اللي من القصيم تدخل الله ينولها ماتمنى تكفون

[انثى مغرورة]

السلام عليكم
حبيباتي انا على وجة ولادة وطبعا الولادة الثانية
حبيت اسالكم من تعرف دكتورة توليد بمستشفى الوفاء بعنيزة ممتازة؟
انا بالولادة الاولى ولدتني ناهد ممتازة مررررره بس استقالت
والحين خايفة ماعرف احد هناك غير ناهد ياليت اللي تعرف تخبرني ولها دعوة من قلب
وتذكروا من فرج عن اخيه كربه من كرب الدنيا فرج الله عنه كربه من كرب يوم القيامه
واللي جربت القصيم الطبي ياليت تخبرني عنه وعن خدماته والدكتورة اللي جربتها ةهل هي ممتازة او لا
ادري طولت عليكم بس تكفون ردو علي الله يجزاكم خير

 

[حبيبة روحها]

ماعدي فكرة لاني مو من القصيم انشاءلله يفيدونك البنات يالغلا والله يهون عليك

 

[انوووشا]

حبيبتي الله يسهل عليك ولادتك ويقومك بالسلامه انشاء الله
انا ما انصحك بالوفا لن معاملتهم للمريضه مره تغيرت لان عليهم زحمه وخالتي ولدة عندهم
قبل كم شهر قيصريه وخياطه الجرح كانت زفت وجاها صديد بالجرح
والوطني حماتي ومرت خالي كلهم والدين فيه مره يمدحونه ولا اعرفلااسامي دكاترتهم
اتمني البنات يفيدونك بالاسامي

 

[انثى مغرورة]

مشكورة ياقلبلي انوشاا

ياليت البنات يفيدوني

 

[انثى مغرورة]

وش دعوى معقوله كل اللي دخلو مايعرفون

 

[صمـــت]

أنا مو من القصيم بس لي أهل هناكـ عموما زوجة عمي ماتولد إلا بالفريح
وثلاث من معارفي والدين بالحبيب يقولون المعاملة وكل شيء وااااو بس أرخي جيبك
وفيه بعضهم بمستشفى الولادة إذا أخذتي جناح خاص بتكون لكـ معاملة خاصة
وبسسسسس هذا اللي أعرفه ما بغيت أدخل وما أخبرك باللي عندي

 

[انثى مغرورة]

يعطيك العافيه صمت الله يجزاك خير
بس المشكلة بالفريح اني سمعت كذا وحده تموت به بسبب عدم ا
الاهتمام
والحبيب كل الحالات اللي عنده عملية بنت خالي راحت له كان الرحم تسعه سم وولدوها قيصريه من كثر الزحمه اللي عندهم

 

[بنت العز44]

انا والده بالحبيب

صراحه رووعه قليل فيهم

اللي ولدتني دكتوره زبيده وشازيه

 

[فوفو الشرقية]

اهلا وسهلا اختي
مستشفى الوفاء مااعرف كثير فيه
وانا ان شاء الله رايحة القصيم الوطني
زميلتي ولدت فيه مررررررررة حلو اهتمام
وعندهم الدكتورة السودانية يمدحونها

 

[خطاك يغير غلاك]

وعليكم السلام..
الوفاء للأمانه مو مثل اول التعامل اكس
وثاني شي مايتعاملو الا باالعمليات
بس انا اراجع عندهم للأسف
بس مأضن اولد فيه لانو اخاف يسوو عمليه
المهم عندك علاء حلو تعاملها وسمينه بعد
بس ابعدي عن ليلى..
الله يسهل علينا وعليك

 

[حبيبي عصومي]

اهلين اختي الله يهون عليك

صراحه فريح ازين فيه الدكتوره نوال مره ممتازه00

 

[ياعاشقه الورد]

انا ولدتفي الملك سعود والصراحه ماقصرو اخلاق وبالهم طويل ماشاء الله
بالنسبه للقصيم الوطني كثير مدحو فيه
الله يسهل امورك

 

[زمن العمر]

يا ناس خوفتوني من الوفا انا ناوية اولد فيه
زين انكم نبهتوني والله احنا الحوامل الله يعظم اجرنا على هالمستشفيات
ويسهل ولاداتنا