المراهق العاشق

[فاتن محمد كرم]

أرجوكم أبي مساعدتكم​

حيرانه
هذي اول مره اكتب فيها موضوع بمنتدى​

ولدي اللي عمره الحين 16 قال لي من قبل سنتين انه يحب وحده يكلمها بالمسنجر (عالنت) طبعا اهو يكلم شباب وبنات من عمره , والحين بعد سنتين احنا حارمينا من الموبايل وقلنا له اذا اجتزت هالمرحله نهديك موبايل , المهم قبل شهرين وبالليل ضبطته يتكلم بموبايل مع صديقه , خذيته منه وقلت اله بعد ما ترجاني اني ماراح اعلم ابوه بس بشرط اهو يعطيه اياه ويقول له اني شريته واتحسفت , طبعا تعذر ووعدني انه يصبر لما ينجح اشتريله واحد , وقبل جم يوم بعز الامتحانات النهائيه ضبطت تحت سريره موبايل ثاني وفيه مسج من وحده وآخر الرساله (أحبك) ​

انا طار عقلي , قال لي انا قايل لج من قبل وانا جاد وابي اتزوجها لما اكبر وانا كلمت أمها , الظاهر من كلامه ان الام حرمت البنت من تلفونها وهددتها وخذته بالسياسه وقالت له انا مثل امك وهذا غلط ومن هالكلام.​

طبعا انا عطيته محاضره بالاخلاق بس احس الولد وايد متعلق فيها بعد يوم ياني وقال لي عالاقل طمنيها انا ليش انقطت عنها​

انا الحين ماخذته بالهدوء لأن الوقت امتحانات , وثانيا ما ادري شسوي اخاف اعصب يسوي شي من وراي​

دقيت عالبنت وكانت خايفه وهم عطيتها محاضره وقلت لها انا مثل امج دقي علي متى ما احتجتي ولا تسوين الخطأ​

انا ماني مقتنعه من اللي قاعد يصير ​

ما ادري منو الجأ له​

وماأبي اكلم احد يعرفه , ينحرج

اللي تعرف بتربية المراهقين اللي معورين روسنا ترد بسرعه​

 

[رحيق]

أسأل الله ان يهدي ابنك وأولاد المسلمين
أكثري من الدعاااء له
.......................

لي عودة اخرى

 

[فاتن محمد كرم]

اشدعوه ولا وحده قالت رايها
ولا وحده تعرف بكيفية التعامل مع المراهق