اللي أستخدمت شاي قهوة حبوب أي شئ للتخسيس تتكرم وتتدخل

[دوار العسل]

:cupidarrow:
مرحبا بالحلوات

في أي وحده منكن أستخدمت شاي التخسيس القهوة التركية للتخسيس أوالحبوب وخست وصارت حلوة وكل شئ. بس السؤال هنية هل صارت لها مضاعفات هل في وحده من اللي أستخدمت هالأشياء راحت تفحص وضائفها الحيوية ودمها.

يعني معظم أدوات التخسيس اللي الناس جربوها محد خبرنا بعد مضي مثلا 5 سنوات أو أكثر شو صار لهم نتيجة أستخدام هالمواد.


وأيش رأيكن بالقهوة التركية المضاف لها بهارات التخسيس واللي تنقص الوحده 10 كيلو في أسبوعين.

 

[صدى شمر]

بصراحه انا ماخليت شيء واللي جاب فايده معي هو الشاي الاخضر بالنعناع من ليبتون والسكر الخاص بمرضى السكر او اللي يعملون ريجيم وصراحه وزني نزل عليه وانا كرتاحه عليه واللحين ابسوي اي شيء معه علشان انحف بعد ماشيه على ريجيم ونحفت بس يبيله بعد

 

[صدى شمر]

ونسيت لا اقولك كتبت هنا للبنات عن حبوب التنحيف من زين الاتات بس قالو ماجابو فايده كل هالخرابيط خرررطي وانا كنت ناويه اشتريه بس مادري الله يعين

 

[يتيمة اب]

والله انا سمعت عن النسكافه بدون سكر قبل كل وجبه وكثير يمدحوها يقولو تنزل الوزن

 

[دوار العسل]

لا يا بنات أنتو ما فهمتو أيش أنا أقصد..

أنا قصدت أن كل وحده أستخدمت حبوب أو شاي أو قهوة عشان تخس أو عرفت حد أستخدم هالمواد أيش صار لها بعد مضي فترة طويلة . يعني هل في وحده شيكت على نفسها وعلى صحتها لأن من المعروف أن أدوات التخسيس في لها إيجابيات وسلبيات.

 

[ضنين الشوق]

دوار العسل ممكن تقولين للي تبيعين مثل القهوه اةتقدري تساعديني من وين القلى وشكرررراااا

 

[&SooSoo&]

في مثل هذي الاشياء احسن تسألين استشارية تغذيه هي اللي بتعلمك عن المفيد والضار


انا مثلا عندي مشاكل في المعدة ولا تناسبني الاشغال هذي ,يعني ماقدر استمر عليها ,بس عندك الشاي الاخضر كثير من الناس يمدحه في تنزيل الوزن ولا له اضرار على المدى الطويل

او الكمون مع الليمون حلو مرة في تنزيل الوزن ,وايظا ماله اضرار

 

[جراده شياكه]

استخدمت شاهي الرشاقه مرررررررره الله يكرمك اسهال ويجيبلي دوخه بس ما نزل وزني
اعشاب بنت السلطان مررره حلوه نزلت وزني وبعد حبوب زنيكال بس كانت ثقيله على جنوبي مررره ونزلت وزني

 

[جراده شياكه]

نسيت اقولك ان عندي فقر دم حاليا وقفت كل شي خاص بالريجيم