الي متزوج عليها زوجها او تخااف...؟

[قطرات ثلج]

:clap: :clap: :clap:


السلام عليكم ورحمة الله وبركاته
صبااح الوورد لكل الورد الي فتحوا موضووعي

حياكم كلكممممممممممممممممممممممممممممممممممممم

:bye1: :bye1: :bye1:

انا اليووم ابي نناقش مووضوع وبالاحرى استشييير ذووي الخبره ونبي الكل الكل الكل يتفاعل:icon30: :icon30:

1-هل تخافين زوجك يتزوج عليك؟؟>>طيب ذا:santa_1: كان يهددك دايم اكيد بتخافين صدق
كيف تكون حياتك مع واحد يصبحك ويمسيك تهديد:busted_red:

2-شلون تخلينه مايردد هالكلام :icon26: بالحب له والابتطنيشه؟؟

3-طيب اذا كنت ممن تزوج عليها زوجها (((ايش الي كنتي تتمنين انك عرفتيه قبل لايتزوج وحابه تعرفينا عليه))))

4-وهل الافضل الوحده تطلب الطلاق اذا تزوج زوجها >>بتقوولون لالالا وايجابات مثاليه انا ابي الصدددق بليززز

5-والا ياله اشووف نتفاعل وبعدين اكمل

وينكم تراني ابيكم تسووولفووووووووووووووووووووون وتعبووون الصفحات خلااص

ياحبي لكم

والا ماتزوج زوجها الله يعمي عيونه عن غيرها
والي متزوج الله يسخره لها

سللااااااااااااااااااام:msn-wink: .

 

[ام حمــدان]

مر حبا حبوبه

في البداية احب اقولج ما في اي انسانه في هالدنيا تتمنى ريلها يزوج عليها
لكن انا بقولج شي توصلت اليه بعد التفكير العميق وقراءة القصص و الاستشارات

حبوبه الريال اذا يبا الشي بيسويه سواء حرمته رضت ولا لاء و اذا حط في باله شي بيسعى له سواء بالحلال او الحرام الله المستعان و الحرمه مهما سوت ولا قالت ولا هددت ما بيغير من موقف الريال ممكن جدامها يقولها خلاص ويحلف ومن وراها يسوي الي يبيه

و صعب الحرمه تمنع ريلها عن شي لا ن بطبيعة الريال يقضي اغلب و قته برى البيت و انتي كيف بتعرفين و ين يسير

ومع هالفتن الي نشوفها و نسمع عنها نحن الحريم لو شفنا و حده في الشارع متكشخه و متعدله و جسم وجمال ما نشل عينا من عليها وين الريايل و هم ما يتوصون مشية اغراء و لبس و كشخه و حركات لو قضنا عمرنا نحاول صعب نتعلمها

يعني راي شخصيا لو ريلي فكر بالزواج صحيح بزعل وبتين حالة هم ونكد بس بعد بحاول امسك عمري لان بالنسبه الي ريلي يحفظ نفسه بالحلال ولا يروح لبنت حرام تلعب بعقله ويامكثرهم شوارنا متروسه منهم ولا يخون لا قدر الله ولا يرجعلي بمرض و العياذ بالله

ادري الكل بيستغرب من ردي بس الانسان لازم يفكر بعقله و ربنا سبحانه ما حلل 4 الا لحكمه و محد يقدر يعارض كلام الله سبحانه و الحلال حلال
شوفوا قصص الريايل و الخيانة بتعرفون ان الي ريلها يفكر بالحلال يا حيها ولا تكتشف انه زاني و العياذ بالله

 

[قطرات ثلج]

اشكرك ام حمدان على ردك علي واحترم وجه نظرك

بس انا اعرف وحده والله اعرفها يوم درت بس انه زوجها بيتزوج طرببببببقت الدنيا عليه هي واهلها وعلى طول فسخ الخطوووبه ورجع لها!!!!!!!!!!!!!!!!!!!!

وحده ثانيه تزوج زوجها (((صارت تدق عليه الباب هو وزوجته بانصااف الليالي تنكد عليه )))
طلق الثانيه ورجع لها!!!!!!!!!!!!

الرجـــــــــــــــــــــــــتال يختلفووون.

 

[النورس الأبيض]

عزيزتي... هذا الموضوع مكانه في قسم عالم المتزوجات وليس هنا غاليتي

 

[ام حمــدان]

شوفي الغاليه الريال ما يعوقه شي ويمكن يطلق بس يروح يالحرام او ياخذ وحده بالسر
يا مكثر الريايل الي يعرسون على ريمهم من غير ما يعرفون ويتمون بالسنوات

حبوبه انا وحده معرفه شخصيه كانت شو ماسكه ريلها لدرجه ان مستحيل يتكلم جدامها عن الحريم او اي حرمه ثانيه كانت اتبهدله واتكرهه حياته لكن شو راح وخطب من وراها وهي ياغافل لكم الله جدامها يسوي عمره ما يحتاي ومن وراها شوفي كيف وعلى فكرة ترى هذا الريال دايما يقول لحرمته الدنيا فتن والواحد ما يقدر يصبر مع وحده لازم تكون عنده اكثر من حرمه يعني شوفي يشرحلها الامر وحاجته لا تقولين المفروض يكتفي بوحده وخلاص ربي يوم حلل 4 لمعرفته قدرت الريايل مش الكل تكفيه وحده

هي صعبه صعبه بس الوحده يوم ين جدامها الشرع ما تقدر ترده وشي بالحلال ولا الحرام

وحطي في بالج لو طلق ولو شو دام في راسه بيصير بيصير ولا ياخذله مسيار ..

 

[قطرات ثلج]

طيب

شرايكم بالي متزوج زوجها سوريه تلبس البنطلوون وهو مطوووع ويقول لزوجته الصليه البسي قفازات :busted_red: >>>طبعا هي ما تعرف انه متزوج ؟؟؟
بالله عليكم هذي مو ازدواجيه بالريايل:santa_1:

طيب والي يقول لها البسي عبايه مخصره يوم اروح معك للمطعم تطاوعه :sadwalk:

والا تسفهه >>>>هذي صديقتي عبايتها على الراس وزوجها يبها تلبس عبايه مخصره بالمطاعم معه >>>>>>>>اف شصار بالدنيا.

 

[مثل الورد]

1. 1

اول شي الخوف بيبين له اني جبانه وخايفه على حياتي معاه وعلى العيال.. لكن طبعا ابين له الشي العكس واقوله براحتك شوف حياتك ولازم اتخبرني قبل عشان اعرف واطلب الطلاق.. وشوف نصيبي.. ترى الدنيا مابتوقف عندك انت بس.. انا بعد بشوف حياتي .. وولازم اتحط في بالك.. انا اذا حبيت الشخص حبيته يكون لي انا بس محد يشاركني فيه.. (( يعني حب التملك)) وغير جذيه ماريدك..
وعن العيال خذهم ماريدهم بعد عشان اعرف كيف اتهنى..( في خاطري بموت عليهم)) لكن ماببين له
عشان مايقول نقطة ضعفها العيال..

1. 2
   اذا كان موقفي مثل الجواب الاول اكييد مابيجرا يقولي مره ثانيه
   وان عادها برد بنفس الرد وبقوله قرر متى بيصير هالشي عشان
   اعرف وماتعورلي راسي بالرمسه وايد ...
   1. 3
      اذا بسم الله ازوج... بخلييه يطلقها غصبن عن ويهه..

 

[الصبوره]

بالنسبة إلي فأنا أعرف إني من ناحيتي ما قصرت معاه ولكن طبيعة زوجي ما يتحمل ضغوط ووجع راس يعني إذا تزوج بيكون صعب عليه التعامل مع ثنتين وبيطلع غيظه فيني لأني القديمه . لذا أنا دائما لما يفتح معاي موضوع مثل هذا أقله أنا ما أمنعك بس أرجوك تبتعد عن حياتي وقتها فقط تعامل مع عيالك لأني وبصراحه ما بتحمل فوق الجرح انه تزوج عذاب آخر .

لن ولن أتدخل في حياته لأن الحب مب بالغصب وأنا طبيعتي وشخصيتي ما أحب المنافسه وشغلي يكون مع نفسي وألعب بطريقه هادئه وسلميه .

لا أعتقد أني بحاول أخيره بيني وبينها لأن هذا الشئ مهين فأنا أحترم نفسي جدا وما أحب أحط نفسي في موقف يختار الثانيه بدلا مني لذا إذا كان هذا قراره واختار انه يتزوج بقوله باي باي الله معاك.

 

[دموع جنان]

انا بالنسبه الي لما يطري الزواج اقوله بالله عليك عجل بس عشان اتفك منك واشوف عمري مع غيرك وهو بهذا الاسلوب ينجن وما يرجع يكرر كلامه

 

[روح قلبي]

ياهالريايل ما عندهم غير هالسالفة ..
اليوم ريلي يالس يقولي بتزوج ويوم زعلت عليه يقولي امزح ..وانتي ماتبين احد يمزح معاج .....

الله يعينا عليهم ..وعلى عقلياتهم.............

 

[حب عذري]

جبتوهااااااااااا على الجرح

اليوم زوجي يقول واحد من الزملاء يقوله يابو فلان تزوج تزوج والله راح تنبسط
لكن تزوج مدرسه ليش علشان تساعده ......ززوايضا يقول راح تلاحظ الفرق كلهن يبغن رضاااااااااااك ولاراح يزعلنك ...زلان هذا الشخص متزوج 3 مدرسااااااااااااات

وقلت لزوجي الزواج مو دايم سعاااااااااااااااااده احيانا يكون باب شر........وهذا مو مقياس كافي للسعاااااااده

وانا قلتلك شئ لازم تتذكره سوااااااء تزوجت او لا فانا واثقه من نفسي ولاراح تهتز شخصيتى
مهما كانت الظروف باذن الله............ والله على مااقول شهيد

 

[اتيت من بعيد]

اللي تهدد زوجها انها تخليه دامها صغيرة فهوبيراعيها بس الرجال لاكبرت زوجته ماعاد عليه منها
فمافيه مثل الدعااااااء

مشكورة

 

[العيون السود]

كان زوجي يتكلم عن واحد من اخوية انة متزوج 00 وصارت لة مشاكل مع زوجته الاولي وانتها الموضوع واتزوج 0 انا طبعا عصبت بس من الداخل مابينت لة اني معصبة من موقفه لان زوجي كان في صف صديقة 00
طبعا رديت بكل بروووووووود لزوجي وقلت لة :: لو انا مكان زوجت صديقك كان اعطيتة عيالة بالعافية علية وانا شفت حظي مع غيري مراح تكون اخر الدنيا لو تركته000 طال الزمان او قصر عيالي مراح ينسوني00
طبعا هو انصدم من ردي وقالي وش دخلك الحين بالموضوع 00
طبعا انا غمزت عيني لو وقلت يعني هذي وجهة نظري بس00
قالي مالك دخل بغيرك 00 وغير الموضوع وبعدها بخمس دقائق طلع ولا رجع الا اخر الليل 00
ولا ولا اعطاني وجه ابدا لمدة يومين00 ولما سالتة وش فيك ماد البوز شبرين 00
رد علي وقال :: ماكان له داعي تقولين ردك عن موقف صديقي وزوجتة 00 وثاني مرة مالك علاقة في حل المشاكل 00 ساعتها ضحكت مت من الضحك عرفت انة انقهر من موقفي وان هذي ردت فعلي 00وقلت لة :: يفكر اني بموت علية وعلي الارض الا بمشي عليها يخسا 00
ردي علي بعصبية وبصوت عالي وش دخلك انتي 00 طبعا طلع ورجع اخر الليل زعلان 000 الخ الخ الخ

 

[غاليه]

هههههههههههه

العيون السود زوجك خايف ومصدوم

انا من رايي الزواج اهون مليون مره من الخيانه الله يبعدها عنا

والرجال كلهم يحبون يمزحون في سيرة الزواج بس هاذا اللي فالحين فيه

 

[( روح )]

:icon26: :icon26: :icon26:

يوم يقولي لي زوجي بعرس عليج

أقوله بموووووووووووت قبل ما تعرس على شان ما اتأثر

يقول ببني عليج برج على شان ما تطلعين من قبرج

أقوله إلا برتز على السرير وبتشوفني في كل مكان...

وبتم تذكرني وتصيح :icon1366: وما بتعطي العروس ويه ...

وبتم على هالحال لييييييييييين تتخبل وتستوي مينون لأنك ما تصبر عني

قالي حشااااااااااااااااا مب حاله

قلت له بكيفك انت جرب وشوف...

ههههههههههههههههههههه

لا وزوجي حركات

يقولي يوم بعرس إنتي اللي بتخطبيلي >>>>>> وايد واثق من عمره

وما بعرس بدون علمج >>>>> ونعم الوفا

حركااااااااااااااااااااااااااات

:icon26: :icon26: :icon26: ​

 

[virgin]

هلا اخواتي

ممكن اسأل سؤال؟!!

مافي زوجه ثانيه ناخذ رايها؟؟


لاني بصراحه مطلقه وبتزوج واحد متزوج اهو يحبني ويريدني قبل لااتزوج بس صار النصيب وتزوجت وتطلقت...


بس انا خايفه من التجربه...........وخايفه اتبهدل ............... مع اني والله احبه واتمنى انه نعيش حياة هاديه انا وزوجته...

اهله مو ممانعين الزواج الثاني كثير لكن ........... انا اخاف يضعب علشان عياله......انا ادري انه يحبني لانه كانت بيننا قصة حب كبيره واحس الله جمعنا مره ثانيه.......... انا مااريد اهدم بيت لكن هذا الشي مب حرام.. وانا والله اتمنى وادعي ان الله يجمعني فيه .... بس وايد متخوفه لاني طالعه من تجربه فاشله هزتني نفسياً.........وبصراحه اريد ارتاااااح..


احس الحب معاه غييير.. لكن الراحه هل بلاقيها؟؟



ياريت الي مجرب ينصحني.. انا اريد الله يوفقني ويعوضني .. لانه صعب المطلقه تجيها اختيارات كثيره ورائعه.....




اختكم

virgin

 

[قطرات ثلج]

الف شكر لكل الي ردوووو بارك الله فيكم وتسلم هالايدين الي خطت الحرووف

امارتيه حشى فلم هندي هههههههههههه

العيون السوود >>انتبهي لرجلك شكله ناويها وهوووون >>خخخخخخخ امزح


virgain
الله يعين ليه ماتتتنتظرين انا اختي انتظرت وجاها مطلق والحمد لله تمام


بنات وين الي متزوج عليهم زوجهممممممممممممممممممم ليه ما ابدووا ارائهم نبي نعرف شي مهم



هل كنتي تتمنين شي قبل مايتزوج وتحسفتي يوم تزوج؟؟
هل كنتي تحرمين نفسك من اشياء وندمتي؟؟؟

هل علاقتك باهله كويسه قبل وبعد؟؟؟


تكفووووووووووووووووووووووووووووووووووووووووووووووووووون ردووا

 

[الكناري]

وبعدين يا همس كل خاضه بطونه بهالسوالف معيشتنا برعب ياخيانه يا بيتزوج بروحنا مو ناقصين

عجبني رد مثل الورد صج ليش تبين له ان خايفه منه لازم تكون قويه ولازم تكون الامور واضحه
ذكرتوني بسالفه ام وحده من صديقاتي كان كله زوجها يقولها بتزوج عليك عاد هي كله تقوله عليك بالعافيه طبعا على ضحك طبعا الحبيب ماقصر طلع متزوج من كم سنه وعنده عيال ولما درت زوجته زعلت فقالها انا قلتلك وانتي قلتي عليك بالعافيه
علشان جذي اقولكم لازم تكون الامور واضحه مو تدرين انه بيتزوج وبس قاعد تبكين لازم تبينيله موقفك وانتي مو راضيه واذا حصل صراخ وشويه اكشن زين على زين

 

[قطرات ثلج]

هههههههههههههههههه وراكم وراكم بافلاااااااااااااااااااام الرعب خخخخخ

كناري

فعلا وحده قالت لي اصحي تقولين له تزوج روح لانه يوم بيتزوج بيقول انتي قاتي لي

انا مره ذبحني تعبني الشك فيه
قلت له
اذا انا موعاجبتنك تزوج مو تنكد علي رووح بطريق وانا بطريق >>>والله تحسففففففففت
لانها قالت لي قولي له :::::انت الغالي ومستحيل نفرط فيك

 

[كويمسي]

انا زوجي يابنات يوم قالي بتزوج عليك ضحكت بقوة وقلت وربي نكتة الموسم (لان ذكر وحدة معي بالدوام شايفة روحها وشينة) واكرهها ودايم يقول بتزوج عليك واذا قالها قلت يلاه هذا الميدان ياحميدان بس عطني خبر علشان اروح لاهلي واتزوج ثاني لاني بصراحة الحياه مابتتوقف عندك وانا حلوة وصغيرة وسوقي بيمشي (غمزة بعد)