اللي درست وتخصصت رياض أطفاااال تدخل الله يسخر لها كلللل خلقه

[بالاحلام]

السلام عليكم خواتي
وش أخباركم ؟
يابنات الله يخلي لكم من تحبووون أبي مساعدتكم
انا ودي أكمل دراستي وبعد انقطاااع عن الدراسة لمدة 15سنة نسيت فيها كل شيء عن المدارس

والأنظمة اللحين أتغيرت وتبدلت كل الأمور وأحسها تسهلت عن دراستنا أول !
المهم أنا معي دبلوم وأعمل كاتبة وودي أكمل جامعة أو كلية عشان يرفعوا مستواي لأني على المستوى الأول يعني راتبي يادوبك يكمل 4000والصراحة يروح كلياته وأحيانا ما يوفي بعض أغراضي وأغراض أولادي الله يحفظهم وودي بتخصص رياض أطفال وودي أشوف وين الأقي هالتخصص بأي جامعة؟
واللي درسوووه يساعدوني بكيفية دراسته وهل هيا صعبة وأيش المواد اللي ممكن تدخل فيييه ؟
يعني كله آربك والأفيه أنجلش يعني بدي التفاصيييل المملة عنه؟
لأني خايفة أفشل في أكمال الدراسة وخاصة أني مو فاضيييه أبدا مابين أشغال المدرسة الى أشغال البيت والأولاد اللي ماتخلص الله يعيننا ويأجرنا على هالتعب
فأرجوكم وسألتكم بالله ماتطنشون أستفساراتي وتعلموني وتشجعوني لأني موذاك الزود بالدراسة بسسس حاجتي خلتني أفكر بمواصلة الدراسة
وكمان اللي تعرف شيء عن الجامعة المفتوحة تدلنا أذا بيها هالتخصص وألا لا؟ الله يجزاكم كل خييير ويسسسر رزقي ورزقكم ويفتح لنا أبوابه أجمعيييين آمييييييين

 

[ملح الصبايا]

هلا يالغاليه انا خريجه رياض اطفال من جامعه الملك سعود
وفيه بعد هالتخصص في جامعه الاميره نوره والتخصص حلووو بس فيه شغل
والله يوفقك يارب

 

[دونات666]

بل توكلي على الله وكملي ..ليش التفكير هذا كله وانك نسيتي كل شي عن الدراسه .بالعكس انت الان تحملين الكثير من الحماس بسارعي والتحقي بتخصص الذي تميلين إليه

وان شاء الله ستجدين الابواب تفتح في وجهك ..

واعرف كثير كملوا بعد انقطاع اكثر منك وماشاء الله الان موظفات لكن كنّ يتميزن بقوة الأراده والصبر والاصرار على وصول الهدف.

مع تمنياتي لك بالتوفيق

 

[نحو المستقبل]

في الجامعات الحكومية ما اتوقع راح يقبلونك ابدا
امما الجامعات الاخرى الاهلية فاكيد راح يقبلونك بس ما ادري عن التخصصه الي انتي تبينه هل في جامعه اهليه موجود فيها هالقسم

 

[بالاحلام]

رررررررفع

 

[أنا شئ]

أنا دارسه رياض اطفال جامعة الملك سعود حلو وممتع وكله عربي تقريبا ودراسته سهله بس فبه تطبيق واعمال يدويه وابحاث كثير يعني الشغل والاعمال والبحث اكثر من الامتحانات والمذاكره