امبيييييه ضايعة حدي تعالوا

[عروسة بس]

هلا خواتي
شخباركن ان شاءالله بخير
هالايام الاخيرة من رمضان شدوا الهمة الله يغفر لنا
ابيكم تساعدوني في تقسيم المهر 40
8-10 الاف بتروح هدايا لامي و ام زوجي
الفستان على امي فديتها
وملابس البيت خلصتهن ماقصروا هلي الله يخليهم لي

اهل زوجي وزوجي يهتمون بالذهب والماركات ومدري شنو
مدري شلون اقسم مهري
وانا الحين بجدة وباروح الطايف جم يوم ولمكة لين ماتخلص العشر الاواخر
الاقي فيهن محلات الجناط والجزم الله يعزكم تقليد الماركة درجة اولى وكشخة
او اقدر اشتري ماركة حليوة مثل بونيا وطقتها بس ماحبها

الله يبارك لي في المهر دعواتكن

 

[نَجلاء]

//
موووفقة حبيبتي بس انا ماعنندي خبرة لاني للحين ما استلمت المهر..!!

خذي لكِ فررّة بالقسسمـ واستفيدي


الله يهنيكِ​

 

[عروسة بس]

مشكوووورة نجووول ويهنيج خية

 

[عروسة بس]

ايه صج شرايكن في مشغل يسوي برنامج للعروس خلال شهر او شهر ونص مايزيد
حمامين مغربي وحمامين ايطالي وحمام ملكي قبل الزواج ب 1800
انزيين شنو المشكلة يصير اخذ هالحمامات في هالمدة ماقتنعت خييير لو اني طالعة من تحت الارض
امدى الجسم يتجدد
شنو رايكن
اانا زواجي نهاية شهر 11 كم لازم اسوي حمام مغربي
والدلكة تنصحوني فيها

 

[مهره أصيلة]

لبا قلبك احس انك كويتية خجولة فديت الخجل ع الكويتية ههههه
يارب يوفقك ويبارك لك ويجمعك مع زوجك ع خير ويرزقكم بالذرية الصالحة يارب

ما عندي خلفيه لانه لساتي دعواتك بان ربي يسهل امري ​

 

[slow]

السلام عليكم ..

الحمامات المغربيه مهممممه جدآ سووويهآ وصدقيني بيبان فيك من اول حمام تأخذينه ..

فلوسك قسميهآ على حسب أولويآتك .. وكل بنت تختلف اولوياتهآ .. بس لاتسرفي بشئ أنتي ماراح تلبسينه ..

والله يوووفقك ويسهل أمرك ويبارك لك في مهرك

 

[غلا m روحه]

انا من راي انك تشتري السونا وتسوي لنفسك حمام مغربي وحده من البنات منزله موضوع هنا طريقة الحمام المغربي مرره رووعه انصحك فيها وانا عن نفسي بسوي تنظيفات في البيت مايحتاج اروح لمشاغل واخذ عندهم برنامج عروس سوي تنظيفاتك وخلطاتك بنفسك احلى شيء وفيه محل في العتيبية خاص بالعروس انا مره شفت شنطهم مرره رووعه وتفتح النفس خذي لك طقم منهم وقسمي مهرك زي ماقالت سلو حسب اولوياتك انتي اهلك زوجك يهتمون بالذهب مثل اهل زوجي الله يعين بس والذهب هالايام ناااااااااااار خلي 20 الف للذهب انا كذا بسوي والباقي اشتري باقي مسلتزماتك وربي يبارك لنا في مهورنا الله يعين بس وبس ياعسوله ربي يتمم لنا على خير .

 

[نَجلاء]

//

يااااااااااافدييييتك خية

الحمامات المغربية حيييل حلوة اهم شي تسونيها عند وحده محترفة وعندها خبرة فيها

وياليت تبدأين من اللحين لانو يبيلك مالايقل عن اربع حماااااامات علشان تلاقين نتجية ..!!

واذا تقدرين تشترين خيمة الساونا وتسوينها فالبيت افضل وافضل

وخذي فكرة من النت عن طريقة الحمامات المغربية على أصولها وطبقيها


موووووفقهـ​

 

[ماركات عالمية]

بالتوفييق لكل العرايس