطيني طريقه اللي تقول ابشري صابونه الين تصير مثل التحميله وحطي له واللي تقول عصير واللي تقول زيت زيتون المهم رحت للدكتوره وشافته وهو بين يديها طايح من التعب قالت ماقدر روحي لأخصائي يمكن عنده ضوق سوي منضار وانا الحين انتظر ابي اسوي له منضار ...

قبل فتره وحده قالت لي طريقه ولدها مثل ولدي المهم تقول رحت لطبيب شعبي وقال لي عطيه رشاد مع الزبادي وراح تشوفين عاد انا سويت اللي قالت والجمدلله وسخ الله يكرمك .....بس لاتكثرين رشاد ومو كل يوم تعطينه على حسب

 

[مرسـى]

التحميلة زينة للطفل .. بس ما تسوينها باستمرار..

 

[تصميم]

زيت الزيتون على الريق وأكل الزبيب ملين رائع للأمعاء وفي وصفه مجربه ومفعولها قوي طهي الشوفان بالحليب وتحليته بالعسل ويعطى كفطور صباحي بإذن الله سينفعها تجنبي الأدويه والملينات الصناعيه لأن نفعها مؤقت جربي الطريقه وطمنينا عن إبنتك نسأل الله لها العافيه

 

[تصميم]

وصفة الشوفان بالحليب كأس حليب مع ملعقتين عسل بعد غليانه وضع 3 ملاعق شوفان ويترك يغلى على نار هادئه إلى أن يتكون قوام كثيف شبيه بالمهلبيه وممكن إضافة ملعقه صغيره فانيلا وبالصحه والعافيه
كما أن شراب اليانسون المحلى بالعسل له دور في تلين البطن

 

[ام الشيخ الصغير]

الله يجزاكم خير دنيا واخره .... اختي خلي الفواكه مثل المشمش والتين خصوصا من وجباتها اليوميه .. حتى لو حبه وحده ... ترى التين روعه

وكمان الخضار .. خليه وجبه يوميه .. مره شوربه خضار ومره خضار قطع .. ومره كاملات بس مسلوقين في ماء ... وباذن الله بيفيدها في صحتها ويلين بطنها ...
http://www.niswh.com/vb/t143522.html

وادخلي هالموضوع .. كله وجبات اطفال منوعه .. اختاري الي يناسبك

 

[Dreams girl]

مشكورررررين كلكم الله يعافيكم .... مشكلة بنتي عنيييييييييده وراسها يابس تعيي تاكل الا اللي يعجبها يعني شوربه الخضار او الخضار المسلوقه مستحيل تاكلها ماتتقبل طعمها لان طعمها مالغ شوي وهي تموت على الحوامض والمالح بس تحب شوربه الشوفان هل هي ملينه للبطن لاني اعطيها اياها بس عادي ماتفرق كثير بالاخراج الله يكرمكم.....

 

[ام صقر222]

هلا عزيزتي ؟ انا ولدي صار فيه امساك بس وديته حق الطبيب قال لي عطيه الياف و عطاني دوا شراب مثل السكر بس الحمدلله وايد ينفعه و عطيهااا عصير برتقال طازج و عطيه تمر معجون وايد زين .

 

[amoooly]

شربيها ملعقة زيت زيتون على الريق..وخليها تشرب سوائل كثير..اعرف ان حب الرشاد يسبب الامساك !!
الله يشفيها ان شاء الله

 

[حلوة ماما]

أهلين عزيزتي
الله يشفيها ويخليها لك .. بنتي مرت في نفس حالتها
الله يرحمنا برحمته ماخليت دكتور مارحت عنده . ولله الحمد بعد ماسويت لها اشاعة الصبغة تأكدت انها سليمه .. رحت لدكتور الزهراني بمستشفى التخصصي
استشاري اطفال ..
ولله الحمد قال بنتك حالتها فقط نفسيه بتكون خايفه من شئ أو تغار أو فترت تعلم الله يكرمك الحمام
وطلب مني تجاهل وضعها .. طبعاً اكثر لها من شرب السؤال .
ولله الحمد الحين أحسن ..
الله يديم العافيه على الجميع