الواقع يعمر ويدمر الحب

[انوثة بلا حدود]

بسم الله الرحمن الرحيم

سعود وسعد شابان صديقاان من ذو الطفوله فسعود ينحدر من عائلة ثرية جدا وسعد ينحدر من عائلة متوسطة الحال ولكنهما يكنان لبعضهما كل محبة وصداقة برغم الفروق الاجتماعية الشابان يدرسان الثانويه العامة بمدرسة واحدة باحدالا احياء
انتهت الاختبارات وبدء مشوار حياتهما العملي كانا عائدين من المدرسة بعد ان استلما النتائج وقد من الله عليهما بالنجاح
سعود:سعد ايش بتسوي الحين اي الجامعات بتدخل ويش بتتخصص؟
سعد:والله ماادي ياسعود انت تشوف النسبة على الله بنقدم واللي ننقبل فيه حياه الله وانت ؟
سعود:انا والله مالي في الدراسة زين اني خلصت الثانوية وصراحة انا بشتغل مع الوالد اعمال حرة
سعد:لنا الله يا شيخ منت محتاج الوظيفة ولا الدراسة عندك خير
كل واحد راح لهله يخبرهم بالنتيجة والقرار والد سعود استانس ان ولده بيساعده وامه بعد وعنده اخين اكبر منه محمد وعبد الرحمن واصغر منه ثلاث بنات شيخه ومها وفاطمة وكانو متعلمين البنات بس الاولاد حدهم ثانوي ويلتحقون بالوالد
والد سعد :انا قلت لكم ماله ومال الدراسه يشتغل احسن ويجيه خير زي سعود ما حد يطااوع
سعد:سعود ابوه ورثله اما حنا لنا الله واذا ما انقبلت بالجامعة بشق الصخر لين اكون ثروة واغني عيالي ما هو بزيك وقال ايش مصادق ناس اثرياء
عنده اربعة اخوان ذكور اكبر منه وبنتين اكبر منه واصغر منه بنتين اخوانه فهد ومحمد وحمد وعبد المحسن واخواته علياء وحصة وغالية وعنود
قالو حالك بحالن يا سعد اشتغل مانت بحق دراسه عشان تتزوج وتخلص
سعود:خل اتصل على سعد اشوف ويش سوا
رن-رن-رن-رن
سعد:الو
سعود:سعد شلونك
سعد: زين وينك؟
سعود :بالبيت ايش في صوتك عسى الوالد مازعل من النتيجه؟
سعد عااادي ما يهمه قال اشتغل مالي في الدراسة شغل
سعود:انا كلمت الوالد اشتغل معااه وانبسط وانت الله كريم دور على شغل وبتلقى
سعد :خير ان شاالله ودك تلقاني برا
سعود:ان شاء الله وين:
سعد:خل نسوي شاهي ونطلع البر
سعود:خلاص اتفقنا
والد سعود:ترى ياسعود الشغل ما يبيله لعب لازمن النوم بدري حتى تصحى بدري
سعود :بس اليوم يبه سعد متضايق وبطلع معااه
والد سعود:خير ان شاالله
سعد:سوولي شاهي بطلع معا سعود
والد سعد:ايه بدت الدجة
والدة سعد :خل الولد يرتاح شوي ايش فيك عليه
والد سعد ايه دلليه وما خربه علينا غيرك
سعد:لاحول بدت المعاير الله يعين
خلصو الشااهي قبل لايجي الرجاال خل نستانس شوي ونخرج من هالجو المكتئب
بيب -بيب-بيب
عنود:سعد خويك عند الباب
سعد: يالله اذلفي جيبي الشاهي
سعد: سلااااااااااااام
سعود:حيالله سعد شيل التكشيره خلنا ننبسط اليوم
سعد:والله متوتر مادري كيف ابدء ادور شغل والوالد ما يستحمل تاخير
سعود: ربك كريم يا شيخ
سعد: ويش بتسوي لمن تشتغل ؟
سعود:يقول الوالد سنتين بعدين يزوجني يبي يتطمن علي ويشوف اولادي قبل لايموت بعد عمر طويل
سعد:الله سنتين ماهو بدري الزواج؟
سعود:عشان ابوي اسوي اي شي
سعد: الله يالجو الطبيعي يرد الروح خل نفرش بهالمكان ونشرب الشاهي ونسمع المسجل ونطنش
سعود:ايه ابيك كذا مفرفش
سعد:اكيد بتغير السياارة خلاص
سعود: طبعا
سعد:تدري البارح دقيت على خالد زميلنا وردت اخته اما عليها صوت ياولد غير طبيعي والله انقلب حالي لمن سمعته
سعود:ايش قصدك البت وسخه
سعد: لا ياسعود بالعكس :blush-anim-cl: مؤدبه حيييييييييييل نادته على طول لا خذت ولا عطت معااي
سعود:زين يا شيخ والله ضاق صدري قلت لاتكون ماهي مضبوطه وتنتشب باخوها بعدين
سعد:يفكر(ان شاء الله برسل خواتي يشوفونها واذا حلوة بحاول اشبكها)
سعود:عسى ما شر وين رحت
سعد:افكر بالوظيفه عشان اتزوج ما تسبقني ويجيك عياال اكثر مني هههههههههههاي
سعود:الله يقطع بليس هههههههههه هههههههاي
قضو الليل كله بالعشاء والسواليف والضحك والسوالف بالبنات وذكرياتهم بالصغر والمدرسة والاستماع للاغاني اللي تعجبهم حتى داهمهم النعاس
سعد اخذتنا السواليف الساعة وحدة
سعود:ياربي كيف بصحى الصبااح بدايه ماتبشر بالخير يالله مشينا
سعد:يالله مشينا
سعود:تروح تنام معاي
سعد:لا ياشيخ تبغى الوالد يثبت الدجة علي
سعود: اجل خل انزلك عند بيتكم
سعد:لالالالالالا بمشي المسافة قريبة لا تتعب حالك
سعود:عيب عليك خلاص بوصلك يعني اوصلك
سعد:الله لايفرق بينا
سعود: اللهم امين
سعد: بااااااااي
سعود:مع السلامة
كل واحد منهم راح يناام ويفكر باللي شاغله الوظيفه والزواج والسيارات والبنات حتى غلبهم النوم وجا الصباح المبااح
والدة سعود:سعود قم ياولدي الساعة ثمانيه الصباح الحق ابوك لا يزعل عليك
سعود :شوي يمه مانمت الا متاخر
والدة سعود:اخلص يمه ترى ابو اهم يوم عنده اول يوم لا تخليه يتضايق منك
سعود:صاادقة خلاص بقوم
والدة سعود:الله يرضى عليك يا ولدي ويرزقك بالرزق الحلال
وبالفعل صحى سعود وبدت حياته من هاليوم نوم مبكر وصحيان مبكر وفطور وحبه على راس الوالدة واليك يا شركة
والد سعد:قم يا ولد دورلك على شغل (اسعى يا عبدي وانا بسعى معااك)
سعد:زين بصحى الحين بدت الاذيه من الحين
والد سعد:ايه بدت الين تلقى وظيفه
سعد:خلاص خلاص ان شالله بلقى وظيفه وبفكك من شري
وبالفعل صحصح ابو الشباب بس مكشر وطلع بدون فطور وحب الوالده على راسها وهي تدعي له
وبدت حياته من هنا
مرت ثلاث شهور وسعود مجتهد مع والده وسعد مجتهد يدور على وظيفه ولكن لم يجد ولم يتقابل مع سعود خلال الثلاث شهور
وكان اجازة الاسبوع يوم الخميس
محمد اخو سعود:يا رجل ويش سوا سعد لقى وظيفة
سعود:ياااااااالله ماتصلت فيه من ثلاث شهور
محمد:افا يالعلم ليش تكبرت عليه
سعود:انشغلت0الحين زعلان اكييد لانه حساس خل اكلمه اشوف الله يستر
رن-رن-رن-رن
عنود:الو
سعود:وين سعد
عنود:من اقوله
سعود:قولي له سعود0وعيب البنت تاخذ وتعطي مع الشباب بالتلفون
عنود:سعد يناديك خويك وكانت متفشله
سعد:ليش مبوزه ومين خويي هذا
عنود:سعود
:سعد:وشعرفك
عنود:هو قال وخانقني ليه اساله من هو
سعد:تستاهلين وانا بوريكي
الوووووووووووووووووووو
سعود: هاااااااااااااااااااا بالقاطع ماتسال
سعد:تكبرت ياسعود خل السنه تدور اول بعدين انساني يحق لك
سعود:والله كرفني الوالد من البيت للشركة والعكس اعذرني ابغى اشوفك اليوم
سعد:خلاص مرني
لبس سعود وشال القهوة والشاهي وبعض الاكلات ومر سعد وكان سلامهم حااااار جدا وبالاحضان
راحوا نفس المكان وجلسوا يسولفون عن الثلاث شهور كيف مرت عليهم
سعد:ما خليت شيء ال وسحلت فيه ما انقبلت الا بالعسكرية وانا ما ابيها
سعود:يااااالله كيف نسينا من شركة ابوي خل اتوسط عند الوالد يشغلك بالشركة
سعد: تهقاه بيوافق ما اظن يادووب يدبركم انت واخوانك
سعود :نجرب ما رح نخسر شي
استمر الشابان تحت ضوء القمر بعد انقطاع دام ثلاث شهور يتحدثان في كل شيء حتى ساعات متاخرة من الصباح
صحي سعود وعرض الموضوع على والد يشغل سعد معاهم وقال خل انفكر شوي ونشوف الوظائف الشاغرة يعني موافقة مبدئيه بشر سعود سعد بالتلفون وانبسطوا وتمنو الله يتمم علاقتهم وصداقتهم حتى بالشغل
وبعد مرور اسبوع
والد سعود بالشركه:سعود خويك سعد له بالحسابات
سعود:ايه يبه وبيتعلم مع المحاسب
والد سعود:شغلنا زي ماانت شايف كبر والشركة كبرت ومحتاجين محاسب امين زي المصري
سعود:سعد امين يبه وعلى ضمانتي
الوالد:يالله بشره ومن بكره يداوم
سعود:الله يجزاك بالخير يبه ما راح ننسى لك هالمعرووف
رن-رن-رن-رن-رن
رن-رن-رن-رن-رن
والدسعد:مرحبا
سعود:هلا عمي شلونك طيب وين سعد
الوالد:ايش فيك مطيور عسى ما شر
سعود:لالالالا عمي ابي سعد ضروري تكفى
الوالد:ناااايم يدج بالليل وينام بالنهاار ماهو بزيك رجال
سعود: صحه تكفى
راح الشايب وصحى سعد بالقوة وجا يركض مايدري ويش فيه لسا بين النوم واليقظة وقبض السماعة
سعد:الو
سعود:مبرووووووووووووووك ياولد صرت محاسب كبير
سعد ويش تقول انهبلت ولا انا احلم
سعود:جهز نفسك من بكرة الدوام وخلك من الدجه
سعد:وااااااااااااااو:clap:واااااااو:clap:وااااااااو الحمدلله يارب لاتحرمني من سعود
والدة سعد وخواته البنات:ايش فيك ايش فيك عسى ماشر انهبل الولد
سعد:خلاص يمه الله استجاب دعاكي بتوظف بشركة ابو سعود محاسب تو سعود يبشرني والدوام من بكرة خل افتك من معاير الوالد الحمد لله:icon1366:
سعود وسعد ما نامو من الفرحةورايحين الدوام من الساعة 7صباحا محتفلين وفرحانيين
تقابلو بالاحضان والله تمم صداقته بالشغل مع بعض وبدئوا مشوار حياتهم من تلك اللحظة

بعد مرور ثلاث سنوات من العمل والاجتهاد والنجاح المستمر لكليهما اصبح كل واحد معاه سيارة فخمة وتتفاوت للفارق الاجتماعي بينهم واصبح سعد يساهم في المعيشه مع اخوته وبما انهم متزوجين كلهم فمساهماتهم اقل من مساهمات سعد0ولكن خفت المسؤليه بزواج البنات ما عدا عنود فمازالت تنتظر واصبح سعد وسعود يفكران بالزواجولكن كالعادة يواجه سعد مشكلة فهو تعلق باخت زميله خالد وحاول يشبكها ما قدر وارسل خواته عليها قالو انها ملكة جماال فتعلق قلب الرحل به واصبح يفكر بالزواج منها
بالنسبه لسعود فليس هناك احد محدد في باله ولكن تاتي الرياح بما لا تشتهي السفن
سعد:يبه ابيك بموضوع انت والعيلة
الوالد:خير ان شاء الله وش عندك
سعد:الله فتح علي والحمد لله ومكون لي مبلغ من الفلوس ونويت اتزوج
الوالد والوالدة:بالبركة ان شاء الله وماعندنا مانع الله يوفقك ان شاالله
سعد: الله يسلمكم
عبد المحسن اخو سعد كان جالس معهم:ومن سعيدة الحظ اللي فازت بسعد المحاسب من الخوال او العمام
سعد:لالالا انا بتزوج من برا العيلة
الوالد:تعقب وش فضلك على هلك يالخسيس
سعد:خل كلن يختار اللي يبي وانا ابغى اخت خويي
عبد المحسن:كان غيرك اشطر ليش غلى راسك ريشه حالك بحالنا
سعد:يعني بتجبروني اتزوج غصبا عني
الوالدة:وش فيهم بناتنا ايش زينهم كل وحدة احلى من الثانيه
سعد:خللللللص ماابغى اتزوج
الوالد: ماهو بكيفك بنخطبلك بنت عمك دلال والزواج بعد ما تجهز نفسك واذا خرجت عن طوعي تبريت منك ليوم الدين
استسلم سعد للامر الواقع وانقطع قلبه على عبير اخت خالد اللي يحلم بها من 3سنوات واشتكى لسعود من الظلم الواقع عليه وان البنت حرام تروح لغيره وانهاا ملاك وما تتفوت وقال لسعودد ابيك تتزوجها مدام عادي تتزوج من غير بناتكم
سعود في البدايه رفض وقال كيف اقبل اخذ حبيبتك وسعد اصر وحلف له بان الحب من طرف واحد وانها ماتدري عن شيء
وافق سعود وارتاح سعد ان اللي بياخذها سعود رفيق دربه:in_love:

 

[انوثة بلا حدود]

وافق سعود على الزواج من عبير وتكلم مع هله وعلى طول عرفوا عائلتها لانهم معروفين واثرياء وانبسط والد سعود على هالاختيار الموفق لولده جمال ومال وحسب ونسب وراحت الوالدة تجس اولا عند الحريم وكانت فرصة لهم وتمت الخطبة المبدئية بين الحريم:in_love:
عبير فعلا اية من الجمال والاخلاق والحياء انبهرت ام سعود فيها وقالت هذي مقسومة لسعود وتناسبه ورجعت البيت وبشرت سعود وتعلق قلبه فيها بجنون
صار يفكر فيها على طول وينتظر اليوم اللي يجمعه فيها
بشر سعود سعد وبين انه فرحان وهو خنقته العبرة وضاق صدره واستاذن وطلع من العمل:icon1366:
صار سعد وسعود يجهزون بيت الزوجيه فوالد سعد خطب له بنت عمه دلال وهي جميله وعاقلة بس تفقد الانوثة شوي
وصارا مختلفين واحد مبسوط وطاير من الفرح والثاني مقهور وميت من القهر
وسعود كل يوم يتصل على سعد ويعلمه بكل التفاصيل وسعد يتكوى بناره:icon28:ماحد درى عنه
تمت خطبة سعود وعبير رسميا بين الرجال وقرب موعد زفافهم وسعد ما زال يضغط على عمره في التجهيز ويتعذب كل ما قرب موعد زواج سعود بحبيبته:no:
الخميس يوم السعود لسعود وعبير صارت القلوب تخفق بقوة والفرحة تتطاير من عيونهم وينتظرون اللحظة اللي يجتمعون فيها
عبير خجولة جدا وتستحي بس تعلق قلبها بسعود وتم الزواج في فرح كبير درت كل الديرة فيه وعائلة سعود حاسدين عبير عليه واهل عبير وابناء عمها حاسدين سعود عليها ولكن النصيب فوق الجميع
كانت فتاة جميلة ارتدت فستان ابيض وشعرها متدلي على ظهرها ولابسه مجوهراتها الغالية وكانها ساندريلا بين الحضور:in_love:
وسعود كاشخ في الغترة البيضاء والعقال والثوب والبشت ومضبط الشنب وكانه امير سندريلا:1eye:
تم الزواج على خير وزف العريسين لمنزلهم الرائع الجميل الراقي وهم بقمة السعادة والسرور
اما سعد فكان يتجرع المر والعلقم تلك الليلة ولم يلاحظه احد غير اخوانه وكان مبين عليه السعادة وخاصة انه على وشك زواج:icon1366:
بس يقول مع سعود اهون علي ماتكون مع غيره وصبر نفسه واخذ يكمل تجهيز بيته
وبعد زواج سعود بشهرين تم زواج سعد بين العائلة والاصدقاء وتمت فرحت العائلة وسعد كل شي عنده عاادي مايحس بالفرح ولا بالخوف ولا بالندم وكانه في غيبوبه
كانت عروسه جميله وعاقلة وفرحانه كثير
وكان سعد معاها عاادي
زفوهم لبيتهم وكان حلو ومؤثث اثاث راقي وحلو اعجب العروس

دلال:سعد انت صدق مغصوب على الزواج
سعد:لا ماحد يقدر يغصبني
دلال :طيب ليش مو فرحان
سعد:عادي لافرحان ولا زعلان
دلال:كنت تبي حد معين قول ماني زعلانه
سعد:ايه
دلال:من هذي اللي تبيها
سعد:شفتي اللي تزوجها سعود هي كنت ابيها ورفض ابوي
دلال:واخذها خويك
سعد:انا طلبت منه
دلال:ليش ايش تبغى تسوي
سعد:معاه ولا مع غيره
من هنا بدت دلال ما تواطن عبير حاول سعد انها تصادقها ولكن دون جدوى وصارت تكره سعود وتبي تفرق بينهم لكن علاقتهم اقوى بكثير من كيد دلال
بالنسبه لسعود فما خبر لعبير باي شيء وكانت حياتهم حلوة وتحاول تتقرب من دلال لكن ما فيه فايدة واخيرا انقطعت العلاقة بين عبير ودلال
بس سعد وسعود علاقتهم تكبر يوم عن يوم وشغلهم تطور وصار لهم شغل خاص فيهم
مرت سنه على زواجهم وحملت دلال وانبسط سعد وابوه وكان يتمنى انها عبير زوجته وبعدها ب6شهور توفي والد سعد بعد ما عانى من الامراض المتكررة
حزنت العائلتان وبكى سعد كثيرا على والده وحمد الله انه طاوعة وانه توفى وهو راضي عليه:icon1366:
وقف معاهم سعود وقفت اخو مع اخوانه بماله وبنفسه وكل شي يملكه0
بعدمرور شهر حملت عبير وفرح سعود فرح كبير ووزع الصدقات على الفقراء والمساكين وكان والده مازال بخير وصحته لاباس بها وفرحت عائلة سعود ودللو عبير اخر تدليل لان سعود الوحيد ما شافو اولاده والوالد يبغى يشوفهم قبل لايموت
بعد مضي شهرين انجبت دلال ولد حلو وفرح سعود وكان بيسميه بالوالد مارضو اخوانه لان الاسم تكرر وسماه(ياسر)
وكان له فرحه بالعائلة والكل يحبه وبشر سعد سعود وفرح له كثير وكساه ب5000الاف وقال بجيب بنت وازوجها ياسر
قال سعد اذا زي امها موافق اما غير كذا بنشوف
كان سعود بعض الاحيان يتضايق بس يعديها ويضحك:crazy:
بعد مرور7شهور انجبت عبير ولد حلو مررة وسمااه سعود(خالد)
وذبح النذور وفرقها وفرح الوالد كثير لمن شاف ولد سعود وكتب له ربع ثروته
وكان مدلل بالعائلة 0وسعد يحبه بجنون وعلى طول يهديله ويشيله مع ياسر للملاهي والسوبر ماركت0
لمن خلص خالد سنه وثلاث شهور توفي الجد وعم الحزن ارجاء الديرة لانه كان مشهود له بالامانه والسمعة الطيبه بين الناس:icon1366:
سعد واخوانه كلا راح بيت لحاله والام جاب لها سعد خادمة مع عنود وكل يوم بواحد يطل عليهم ويشوف حاجتهم
وسعود واخوانه كلا استقل بحياته حتى الشركات والورث تقاسموه على الشريعة المحمديه ومازال يجمعهم الحب والاخوة الصادقة وكان سعود اكثرهم ثراء
ويجتمعون عند والدتهم كل ثاني يوم وفي اخر الاسبوع يجيبون عوائلهم والله راضي عليهم0
سعد حملت زوجته على طول -اما عبير فكانت تستخدم موانع للحمل وما حملت حتى خلص خالد سنتين-دلال خلص (ياسر )سنه و5شهور وحملت وجابت بنت(خلود) وبعدها بسنه حملت وجابت بنت(منى) وبعد سنتين جابت ولد(مروان)
وبعدها بسنتين جابت(محمد)ووقفت خمس سنوات انجبت(فراااس)
بالنسبه لعبير
خلص خالد سنتين و9شهور جابت(فهد)
خلص فهد 3سنوات جابت(ثامر) وتعبت كثير بعد ثامر وجلست 15 سنه وحملت جابت بنت زي القمر وسمتهاا(دلع) وتعسرت بالولاده وشالوا لها الارحام وما خلفت بعدها
ومن هنا بدءت الحياة الجديدة للعائلات بعد وفاة ام سعود وام سعد واستقل الاخوان كلا بحياته واصبحو شعوب وقبائل

يتبع ان شاء الله:bye1:

 

[انوثة بلا حدود]

الله الله بالردود وقولوا رايكم بصراحة حتى لو مو حلو:surrender::surrender::surrender:

 

[انوثة بلا حدود]

سعود:سعدتعال معاي البيت نتغدى ونتكلم بالشغل شوي
سعد:وش عليه وخل نشوف بنوتتك صارت عروس الحين
سعود:حرام عليك بعدها صغيره 12سنه
سعد:البنات مافيهم صغيره ياسعود 0مشاء الله على هالحديقه عندك ياسعود
سعود:حياك الله يبو ياسر تفضل
خل انادي (دلع )تسلم وتجيب القهوة والشاي
سعد:زين زين
سعود:اتي اتي اتي وين (دلع)
اتي:بغرفتها
سعود:دلع انزلي بسرعة ابيك
دلع:بابا انت جيت يا حبي لك يا احلى اب بالدنيا
عبير والدة دلع:ترى اغار منك يا دلوعة وانت ماعندك غيرها بالبيت
سعود:انتي الخير والبركة0بس سعد برا ويبغى يسلم عليها
جيبي القهوة يا بابا وتعالي بالحديقة عند المسبح
دلع حااااااااااضر طلباتك اوامر
سعد:وينك يارجل كنت بمشي
سعود :افا عليك الحين تجي دلوعة بالدلع كله
دلع :السلاام عليكم
سعد:وعليكم السلااام ماشاء الله لااله الا الله
وش هالزين والدلع كله
دلع:بابا استحي
سعود:هذا عمك سعد لاتستحين
سعد:شلونك يادلع
دلع :زينه
يالله تبي شي يبه بروح اذاكر
سعود:مشكوووووووووووووره
سعد:الله يخليها لكم ياسعود تشبه امها
سعود:لالالاهي احلى بكثير من امهااا
سعد:اجل بتغلى بمهر هالدلع
سعود:ايييييييييييييه اجل وشو
سعد:انت تشوف شغلنا تمدد وفروعنا باميركا كبرت بس الادارة هنااك نصابين ونخاف يورطونا بشي
سعود:وش تقصد؟
سعد:لازمن واحد مننا يروح يخلص شغلنا هنااك وواحد يدير اللي هنا
سعود:تبينا نهاجر باخر العمر
سعد:5او8سنوات بالكثير
سعود:وعيالنا وش نسوي فيهم
سعد:ناخذهم معانا
سعود:انهبلت نودي بناتنا ديرة الانفتاح وهم بهالسن وعيالنا انا ماسويها اسمحلي
سعد:انا مقدر مرتبط في بيتين وعيالي ساكنين مع امهم بنفس القصر والحرمة الثانيه عيالها صغار ودلال ماهي بايحتني اشيل الثانيه وهي لالالا
سعود:بنتي صغيرة وما اقدر اوديها معاي امريكا 0وبنفس الوقت مارح تتحمل حريم اخوانها لانهم صعبين وش نسوي00حتى عمامها صعبه كثير
سعد:لازمن تفكر يسعود انت المناسب وعندك لغه وانا اخوك حراام يورطونا في بلاوي او شي لا تحمد عقباه صف شغلنا هنااك وارجع
سعود:وبنتي شفتهاا انا اخاف عليها من الهوا الطاير
مسجلها باغلى المدارس هنا ومن البيت للمدرسه والعكس ومحافظ عليها اقل شي لين ازوجهاا
سعد:نبي حل وبسرعه يا سعود تكفى
يالله بمشي تاخرت
سعود:حياك الله فكر بحل يا سعد وانا بفكر

سعد:ماري وين المدام
ماري:تطلع للجيران مع حريم اولاد
سعد:هاذا اللي فالحين فيه
محمد:سلاااااام يبه
سعد:هلا محمد وزوجتك معااهم
محمد:اجل تبيها تجلس بالبيت
سعد: الله يعين على هالحريم وكلهم زي بعض0فرااس وينه مااشوفه
محمد:بالملعب يبه بيجي الحين
سعد:شقاوة هالولدتوحشني كثير
محمد:انت تحبه اكثر واحد فينا لانه اخر العنقود وشقي وحلو وجمعها
سعد:هههههههههه هههههاي وقبضااي الولد
وش فيها الخادمه تركض عسى ماشر
ماري وش فيه
ماري:لا بس فراس يبي مويه وفوطه تحت عسان يغسل رجوله
محمد:ايييه كلن بخدمته هههههههه
فراس:مرااحب يا حلوين
سعد:حيالله زين الشباب اما لقيت لك عروسه اليوم على كيف كيفك
فراس:لا يبه انا بختار لنفسي مشكور
سعد:بتندم
فراس:افا يبه تشك في ذوق ولدك بتشوف اجمل البنات عندك بالبيت0بس مو الحين بدري على هالكلام
محمد:بنشوف
سعد:والله فكره ليش ما ازوج فراس بدلع وتجي عندي بالبيت وبكذا ابوها يرتاح وانا اضمنها لفرااس
خل اكلم سعود بكره بالموضوع

سعود:والله متضايق بالمرة ياعبير
عبير:ليش ياعمري ويش اللي مضايقك
سعود:شغلنا برا فيه تلاعب ونصب ولازمن واحد مننا يروح يخلصه ونصفيه برا
عبير:طيب وين المشكله واحد يروح
سعود:ماهي بالسهوله اقل شي يبيلها خمس سنوات
عبير:صل على النبي وش تقول ياسعود
سعود:اللي سمعتيه0وسعد منشوب هنا اكثر مني بيتين وعياله صغار وما يقدر يشيل حرمتين لامريكا
عبير :وش تقصد حنا اللي نروح صعبه يا سعود عندك بنت ومراهقة واخاف على بنتي من الانحراف هناك
وماقدر اتحمل اخليها يذلونها الحريم 0ومااقدر اخليك بلحالك انسى الموضوع
سعود:وش الحل ابغى حل سريع؟؟؟؟
خل ننام الحين والصباح رباح تصبحين على خير
عبير :وانت بالخير ياقلبي

سعد:دلال شغلنا برا متوتر ولازمن واحد يروح يتابعه ويصفي امورنا ويرجع
دلال:لايكون انت اللي بتروح
سعد:يمكن اخذ الحرمة الثانية وعيالها لانهم صغار 0وانتم مكتفين ومنتو بحاجتي
دلال:لا والله الله لايبيحك يا شيخ تبغى تهاجر ما يكفي زواجك علي وينك ياعمي تشوف
سعد:وين المشكله 5سنوات وانا راجع تبينا نضيع ملايين عشان كلام فاضي
دلال :ليش مايروح الاخ سعود ولا انت تشتغل عنده
سعد:لمي نفسك وتر النفس بدت تطيب منك ومن لسانك
خل ننام احس من بعض الكلام انا غلطان
دلال:ماراح اسامحك ياسعد لو تسويهاا

سعود:صبااح الخير ياسعد
سعد:صباح النور وش سويت لقيت حل
سعود :وضعي متازم وعبير ضيقتني اكثر وهي اللي بتروح فيها بيني وبين دلع
سعد:حتى انا سوت لي دلال قضيه مالها اول ولا تالي
وش رايك بحل؟
سعود:اخلص به تكفى
سعد:تروح انت وبنتك حطها امانه عندي وعشان تحل قعدتها عندنا نزوجها لولدي فراس وانا المتكفل بكل مصاريفهم الين يتوظف فراس
سعود:وش تقوول بنتي بزر يا سعد مهي بحقت زواج الحين
سعد:مافيه حل الا كذا ولازمن نقرر بسرعه ومانستشير الحريم لان الرفض واضح:santa_1:
سعود:والله ماادري ماتهون دلع علي بس هذا الحل الموجود ومافيه احسن ولا ائمن منك عليها يا سعد
خلاص توكلنا على الله:tears:
سعد:بالبركه ان شاء الله ودلع بعيوني مارضى فيها بضيم ابد وانا اخوك:icon26:
خل نروح البيت وننهي الموضوع بسرعة عشان تسافر ونخلص
سعود:الله يكتب اللي فيه خير وصالح للجميع

استيقظ فراس من نومة العصر وتمطط وتقلب صاحب الجسم الكبير والعريض على السرير ويفكر وين يروح العصر قبل المذاكره توجه الى الشباك الكبير واخذ يطالع المسبح والحديقه وهو مبسوط لاهم ولاغم وقرر انه ينزل المسبح اليوم

سعد:دلال-يادلاال-وين الناس---دلال
دلال :وش فيك عسى ما شر ليه معصب
سعد:وين فرااس
دلال:بالمسبح
سعد:نااديه بسرعة ويجيني بالمكتب
دلال:خير سوا شي غلط
سعد:اقوول ناديه وبتعرفين بعدين
دلال:فرااس -يافرااس يمه ابوك يبغااك بسرعه وش مسوي؟
فرااس: زييييييييييين ماسويت شي لييييييش؟
دلال: مادري معصب ووجهه متكدر كثير
فرااس:يالله يمه ادخلي معااي
دلال: ادخل بلحالك بعدين قلي
فرااس:الله يستر كيفك يبه
سعد:تعاال يا فراس اجلس ابيك بموضوع
فرااس:سم يبه خير ان شاء الله
سعد:خير طبعا
مدري كيف ابتدي وادري انك لسا صغير على هالكلام بس للضرورة احكام
فرااس:وش صاير
سعد:اسمعني للاخير حنا بمشكله بشغلنا بامريكا انا وسعود وقررنا واحد يروح هنااك وطلع اللي يروح سعود بشرط ما يبي بنته تطلع برا وخايف عليها هناك وهني
وبنته ايه من الجمال سبحان الله وبعدها صغيرة 12 سنه ومن حقه يخاف عليها
فطلبت منه بنته للزواج منك يافرااس والرجال وافق وانتهينا والحين ابغى اشوف اللي عندك وسلامتك

فراس:يبه وش تقوول تبغى تزوجني 0بس انا مابغى اتزوج الحين وكيف ؟مااقدر الله يخليك يبه شف لك غيري
سعد:انا تزوجت لمن خلصت ثانوي غصبا علي بامك وطاوعت ابوي وانت تبغى تعصاني فانا بريء منك ليوم الدين
فرااس:تكفى يبه خرجني من الموضوع انت تضغط علي وانا مااقدر
سعد:انا كلمت الرجال ومارجع بكلامي
دلال:ايش فيكم صوتكم طالع فراس مسوي شي
فرااس:الحقي يمه يبغى يزوجني الحين يالله يالله
دلال:سعد انهبلت وش هالكلام
سعد:اللي سمعتيع ولاتكثرين بالكلام اختاري زواج فراس ببنت سعود او سفري لامريكا
دلال:ايش تزوجه بنت سعود الله الله تخطط من زمان عشان تجيب بنت عبير حبيبة قلبك على راسي
معصي يا سعد على جثتي
سعد:اجل بسافر انا والثانيه ويادار ما دخلك شر
دلال:انت تبغى تهججني من البيت يابو ياسر
ياسر:خير وش فيكم احد ماات
فرااس:انا اللي بموت ناقص عمر كلن يفكر بنفسه
ياسر:ايش صاير يمه00تكلم يبه عسى ما شر ردو علي
دلال:ابوك يخيرني يسافر لامريكا 5سنوات او يزوج فراس ببنت سعود بنت حبيبته سابقا وش رايك انت
ياسر:اهدي يا يمه وتعالي ابيك شوي
وش فيها يتزوج فراس ولا يسافر ابوي
دلال:بنت عدوتي لا على جثتي
فراس:يمه ابوي قرر خلاص وقال اللي مو عاجبه الباب يفوت جمل انا وانتي
ياسر:تنهبلتوا تخربون بيتنا بايديكم "فراس هذي زواجه والسلام عاادي ما عليك منها0واذا ما عجبتك خلها ما حد يجبرك عليها
دلال:وش تعجبه اذا يحبني ويبغى رضاي لا يعطيها وجه ويتعامل معاها زي اخته وبعد ما يكبر ويتوظف بزوجه اللي يبغى والحين حنا بنساير ابوك بس نتفق يافراس
فراس:يعني انتي شايفتني متقطع عليها بس انا وراي دراسه وابغى الطب ولازم وقفة ابوي معي مااقدر بالحالي 00وهو متكفل بكل مصاريف العرس والمصروف وكل شي بس انا زوج على ورق
ياسر:ممتاز يمه خلاص ببلغ ابوي بموافقتكم
يبه خلاص اقنعتهم ووافقوا على اللي تبيه زين بنروح اليوم نخطب ونحدد الملكة والعرس

سعود:عبير شلونك
عبير:طيبه وانت ايش فيك عيونك حمر
سعود:يبكي(مافيني شي بس عندي قرار ابي اقولك عليه):santa_1:
عبير:عسى ما شر وقفت قلبي تكلم يا سعود ماقدر اتحمل
سعود:قررت انا وسعد اني اروح امريكا ومااقدر اروح بدونك ولذلك اتفقنا نزوج دلع بولد سعد فراس وبكذا تكون بيد امينه عند سعد:icon26:
عبير:انت من عقلك ولا انهبلت يا سعود تبيع بنتك وهي طفله ماكملت 15سنه
اكيد تمزح هذي دلع ياسعود تكفى قول انك تمزح
سعود:خلاص ياعبير احترمي قراري ولاتزودينها عندي
وسعد بيحفظها اكثر من اخواني واخوانها
وبيجون الليله نتمم كل شي
عبير ح:حرام عليك يا سعود ذبحت قلبي يالغالي وانت ماعمرك زعلتني كيف تبيني اتقبلك بعد اليوم ؟كيف تبيني اقول لدلع هالكلام؟:tears::tears:
سعود:ناديهاا وبقول لها معاكي
عبير :لا قلها انت بلحالك انا ماتحمل اشوفها
اما انت فصار قلبك حجر عليها الله يسامحك
وبعدين انت تدري من ام فراس دلال 0دلال ياسعود اللي ما خلت ولابقت في اذيتي تبغاها تكون امينه على بنتي0والله ان تكيل لدلع الهم باكياس
سعود:دلع تعالي يا بابا ابغاكي شوي
دلع:ماما لا تغارين خليكي سبورت هههههه ههههاي
سعود:اعقلي شوي يبه خلاص صرتي عروس
دلع :صدق يبه انا كبرت
سعود:ايه والدليل الناس اللي جايين اليوم يخطبونك حق ولدهم
دلع:وش تقصد
سعود:عمك سعد تذكرينه خطبك لولده فراس واليوم جايين يتممون كل شي
دلع:يعني انت يبابا تبغى تزوجني ليش وش سويت لك ؟
عبير:حسبي الله
دلع:ماما وش هالكلام من جدكم انتم ولا تمزحون علي اذا تمزحون عادي :tears:
سعود:دلع جهزي نفسك لان لازمن الزواج بداية الاجازة لاني وامك بنروح لامريكا وانتي ما فيه زي سعود ائمنه عليكي
دلع:يمه يمه لاتخليني ليش تسوون فيني كذا0خذوني معااكم 0يمه لاترميني عند احد الله يخليكم
يبه لا تجبرني على شي ماابيه ماعرفهم هالناس ومااقدر اعيش في مكان غير بيتنا ومعاكم الله يخليك يبه لا توافق عليهم
عبير:خلاااص يماما لاتبكين لك الله يحفظك ويحميكي وابوكي قرر وخلص:surrender::surrender:
دلع:يعني استسلمتي يمه بتتخلين عني حرام والله:tears:
سعود:جهزو حالكم وشوفي لك خياطه تاخذ مقاساتها وتجهز فستان العرس وخمس فساتين سهره وتتكفل بكل شي بالتجهيزات
دلع:لالالالالالالالالالالا ماني متزوجه وماني مسويه اللي تبونه انتم تبيعوني
سعود:دلع اسمعي الكلام ولا تعاندين ترى ما يصير لك طيب
دلع:اذبحني 0موتني بس لاتسوي فيني كذا انت مو ابوي الحنون 0انت صرت اقسى اب بالعالم لا لا لا لا
سعود:خلالالالالالاص اسكتي (وعطاها كف ولاول مرة بحياتها)
استسلمت دلع ونظرت لابوها نظرة قطعت نياط قلبه وامها تبكي وتبي تحضنها ولكن دلع حقدت عليهم وراحت تركض الى غرفتها بسرعه الغزال الشارد

جاء سعد واولاده ياسر-ومروان وعمهم عبد المحسن وباقي العائلة من الاعمام والخوال مو عاجبهم خروج فراس من العائلة وكلن يتمناه لبنته لكن النصيب اقوى

احتفل سعود برفيق دربه ومرافقيه خير احتفال ونادى اولاده كلهم خالد-وفهد وثامر
وكانو بارين بابوهم وما يعارضونه بشور
وباركو الراي وخاصة ان حريمهم يغارون من دلع وتدليل اخوانها المفرط لها ويضايقونها على طول:blow:
وكان هذا الحل الامثل برايهم

قدموا القهوة والشاي واصناف الحلويات والمعجنات والعصيرات والفواكه
واتفقوا على اول خميس بالجازة تكون الملكة والعرس
وكان المهر غاالي والذهب كلها ون ابو ياسر والحلال واحد:icon31::icon31:

بدت تجهيزات العرس لكلا الطرفين وكان وقت امتحانات والاوضاع متوتره عند فراس ودلع0 كان يدرس فراس بثاني ثانوي بمدرسه خاصه 0ودلع تدرس بثاني متوسط بمدرسه نموذجيه راقيه جدا
لكن الاوضاع النفسيه سيئة بالذات دلع ضايق صدرها

يتبع

 

[الاميره الدلوعه]

مشكووووووووره عيوووني على هالقصه بصرااااااااحه رووووعه

 

[انوثة بلا حدود]

تسلمين يا قلبي
صراحة متلخبطة واول مرة اكتب بالنت قصص
وان شاء الله تحوز على اعجاب الجميع بس مدري ليش ما فيه ردود
للدرجه هذي ما فيه قراءة او ما عجبت احد:dunno:

 

[انوثة بلا حدود]

عبير:سعود انا كلمت المصممه اللبنانيه تسوي فستان العرس لدلع وفساتين السهرة الثانيه وتسوي معاها تجهيزات كامله من شنط وجزم واكسسوارات ومكياج
سعود:ما عندي مانع بس خلصونا نبي نسافر على طول
عبير: الله يعععععيني على دلع وعنادها
سعود:اللي تعند فيه خبريني خلاص دلال
اتي:مدام الخياطه جات
عبير:دخليها بالصالون النسائي
ونادي دلع بسرعة
اهلين وسهلين ام رمزي
الخياطه:اهلين ام خالد مبروك عرس دلع 0بس صراحة صغيرة
عبير:شنسوي نصيب الله يوفقك
اتي:مدام دلع ماتبي تجي
عبير:بعد اذنك بروح اناديها

دلع انزلي يالله الخياطه تبي المقاس بسرعة
دلع:مني نازله واللي تبون تسوونه سووه
خلوني لحالي
عبير:انتي وابوكي تبون تجننوني عين ماصلت على النبي
ترن ابوكي ماينفع معاه العناد تبينه يضربك ويطلقني ارحميني يابنتي
دلع:لالالالالالالالا كلش ولا يطلقك بس انا اتطلق وانذل عشانكم اوكي بانزل وسوي كل اللي تبونه

سلام عليكم 0خلصيني خذي المقاس اللي تبين وراي مذاكره
الخياطه:مبروك يا عروس ليش الحلو زعلان
مشاء الله على الجمال والكمال يتهنى العريس ياقلبي
دلع:بسرعه خلصيني الله يخليكي :icon1366:

ياسر:فراس فصلت الثياب
فراس:عندي ثياب مابغى افصل وبعدين شايفني فاضي
ياسر :العريس لازم يكشخ اقل شي قدام الناس
فراس:العريس الفرحان اللي زعلان عاادي
ياسر:خلاص باخذ ثوب من عندك وافصل عليه
فراس:بكيفك وراي امتحانات خلوني اركز
مروان:فراس الاثاث وصل وين تبي غرفة النوم هاه
فراس: وانا ايش دخلي ترى مصختوها
مروان:ههههههههههههاي وايش بلاك انت عرس ونعمه
فراس:احسن اطلع من البيت لاني بانتحر في الاخير منكم
مروان وياسر:ههههههههه هههههههههههههههههههههاي هههههههههههههههههه هههههههههاي
والله سالفته هالمسكين سالفة
عمات ياسر وخالاته جايين يعرضون المساعده ويشوفون التجهيزات والكره والحقد باين بعيونهم
وكانت كل وحده تتمناه لبنتها
العمة عنود:مشاء الله مستعجلين
خالة ياسر:طبعا مو من بر العيله بيهتمون ويركضون وبعدين ثريه شكل دلال نهايته قربت
العمه عنود:والله فراس احسن واحد بالعايلة جمال ورجوله وشقاوة وطيب الدنيا حظوظ
دلال:هلا والله ومرحبا شرفتونا تفضلوا
العمة الكبيرة:سويتيه يادلال كيف ترضين بهالشي
دلال:غصبا عني وعن ولدي كل هذا عمايل اخوكي الله يجازيه
جايب بنت حبيبته الا
وليه على راسي وبيزوجها ولدي
والله ضايق صدري بس شنسوي
العمة الوسطى:وين العرس فيه
دلال :بالصاله الكبر الملكيه
الخاله:الله الله الله كل هالمصاريف والزواج غصب
دلال:الاثريا كذا حتى لو زواج شرف
عبير:والله ياوخيتي مادري وش فيني متضايقه وهالبنت ماتكلمني ومادري وش بخاطرها
اخت عبير:انتبهي لبنتك وتر الولد شاب ومارح يرحمها والله يستر توها صغيره اقل شي قولي لهم يخلونها سنه الين تكبر شوي لايقربها ولدهم
عبير: العرس بعد يومين ودلع كل مالها تذبل0جت مع الامتحانات
الاخت:الله يستر
سعد:وين فراس موعد الصالون الساعه 6 مغرب
ياسر:الحين اناديه ونروح
سعد:لايفشلني مع الناس ترى والله ما ارحمه
مروان:لاتهتم يبه كل شيء تمام..
يالله اناديه ونمشي يدوب نلحق لازمن نكون بالصاله من 9مساء
ثامر:يمه يقول ابوي جهزو اغراضكم وشنط دلع بيوديها السايق للصاله
عبير:تكفى ادخل يمه تكلم مع دلع شوي
ثامر:ايش اقول لها
عبير:خل تاكل شي او تتكلم معااي منذاك اليوم ما تكلمني
ثامر:بحاول وماني بضاغط عليها
مساء الورد على احلى دلع
ليش ماتردين
امي قلقانه عليكي تبغى تتكلم معاكي وتبغاكي تاكلين حرام تعذبينه
دلع:هههههههههههه ههههه ههههههههههه :icon1366:

ثامر:ليش تضحكين
دلع :مستانسه كثير0خلني لحالي الله يخليك
عبير:يالله السايق ينتظر
دلع:ماني راااايحه0اذبحوني ارحم من اللي بتسوونه فيني 0موتوني ولاتزوجوني0انتي مانتي ام وانا اكرهكم كلكم وماابي اشوفكم الين اموت انسو اني بنتكم خلااااااااص انسوني0يالله ودوني السوق بيعوني بيعوني
ثامر:خلااااااااص اهدي انتهى الموضوع العرس الليله ذبحتي امي حرام عليكي

ياسر:مشاء الله مشاء الله وش الجمال هذا والكشخة الملكيه ياولد صرااحة تتهنى العروس بالعريس
مروان :باقي البشت لاتنسونه
فرااس:انا مرتبك ومدري وش بيصير
ياسر:اذكر الله ومايصير الاكل خير
فراس:ايش اسوي معاها بالفندق ويش اقول لها وكلام امي انفذه او انفذ كلام ابوي
والله اني مشتت واقول اهرب احسن
ياسر: انهبلت اصلا فشله وبعدين سو اللي يريحك ما عليك منهم كلهم وما رح يدرون عط كل واحد على كيفه
يالله تاخرنا ابوي كل شوي يتصل

الكوفيرة:اسم الله عليكي ما احلاكي اللهم صلي عليك يانبي الله محمد
عبير:تسلمين
دلع::icon1366:
الكوفيرة:خلاص ياعمري لاتبكي بينخرب المكياج0وسبحان اذي خلقك شو حلوة
عبير :دلع ابغى اتكلم معاكي شوي تكفين اسمعيني
دلع:لاحد يكلمني ترى ما رح يصير طيب اتركيني بلحالي طفشتوني
عبير:خلاص خلاص اهدي انتي
رن-رن-رن-رن
عبير:الو
سعود:هاااه خلصتو
عبير:ايه خلصنا
سعود:نزلوها الزفه بعد نصف ساعة بندخل العريس
عبير:الله يعين
مع السلامه0يالله يا روح ماما لازم نزفك الحين0كلمو المصوره تتجهز

دلع::icon1366::in_love::no:
عبير:يالله لاتعبيني يادلع الله يرضى عليكي
دلع:تمشي بالهوينا بالحالهاوتنزل من السلم الملكي للصاله المكسوة بالظلام الا النجوم المتلالاه بكل ارجاء الصاله0والمغنيات تزغردن مع زغزغت العصافير المنبعثه من سماعات الاستريو
كانت زفه منبعثة معها الموسيقى الكلاسيك مع ابيات شعريه تتهلهل بذكر اوصاف العروس والعريس ولم تفيهما حقهم من المديح لقد كانا رائعين فسبحان من خلقهم وجمعهم بهذا السن الصغير
دلع تمشي بالهوينا حتى وصلت الى الكوشه ووالدتها مرافقة لها لكنها لن تطلع بالصور بس دلع هي صاحبة تلك الليلة الغراء
عبير:اجلسي حبيبتي 0ليش ترجفين وباارده
تبين تشربين شي
دلع:مابي شي
عبير:الحين بيجون يباركون لك ابتسمي شوي
عدد من احاضرات:الف مبروك عبير الله يسعدها
بعدها صغيره ليش مستعجلين عليها؟

يقولون زوجتوها عشان بتهاجرون صحيح؟

ودلع::icon26::icon1366:

دلال:انا ماني طالعه ابارك روحو انتو
خلود:يمه لاتفضحينا قدام الناس باركي وانزلي
منى:تكفين يمه بلا مشاكل مع الوالد
حصه مرت ياسر:خلوها على راحتها روحوا انتم وبتكفون
رن-رن-رن
دلال:الو سعد
سعد:نزلت العروس
دلال:ايه الله لا يردها
سعد:اعوذ بالله من لسانك0روحي باركي لاتفشليني وبسال واشوف
دلال:خير مع السلامه
منى:يالله يمه
دلال :حسبي الله على ابوكم0سلام عليكم الف مبروك عليكم ولدي
عبير:الله يبارك لكم في بنتي والله محظوظ ولدك شكلك داعيه له
بنتي امانة عندك يادلال 0لان شكلك لاقيه بالشر
دلال:بنتك امانة عند حبيب القلب سعد
وانا مالي شغل باحد0انتي ترمينها وانا ابتلش
خلود ومنى:الف مبروك الله يسعدهم0 يالله يمه شكل العريس بيدخل
رن-رن-رن
عبير:هلا سعود
سعود:تجهزو بندخل العريس
عبير :خير ان شاء الله
دلع بيدخلون الحين
ااتي خليهم يقفلون الانوار ويشعلون الشموع العريس بيدخل بسرعه
دلع::no::icon26::shutup:
عبير :تعالي ياكوفيره ضبطي الطرحه زين
الكوفيرة :البنت ثلجانه عطيها شي دافي حرام
سعد:يالله فراس سنع البشت والعقال بندخل
فراس:الحين بدري
ياسر:بدري من عمرك خلاص الساعة2مساء
سعد:خلصونا يالله ياسعودانت والعيال
سعود:يالله الله يعيني على دلع ونظراتها
ياسر:توكلو على الله يبه0يالله يا فرااس
دخل سعود واولاده0وسعد وفراس
فراس::icon26::shutup:
دخلو الصاله وعزفة الموسيقى مرحبة بالعريس واهله واهل العروسه والحضوروترحيب ملكي بالعريس والعروسة حتى وصلو للكوشه
اخذ سعود يد دلع ولقاها ثلج دمعت عيناه وهو يناظر طفلته المدلله وهي عروس واخذ يد فراس ووضعها معا-ناظر فراس العروس وجد طفله صغيره وهبها الله من الجمال والانوثة ما يغطى به نساء العالم كله لكن لافرح يدخل احشائه:dunno:
اخذ سعد طقم الالماس وعطاه لفراس عشان يلبسها وبالفعل فعل ذلك بكل طواعيه
عبير:مبروك ياولدي ودلع امانه بيدك
فراس:الله يبارك بعمرك خالتي0ان شاء الله
سعد:مبروك ياعبير0ولاتخافين دلع بعيوني انا هذي الغاليه بنت الغالي
عبير:الله يبارك بعمرك اخوي
سعود:يالله نطلع
سعد:يالله(مااوصيك فراس الله الله بدلع)وشوشه باذنه
سعود:فراس دلع وداعتك وبامانتك(وشوش دلع طاوعيه بكل شي يبيه مابغاه يشتكي منك)مع السلامه
اخوان دلع:الف مبروك والله يسعدكم
يالله بنمشي حنا مع السلامه
دلع::sly:
فراس::icon26::dunno:
عبير:فراس ماوصيك بدلع وتراهي لسا صغيره على الزواج واي تصرف منها ماله داعي يدري فيه ابوها
فراس يمه دلع ماتدري عن المعاشرة الزوجيه واتمنى يولدي لو تخليها من المعاشرة الين تكبر شوي
ولا تظلمها يولدي الله يخليك
فراس:ان شاء الله خالتي
رن-رن-رن
فراس:هلا ياسر
ياسر:يقول ابوي افتتحوا البوفيه واطلعو روحوا الفندق عشاكم هناك بالجناح
فراس:مانت رايح ولا العيال
ياسر:بلا بنلحقك بسياراتنا ومروان بيسوقكم
فراس :زين
يمه ابوي يقول نفتح البوفيه ونطلع
دلال:يالله توكل على الله وزي ما وصيتك
فراس:زين يمه
عبير:خلاص بتطلعون
فراس:ايه خالتي
عبير:اتي موسيقى الزفه
عزفت انغام تمتزج بها الفرحة والحزن والراحه والشعور بالسعادة
واخذ فراس عروسته بيدها ومشى يزفونه القريبات والاهل الى صالة البوفيه العامرة من كل ما لذ وطاب وقطع الكيكة الخاصة بالعروسين وذلك كله مصور بالكميرات
ودع الاهل والاصدقاء العروسين وزفوهم الى ان وصلو الى السيارة المزينه بكل انواع الورد الطبيعي وكل الوانه والسيارات خلفهم تزمر ويغنون الين وصلوا الفندق
فراس:الله يستر من هالليله وش بسوي ياربي مادري وش اقول لها احسن شي اتعشى وانا
دلع:ان شاء الله اموت قبل لادخل الفندق عشان ينقهرون وينحرون
ياسر :يالله فراس وصل العروسه الغرفه وحنا بنروح اذا بغيت شي كلمني
وخلك رجل لاتاذي بنت الناس
فراس :زين
يالله امشي نطلع فوق

دلع:قلبها يرجف من الخوف بس الدموع جفت وهي فعلا ما تدري عن الزواج والمزاوجه ولا على بالها هالشي
فراس:تفضلي ادخلي
دلع:تمشي وتجلس على الكنبه
السيرفس:جاب العشاء الفاخر من كل مالذ وطاب
فراس:سكر الباب ودخل

ومن هنا تبدء حياة جديده في حياتهما ويتبع لذلك بقيه اذا تبون اكمل كملت واذا ما تبون خلاااص تعبت:bye1:

 

[ذوق رفيع]

مشكورة قلبي على القصة..مرة حلوة..
ياليت تكملينها بأقرب وقت..