المصروف الشهري للزوجة

[الأمل في الغد]

السلام عليكم ورحمة الله

من خلال وسائل الإعلام وعبر مجتمعنا المحيط يطرق آذاننا شاكين وشاكيات من نكد الحياة الزوجية ، وحينما تفتش في سبب جوهري من أسباب ذلك ، نجد بأن طريقة تعامل الزوج مع الزوجة في المصروف فيه شيء من الإجحاف وسوء التدبير ، وطريقة تعامل الزوجة مع الزوج ينتابه كثرة إلحاح وسوء تعامل ، ولذلك يكون الزوج والزوجة في صراع نفسي متكرر بسبب قلة المادة ، أو الطرق السلبية التي يتعامل بها الزوج والزوجة في طلب وإعطاء المصروف ..

~ الـحــل المــنــاسب ~

..المصروف الثابت الشهري من الزوج للزوجة يحل كثيرا من المشاكل التي تأتي وتتكرر بينهما ، بحيث يكون هناك مبلغ مناسب يتفق عليه الزوجين ، تأخذه الزوجة مباشرة بيدها أو يحول على حسابها الخاص مع نزول الراتب..

السؤال

ما هو أفضل مقدار للمصروف الشهري من خلال تجاربكن؟

وهل يزيد مع زيادة عدد الأولاد؟

مع الشكر والتقدير

 

[ro7 kimo]

موضوع وفكككككككككككككره روعه وهذا الشي الي يجب يتفق عليه اي اثنين بالدنيا​

من ايام الملكه بعد بالنسبه لي اتفقت معه ع بمبلغ معين واحس الاتفاق ع حسب​

ظروف الزوج بشرط خليه يثق ان زوجته ممو مبذره وتعرف تحط الريال وين​

يعني باختصار انا قلت له نحط حساب من غير صراااااااااااف وهالحساب​

نجمع فيه ولو خلص الشهر وبقى شي نحطه فيه مني ومنك​

انا ماراح احط الا مبلغ بسيط مو لشي عشان يثق فيني​

ويثق اني مو مبذره بنفس الوقت انا لعبت ع الحبلين​

واخذت الي ابي دون مششششششششششششششاكل​

وبالنسبه لي مااشوف يزيد مع زياده الاولاد لانه هو المسول
عنهم يزيد مع زيييييييييييياده الراتب والاولاد بعدين عن مصروفي

وانا بعيده ن مصروفهم..

موفقاااااااااااااااااااااااات​

 

[رحـى]

مساكِ ورد وَ ياسمين,,
أعجبني موضوعكِ,و حلكِ المنطقي,,ماشاءالله,,بارك الله فيكِ دوماً,,

السؤال

ما هو أفضل مقدار للمصروف الشهري من خلال تجاربكن؟
ما يكفيها,و يفي بمصروفاتها طوال الشهر,من أساسيات و كماليات,,

وهل يزيد مع زيادة عدد الأولاد؟
لما تحس الملكة إنها محتاجة زيادة لذاتها,تطلبها,,
و بالنسبة للأولاد,لهم مصروفهم و زيادتهم,,

مع الشكر والتقدير
سلمت يمناكِ,,

 

[متزوجه ولكن]

طيب كيف نقنعهم بالمصروف
الي عندي مو مقتنع فييييه ابدا
اذا كنتي محتاجه اشياء ضروريه اطلبي واذا لا ماتاخذي لامصروف ولا غيره هذي وجهة نظره

 

[حنان بس جنان22]

ايه والله شلون نقنع ازواجنا الي مو متعوديين
فكرة حلوة جزاك الله خيرا

 

[الحياهـ ماشيه]

:icon26:~.ليه اللحين مايعطوننا بأنفسهم
غثثثثثا
لازم تطلبي <<<مو متعوودة اطلب
يااااربي يسسسر أموورنا
انا يابناات قرررت ابدآ بالززن من جديد بعد العيد
وطبعا بالمسسسايس
والله يككتب اللي فيه الخير.~:icon26:

 

[سارونه الاموره]

احس اللي يشتكون انه مايعطي زوجات شماليين

انا اللي عندي يموت اترجاه عشان مصروووووووووووووف

وكلها 400 ريال

بس كذا مخ متحجر ترجيني اعطيك وانتظر بعد نزول الراتب 10 ايام

هفففففففففف يقلق حياتي

لا بزنه ولا بشويش!

وكل شهر نتهاوش على هالمصروف !

 

[نقااء الثلج]

انا اول ما تزوجنا ما كان بعطيني فطلبت منه وربي كنت مستحيه سالني انتي ناقصك شي قلت لا بس احب لما اطلع مع صديقاتي او خواااتي اصرف من مصرووفي الخاص ما ابي كل يوم اجي اطلب فلوس احسن انك تخصص لي مصروف كل شي وربي عطاني على طول من كلمته والحين كل شهر لي مصروووفي ولا يزيد مع الزيااده ههههههههههههه

 

[CANDY SWEETNESS]

ما احس يزيد مع الزيادة لانها مالها دخل في الاولاد المصروف حيكون خاص للزوجه
واحس ممكن يكون 10 او 15 في الميه من راتب الزوج

 

[كلي تفائل معاه]

الله يووفق انا من ناحيتي اطلب مصروف شهري بس المشكله احتاااج اشيااااءء واذا قلت ابي فلووس طااري بي بالعجه
الله يعين كل شي غالي
والمصروف الي يعطني بحدود 300 ريال واحس هالااياام يالله تجيب لك تيور وجزمه بس هذا المصروف مايدخل من لوازم البيت بس لي انا..

 

[مجنونه زعلاته]

السؤال

ما هو أفضل مقدار للمصروف الشهري من خلال تجاربكن؟
ما يكفيها,و يفي بمصروفاتها طوال الشهر,من أساسيات و كماليات,,

وهل يزيد مع زيادة عدد الأولاد؟
لما تحس الملكة إنها محتاجة زيادة لذاتها,تطلبها,,
و بالنسبة للأولاد,لهم مصروفهم و زيادتهم,,

مع الشكر والتقدير

اشاركها الرأي

 

[amily-30]

آآآخ بس جيتي عالجرح_اذا قلت لزوجي قال والراتب أصلا وين يروح مو يروح لك أنتي وبنتك_مع انه اذا نزلت السوق ما يقصر بس انزل اذا فيه مناسبه _بس ملابس نوم ولبس البيت_تمر شهور مااشتري عشان كذا نفسيتي زفت دوم البس له مكرر وبهذا السبب احس ان ما فيه تجديد بحياتي_

 

[انثى نبضها نادر]

موضوعك حلو
يسعدك ربي

 

[زوجة محطمة]

أنا زوجي ما عمره عطاني مصروف ..

اول ايام زواجي كان يستحي .. يشحن جوالي .. يسألني ناقصك شي .. وانا طبعا بحكم ان توني متزوجة ما اقدر أول ايه .. أستحي ..

بس ما عمره عطاني فلوس بايدي أبدا .. ولا يفكر حتى ..

احتاج مشغل .. أو ابي اشحن جوالي .. او اشتري لي قمصان وملابس بيت .. هذا كله مو مهم عنده ..

وطريقته هذي هي اللي تخليني اتمسك بوظيفتي .. لأني احس لو تركتها باحتاج لأهلي ..

 

[سارونه الاموره]

زوجه محطمه الحمدالله انك موظفه ليتني موظفه ماطلبت ريال هههههههههه

يارب اتخرج والوظيفه على طول تناديني

 

[محتاره من امري]

انا كمان مصروف 300 ولكن مايجيب شي داخله جمعيه ب200 و100 مصروف جوال
طبعا الجمعيه اشتريت جوال لانه من ماتزوجت ماعمره فكر يشتري لي جوال
ولاحتى فكر يهديني شي
دايم انا اللي افاجئه بالهدايه
وغير هيك ولا محسسني اني زوجه
ويقووول اللي ما له داعي تدخلي جمعيه ,,, ويعاااارني والله على المصروف

 

[البرنسيسة سارة]

آآآآآآآآآآآآآآآآىه جيتوا على الجرح

مصروفي 300

و200 للجوال

و100

تبقى لي ابي 500 كيف اقنعه ؟؟؟

 

[حرم المليونير]

احيانا ما تنفع فكرة المصروف الشهري

لانه بيعطيك مبلغ معين وانتي تدبري بعمرك

الافضل انهم يتشاركوا

واذا كان الزوج ما يقصر على حرمته بالفلوس اذا طلبت ليش هي تفرض سالفة المصروف

اذا اعطاك فلوس لروحة سوق مثلا وبقي معك منها شي لا تعلميه انه باقي منها شي وشيليه تحتاجيه في وقت ثاني

ولا تقولي استحي اطلبه لانه انتي ملزومة منه لو استحيتي ما بتاخذي شي من حقوقك

( مجرد رأي لا أكثر )

 

[الكووون]

بصراحه موضووووع مررررره مهم بس كيف اقنعه يعطيني مصروف

 

[مجنونه زعلاته]

كلكم تسألون كيف نقنعه نبغى زياده واللي من الاساس مايعطيها ....

نصيحتي كل وحده تشوف نمط زوجها وعلى نمطه تعيش حياتها