انا فله
New member
- إنضم
- 20 أبريل 2009
- المشاركات
- 158
السلام عليكم
من باب حب لاخيك ماتحب لنفسك وماابي الا الاجر ودعوه صادقه منك
ان ربي يرضى عني و يرزقني توأم ذكور تامين صالحين حسني الخلق والخلقه
نصيحه من قلب محب مشفق عليكم ومجرب
لاتاخذو موانع حمل ابد فبداية زواجك وقبل حملك الاول لاحبوب ولا ابر ولا غيره اللي ربي قاسمه لك بتاخذيه
صدقيني انت استخرتي ربك قبل الزواج وماخاب من استخار الخالق سبحانه
اتوكلي عليه وخلي امورك تمشي طبيعي واذا مصره فيه طرق اخرى مثل حساب التبويض
يابنات لاتغلطو نفس غلطتي اخذت حبوب منع لمدة سنه بحكم دراستي والان اعاني من ضعف التبويض حتى الابر المنشطه مااستجيب لها
لي سبع سنوات اتمنى طفل احضنه والله اقول هالكلام ودموعي عخدي اتمنى طفل يونسني بوحدتي الله لايذوقكم هالشعور شعور بجد بجد مؤلم لكن انا مؤمنه بربي وبيده سبحانه رزقي
هذا سبب والله مسبب الاسباب صدقوني يابنات الحبوب دمار
وحده من صديقاتي استخدمتها ست شهور قعدت سنتين ماحملت الا من الله ثم من المنشطات
واختي ومرت اخوي استخدمو طريقة العزل وقعدت اختي سنتين وهي تتعالج ومرت اخوي ثلاث سنوات والحمد لله ربي رزقهم
احيانا اقول يمكن اللي قاعدين نسويه حرام وربي قاعد يعاقبنا استغفر الله العظيم
انا قلت كلام من خوفي عليكم ولما قريت مواضيع وردود بنات كثير هنا بالمنتدى تنصح في بداية الزوج بموانع الحمل لاتنصحون البنات بهالشي كثير اللي يدخلون هالمنتدى ويقرون ويمكن بعضهم مايعرفو اضرار هالشي
اذا نفع معك هالشي ممكن ماينفع مع غيرك الله يهديكم ادري ان قصدكم عشان يستمتعو ويستانسو ويعرفو ازواجهم بس هالشي مضر لهم اسألو مجرب اللي ربي قاسمه لك بيصير حتى لو تاخذي موانع وشفيهم الاطفال ياحلوهم ويازينهم ومايعرف قيمتهم الا اللي فاقدهم
لاتنسوني من دعواتكم
يارحمن ياودود ياودود ياذا العرش المجيد يافعال لما تريد اسألك بنور وجهك الذي ملاء اركان عرشك وبرحمتك التي وسعت كل شي وبقدرتك التي قدرت بها على جميع خلقك تفرح قلبي وقلب زوجي بالذريه الصالحه التامه الحسنة الخلق والخلقه يامغيث اغثني يامغيث اغثني
