الى متى؟؟؟؟؟؟؟؟؟؟؟؟؟؟؟

[السـراب]

اهلا وسهلا اخواتي البلقيسيات أنا فاقده الامل بأني اغير اطباعي لاني جدا مزاجيه وعنيده فلو تكرمتن اي وحده لها حلي لي تبادر فيه جزاكم الله خير أنا لي زوج عصبي اناني ذو شخصيه قويه وذكي ما يعجبه طبعي ولا اسلوبي الهجومي وديما يقول لي ابي وحده دلوعه واسلوبها حلو وجرئيه واجتماعيه ودايما نتناقر ومن تزوجته صارلي سنه وكم شهر كلما يصير سوء تفاهم بينا يكررلي نفس الكلام ويقول انت ما تعرفين شي انتي جبليه وانتي مخج فاضي ونكديه وكلام كثير وهو يفكر بزواج علي ،،، وانا اختصرت موضوعي كثير وتراه مشكلتي كبير ساعدوني الله يخليكم ...

 

[دلع قلبه]

تابعينا في دورة إدارة المشاكل الزوجيه الموجوده في هذا القسم
وستجدين ظالتك بإذن الله..

 

[تشكرات]

حبيبتي حاولي تغيري من بعض السلبيات اللي عندك ..وهي صعبه الانسان يغير طبعه بس عشان تتأقلمي مع زوجك وطبعه حتى تسير القافله بكل هدوء ...يعني في كل مره تتحاوري مع زوجك أو تتناقشي حتى لو كانت المواضيع استفزازيه ..انتي أمسكي أعصابك وأتذكري كلامه السابق عنك حتى يكون عندك الدافع القوي للاصلاح من تغيير سلبياتك ..وانتي دائمآ مارسي الكلام الناعم والغنج والهدوء طبعآ بينك وبين نفسك ومره بعد مره راح تتعودي ..وربنا يريح خاطرك .

 

[فراشة الياسمين]

ياقلبي

مافي شي صعب

انتي بس حاولي تغيرين من اسلوبك

وتاكدي ان العناد والصوت العالي ما يجيب فايده

تدلعي وتغنجي وش وراك

خلك انثى بمعني الكلمه

وراح تشوفين هذا الرجل العنيد والعصبي كيف يتحول الي حنون وهادي ​

 

[hadifa]

كل الرجال يكرهوا المرأة العنيدة واللي صوتها عالي واحمدي ربك أن زوجك صارحك وقل لها لك

أنت لازم تقوي نفسك وتكون عندك ارادة للتغيير للأفضل والله يسعدك ويكون معك

 

[اتعبني هواك]

يااااااااااروحي انا أول عصبيــــــــــــــه لدرجه ماتتصورينها
والشي ياعلى كيفي ياتصير مشكله ونفسيتي زفت وحالتي حاله
طبعاًهالكلام من سنتين زواج ...
بس ولد الناس مومجبور انه يتحملني زين منه تحمل سنتين
وقالها بوجهي يايتعدل اسلوبك والا الله يستر علي وعليك انا متزوج ابي راحة البال ماأبي نكد وعصبيه ونفس خايشه انا هنا تسمرت:33:
قلت لهدرجه غاثته ومنكده عليه عيشته:30:
بعدها حاولت اكتم اعصابي لاصار شي مايعجبني وإذاصارت مشكله بينا
وفيها مشادهب الكلام ابعد عنه واتحاشاه الين يهدء واتكلم معاه برواقه وانا كاتمه على اعصابي ودي اذبحه:31:
لاصار مزاجي زفت اشغل نفسي بالبيت غسيل ملابس اوتنظيف افش غلي فيه اهم شي ماأطلع هالمزاج السخيف عليه واهو ماله ذنب
او احط حيلي باي شي انا ارغبه يعني مثلاًالسير اجري فيه الين اطلع اللي براسي..والحمدلله صارلي الحين 6سنوات وانا مرتااااااحه كثر
وهالمزاج السيء مايكون كل الوقت ملازمني لاني افرغ طاقتي بشي
وارتااااح ..حبيبتي ولد الناس موملزوم يتحمل اي شي تافه يصدر منا مثل ماتبين راحتك وتبين تمشينه على هواك اهو بعد نفس الشي يبي منا أشياء علشان يعطي تحكمي بأعصابك واضغطي على روحك موكل شي تتنرفزين عليه وسوي مثل مايبي ادلعي واكشخي والبسي ودلعيه
لاتخلينه يلاقي عليك ممسك بالكلام وإذا تهاوشتوا يعيد الحكي وانتي وانتي خلاص من قاصرها غيري اسلوبك معاه وبترتاحين

 

[تؤام روحي وقلبي]

حبيبتي عليك بتغير اسلوبك باسرع وقت كي لاتندمي