اللي تشور علي والله لادعو لها بصلاتي

[سه سه]

انا متزوجه من 6 سنوات وانا كله في مشاكل معاه انا كتبت المشكله باتفاصيل لكن للاسف الموضوع مانزل المشكله انه زوجي مسافر مع ابوه لدوله اوروبيه للعلاج بعد شهررجع اهو واخوه لانه اخوه كانو بيراجعون فيه المهم اكتشف انه الفيزا مشقوقه من الجواز افتكر اني انا وحلفت له اني مو انا بس ضل اسبوع يبات برا البيت بعد الاسبوعوداني بيت اهلي باسلب خديعه قالي قومي نتفاهم برا وكذب وداني بيت اهلي وبعد يومين جاب اغراض بنتي على باب بيت اهلي ولا تنزل يدق الباب او تليفون اخوي لما جا من برا البيت شاف الشنطه على الباب وعصب وسكتنا والحين صار ليتقريبا48 يوم لاسؤال ولا اتصال حتى بالعيد مافكر يجي يعايد على بنته الحين اهلي يقولون مايصير نخليج جذي مو على كيفه يا اما يحترم نفسه او انه يطلق وانا مو عارفه مو حابه اندق على اهله المفروض اهله اللي يدقون تكفوون شورو علي

 

[ام احلى بنت]

انا اشوف انك تخلين اهلك يتصرفون هم ادرى بمصلحتك
ماله داعي من حلف بالله فصدقوه
وهو مكذبك الله يصلحه

 

[راما فلسطين]

الله يفرج همك
بس ما فيها شي لو اهلك اتصلوا عليه
وان شاء الله ربنا يجبلك اللي فيه الخير​

 

[moon mode]

الله يفرج همك وعليك بالاستغفار وإن الله تنفرج كربتك

 

[صفحة جديدة]

حبيبتي انا من رايي مافيها شي لو اهلك كلمو اهله
او انتي تكلمين امه اذا تمونين عليها او اي وحدة من خواته قريبه شوي منك
لأن في رجل ينتظر انك تبتدي الخطوة الأولى وهو يكمل الباقي((يعني عزة نفس زااااايدة))
ولو ما بتديتي الخطوة الأولى عمره ماراح يبتدي ويعتبر انك تبي تكسري راسه مع انه هو الغلطان بس هذي الرجاجيل الله يعينا عليهم
ادعي لي حبيبتي الله يسخر زوجي ويبني لي بقلبه صروح العشق
ويكفيني شر اعدائي ويرد كيدهم في نحرهم

 

[كلي احساس وحلا]

السلام عليكم ورحمة الله وبركاته

الله يعينك ويفرج همك ويفك كربتك.. اكثري من الاستغفار 1000 مرة باليوم فوائده عجيبه..

دعواتج ان الله يسعدني مع زوجي...

 

[جرح الشوق]

اهلك ان شاء الله بيحلو مشكلتك لان زوجك يبيله تربيه ع سواته

 

[بنوتة بلادي]

بصراحه حركة زوجج غريييييييييييييييييبه... هذي حبيبتي الرياييل يتفاهمون فيها...و احنا الحريم نوقف بعيد و نشوف بس.... لأن حركة الشنطه عند الباب مب هينه....

الله يسهل أمورج

 

[غزال الفي]

سه سه اختي

الله يكون في عونك يارب ويرزقك الاجر العظيم على هالابتلاء


بصراحة زوجك بكل أسف مو كفوو ولا يستاهلك
ولا هو قد الزواج والمسؤولية والدليل مشاكلك معه خلال سنوات ارتباطكم

شوفي يالغلا

اما الوالدة تكلم امه
او الوالد يكلم حد من عايلته ويتوفر فيه صفة العقل
ان الوضع معلق بهالطريقه ماهو من صالح الجميع

والله يكتب لك اللى فيه الخير

وانتي يااختي لاتنسي صلاة الليل والدعاء
واستخيري لو شايفه طلب الطلاق هو الحل
خلاص يااختي توكلي على الله وخلو الموضوع ينتهي بشكل ودي

 

[الملكة ع]

هالنوع من الازواج مستهتر
وقد يكون شافك طيبة وايد معه واهلك ناس طيبين واصحاب خير وما يحبوا المشاكل
فبيستغل نقطة ضعفكم

بكل هدوء واحد من اهلك يكون رجل حكيم ويعرف يتصرف يتصل فيه يقوله تعال نتفاهم ويجيكم البيت ويساله عن التفاصيل وشو السبب

واذا اعتذر وناوي يرجع انا في رأيي ما ترجعي الا وراد لك كرامتك يعني يعوضك بشي

مو معقولة يخليك اكثر من شهر ويوصلك بطريقة الغدر والخديعة وبعد بنته لا زارها وما ادري اذا رسلت لها مصروف اولا

الله يهديه ويصلح باله

عليك بالدعاء والاستغفار وان شاء الله يستحي على دمه ويردلك وهو نادم ويعوضك

انا ما بشجعك عالطلاق لاسمح الله

الله لا يجيبه صوبك بس لكل وحدة كرامتها ولازم يحفظ لك كرامتك

انتي بنت ناس مش شنطة يشيلها يوصلها بيت اهلها وهي مش عارفة وين رايحة

شو هالنذالة

 

[امل رحيل]

انتي حبيبتي ما غلطتي، لا تحسسي نفسك بالذنب والخوف

لازم حد كبير من اهلك يكلم حد كبير من اهله ويقوله بنتنا ما سوت كذا.. كلام رجال.. يا ابنكم يرجعها او يشوف حل


لا تخسري كرامتك ووكلي امرك لله ولاهلك

الله يريح بالك

 

[أريج الشوق]

شوفي حبيبتي إلي مايحترمك لا تفكري انك ترجعين له لان بيجي يوم الي ما يحسب لك حساب بالمره
شوفي انا اعرف وحده قريبتي طلقها زوجها وهو مسافر وما كلف نفس بتصال حتى ويقول لها انتي طالق شاف اخوها بصدفه وقال خبر أختك انها طالق
جلست قريب 5 أشهر وسدها بعدها حملت منه وماكملت سنه معاه زين حتى ردها لبيت اهلها وقالها أنتي طالق ما اريدك بالمره
بس يفضل قبل إي اتخاذ قرار صلاة الاستخاره استخيري ربك وعسى الله يفرج همك

 

[طيرشلوة]

الله يعينك ويهنيك,,,,,,

اختي انصحك,,,,,,بالاتصال بوالدته اذا كانت العلاقه بينج وبينها,,,,,,ممتازه
تسألينهااا وتشوفين رايها,,,,,,,
وبعدها تخلين ابوج يكلم ابوه او يكلم زوجج,,,,

اما انه تخلينها جذي ووكل هالفتره,,,,,,,مومعقوووله

حتى سكوتج,,,,يبين انه في خطأ منج,,,

والله يهدي النفوس​

 

[أم الدانات]

غاليتي سة سة

غاليتي
الله يكون في عونك وربي معاك ،ويسهلها عليك .......أختى زوجك واللة اعلم شكله متسلط :30:
ويبيله رجال يوقفوة عند حده ،كيف يتجرى يجيب شنطتك لعند البيت ويهجرك ،خليك قوية وعندك كرامة لاترمي حالك وحبذا لو يتدخلو بينكم ناس اهل ثقة ورأى ولهم اهمية عند العائلتين ولاتلومي اخوانك يخافون عليك ويحبوك والله يكتب اللي فية الخير واستعيني بالصبر والصلاة والاستغفار والله يفرج همك .

 

[hadifa]

باعك بيعيه هذا الزوج قليل الأدب الله يكتب ل فيه الخير

خلي أهلك يتصلوا بأهله ولا ترجعي له بالسهولة كوني قوية

والله ينصرك عليه

 

[سه سه]

المشكله انه زوجي طيب كثير مع الناس وخدوم ويضغط على نفسه عشان يرضي الكل بس معاي لا يقولي كل شي بكيفي ان بغيت اطلعكم اولا حتى عالسفر والمشاوير كله يقولي روحي مع اهلج واي مشكله والثانيه روحي بيت اهلج حتى لو السالفه ماتسوى يقلبها علي اتصورو انه بنتي عمرها 6سنوات تنام عالكنبه موراضي ياجر لي شقه عايشه في حمام تحت كرسي الدرج وغرفه وصاله ومطبخ صغير لافيه لا مكي ولامرحه احترتمعاه بالغم انه اهله عندهم شقتين بس ماجرينهم حالتي النفسيه كل مالها وتستاء حتى بولادتي رغم اني والده بعمليه بسبب مشكله صغيره قطني بيت اهلي شهرين ونص ماسال عني ولا عن بنتهوانا من غبائي كنت ادق عليه واسال عنه وهو كان يتمادى

 

[سه سه]

تكفون لا تخلوني محتاره وين الردود تراني معجبه بالمنتدى وبارائكم

 

[سه سه]

ونسيت عن اقول انه داق على زوج اختي قبل اسبوعين يقوله ادب مرتك ولا انا ادبها بالشرطه لانه يقول انها مطلعه عنه كلام وناس قالوله اه حبي الله عليه

 

[جبل مايهزه ريح]

حركته ماهي بسيطه...........قويه


لازم له ردة فعل قويه والله من زماااااان قالوها مايربي الرجال الا الرجال.

 

[wa7da co0ol]

عزيزتي الغالية اذا ماهي اول مرة يوديك بيت اهلك لاتسكتي لاتدقي لا على امه ولا على اخته انت ماغلطتي وهذي بنته ومسؤولة منه

لازم ابوك يتصل ويكون حازم معاه ويقوله انه الرجال مايحل مشاكله مع زوجته بدي الطريقة يوديها بيت اهلها على الطالعة والنازلة ويجيب الشنطة لافيه الخي والله

لازم ابوك يكون شديد معاه عشان يعرف انه وراك احد يوقف بوجهه ومايعيدها

ويقوله اذا حاول يرجعك تاني على غلط تافه يحصل في كل بيت وكل البيوت فيها مشاكل فانه لايحلم يرجعك بعدها

ولازم تحطي شروط للرجوع عشان يتادب ويكون لك بيت لوحدك حرام يخدم الناس

خيركم خيركم لاهله​