الي عندها خلفيه عن سكر الحمل تدخل بحاجتها ضروري

[دروب الليالي]

بنات بستشيركم وبحاجتكم ضروري رحت اليوم المستشفى وسويت تحاليل
طبعا انا حامل بالشهر الثالث ونتيجة التحاليل ارتفاع في نسبة السكر بعد
الفطور 158وقت ماكنت صايمه كان المعدل طبيعي جدا قالتلي الدكتوره
ان الي عندي سكر حمل وانا حلتي النفسيه صعبه لانو اذا استمر بهذي
النسبه راح تعطيني الدكتوره انسولين وانا خايفه من مرت بهذي المرحله
تعطيني وش الحميه الي استخدمتها تكفون ردو علي ولا تطنشوني:tears:

 

[ساميه1]

اذكر اختي صادها سكر حمل وحاولت تقلل من النشويات وماتاكل سكر كلشششششششش من حلويات ومن الاكلام يعني ماتاكل رز وايد وكانت مقلل وانتظم السكر وصار طبيعي بس بعد كانت تخفف من السكر لاحد ماولدت
ولاتخافين وماعليج شر ان شااءلله

 

[دروب الليالي]

الله يطمنك اختي ساميه1 والله ينولك الي في بالك ويرزقك بالي نفسك فيه عاجلا غير اجل

 

[بنت المعاضيد]

عزيزتي دروب اشحالج ... ..حبيبتي شوفي انا قالت لي الدكتوره ان عندي سكر حمل .. ومشيت ع حميه غذائيه وعطتني موعد عند دكتوره تغذيه .. ابتعدي عن السكرياااات نهائيااا .. والاكلات الدسمه سواااء المقلياات والرز والمعكرونيا ...ممكن تعملي معكرونيا مسلوقه نص كوب تقريبا .. والرز مسلوق بعد نص كوب .. والزبده ملعقه .. والجبن خالي او قليل الدسم ... واللحم والدجاج والسمك مشوي منزوع الجلد .. واللبن او اللبن الزبادي او اللبنه او الحليب ايضاا قليل الدسم وشريحتين توست اسمر اذا تاكلي مثلا في الفطور وممكن في العشااا واللبنه فقط ملعقتين وتكون قليلة الدسم ... والفاكهه موزعه ع وجبااات اضافيه تقريبا حبتين في اليوم مثل برتقاله او كمثرى او تفاحه او 3 حبااات مشمش او حبتين خوخ او نص موزه او نص حبه منجا او 8 حبااات عنب او كرز... وممكن تاكلي بالوجباات الاضافيه 4 حبااات بسكويت من غير محلى مع نص كوب حليب قليل الدسم...وممكن في الاسبوع تاكلي بيضتين او 3 بيضااات في الاسبوع وتكون مسلوقه ... وممكن تستبدلي التوست بنص خبز اسمر ..ولله الحمد ضبطت السكر ونزل .. وقالت الدكتوره وقفي عن الحميه وكلي عااادي بس بدون ما تاااكلي اي شي في سكر او محلى ... وان شااالله ما تشوفين شر ..لا تحاتين

 

[شمس أخت قمر]

ياقلبي عادي
شكل انتي ملينه شوي <<نفس الاخت في الله خخخخخخخخخخخخخخخ
وكان معاي انا سكر حمل واعاني منه نفسيا بس الحمد للله يسقط الحمل يروح السكر
انا عطوني ابره انسولين مرة وحدة
واتبعت حميه انبعد عن الرز والمكرونه و و النشوايا
والزر البني زين للسكر
وامدحو لي التوت البري من عند صيدليه سليمان الحبيب اذا انتي برياض

 

[سحابة الود]

الله يعين حبيبتي

انا مثلج وجداا خفت من كلام الدكتوره لانهاا خوفتني

بس الحين من اسبوع ابتديت الحميه الغذائيه وعطوني جهاز قياس السكر اقيسه قبل الاكل وبعد الاكل بساعه

والحمدالله ياربي لين الحين ماااشي الحال بس لسه مارجعت الدكتوره

ع فكره كلي شوفان كويكرز تعرفينه سويه مثل الشربه ماء وشويه ملح وحاولي تكلينه بعد كل وجه لانه ينزل السكر

ادعي لي الله يرزقني بطفل كامل تام الخلق والخلوق صحيح معافا من كل شر

 

[دروب الليالي]

اختي بنت المعاضيد الف شكر لك يالغاليه والله يعطيك من اوسع ابوابه

 

[دروب الليالي]

شمس الف شكر لك والله احس انكم طمنتوني الله يحفظكم ويرزقك امين

 

[دروب الليالي]

سحابة الود الله يرزقك بالطفل السليم المعافى وتقر عينك بشوفته سالم غانم يارب

 

[سكره حلوة]

اناا بعد عندي سكر حمل :tears: والله اني تعباانة منه بس الحمد لله على كل حاال

اتبع حمية ااف طفشت ماااقدر اكل مثل الناس لا رز ولا مكرونة ولا سكريات ولا خبز اسمر يرفع

سكري الحين اكل خبز نخالة :tears: وكل مااروح موعد تخرعني الدكتورة تقولي باعطيك انسلين

بعد الغدا يوصل عندي 135 او130 وانا خايفة اذا اخذت انسلين يثبت السكر

اللي تقول الكويكر متئكدة انه ينزل السكر ؟؟؟؟؟؟؟

 

[دروب الليالي]

طيب اختي 135 و130 احس انه طبيعي لانه اعلى شي 140 غريبه ليه كم الطبيعي؟

 

[سكره حلوة]

الطبيعي للحامل قبل الاكل اقل من 95 وبعد الاكل بساعتين اقل من 120

وغير الحامل قبل الاكل اقل من 120 وبعد الاكل بساعتين اقل من 140