الى زوجات الجنوبي .. الرجاء المساعده

[بيبي حبيبي999]

مرحبا اخواتي

في بداية حياتي مع الجنوبي عشنا ايام جميله جدا .. كان يدلعني و يخاااااف كثير من زعلي

وانا بطبعي زعوله واحب الاهتمام منه لما ازعل

بعد فتره بدء يتغير علي لين ماوصلنا مرحله صرت فيها مااقدر استحمله وهو بالمثل

مع ان ردود افعاله تكون اهدا مني .. بس اذا عصب دايما يقل كلام بدون حساب

وانا هالشي يضايقني كثييييير

من اسبوع وانا في زياره لبيت اهلي .. كلمته وقال لي كلام ازعجني فصكرت في وجهه الخط

مااستحملت مع انه مايحب هالحركه ابدا

اتصلت له بالليل ومارد وبعدين اتصل لي ومارديت

فكرت اني اراضيه .. احجز له بفندق ونقضي وقت حلو ؟؟ شرايكم

شوروا علي​

 

[الامراة الشامخه]

الله يهدي بالكم ويجمع شملكم فكره حلوه وتغير جو

 

[بيبي حبيبي999]

امين يارب

 

[تمر حنه]

طيب ليه تعملى معاه كده اصلا حتى لو غلط ليه تبقى نفس المعامله هو مش طفل صغير بتعاقبيه لا احسنى معاملتك معاه وغيرى من اسلوبك حبيبتى واحمدى ربك انه جنوبى وبعطيك من الغزل والدلع ما يكفيكى حافظى عليه لدلع يروح لغيرك

 

[3AROOOOSA]

صح حبيبتي حافظي ع الجنووووووووووبي .. وبعدين خففيها من الزعل ,,خلج عااقله شوي واحسبي لكل شي حساابه ..

روحو اطلعوو والله بتغيرووون جووو .. الجنوبي قلبه طيب تمي دقي عليه لين مايرد عشان يعرف انج تهتمين لزعله مب تدقين له مره او مرتين بس ,, اتذكري كل شي حلو بينكم وانه يراضييج دوم ويدلعج ..
دقي ليييييين مايرد واخرتها قولي له احبك وانا اسفه والله وخلينا نطلع اذا قال نعم ,!! وليش وهالكلام قولي له انا كاشخه اترياك .وانا عازمتك نبا نغير جو صح حبيبي ..!!وهيييك الله يووفقج

 

[أميرة الالماس]

ينقل للاستشارات الزوجية العامة

 

[جوجو85]

مرحبا
حبيبتي تقولين من اسبوع في بيت هلك يعني قاعده لانج زعلانه؟؟؟؟
ولا هو دوامه يخليج جي قاعده في بيت هلج
من خلال تجربتي مع زوجي هو جنوبي شرقي لو كنت مختلفه معاه ماتنحل المساله الا اذا كنت في البيت معاه
يعني لو كنت بعيده تزيد المشكله احسه يزيد تعصيبه لما ابعد عنه

طولي بالج الدنيا ماشيه يوم لج ويوم عليج
اقري سورة البقرة كل يوم ربي يهدي سرج
ولما تتكلمين معاه جهزي كلامج قبل عشان لما تتكلمين تقولين اللي عندج بس بدون تقليل من شأنه او مثلا يكون كلامج انت وانت وانت وتنسين نفسج
يعني لاتقولين لي انتي كلش مول ماغلطتي اكيد ها يمين يسار قطيتي كلمه ولا مثل ماقلتي سديتي الخط بوجهه يعني اسمحي لي اقل شي بيقولج انتي ماحترمتيني وسديتي الخط بوجهي
وبعدين رجعي بيتج قولي له ماستحملت اكون بعيده عنك وتكون زعلان علي ولا بخاطرك شي علي
وقولي له انا مابي الشيطان بيني وبينك واللي فات مات وانا تعلمت من غلطي بس في اشياء ضضايقتني منك بقولها لك وانا اعرف انك تحبني وماتحب تضايقني وكان غصب عنك
وجي اخذيه على قدد عقله بس بنفس الوقت قلتي اللي عندج ووهو بعدين بيحسبها بس عاد عقب خل معاملتك لا انج طايحه عليه كلش ولا انج مهملته
جذي تحرفينه تخلينه يجيج كل شوي يشوف شفيج
يعني تغلي بس موب وايد


بالاخير انتي اكثر وحده تعرفين شلون تتعاملين مع ريلج

 

[عاشقةليل]

حبيبتي فكررررره حلوووووه
خليك عاى العزيمه واعزميه في فندق
عسى ربي يجمع شملكم
امييييييييييييييين

 

[بيبي حبيبي999]

احبكم كلكم

الله يوفقكم ويسخر لكم ازواجكم يارب

وبالنسبه للاخت اللي سالت عن الاسبوع فهو عشان ظروف العمل عنده

ولا لو علي انا مااصبر عنه

بس دايما يكون في مناوشات بينا

اهو ياخذ الامور ببساطه كبييييييره ويرجع بعد ساعه او ساعتين ولا كانه صاير شي

وانا احب اتناقش واحط حد للمواضيع مااحبها معلقه

 

[القوه الغامظه]

الجنوبي قلبه طيب ويسامح على طول
بشوي كلام حلو ينبسط بس ما ينسى
خففي الزعل
تقبلي مروري

 

[بحر العفة]

عيوني انتم مصعبين الوضع

حبيبتي طبيعي بيمل من كثر زعلك وكثر مايراضيك خلاص كل مرة هو يراضي فيك
حتى لو يخاف من زعلك مايشوف هالشيء ايجابي على العكس مثل مانت شايفة تغيره

ومو لازم على كل مانزعل نبي احد يراضينا لازم احنا نكون اقوى واذا الموقف مايستاهل زعل طويل ماله داعي ننكد على نفسنا وعلى اللي حوالينا

انا أأيدك انك تراضيه عشان يحس بمكانته عندك وتكبري بنفسه

وربي يوفكم ويسعدكم مع بعض

 

[بيبي حبيبي999]

الله يعطيكم العافيه

شكرا على كلماتكم الطبيه و دعمكم الرائع

 

[شمس زوجي]

أختي الغاليه.....

بحكم ان زوجي جنوبي فهو شخص يحب المراه التي

تحترمه كثيرآ ويكون صوتها منخفص واحذري ان تجادليه في وقت

غضبه اتركي المناقشه معه بعد المشكله على الاقل بيوم بهذا

التصرف منك سوف تكوني انتي كسبانه........وفي نفس الوقت

تاخذي حقك :bigsmile:..... وحلوووووه فكرتك ان تاخذي فندق لانه الجنوبي

شخص رووووووووووووومانسي ويحب المفاجئه.....:blush-anim-cl:


تقديري لشخصك الكريم.....

 

[بيبي حبيبي999]

يعطيج العافيه فديتج

الله يوفقك ويسهل امورك

 

[ستروبري]

الجنوبي يحب اللي تراضيه،، ويقدرها،، على عكس الشمالي،،

دام سكرت التلفون في وجهه،، انت غلطانه،،

وفكرة الفندق رااااااااائعة،، ولا تنسين حمام الزهور والشموع،، لانه يحبها،،

وسوي له فيشل ومسااااج،،، الله يسعدك،،

 

[بيبي حبيبي999]

اسعدني مروركم الله يعطيكم العافيه

 

[بنت مكه 1100]

البنات كلاكهم صح

 

[توما]

الجنوبي ما يحب واحده تردعه أو ترده مايحب يجازف ويعيد الموقف يتجنبها قدر ما يستطيع

ولا يحب الزعل كثيرا يحب وحده تكون ا فاهمته فخففي الزعل وطنشي مو كل موقف تحطي عليه لان يطفش بالاخير وهذا مو لصالحك

الجنوبي حبوب وطيوب واصلي دق عليه وارسلي له مسجات وراح يرد عليك بالتأكيد

شوقيه وقوله روح للمكان الفلاني عندي لك مفاجاه ومعه كلام حلوو وراح يجيك ركض

وربي يسعدك