اليوم قررت اتطلق وخبرت اهلي ( شورو علي قبل لايقع الطلاق ) لكم الاجر يتبـــــــــــع2

[يتيمة 123]

السلام عليكم ورحمة الله وبركاتة

وشلونكم خواااتي

انا وسبق طرحت سالفتي مع زوجي واني ابي اتطلق من زوجي المدمن


بس المشكلة اهلي وشلون يواجهونة بسالفة الادمان وهو مهددني انة لو احد عرف حينتقم مني وانا خااايفة وطلبت من اهلي مايفتحون معاة الموضوع هذا....

اخوي تدخل حاول يحل المشاكل البسيطة زي ماطلبت منة وهو وعد اخوووي بيتغير بس والله يابنات مااافي اي تغير اوتحسن نفس ماهو الحال علية


واخرتها عصب مني وصارخ علي ومد يدة عشان قلتلة حنا هنا في البيت مو لاقين خبز نآكلة وانت مآخذ الفلوس ورايح تسكر وانا والله ماقلت غير الحقيقة المطبخ فاضي وهو كل ماالمح لة انة نبي اغراض يقولب ماعندي فلوس ويجيني بعد كذا ريحتة خمــر خايسة حسبي الله ونعم الوكيل





تعبت منة ومن تحكماتة ومن تصرفاتة الطفولية احس تفكيرة زي الاطفال وعقلة صغير
لدرجةاني مو قادرة اتفاهم معاة او اتكلم معاة ..



قولولي شالحل شسوووي اخوي يقول الطلاق مو حل والمطلقة .,.. ونظرة المجتمع للمطلقة ....ومن هالكلام


طيب انا شنو ذنبي انتي تزوجت انسان موكويس لاااعرفة ولايعرفني ولانعرف اهلة ولاشئ تعبت من الحياة معاة احس حتى انا تغيرت تصرفاتي وكلامي صرت غبية نفسة


ســـــاعدوني ساعدوني لوبكلمة

 

[جـوان]

الله يصبرك على مابلاك



اذا ماعندك منه اطفال فمن الافضل انه تنفصلين(عارفه انو قرار صعب جدا) بس تريحين راسك واخوك يوم يقولك نظرة المجتمع للمطلقة هذا قضاء ربي اي احسن انك تربي اولادك وابوهم مو كويس ولا تصيرين حره والله يعوضك باللي احسن منه؟؟؟




هذي في حالة انه مافيه امل منه اما لو تحسين انه منه امل ممكن اذ نصحتوه عن طريق شيخ او احد كبيريعرفه ويكلمه يمكن يخجل شوي





لاحول ولا قوة الابالله


الزمي الاستغفار والدعاء في الثلث الاخير من الليل (سهام الليل لاتخطئ)



والله يفرج همك

 

[أميرة حتووم]

ادعي له بأخر الليل فسهام الليل لاتخطي ابدا

والله يصلح الحال

لاتتطلقي الرجال يبيك وخاصه انه يوعدك يتعدل لكن اصحاب الشر ماخلوه بحال

اوقفي معه وصبري

ربي يفك كربك

 

[يتيمة 123]

عندي منة ولد واحد بس ياااخوات عمر المدمن ماينصلح حالة حتى لوتعالج راح يرجع للادمان وهذا حال الكثير وخاااصة انة ماعندة عزيمة وشخصيتة جدا جدا ضعيفة....
وكل مااقولة تعالج قال انا مافيني شئ بس تبين تتبلين علي واحاول اقنعة انة الطبيب النفسي شئ عادي بس يفكر اني ابي اطلعة مريض عشان اتطلق منة
تفكيرة مدري وشلوووووون موسوس وشكاك وكل شئ ......

 

[نـ هـ ـى]

لي سؤال هنا:
أينكِ واين اهلك قبل عقد القران والإرتباط بهذا الرجل المدمن ؟ لما لم تسألوا عنه وعن دينه وخلقه ؟!
اطلب له الهدايه ولكِ العوض بخيرٍ منه 0
وآرى الإنفصال هو الطريق الأوجه كونكِ في أول مشوار الزوجيه مع رجل مدمن ولا حول ولا قوة الا باالله0​

 

[دلع قلبه]

الله يفرج همك
من واقع القصص اللي وقفت عليها من كان زوجها مدمن او سكير نهايتها مؤلمه وان كان عندها بنات فالنهاية اكثر الم
اختي الطلاق ارحم من العيشه مع الانسان هذا وانتي اكيد ماقصرتي وحاولتي في اصلاحه لكن انك لاتهدي من احببت
ولكن الله يهدي من يشاء
انصحك اولا لاتتورطين بااطفال معاه
واستخيري في امر الطلاق وربي بيعوضك خير
لان مثل هذا الانسان لازم يدرك ان سكره يخسره اهم الناس في حياته عشان يرتدع ويتوب
واذا تاب حقيقة ورغب يرجعك وقتها يصير خير
ربي يساعدك الطلاق ماهو عيب ولا شرع الا لمثل ها الحالات
اذا فكرتي بكلام الناس الناس ماتعيش العذاب اللي انتي تعيشنه ولا تحس بالألم
عزيزتي بكرا زوجك لو باع عرضك او عرض وحده من بناته او حتى اولادك عشان حبة مخدر الناس ماراح تنفعك
لا تنتظرين هالوقت يصير وانقذي نفسك وابنائك
والمدمن لايعي شي يبيع عرضه عشان الادمان الحمدلله الذي عافانا مما ابتلاهم به.
اخبريه انك تبين الطلاق بالمعروف وبدون ماتفضحينه ولو مارضي
خليك اقوى منه حتى لو هددك تراه ضعيف وادمنه مسح رجولته بيحاول يظهرها قدامك لازم تكونين قويه وقائدة في بعض المواقف
واستخيري في كل امورك ربي يكتب لك الخير حيث كان..

 

[sweet memee]

السلام عليكم ورحمة الله وبركاته

أختي يتيمة 123 الله يجبرك بمصيبتك ويصلح الحال . قصتك ذكرتني بأعز صديقاتي كان زوجها مدمن مخدرات وبفضل من الله تمكنت من علاجه والآن تعيش بسعاده مع زوجها بالرغم من أنه رجع للأدمان مرتين واليك مجموعه من الخطوات التي اتبعتها لينصلح حال زوجها :

1. ابلغت أهله بأدمانه مع انهم كانو غير متعاونين الا انهم في النهايه وضعوه في مستشفى الأمل لعلاج الأدمان بعد أن سبب لهم العديد من المشاكل .

2. اكثرت من الأستغفار والوتر بسورة البقرة في الثلث الأخير الأخير من الليل وكانت هذه نصيحه من الدكتور خالد الجبير في شريطه أسباب منسيه .

3. اذا لم تنجبي منه فأحمدي الله عز وجل على هذه النعمه واذا رزقتي بأطفال فأذهبي الى المحكمه وخذي عليه تعهد بأنه لو ينصلح حاله لكي الأحقيه بالطلاق من دون ارجاع شيء من حقوقه ووصايه الأطفال لكي .

4. نصيحه من أخت لا تستعجلي بموضوع الطلاق اذا لم يكن لديك دخل ثابت يغنيك عن الحاجه للغير وهذا من أهم الأمور التي يجب التفكير فيها قبل أتخاذ اجراء الطلاق فمهما كانمقصرا يكفي وجود منزل يجمعكما .

5 . لا تنسي أوقات الأجابه بين الأذان والأقامه - وقت السفر - عند أفطار الصائم

6 . أكثري من الصدقه . واقرأي للأستشاريه ناعمة الهاشمي واتمنى لكي الأستفاده وانفراج الهم .

​

 

[يتيمة 123]

اخواتي ماتصدقوون لو اقولك كل الناس ماتعرف انة مدمن ومحترمينة ومعتبرينة شئ كبير لانة مو باين علية الادمان..
اهلي سألوو عنة الكل يمدح في العايلة بس زوجي نفسة الكل يقول مانعرفة ولانعرف عنة شئ

بس لما دخلت فيهم حتى العايلة موكويسة الله المستعان حتى الاب خمار سكاار

 

[**sunset**]

لا حول ولا قوة إلا بالله العلي العظيم...​

 

[يتيمة 123]

انا متحملة وصابرة على امل انة يتغير بس المشكلة تدرون وووين


انة يبيني احمل مأذيني ليل ونهار اترك الحبوب لانة يبي اطفال ........؟؟

 

[سموره22]

شوفي حبيبتي انا مريت بنفس تجربتك والله العظيم ماحد يصدق انه يتعاطى ناجح في عمله وعلاقاته مع الناس
وانا سوى فيني اللي مايتسوى طبعا حاولت معه بكل الطرق مو راضي يتعالج كلمت اهلي واهله وسبحان الله عمر اهل الزوج مايوقفون مع زوجة ولدهم المهم انه اللي يمشي بهذا الطريق صعب يتغير اويقتنع بالعلاج استخيري الله مع كل فرض والله يقدم لك اللي فيه الخير انا الحمدلله بعد استخاره تطلقت والله يعوضنا خير

 

[منى السبيعي]

الله يكون بعونك

 

[الوااااان*]

شخصيا اعرف وحده رجعت لاهلها بعد اسبوع و

بعد سهر طلقها بالاجبار
لانه طلع يسكر
وابوها واخوانها قالوا تتطلق ولا تنهان على يده

 

[نظره واقعيه!!]

إذا كنتي مقتنعه بموضوع الطلاق فلا تحسبي حساب لنظرة المجتع..ولاتتأثري بنظرة اخيك..أخرجي نفسك من هذه النظره وستخرجين..وتذكري انك انت وحدكي من ستعاني من هذا الزوج وليس غيرك..وتأكدي ان المجتمع ومن حولك سيتكلمون ويبلبلون بموضوع طلاقك فتره من الزمن ومن ثم تشغلهم الحياة وتبقين انت فقط من لها حرية الإختيار..لكن ادرسي موضوع طلاقك جيدا جيدا..وحددي ماذا ستكسبين وماذا ستخسرين ومن ثم حددي وراجعي نفسك هل انت بذلتي قصار جهدك لتغيري حالة زوجك ام لا..وتذكري ان أي قرار وموضوع في هذه الحياة نعتمد عليه بالعقل والعاطفه،بإستثناااااااااااااااء موضوع الزواج والطلاق لايعتمدان إلا على العقل فققققققققط،،وبتجرد تام جدا عن المشاعر والعواطف!!لأنهم قرارات مصيريه وابديه..وانصحكي اختي ان قررتي ان تعودي لزوجك ان تحاولين ان لايكون هناك حمل لفتره مؤقته إلا ان تتأكدي ان حياتك معه بأمان..وفقتي..ودعوووواتك..

 

[سالي تو]

كيف تستني تجيبي منو كمان انت ناقصك بلاوي في عيالك
الله يحميهم
ويوفقك يارب

 

[مدري شسوي]

تحملت زوجي المدمن وحاولت معه وفي الاخر حاول قتلي..

 

[مدري شسوي]

رفعت عليه قضية في المحكمة .. واخذت ورقتي.. (لدي ولد منه)

 

[ام ريونة]

اول شي تخيلي حياتك بعد الطلاق وشوفي اذا تقدريم نكملين معاه وانصحك شوفي حلقات دكتور طارق الحبيب عن الطلاق والله يوفقك

 

[ندى الريحان]

الله يهون عليك
شوفي اذا كانت حياتك بعد الطلاق بتكون احسن يعني بتكملي دراسه بدوري وظيفه بتمارسي حياتك بشكل طبيعي الله يكتب لك اللي فيه الخير
لا تنسي سهااااام اللليل

 

[يتيمة 123]

شكرا حبايبي على ردودكم