اللولب

[روز..]

السلام عليكم ورحمة الله وبركاته
صبحكم الله بلخير
طبعن بستشيركم باللولب لاني بركب لولب وانا بكر وطفلتي عمرها 4 شهور
هل هو عادي ومايضر وش الافضل اركب بدوره ولا بدون دوره
يلا اجابه سريعه للمجربات فقط؟؟

 

[نقااء الثلج]

ياااقلبي انا ما عندي فكره بس بنت عمتي مركبه لولب بس حملت وهي مركبه لولب انا عن نفسي كنت ابي اركب من اولد بس خفت ما راح اركبه لو شوه ما يصير وانتي سالي البنات اللي مجربين يمكن يفيدونك تقبلي مروري

 

[انتوا سموني]

ليه ماتبين الا المجربات فقط يردون ؟؟؟؟؟ <<<<<<<< خخخخخخخخخخخخ

وش دعوه خلينا نتشارك مع بعض

انا بصراحه ماجربته بس ماعلي منك بأرد عليك

أنا بعد بنت عمي مجربته <<<< وش قصتكم لايكون تعرفون بعض ؟؟؟

بعد ماولدت طفلها الأول

مع انهم ماينصحون به اذا كنتي بكر أو ولدت مولودك الأول

الثاني أو الثالث معليش

لأنه بيضرك

بس الحمدلله هي مالاحظت عليه شي

أيه وحبيت اقولك :

امي جربته كم مره وحملت ............. يعني مو مضمون مثل الحبوب​

 

[قلب مليئ بالحب]

وانا ايضا ماجربته بس برد عليك ههههههههه

الولب الي يحملون وهم مركبينه يكون متحرك عن مكانه عشان كذا يصير حمل

يعني لازم تروحي عند وحده تركبه لك مظبوط

واذكر حماتي تقول انها مركيته في وقت الدوره

 

[أم الهام]

هلا حبيبتي أنا مجربة الولب
تركبية خامس يوم من الدورة بس مرة متعب الم في الضهر والدورة مرة تسير غزيرة
وزوجك ممكن يتضايق منة وممكن كمان مايناسبك ركبتة مرتين ورا بعض ماغير سبب لي
ماشاكل نفسية وتعب وخرجتة وعلي الله
الله يكتب لكي الي فية الخير

 

[الأمل المفقود]

حبيبتي انا مجربته ركبته مرتين حملت ببنتي الاولي وبعدها ع طول الثانيه يمكن مابيهن الا شهور وبعد بنتي الثانيه ركبته وجلست عليه تقريبا نص سنه وبعدين تهاوشنا انا وزوجي وقعدت عند اهلي سنه وفي ذيك السنه نزلته وبعدين رجعت لزوجي ورجعت ركبته من جديد يعني مرتين وراء بعض مابينهم حمل وقعدت عليه سنه وبعدين نزلته وبعد 3 شهور حملت والان بالتاسع
مواصفاته -- افضل مانع للحمل ومايضر مثل الموانع الاخرى لان ماناسبني غيره وكثيير ينصحون فيه وانا اولهم مريح وانا انصحك وبشده فيه لان الموانع الاخرى كلها لها اضرار في المستقبل وخاصة الحبوب اللي كانت بتذبحني
مشكلته الوحيده سببلي التهابات بعد مرور نص سنه من تركيبه وبسسسسسسسس
لكن ماافكر صراحه بغيره اما من ناحية الحمل من وراه نااااااااااااادر جدا جدا وانا سالت دكتوره وامي جربته واختي ماحد حمل من وراه وطبعا انتظر الولاده وان شاء الله راح اركبه استخيري وتوكلي ع الله والله يوفقك يااارب

 

[الدانة مها]

النحشة من اللولب يجيب العقم

 

[fascinating]

انا خواتي ثنينهم مركين والحمدلله مرتآحين معآه ...
وثنتينهنم عندهم بس بيبي..واحد..
وطبعآ وقت الدوره تركيييبه ...
واهو يختلف من وحده لوحده ...بعضهم ما يتقبله جسمهم ...
وبعضهم عآدي وزي الفل ...
اول ما تركبينه الدورره تكووون غزيييره وتطول ...
بس كم شهر وتنتظم ...وتقصر..
والحمد لله للحين ما حملوآ علييه ..
انا شخصيآ حاطته اول اعتبارتي بعد الولاده ان شاء الله ...
افضل من الحبوب ...والتآثيرات الجانبيه قليله مررره ...

 

[*احلام الورود*]

السلام عليكم ورحمه الله وبركاته أنا ركبته 3 مرات وللحين مستعملته في المره الأولى ركبته في مستشفى حكومي ونزل لوحده طبعا سوء تركيب من الدكتوره وبعدين ركبته في مستشفى خاص لمدة سنتين ونصف ونزلته بعد ما خلصت مدته وحملت في بنتي الأخيره وبعد الولاده بشهريين ركبت الثالث لمدة سبع سنين ولحد الحين فيني، الحين لي 5 سنين الدكتوره قالت لي في آخر زياره أحسن نزليه علشان جسمك يرتاح شوي بس أنا متردده، المطلوب منك حبيبتي أنك تركبينه آخر أيام الدوره ولا تجيبينه من الصيدليه لوحدك أستشيري الدكتوره أحسن ولا يوجع تركيبه أبد شوية ألم بسيط ومحتمل جدا وطبعا كل جسم له خصوصيته وأنا أكثر وحده خوافه في الدنيا وحتى لما تنزليه ما يوجع أهم شي النظافه الدوريه بمطهر النساء (الدش المهبلي) مثل بيتادين مره كل أسبوع علشان الإلتهابات وتعملي سونار كل 3 شهور أو 5 شهور علشان تتأكدي من ثباته بمكانه وأشربي مويه قبل عمل السونار، عيوبه بتلاحظين عند الجماع مويه أكثر من المعتاد الدوره في الأشهر الأولى أكثر وأطول لحد ما يتعود الجسم عليه لأنه جسم غريب، مميزاته ترتاحين من بلع الحبوب كل ليله وتأثيراتها على الجسم وأنا ركبته لسببين الأول إني تعبت من الحمل والولاده والثاني لأن فيني الغده الدرقيه والدكتور قال ما يصلح حبوب الغده مع حبوب منع الحمل مع بعض لأنها كلها هرمونات لازم لولب أتمنى أكون أفدتك 0 سبحان الله وبحمده سبحان الله العظيم0

 

[*ملكة الحب*]

حبيبتي الأفضل تركيبه بعد الطفل الثاني​

 

[رقة القـلب]

ماعندي خلفيه بس ماتضر دعوه حلوه ههههه
الله ييسرلك الخير وين ماكان
​

 

[روز..]

مشكوووووووووووورين جميعكم ع التفاعل د
بس عادي بعد البكر اركب

 

[أم الحلوتين]

أنا ركبت بعد بكري بسنتين وفكيته وحملت بعد شهر ببنتي الثانية وبعد الولادة ركبته والآن لي سنه و3 شهور والحمدلله مناسبني جداً ولاسبب أاي مشاكل بس أول ماركبته كان يتضايق منه زوجي كان قريب من عنق الرحم وحاد شوي وقالت الدكتورة اصبري بعدين هو يرتفع من نفسه وفعلاً ارتفع من نفسه وارتحت
وبالبدايه بتكون الدورة كثيرة والأيام طويلة بع 3 شهور ترجع لطبيعتها هذا النوع العادي
أما الهرموني ماجربته بس هو يمنع الدورة ماتجيك وبنت عمي ركبته مزعجها حكاية وقت الدورة ينزل معها نقط ماتدري هي تصلي ولا لا هذا االي متعبها منه وخالتي مركبه العادي وأول ماتفكه تحمل معها الحين ثلاثة ماشاء الله ومناسب لها
أتمنى افدتك وجاهزة لاستفساراتك خيتو ,,

 

[روز..]

شووووووووكرن ياام الحلوتين فديتك طمنتيني

 

[gomar walla]

انا جربت اللولب كمان ركبته 4 سنوات ونص
اللولب حيل مريح ماتشيلي هم الحبوب زي ماقالو الاخوات
بس عيبه الالم الشديد اثناء الدوره اذا كانت دورتك غزيره اصلا رح تزيد مع اللولب
يعني وقت الدوره ريحي عمرك واخذي بنادول لازم لان التقلصات الزايده هي اللي تحرك الولب من مكانه هذا كلام الدكتوره لي
جربت الهرموني بعد العادي على طول
لكنه ماريحني رغم غلاء السعر
الدوره بالعادي 5 ايام فقط
بالهرموني 12 يوم تقريبا كل يوم نقطتين تالي يوقف يوم تالي يرجع ينزل من جديد شلته بعد 6 شهور
اتمنى افدتك واعتذر عن الاطاله

 

[مهاري*]

اهم شي يوم بتركبينه تسيرين عند دكتورة شاطرة

وايد دكاتره اللي يركبونه بس مب كل دكتورة بتركبلج اللولب مضبوط

اسألي مجربات في بلدج احسن و اذا انتي من الامارات انصحج اتركبينه عند دكتورة اوراس

 

[احسآس عآشقه]

والله ماعندي علم بس نصيحه شوفي اذا جسمك يتقبله ولا لا
بالتوفيق ياقلبي

 

[مذركير]

جارتنا مركبته وتقول حلو لها سنه
وزوجه خالي مركبته ثلاث سنوات
اما انا جربته

 

[الغرام1]

شوفي حبيبتي
االولب لركبتيه ان شاء الله لازم تمانعون بعد سنه كامله تالي لا يصير طبيعي هذا اللي سمعته من امي
واختي لان مايثبت الا بعد سنه من تركيبه فااحتمال يكون فيه حمل
وانا وودي اركب بس زوجي مو راضي لان من الناحيه الشرعيه كشف عورة مو للضرورة
لان اللي مسموح لها وجائز تركب الولب اللي متعددة الحملات خمس اوسته ورا بعض مو واحد وثنين
اتمنى اني افتدك

 

[روز..]

مشكووووووورين ع المرور