امانه ساعدوني ضروري

[ام رلاند]

السلام عليكم ورحمة الله وبركاته
والله اليوم سجلت بمنتداكم علشان ابيكم تساعدوني في مشكلتي مع زوجي انا تزوجت واحد متزوج وبعد الزواج انجبت ولد وبنت وحياتنا تدهورت وعلاقتنا بدائت تنتهي وكل يوم مشاكل وابيكم تساعدوني لاني افكر اطلب الطلاق وصراحه انا مابي علشان عيالي والله اخاف عليهم وزجي صار ما يجي عندي الا ساعات ويروح وطول وقته عند زوجته الاوله تبون الصراحه انا مره عصبيه ودايم اتطاول عليه وهو يحب يستفزني ويحب يزعلني حتي لاشافني فرحانه يحب ينكد علي وهو بنفسه يقول احب ازعلك وديم يردد انا اكرهك ومجبور عليكي علشان عيالك وربي احاول اتغير بس هو لاشافني تغيرت يحب ينرفزني يقول لو تتغيرن بالميه ماراح احبك وما خليت منتدي الا وكتبت فيه عن مشكلتي وابي حل والله اني ابكي قهر والله الناس كانو يحسدونا لانه كان ميت فيني وطاير فيني من الفرح وكان يحبني موت وكل شي يكتب عليه حرفي وش اسوي علشان ارجعه مثل اول يحبني امانه الي عنده نصيحه لايبخل علي

 

[احسدني عليك]

وكلي امرك للمولى عز وجل مالك غيره انا مافادني غير ربي باخر اليل دامه موعندك صلي لربك وادعي بيقين واستغفري وغيري بنفسك واشغلي نفسك عنه سوي نفسك مومهتمه لما يستفزك يعني كانه يمزح وطنشي وخلي النار لما يطلع ابكي وشوي كل شي بس قدامه خليكي رايقه وعسلس تضحكينبي اجلسي عالتلفزيون وزلا النت وطنشي

 

[تشكرات]

أعتقــــد والله أعلم أنّ سبب تغيير زوجك لك هو ( ردّة فعلك تجاه

مزاحــــه الثقيل معك ) .....

يعني حاولي تأخذي كلامه بصدر رحب ...وتتقبّلـي مزاحه بروح

رياضيّه ( حتى لا يستفزّك كلامه ...وحتى لا يزيد بعنادك .....

( طلّقي عصبيّتك بالثلاث ) لا رجعة فيها .....ترى الرّجال يموتوا

على الحرمه ( الودوده ....الفرفوشه ....

ولكي تنتصري على ردّات فعلك ( حاولي حين يتكلّم زوجك أن تسرحي

بفكرك قليلآ >>>حتى لا تسمعي كلماته ......وبعدها ابتسمي

وأضحكي وكأنك لم تسمعي شيئآ ....

ربي يفرج همك ويشرح صدرك ....

 

[ام رلاند]

والله انا مو عصبيه بس من تزوجته صرت مره عصبيه وكان مره يدلعني ولو ازعل من الهوي زاعله الهوي والله كنت لو اقول اذبح نفسك كان ذبحه والحين والله ما همه ولا يفكري مجرد تفكر لاشافني زعلانه انه يراضيني والله حتي عيالي تعقدوا دايم يشوفونا نتخاصم وصاروا دايم يضاربون ويقولون مثل بابا وبنتي حتي عند اهلي دايم تقول بابا يضرب امي وفشلت فيني والله نفسيتي مره كل يوم باليل ابكي للفجر ولانوم ولا اكل كان دايم يجلس عندي بالايام وكنت اقوله لازم تعدل علشان زوجتك الاوله وعيالك كنت دايم اوصيه عليها والحين صارت هي تحرضه علي وبس تسمعه عندي تتصله عليه تقوله لازم تجي ضروري وهو مايصدق خير علي طول يقفل معاها ويروح عندها والله دايم ولدي يبكي يبي ابوه ويسالون عنه والي قاهرني هو يقول خليهم مابيهم بس دلع عيال ويطنشهم بس عياله من زوجته الاول لو يبون اي شي متوفر عندهم حتي هو بس يسمعهم ينادون عليه يروح لهم علي طول اما عيالي والله اقسي معامله لهم ويضربهم ومايبيهم امانه ساعدوني عيالي باقي صغار ومابيهم يكبرون علي ها المعامله البنت 4 سنوات والولد 3 سنوات

 

[كلمة وداع]

مع اختى تشكورات برايها
وربنا يهديه ليكى ان شاء الله

 

[حبي لهـ وحدهـ]

الله يسخره لك ..

 

[حيآه روحه]

أيتها الحمقاء أنتِ لن تكسبي رجلاً إلاّ إذا قرّرتي أن تحبّي نفسك، اكثر منه وتدلّليها اكثر منه ..انظري حولك.. كم المرأة الأنانيّة مشتهاة!​

 

[ام رلاند]

امانه اعطوني طريقه لان خصمي مجتهد الي هي زوجته الاوله دايم ترسله رسايل وكلام حلو وترسل عيالها اذا كان عندي يقولون بابا تعال مشتاقيلك وهو ماله الا ساعات من تركم وهي قبل سنه جابت ولد ودايم يقول بابا مايعرف غير ها الكلمه وتقول له الولد يبكي يبيك ومايسكت الا اذا جيت وتخليه اذا جاني تبكي ولدها بالغصب وتحطه عند الباب هو يسمعها ويروح علشانه انا وهي ساكنين بنفس العماره شقه مقابل لشقه واذا جاء يجيني يجلسون العيال يبكون يقولون لاتروح وهو يقول يكسرون بخاطري مقدر اطنش واجيك وجواله مليان صورهم وبذات الولد الخير والله ولدي وبنتي مالهم اي صوره عنده ومقهوره لاسويت مثلها قال تقليد كل ما سوت هي شي قمتي قلتيها والله مدري وش اسوي تخيلو هي مو متعلمه ولاعندها ولا شهاده وانا المتعلمه الفاهم مقدر اسوي اي شي ساعدوني قولولي علي حيل اخليه يتعلق فيني

 

[احساس صعب]

الله يكون في عونك شغلي عقلك واستفيدي من المنتدى في كيفية جذب زوجك إليك واكثري من الدعاء واتركي الزعل ما ينفر الرجال من المرأة إلا كثرة الزعل ولوية البوز أربع وعشرين ساعة تقولين كان يحبك لأنك جديدة عليه وياخذ بخاطرك لكن الآن ما عاد يهمه زعلك ولا كمان يدورعلى سبب يخاصمك فيه أريه م نفسك خير وهو بيتغير للأحسن ان شاء الله تعالى ولا تحطين راسك براس الأولة كل وحدة منكم لها شخصية مختلفة عن الأخرى اعملي على جذب زوجك وأقرأي سورة البقرة يومياً في البيت وشغليها على طول وارقي نفسك وعيالك وحصنيهم على طول
والله يرد لك زوجك رداً جميل ​

 

[ام رلاند]

احساس صعب الله يجزاك بالخير ياقلبي ممكن اذا تقدرين ابي اتناقش معاكي والله مقهور ومو لاقيه احد يفضفضله واقوله الي بقلبي ابي احد يسمع لي وينصحني اذ ممكن تتواجدين معاي بس دقايق

 

[مدمنة صبر]

اول شي يالغلا امانه شرك انتبهي قولي بالله ساعدوني او تكفون لان هذا شي دنيوني ما يستاهل نحلف اشخاص عشانه !!

ثاني شي يالغلا اذا تبين تستمرين وترجع حياتك سعيده حسني علاقتك بربي واللـــــــــــــــــــه لتشوفين العجب العجاب !!

يعني زواج من هذا الزوج اول شي احتسبيه اجر وانه سبب دخولك للجنه ولازم تشيلين من بالك زوجته الاولى وادري هذا صعب بس حاوولي وحاولي تحبين نفسك ولا تنتظرين صدقات حب من اشخاص اخرين

اذا حاول يستفزك اسكتي والله ليموت قهر بعدين يندم واحتسبي هذا اجر الكاضمين الغيظ انتي قادره على الرد عليه بس عشان ربي ثم الاجر تستكتين واحترام وتقدير لزوجك

فقد قال الله تعالى في معرض بيان صفات المتقين: وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ {آل عمران:134}،
ركزي ربي يحب المحسنين ربي لا تحرمنا محبتك !! وصدقيني اذا ربي حبك سخر لك كل شي تتمنينه

ولا تنسين ان الله يحب الصابرين وشعجي نفسك تكوني صبروهـ عشان الاجر الله وصدقيني لو صدقتي مع الله ربي بيعينك ويساعدك وكثري الدعاء ان الله يرزقك الصبر والعفووو

وربي لو تطبقين هذا اللشي تحسين بسعادة في حياتك ويصير رضى ربي فقط في قلبك

وابتعدي عن الطلاق عشان ربي يبغضه ثم عشان عيالك

ويالغلا توكلي على الله في جميع امووووورك واستعيني بربي في كل شي كرري قول لاحول ولا قوة الا بالله وتعوذي من الشيطان لانه عدووونا الوحيد واللي يحاول يكرهنا في هالحياه ويصرفنا عن طاعة ربي

ركزي الشيطان توعد ربنا
قال فبما أغويتني لأقعدن لهم صراطك المستقيم ( 16 ) ثم لآتينهم من بين أيديهم ومن خلفهم وعن أيمانهم وعن شمائلهم ولا تجد أكثرهم شاكرين ( 17 ) ) .
كثري من الشكر لله اللهم لك الحمد والشكر حتى ترضى