(( المجلـــــــــــــــس ))

[وحـــدك أبيـــك]

السلام عليكم ورحمة الله وبركاته​

مرحبا بنات .. كيفكوووووون << قلبت شاميه:21:
اول شي احترت وين انزل الموضوع بس اخترت الالعاب والمرح لان اللي بنسويه فيه مرح وضحك وهذا اول موضوع انزله لي
طبعا ماتدرون عن وش اتكلم للحين .. لاتستعجلون جايتكم بالطريق

اليوم جايبه لعبه مو لعبه لعبه بالمعني بس تصير
بنسميها المجلـــس .. يعني دوانيه للهجات الثانيه:22:
بنخليه للسوالف اللي براسها اي سالفه اي شي اللي تبون
تضحكون تلعبون تستعبطون تنكتون تتكلمون بجد مو مشكله كل شي بنقوله بالمجلس
اي وحده فاضه وماعنده شغل تجي وتشرفنا وتسولف<<مع اني اعتقد انكم مادخلتوا منتدى وانتم مشغولين:31:
وكلنا اذان صاغيه طبعا عادي اقطع سالفتكم واقول سالفتي مو مشكله بكيفي مجلسنا:20: عاد معروفات الحريم مافيه اكثر من سوالفهن:31:​

اتمنى تتفاعلون مع .... المجلـــــس ....

 

[عاشقة البحرzhd]

أوووكي يالله انا بأبدأ
السلام عليكم ورحمة الله وبركاته
اخبارك وش جديدك وش اخر موقف صار لك << لقافه حريم << :31::31::31::31:
للي بعدي او صاحبة الموضوع ترد ..:9:انتظرها

 

[وحـــدك أبيـــك]

هلا والله عاشقة البحر كيفك انشاءالله تمام

والله انقطعت لي ثلاث ايام << صرت انام بدري ماشاءالله علي عشان كذا مادخلت
والعذر والسموحه منكم عدي اشوفكم تقولون هذي بس نزلت الموضوع وانحاشت
لاتخافون قاعده على قلوبكم ماني رايحه لايكون عندكم اعتراض لاسمح الله

اما اخر موقف صارلي اممممممممممم
والله يالغلا مافيه مواقف صارت روتيني اليومي عادي قلق في قلق وبس
خلينا انتي وش جديدك ؟؟ اتحفينا​

 

[قمر بلامنازع]

مافي شيء جديد قاعدة في البيت واخواتي سافرو
كيد خوات ... ​

كيف كانت اخر مناسبه لكم ؟..​

 

[وحـــدك أبيـــك]

اخر مناسببببه اممم والله ماشي حاله
بس الحين لاهين اعوذ بالله عقب 15 يوم زواج بنت عمي مختبين
تعرفون عاد خبت العروس وقت اختبارات وحوسه وشتاء الله يعين
شكلي بروح وانا لابسه فروه ههههههه
والا شرايكن

 

[قمر بلامنازع]

هههههههههههههههههه والله شي فله .. وحماس فروو في موديلات جديده هههههههههههههه بالفرووو

استعديتي نفسياا لهذي المناسبه .. ولا عادي ؟..​

 

[هدواء المطر]

سلااااااااااااام ايش الموضوع الجميل ذا

هاااه من عندهم عرس تعزمن ترا عاتي<<ماشيه مع العالم خخخخ

كيفكـــم صبيااا....؟؟

 

[نوني.]

تـمـاـمـ أـنـاـ ........,.,.,.,,,,,,,,,

 

[خارج السرب]

اهلا بنااااات

لعبه حلوووووه
بس مافهمتها هههه ياليت توضحون اكثررررر

يعطيك العافيه

 

[وحـــدك أبيـــك]

هلا والله << اي موديلات جديده بالفرو من جدك انا جايبه فروت البر هي اللي تدفي ببرد حايل
ويابنات الحاضر تعلم الغايب ترى كلكن معزومات للعرس هاه مو تقولون ماعزمتي


اما اللعبه ياصبايا ياحلوات مو لعبه اللي عندها سالفه وتبي تسولف او تبي تقول اي شي لو شي سخيف تجي وتسولف واذا تبين تتعلمين القرائه والكتابه بعد عادي ادخلي وخربطي واطلعي
بس هذا هي اللعبه سهله سوالف<<< وش الصعب بالسوالف ؟؟

 

[خارج السرب]

اهااااا مشكووووره عالتوضيح
ومافيه شي صعب بالسوالف غير الاختبارات النهائيه ههههههههه
طيب بتروحين اليوووم مكان

 

[وحـــدك أبيـــك]

لا وين نروح مكان ..
ابتلشنا بالمدارس ماغير محشورين مع اللي يدرسون لانروح ولا نجي
الله يعين هم يختبرون وحنى ننحشر غش مو عدل​

 

[خارج السرب]

لا غش ولا شي هههههههههه
بالعكس تغيير اجواء عن قبل
احب جوووو الاختبارات
احس ودي ادلع احد عنده اختبارات بس ماعندي احد يختبر بنوووب
طيب وش تسوووين للي يختبرون فالبيت

 

[وحـــدك أبيـــك]

اما وش اسوي ... اقهرهم اني متخرجه ومعطله وهم يدرسوون
وكل شوي ازن عليهم يالله الكتب تنتظركن
ولا اذا ماشفتهن يدرسن اقعد ارسلهن بالبيت قومي اكنسي ماتدرسين خلينا نستفيد منك
بدال قعدتك لا شغل ولا مشغله
واذا جن بيطلعن من البيت للمدرسه اغني لهن مع السلامه

حسيت اني نذله شويتين هههههههههههههه

 

[خارج السرب]

للامانه مو شويتين الا شي وشويات ههههههههه
بالعكس لما كنا نختبر انا وخواتي كن الجووو جووو دللللع بمعنى الكلمه ههههه ماودك تنتهي الاختبارات من الدلع هههههه عشان كذا بجد ودي ادلع احد عنده اختبارات
ماودك تتوظفين

 

[وحـــدك أبيـــك]

يمكن جوك غير جونا عشان كذا تبين تدلعين
حنا جونا واحد يدف الثاني

يوووه يالوظيفه لاتطرينه ابكي لك
ماخليت مكان بنك الا ورزيت وجهي له تخصصي محاسبة بنوك
وكل ماروح يقولون خير انشاءالله
واخرتها يقول مدير واحد من البنوك اذا معكم واسطه الحين تتوظفين مامعك توكلي
وتخبرين الواسطات مقطعتن انا
الا انتي وش متخرجه وقاعده ليه ؟؟

 

[خارج السرب]

متخرررجه كلية تربيه
وقاعده عشان اسباب كثيره
رغم ان الوظيفه مررره متوفره بديرتي كثير
بس مو متحسفه كثير ههههه
احيان ودي اتوظف سنتين ثلاث بس واقعد بالبيت بس بعدين اخاف تغرني الفلووس وابتل موظفه هههه
وش يهمك اكثر تتوظفي عشان الراتب ولا عشان تطلعين من البيت ولا عشان ودك تسوين شي مفيد

 

[وحـــدك أبيـــك]

بصراحه كلهن
يهمني يكون لي دور بالمجتمع اساهم فيه لو شي سخيف
ومنها تغيير جو عن قعدت البيت
ويهمني الراتب الثابت

 

[تويتر]

سلام عادي اطب معكوم وقهووه علي والحلى عليكوم وذا يس نبي نتعررف لاعلى بعض اكثرررررر:33:

 

[بنت بعشر رجال]

بقطع سوالفكم هههههه
كيفكم وش اخر اخباركم
انا بالنسبه لي توي اخر سنا بالجامعه وعندي امل اني القا وظيهف يارب
متزوجه وعندي اطفال ومليت من الجلسه بالبيت ورتين بروتين