امرأة لاتنسى اختك تريد استشارة عاجله جعلها الله بميزان حسناتك

[!! منــايــر !!]

السلام عليكم ورحمة الله وبركاته
بحاول اختصر الموضوع..نبذة بسيطه عني انا وزوجي ثم اعرض المشكله..
مدة زواجنا: اربع سنين
عدد اطفالنا :2 ولد وبنت
السكن:مع اهله بشقه مافي اي احترام لخصوصيتي من قبل اهله
(( وحيد امه))
((اغراض عيالي ومستلزماته تجيبها امه))
طباعه:1-عنيد جدا 2-هوالصح دائما3-اذا زعل صعب انه يرضى4-كسول5-بنفس الوقت دقيق بالنظافه المنزل 6-لايعرف مبدا الحوار والمناقشه بحكم انه الصح 7-قدام اهله كاننا اغراب اي مومن بمبدا الرجوله الكامله سي سيد8-يحب يسهر مع ربعه 9- اذا عصب ورديت عليه يمد يده عليه بس مايمسك نفسه جدام عياله مايسويها << سلبيات
اما الايجابيات>> كريم جدا اذا كان معاه فلوس 2-حنون وطيب ويراعيني خاصه اذا تعبانه 3-يحبني جدا اذا كنت مطيعه على حساب نفسي حتى ويكرهني جداااا اذا عصيت له امر او طالبت بحق من حقوقي مقصر فيه
طباعي أنـــا:
1-احبه حيل لدرجة دايما اراضيه حتى اذا غلط علي 2- اقوم بمسؤلياته تجاه البيت والعيال مع اني ادرس بالجامعه مو موظفه3-عيبي الوحيد اذا طول صوته او لسانه او ايده علي مااسكت ارد عليه حيل مااقدر اسكت

المشكلـــــــــــــــــــــــــــــــــه:
كنا متزاعلين لمدة يومين لسبب اني ادق عليه ولا يرد علي ابدا فادز له مسج اعاتبه بشده طنش اول يوم ونام بالديوانيه ثاني يوم جاء بدل وطلع ولاكلمني
دقيت على اهلي وكانوا بيطلعون طلعت وياهم الملاهي بــــدون اذنه وسبحان الله لعبت لعبه وحده وانسرقت جنطتي فيها موبايلي ومفتاح شقتي فدقيت على امه قلت خلي الخدامه تحاول تبطل الباب وانا راده البيت وعلى حظي نزلت من السياره واهوا توه داخل البيت بطلي الباب عطاني نظره حقد ودزني بعقاله معصب ليش اني طلعت بدون اذنه(( اللي يقهر ان هو مايرد علي كلش سوا زعلان او راضي شلون استاذن مليت)) واحاول اقوله مفتاحي ضاع مايسمع بس يبنا ندخل الشقه عشان يصارخ ويعصب بدون لحد يدري فتفاجا يوم شاف امه ومرت خاله والخدم فوق يحاولون يبطلون الباب عصب علي جدامهم وقالي بنفس خايسه دقي على اهلج يردون ياخذونج الحين اول شي خزيته ابيه ينطم يسكت مو جدامهم ماسكت قلت بعصبيه ماابي انت لو مرة بحياتك قوم فينا وودنا عصب وعطاني كف جدامهم وطلع وقالتلي امه انتي قليله ادب شلون تطلعين بدون اذنه وتخزينه جدامي وتردين عليه قلت لها بصوت عالي مقهوره اتقي ربك وحرام عليج والاخ سمعني وصعد بيسطرني او شي قالت له امه اذلف الديوانيه واسمعه يقولها بطلقها وتنزل الحين اوديها لهلها قليله الادب تطلع بدون اذني وترد عليج
انا انصدمت تدرون ليش لان السالفه صارت يوم الاربعاء ولوتشوفونا يوم الاثنين تقولون معاريس كان مدلعني دلع ومطيرني زكل اللي تمناه اي بنت سبـــحان الله
المهم نمت عند امه ذيك الليله على اساس باجر اجيب عامل يفتح الشقه صحيح اني اهنت عمري بس كنت ابي احافض على بيتي ولاني السنه اللي طافت زعلت سبع شهور ولا راضاني انا رديت له
وقعدت بشقتي ودق على امه العصر قال هذي شمقعدها بالبيت خليها تطلع وقالتي قلت لها قوليلها مااطلع الا هو يوديني وفعلااا جاء بالليل الساعه 11 وقالي الحين تاخذين اغراضج كلها وتنزلين ناطرج بالسياره وطلعت ووداني لهلي وقبل لنزل قلت شقولهم قالي خلصــيني انزلي نزلت وارسلت له مسج اني احبه وشاريته وان الشيطان دخل بينا ومن هالسوالف ولارد علي ابدا الى اليوم انا حيل خــــــــــــــــــــايفه زابي ارد له ماابي اطول زعلانين ومع ذلك ابي اردله بكرامتي ابيه يحترمني

 

[نحول]

الله يعينك اختي على نفسك
اعذريني انتي الغلطانه ومشكلتك انك تعفسين الدنيا فوق حدر وبعدين تبينه يرضى وينسى علطول

 

[اعاني]

الله يصلح بينكم

شكلكم تحبون بعض وكل واحد متمسك برايه لازم واحد يتنازل عشان تسير الحياة

 

[ابنة الامة]

الله يسر امورك ويهديكم لبعض ويشرح صدرك وصدره

 

[همي زوجي تعبني]

الغلطه اللي وقعتي فيها الاولى انك ما عندك كرامه رجعتي المره الاولى بدون ما يرجعك هو بنفسه علشان كذا اعتبرك ما عندك اهل يدافعون عنك والغلطه الثانيه انك سمحتي له انه يضربك اول مره ومشيتي الموضوع عادي لو اخذتي قرار من اول مره كان ما كررها والحين اقولش الله يعينش وما راح ترتاحين معه الا لما تكوني في منزل مستقل انتي وزوجك وعيالك وسامحيني على ردي القاسي ​

 

[لمار القمر]

الله يهديكي ليش تطلعي من غير إذنه إنتي عارفة طباع زوجك وفاهمته إذا ما رد عليكي لا تطلعي سامحيني بس تراكي إنتي الغلطانة دحين

 

[ظلم وقهر]

يوم دقيتي عليه وما رد .. المفروض اتصلتي على امه وقلتي لها اتصلي على ولدك وقولي له معليش زوجتك تطلع مع اهلها والا لا ...

على الاقل ماكان صارت له حجه عليك لانك بكل بساطه تقدرين تحطينها على امه وتقولين له ان امه عندها خبر وهي اللي استئذنت لي منك ...

شوفي عزيزتي الرجال بطبعه لما يصير زعلان على زوجته يصير يتمنى يمسك عليها أي زله أو اي غلط عشان يعلم الناس انه هو اللي معه الحق ..

غير كذا المفروض ماارسلتي له مسج بعد مانزلتي بيت اهلك .. المفروض خليتيه يراجع نفسه ..

انتي كذا الغيتي عنده احساس محاسبة النفس .. وخليتيه يؤمن انك ميته عليه وبترجعين له و مهما طال الزمان انتي اللي بترجعين له .. غير كذا اصلا المسج اللي ارسلتيه بعتي فيه كرامتك او جزء منها .. هو ضربك قدام اهله وكان المفروض يتفاهم معك اول .. وبشكل خاص بينك وبينه ..
ويتوقف عند حده ..

اذا تبين نصيحتي خلك بيت اهلك فتره لين تهدأ الأمور .. بعد اسوع او اسبوعين اتصلي على امه وحاولي انها تحل الموضوع بينك وبين ولدها ..

الله يسخر لك زوجك ويسخر له ويجمعكم على الحب والتوفيق ..