المكياج يقبحني

[قطوة صغيره]

السلام عليكم


انا مشكلتي مع المكياج اذا احدد عيني ولا احط فوق عيني اي شدو اصير كريها مادري ليش؟؟!! لاكن اذا احط كريم اساس ومسكرى وبلاشر وروج فاتح يطلع شكلي اوكي بس لو احاول اغير واحط ميكب عدل يصير شكلي كبير وسخيف مادري ليش....الكل حس هل شي
يعني لو عندي عرس او مناسبة ماقدر احط ميك اب لانه ماحس بالرضا اتجاه مظهري...ابي اسال خبيرات التجميل عن هل شي...

واتمنى ماتحسون سؤالي سخيف​

 

[فرنسا الخليج]

السلام عليكم

انه احط مكياج الكل يصير حلو بالمكياج, يعني يمكن انتي اللي تحطينه بطريقة مو صحيحة

او لما احد يحط لج مكياج يكون ثقيل وما يناسبج اختاري البسيط واهم شي تعرفين ترسمين الكحل عدل

ماادري شنو السبب يعتمد على رسمة عينج اذا كانت كبيرة او صغيرة و لون بشرتك بعد

اذا كنتي بيضة حطي لج الالون : الخوخي والوردي البنفسجي الفاتح والاضاءات اللؤلؤية

واذا حابة تجربين مكياجي حاضرة ,, تشوقت احط لج مكياج , ابي اشوف تصيرين كريهة على يدي بعد .

انه متأكدة بتصيرين حلوة بس لازم مكياج يكون صح.

تحياتي

 

[جنة أمل]

يمكن الطريقة اللي تعملين فيها المكياج تكون مش صحيحة... عندي فكره، ليش ما تحاولين تتعلمين على يد وحده يكون مكياجها مرتب؟ مثلا تقدرين تروحين لمحلات مكياج معروفه وتقولين للي تبيع (إذا كانت حاطة مكياج مرتب على وجهها) أنها تعلمك طريقتها من الألف للياء شرط أنك تشترين منها كل الأشياء اللي تستخدمها وقت ما تعلمك المكياج.
وترى في أساسيات قبل لا تسوين المكياج، مثلا أنك تعتنين بالبشرة يوميا، وهذا ينعكس على المكياج اللي تحطينه، لأن إذا البشرة مترهله وباين عليها التعب ما راح يعطي المكياج نتيجة طيبه كثير. إسألي اللي تعرفين أنها خبيرة بالمكياج لما تجين تشترين الأدوات من عندها، وخليها تعلمك إن أمكن والله يوفقك.

 

[جنة أمل]

فيه شيء بعد نسيت أقوله... شكل الحواجب ونظافة الوجه (ما فيه شعر في الشنب ولا في الوجه)، وتشقير الوجه، وصبغة الشعر وطريقة الإهتمام به، والعدسات الملونه كلها تلعب دور في إبرازك بشكل أجمل... وأيظا التسريحه وقصة الشعر تخليكي أحيانا تتفاجئين أنه فيكي مواطن جمال ما كنتي منتبها لها.

 

[جنة أمل]

وأيظا رشاقة الجسم تلعب دور في إبراز مواطن جمال عندك.

 

[سلة خوخ]

ههههههههههههههههههههههههههه حبيبتي نعمة من الله انك حلوة بدون مكياج

الناس تحط مكياج مشان تصير احلى
والمكياج اللي بيخليك اقبح ماله داعي


أو يمكن انت حبيبتي ماتعرفي تحطي المكياج اللي يناسبك

 

[اللولو الظبياني]

استشيري خبيرة مكياج احسن