اللي زوجها غامض وقدرت تتعايش معه تسااااعدني بليييز

[قويه بروحي]

السلام عليكم ورحمة الله وبركاته

كيفكم يابلقيسيات
حبيت اعرض مشكلتي باختصااااااار
انا عمري 26 وزوجي 30 متزوجه من كان عمري 17 عندي 3 اطفال
حلوووه واحتماااعيه احب المزح وجلسات الوناسه والكشخه
مشكلتي مع زوجي انه صامت وغامض لابعد الحدوود لدرجة اني معه من 9سنوات ولحد اللحين
مااعرف له
اقول لكم سلبياته مايجلس باالبيت عنده استراحه له ولصديق واحد فقط يجلس فيها معظم وقته
ولا يمر يووم مايرووح لها لدرجة لويكون عندنا ضيوف يطلع لها بعد مايرووحون
كثير السهر بشكل ماتتصورووون يفرح كثييير اذا رحت لهلي لان اهلي بمنطقه ثانيه
مايسووولف ابد مايحب يقوول كلام حلووو وهذاء اللي قاهرني وربي قلهرني بقوووه اقوله كلام
حلووو وكاني اقوله للجدراان
مررره سالته ليه ماتقول كلام حلووو عصب علي وقال انا مااحب هاالكلام بعدين قلت له طيب
تحبني اقوله لك قال بكيفك
واكثر مشاكلنا على اشياء ماتسوى بس نجلس مانكلم بعض اسبوعين ثلاثه
ماادري وشلوون اتعامل معه لاني جربت كل شي مانفع من ارضاءه وهجرااانه

بس بليييييز بنات اللي جربت او عندها حل لها النوعيه من الرجال تفيدني
ومالي عن اللي كاتبه ربي لي

​

 

[داليااا]

السلام عليكم ورحمة الله وبركاته
وبعد اخيه نصيحتي لك الصبر وما عليكي الا ان تسايريه ولا تساليه هو يحبك ابدا لان حبه لك يبين من من عطائه ومعاملته لك وبقولك حاجه حاولي تشوفي مفتاح زوجك لان لكل واحد منا مفتاح وجربي والله ييسر لك اختي
والله يهديه لك ولاتنسي دعاء اخر الليل فهو العلاج المضمون ولكي مني شكري وتقديري اختك دلوي...........

 

[دعج الاعيان]

والله ياختي عندي وعندك خير نفففس الشي صبرت وصبرت لكن بعدين والله تعبت

 

[دموعي شي معتاده]

هههههههه ذكرتيني بزوجي ايام الخطوبه
خبرك اختك متعوده على الهذره وقلت جى اللي بيمعني من دون
مايسكر اذونه وبسمع منه احلى الكلام والسواليف
ولما جلست انا وياه كأني جالسه مع اطرم

دخلت على اختي ودموعي اربع اربع اقولها قومي شوفي اللي مزوجيني
سااااااااااااااااااااااكت كيف بعيش معه لالالالالالالالالالالالالالالالا
ماابيه وصيااح المهم قالت اختي بدخل واشوفه تغطت ودخلت
وقالت بعد مادخلت صح كيف بتعيشين معه ؟؟
الله يعينك وزادت الطييييييين بله
وطول وقت الخطوبه وانا رافضته
بس من كثر هذرتي تدرين
صاااااااااار العكس
هو يسولف وانا اسكته >>>>>>>> خخخخخخخخخخخخخخخخخ
هذري عليه واذا صد روحي جهته وكلميه عن الاشياء اللي يحبها
هذري وهذري لين يصدع ويتعود

الله يسخره لك يارب

 

[دموعي شي معتاده]

نسيت اقولك
اللحين عودت زوجي على السكوت وانه يطلع
عشان افتك منه وافضى لنفسي

انتي الهي واشفلي نفسك عنه دام هذا طبعه

 

[قويه بروحي]

داليااا دعج الاعيان دموعي شي معتاده

جزاكم الله خيرا ومشكورين على الردووود

 

[اصالة زوجة]

نفس الشئ ربي يصبرنا

 

[الظروف ضدي]

انا نفسك لي 5سنوات متزوجه وزوجي جدا صامت وغااامض لابعد حد ,, تخيلي انا اجتماعيه ومن جلس معي مايمل مني ومن سواليفي ,, بس اللي عندي ابدا عادي عنده اسولف عليه اولا ,, صرت اشك ان سواليفي ماتعجبه من صمته واهتزت ثقتي بنفسي من غمووضة ,, مدري زعلان والا رااضي علي , تعبت معه ,, بس احاول اتاقلم مع طبعه ,,والحمدلله على كل حااال ,,ونفسك ياقلبي كلاام حلو مااسمعه وانا اغدق عليه من الكلام الحلو ,,ويحب اني انااام عند اهلي ,, عادي عنده ,, ااه وهو لاحياة لمن تنادي ,,بس مافي احد مرتاااح صدقيني ,, اذا كان تعامله معاك كويس ومع الاولاد ويحترمك ويلبي طلبااتك ,, هذي بحد ذاااتها نعمه تشكرين الله عليهاا ,, تتوقعين البيوت كلها مستمره بالحب لااااا ياما بيوت عايشه بعذااب وصااابره ,, واحنا مالنا الا الظاااهر ,, ادعي الله فانه اعلم بحالنا من البشرر وارحم منهم ,, الله يسخر لنا ازواجنا ويصب حبنا في قلوبهم ويردهم ردا جميلا ,, اسفه طولت عليك ,, بس لما شفت موضوعك جاء على الجررح ,,

 

[am lamo]

اختي استغفري وراح تلاقين العجب (من لزم الاستغفار كان له من كل ضيق فرجا ومن كل هم مخرجا)​

 

[hadifa]

عامليه بالمثل ولا تتضايقي أغلب الرجال هذا حالهم ​

 

[نورأيامي]

نفس الشي انا الحل هو التجاهل الانشغال عنه

 

[تشكرات]

عامليه بالمثل ولا تتضايقي أغلب الرجال هذا حالهم ​

نفس رأي أختــي هادفا بارك الله فيها ..

هــادفا تعجبــني ردودك المختــصره والمفيـــده ..الله يسعدك ..

فعلآ خيـــر الكلام مــا قلّ ودلّ ...

 

[الناصحه الامينه]

تقريبا والله اعلم زوجك شرقي نمطه
لذلك يصلح لك تطلعين على ملف الشرقي للحالمه
تابعي معهم
وتاكدى ممكن يكون ماهو شرقي اذا عرفتي النمط يسهل عليك التقرب اليه وتجنب مضايقته

ويالتوفيق

 

[مجرد انثى حالمه]

الصبر هو افضل وسيله

 

[مجرد انثى حالمه]

او طنشيه ولا تعبريه واعتبريه كانه مو موجووووووووووووووووود

 

[قويه بروحي]

اشكر كل اخواتي اللي ردوا علي
من جد بردتوا علي
تسلمووووون حبايبي

 

[نسايم ربيع]

حياتي اشوف زوجك نعمه
لاني جربت والدي الله يحفظه مايتكلم ولا يعبر عن شعوره
بس يعبر عن حبه لنا بالافعال وتوفير طلباتنا
وامي كانت تزعل من سكوته
الحين شفت زوجي بس يتكلم وكلامه كله تعليمات او توجيهااات
يازين الوالد بس والرجل الصامت نعمه افضل من الثرثار
وكمان برايي حلو انه مايلزقلق بالبيت ويخرج
لك وقت تشغلي فيه نفسك بنفسك وامورك وهواياتك
اقبلي زوجك كما هو
ولا تجعليه شغلك او اكبر همك

 

[أختكم المسلمة]

كلنا على نفس الحال
الله يصبر جميع المسلمات

 

[قمر بعيونه]

نفس اللي عندي وبعدين حبيبتي اشغلي نفسك واطلعي واستانسي وعيشي حياتك الحياة ما وقفت عندهم نمي مواهبك وطوريها وقومي بواجباتك على اكمل وجهه بعضهم في البيت عالصامت ومع اصدقائه يوصل ضحكه للشارع

 

[ام مودي ولودي]

سبحانالله نفس زوجي صامت مايتكلم ابد بس خليه يكلم اصدقاءه يطلع كل الكلام والضحك وانا اجلس معه مثل الصنم اما على الايفون ولا الابتوب حاسه اني طفشانه منه الله يصبرني عليه ليته يسولف معي مانبي كلام حلو لانه من المستحيلات وزياده انا بعيده عن اهلي مااشوف احد مقابله الجدران واعتبره واحد من الجدران